بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

اۆتونوميالى رايون «مىقتى ءتىلشىنىڭ تارتىمدى اڭگىمەسى» اتتى 3 - كەزەكتى لەكسيا جارىسىن وتكىزدى

2016.08.24 13:47     كەلۋ قاينارى : شينجياڭ گازەتى

  «بۇقارامەن تەرەڭ ارالاسىپ، حالىق تۇرمىسىن شىن جۇرەكتەن سەزىنۋ»، «پامير ۇستىرتىندەگى قورعاۋشى جاساۋىلدار، كوپشىلىك بولعاندا عانا، ءاربىر وتباسىنا تىنىشتىق ورنايتىندىعىن ءتۇسىندىردى»... 19 - تامىزدا اقپارات سالاسىنداعى 13 وزات قىزمەتكەر اۆتونوميالى رايوننىڭ «مىقتى ءتىلشىنىڭ تارتىمدى اڭگىمەسى» اتتى لەكسيا جارىسىنىڭ شەشۋشى جارىسىنا قاتىناستى. شەبەرلەردىڭ جوعارى ورىنداۋ شەبەرلىگىمەن ايشىقتالعان جۇرەكجاردى لەكسيالارى كورەرمەندەردىڭ قىزۋ القاۋىنا بولەندى، ولاردىڭ كاسىپتى قادىرلەپ، قىزمەت ورنىن ءسۇيىپ، قالتقىسىز ۇلەس قوسۋ رۋحى باعالاۋشىلار مەن كورەرمەندەردى اسەرلەندىردى.

  سول كۇنى تۇستەن بۇرىن، شينجياڭ تەلەۆيزياسى، شينجياڭ حالىق راديو ستانسياسى، شينجياڭ ەكونوميكا گازەتى، قاشقار ايماعى كونە ءشار اۋداندىق راديو - تەلەۆيزيا مەكەمەسى قاتارلى اقپارات قۇرالدارىنان سارالانىپ شىققان 13 ساڭلاق وزدەرىنىڭ قىزمەت بارىسىنداعى باستان كەشكەن كەشىرمەلەرى مەن ودان العان اسەرى، ءوز باسىنان وتكەن ىستەر نەمەسە ماڭايىنداعى تيپتىك ادامدار مەن ولاردىڭ يگى ءىس - ىزدەرىن مازمۇن ەتە وتىرىپ، تىلشىلىك ىستەۋ بارىسىندا كورگەن - بىلگەندەرىن اڭگىمەلەدى، ولاردىڭ تىلشىلىك ىستەۋ بارىسىندا باستان كەشكەن جاپا - ماشاقاتتارى مەن قۋانىشتارى كورەرمەندەردى تەرەڭ اسەرلەندىردى.

  قيان - كەسكى باسەكەدەن سوڭ، شينجياڭ تەلەۆيزياسىنداعى ءماريا پولات پەن شينجياڭ حالىق راديو ستانسياسىنداعى حى لين باس جۇلدەنى جەڭىپ الدى، شينجياڭ تەلەۆيزياسىنداعى ۋاڭ رۇڭ، شينجياڭ ەكونوميكا گازەتىندەگى ءرايدا قاتارلى 11 ساڭلاق 2 - جانە 3 - دارەجەلى سيلىقتارعا يە بولدى.

  اقپارات شەبى بويىنشا «مىقتى ءتىلشىنىڭ تارتىمدى اڭگىمەسى» قيمىلىن ورتالىق كوميتەتتىڭ ۇگىت ءبولىمى، مەملەكەتتىك «ءۇشتى ۇيرەنۋ تاربيە قيمىلىنا» باسشىلىق ەتۋ گرۋپپاسىنىڭ كەڭسەسى ۇيىمداستىرعان، مۇنداعى ماقسات −− اقپارات شەبىنىڭ ماركسيزمدىك اقپارات تانىمى تاربيەسىن تەرەڭدەتۋ، اقپارات قىزمەتىنىڭ تاماشا ءداستۇرىن ساۋلەلەندىرۋ، اقپارات سالاسىنداعى قىزمەتكەرلەردىڭ قوعامدىق جاۋاپكەرشىلىك سەزىمىن اناعۇرلىم كۇشەيتۋگە جەتەكشىلىك ەتۋ جانە ولاردى شابىتتاندىرۋ، ەكونوميكالىق قوعامدىق دامۋعا بارىنشا زور ۇلەستەر قوسۋ.

  قيمىل شىلدەدە باستاپ وتكىزىلگەننەن بەرى، اۆتونوميالى رايونىمىزداعى اقپارات ورىندارى «باس شۋجي شي جينپيڭنىڭ پارتيانىڭ اقپاراتتىق قوعامدىق پىكىر قىزمەتى جونىندەگى اڭگىمە ماجىلىسىندە سويلەگەن ماڭىزدى ءسوزىنىڭ رۋحىن ۇيرەنۋ، دايەكتىلەندىرۋدى» نەگىزگى تاقىرىپ ەتكەن لەكسيا سويلەۋ ىرىكتەۋ جارىسىن وتكىزدى. بۇل جولعى جارىسقا قاتىناسقان 13 شەبەر بۇكىل شينجياڭنىڭ جەر - جەرىندەگى اقپارات قۇرالدارىنان قاتىناسقان 300گە جۋىق شەبەردىڭ ىشىنەن توپ جارىپ اعالاپ شىققاندار. جارىسقا قاتىناسۋشىلاردىڭ اقپارات قىزمەتىنىڭ امالياتىمەن ۇشتاستىرا وتىرىپ اڭگىمەلەگەن باستان كەشكەن كەشىرمەلەرى ەستىگەن ادامنىڭ جان دۇنيەسىن تەبىرەنتتى. جارىس ءارقايسى اقپارات قۇرالدارىنداعى اقپارات قىزمەتكەرلەرىنىڭ شينجياڭنىڭ اڭگىمەسىن مايىن تامىزا ايتۋ قابىلەتىن سومداۋداعى تاپتىرمايتىن جاقسى تەكشەگە اينالدى.

  ۇعىسۋعا قاراعاندا، قيمىلدا سارالانىپ شىققان 3 ۇزدىك شەبەر بەيجيڭدە وتكىزىلەتىن مەملەكەتتىك اقپارات شەبى بويىنشا «مىقتى ءتىلشىنىڭ تارتىمدى اڭگىمەسى» اتتى لەكسيا جارىسىنا قاتىناسادى ەكەن.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.