بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

«13 - بەسجىلدىق» جوبا كەزىندەگى مەملەكەتتىڭ عىلىم - تەحنيكالىق جاڭالىق اشۋ جوباسى شىعارىلدى

2016.08.11 10:34    

  شينحۋا اگەنتتىگىنىڭ 8 - تامىزدا بەيجيڭنەن بەرگەن حابارى. مەملەكەتتىك كەڭەستىڭ مەملەكەتتىڭ 22 ءتۇرلى ءتۇيىندى ارناۋلى جوباسىنىڭ ءبىرى «<13 - بەسجىلدىق> جوبا كەزىندەگى مەملەكەتتىڭ عىلىم - تەحنيكالىق جاڭالىق اشۋ جوباسى» 8 - تامىزدا جۇڭگونىڭ ۇكىمەت سايتىندا تولىعىمەن جاريالاندى. جوبادا الداعى 5 جىلداعى مەملەكەتتىڭ عىلىم - تەحنيكالىق جاڭالىق اشۋىنىڭ جەتەكشى يدەياسى، جالپى تالابى، ستراتەگيالىق مىندەتى، رەفورما شارالارى ايقىندالدى.

  جوبادا بىلاي دەپ باسا دارىپتەلدى: جاڭالىق اشۋعا تاباندى بولۋ − دامۋعا جەتەلەيتىن ءبىرىنشى قوزعاۋشى كۇش. جاڭالىق اشۋ ارقىلى دامۋعا دەم بەرۋ ستراتەگياسىن ىشكەرىلەي اتقارۋدى، قامداۋ جاعىنداعى قۇرىلىمدىق رەفورمانى سۇيەۋدى نەگىز ەتىپ، جاسامپاز مەملەكەتتەر قاتارىنا ۋاعىندا قوسىلۋدى قامتاماسىز ەتىپ، دۇنيە جۇزىندەگى عىلىم - تەحنيكاداعى قۇدىرەتتى ەل قۇرىپ شىعۋعا مىعىم نەگىز قالاۋ كەرەك.

  جوبادا كورسەتىلگەن الداعى 5 جىلداعى عىلىم - تەحنيكالىق جاڭالىق اشىپ دامۋ جوسپارىندا، ەلىمىزدىڭ عىلىم - تەحنيكالىق قۋاتى مەن جاڭالىق اشۋ قابىلەتىنىڭ زور دارەجەدە جوعارىلاتىلاتىندىعى ايتىلعان. جوبادا 12 ءتۇرلى باستى كورسەتكىش العا قويىلدى. «الدىڭعى كورسەتكىش − مەملەكەتتىڭ جالپىلىق جاڭالىق اشۋ قابىلەتىن قازىرگى 18 - ورىننان 2020 - جىلى 15 - ورىنعا كوتەرۋ. 15 - ورىن دەگەنىمىز بۇكىل دۇنيە ءجۇزى مويىنداعان جاسامپاز مەملەكەتتەر قاتارىنا وتكەندى كورسەتەدى. بۇدان سىرت، عىلىم - تەحنيكا العاباسارلىعىنا ۇلەس قوسۋ سالىستىرماسى %55.3تەن %60كە جوعارىلاتىلادى، ءبىلىم شوعىرلانعان قىزمەت كورسەتۋ كاسىپتەرىنىڭ ارتۋ قۇنىنىڭ ىشكى ءوندىرىس جالپى قۇنىنداعى سالىستىرماسى %15.6تەن %20 جوعارىلاتىلادى. بۇل − ءبىر ەلدىڭ كاسىپ سالاسىنىڭ قۇن تىزبەگىنىڭ جوعارعى باسىنا كوتەرىلۋىندەگى ماڭىزدى كورسەتكىش»، - دەيدى عىلىم - تەحنيكا مينيسترلىگىنىڭ ورىنباسار مينيسترى لي مىڭ.

  نازار اۋدارۋعا تاتىرلىعى، ءبىرتالاي كورسەتكىشتەر الداعى 5 جىلدا ەسەلەپ اتتىرىلادى نەمەسە ەلەۋلى وسۋلەر بولادى. مىسالى، «پاتەنت سەلبەستىك شارتى» (PCT) ارقىلى تاپسىرىلعان پاتەنت ءوتىنىشىنىڭ مولشەرى 2015 - جىلداعىدان ءبىر ەسەلەنەدى؛ ءار 10 مىڭ ادامعا تاۋەلدى پاتەنت سانى 2015 - جىلعى 6.3تەن 12گە كوبەيەدى؛ بۇكىل ەل بويىنشا تەحنيكالىق توقتامداردىڭ ساۋدا سوماسى 2015 - جىلعى 983 ميلليارد 500 ميلليون يۋاننان 2 تريلليون يۋانعا ارتتىرىلادى.

  چيڭحۋا ۋنيۆەرسيتەتى الەۋمەتتىك باسقارۋ ينستيتۋتىنىڭ باستىعى شۋە لان بىلاي دەدى: «سوڭعى جىلدارى، ەلىمىزدە حالىقارالىق دەڭگەيدەگى عىلىم - تەحنيكالىق ديسسەرتاتسيالارعا سىلتەمە جاسالۋ رەت سانى الدىڭعى قاتارعا وزىپ، 2015 - جىلى دۇنيە جۇزىندە 4 - ورىندى يەلەدى. 5 جىلعا جەتپەيتىن ۋاقىت ىشىندە 2 - ورىنعا شىعۋدان ءۇمىت بار، ءبىراق ءبىرىنشى ورىندا تۇرعان ا ق ش - پەن ءبىرشاما زور پارىق بار».

  الداعى 5 جىلدا ەلىمىزدىڭ جالپى الەۋمەتتىك زەرتتەۋ - اشۋ ىستەرىنە قارجى سالۋ سەرپىنى اناعۇرلىم ارتادى، اتاپ ايتقاندا، 2020 - جىلعا دەيىن %2.5كە جەتكىزۋ كوزدەلدى. قازىر ەلىمىزدە جالپى الەۋمەتتىك زەرتتەۋ - اشۋ ىستەرىنە شامامەن 200 ميلليارد دوللاردىڭ ۇستىندە قارجى سالىنىپ وتىر، ال ا ق ش - تا 400 ميلليارد دوللاردان اسادى. وتكەن 10 جىلدا جۇڭگونىڭ جالپى الەۋمەتتىك زەرتتەۋ - اشۋ ىستەرىنە سالعان قارجىىسى ا ق ش - تىڭ سالعان قارجىسىنىڭ التىدان بىرىنە بارابار كەلدى.

  لي مىڭ: بولاشاقتا ەلىمىزدىڭ نەگىزدىك زەرتتەۋگە سالاتىن قارجىسى جالپى الەۋمەتتىك زەرتتەۋ - اشۋ ىستەرىنە سالىناتىن قارجىداعى سالىستىرماسى زور مولشەردە ارتادى. ەلىمىز اۋەلگى جاڭالىق اشۋ قابىلەتىن ارتتىرۋ توڭىرەگىندە ماڭىزدى ستراتەگيالىق جاڭالىق اشۋشى كۇشتەردى جەتىلدىرەدى، - دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.