بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

جاڭ چۇنشيان ۇرىمجىدە تەكسەرۋ - زەرتتەۋ جۇرگىزدى

تياناقتاندىرۋدى بەلسەندى، ىرىقتى تۇردە مىقتى يگەرىپ، وزەكتى رايون قۇرىلىسىن جەدەلدەتەيىك

2016.08.29 11:04     كەلۋ قاينارى : شينجياڭ گازەتى

  ءتىلشىمىز ياۋ تۇڭ 25 - تامىزدا ۇرىمجىدەن حابارلايدى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان 24 - تامىزدا باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن، دەنساۋلىق ساقتاۋ جانە سالاماتتىلىق جونىندەگى مەملەكەتتىك ءماجىلىستىڭ رۋحىن، «ءبىر بەلدەۋ، ءبىر جول» قۇرىلىسىن ىلگەرىلەتۋ قىزمەتى جونىندەگى اڭگىمە ءماجىلىسىنىڭ رۋحىن دايەكتى تياناقتاندىرۋ، اۆتونوميالى رايوننىڭ ەكونوميكالىق قىزمەت جونىندەگى اڭگىمە ءماجىلىسىنىڭ رۋحى مەن بۇكىل اۆتونوميالى رايون ەكونوميكاسىنىڭ باياندى، ورنىقتى ارتۋىن جەبەۋدەگى 12 جاقتاعى 85 ناقتى شارانى تياناقتاندىرۋ، جىبەك جولى ەكونوميكالىق بەلدەۋىنىڭ وزەكتى رايونىنداعى شينجياڭنىڭ «بەس ءىرى ورتالىق» قۇرىلىسىن جەدەلدەتۋ ىستەرى جونىنەن ۇرىمجىدە تەكسەرۋ - زەرتتەۋ جۇرگىزدى.

  جاڭ چۇنشيان شيپاحانا، كاسىپورىن، باقشا رايونى، وتكەل، جۇمىس ورنى، عىلمي زەرتتەۋ ورنى سياقتىلارعا ىلگەرىندى - كەيىندى بارىپ تەكسەرۋ - زەرتتەۋ جۇرگىزىپ، ءارقايسى ورىنداردىڭ دامۋ بارىسىندا كەز بولعان قيىنشىلىقتارىن ۇعىسىپ، ءار دارەجەلى پارتيا، ۇكىمەت تاراۋلارىن، ءارقايسى قاتىستى ورىنداردى ورتالىقتىڭ تالابى مەن اۆتونوميالى رايوندىق پارتكومنىڭ ورنالاستىرۋلارىن بەلسەندى، ىرىقتى تۇردە دايەكتى تياناقتاندىرىپ، جىبەك جولى ەكونوميكالىق بەلدەۋىندەگى وزەكتى رايوننىڭ «بەس ءىرى ورتالىعىن» جەدەل قۇرۋعا قۋزادى.

  حالىقارالىق ەمدەۋدەن قىزمەت وتەۋ ورتالىعىن كۇش سالا قۇرايىق

  ەمدەۋدەن قىزمەت وتەۋ ورتالىعى − جىبەك جولى ەكونوميكالىق بەلدەۋىندەگى وزەكتى رايوننىڭ «بەس ءىرى ورتالىق» قۇرىلىسىنىڭ ىشىندەگى ەڭ الدىمەن ىسكە قوسىلعان، ونىمدىلىگى دە الدىمەن بايقالعان ورىن. جاڭ چۇنشيان ەمدەۋدەن قىزمەت وتەۋ ورتالىعىنىڭ كەلەسى قادامداعى قۇرىلىس قىزمەتىنە ايرىقشا نازار اۋدارىپ، اۆتونوميالى رايوندىق جۇڭگوشا شيپاگەرلىك شيپاحاناسىنا ارنايى كەلىپ، شيپاحانانىڭ نەگىزدىك قۇرىلعى قۇرىلىسى، ەمدەۋ جابدىقتارىنىڭ پايدالانىلۋى، جۇڭگوشا شيپاگەرلىك، از ۇلت شيپاگەرلىگى بويىنشا عىلمي زەرتتەۋدە قامال الۋ، كلينيكادا پايدالانۋ، ەل ءىشى - سىرتىنداعى اۋرۋلاردى تەكسەرۋ سياقتى ىستەرگە قاداعالاي تەكسەرۋ جۇرگىزدى.

  جاڭ چۇنشيان اۆتونوميالى رايوندىق جۇڭگوشا شيپاگەرلىك شيپاحاناسىنىڭ اۋرۋحاناسىنا كىرگەندە قازاقستاننىڭ الماتى قالاسىنان كەلگەن گۇلنار وكپە قابىنۋ جانە بەل ومىرتقا تاباقشاسىنىڭ تومپايىپ شىعۋى ناۋقاسىن ەمدەتىپ جاتىر ەكەن. ول: ءۇرىمجىنىڭ اۋاسى جاقسى، قالاسى كوركەم، ماعان قاتتى ۇنايدى. باتىسشا دارىلەرگە اسىرە سەزىمتال بولعاندىعىم سەبەپتى، جۇڭگوشا، از ۇلت شيپاگەرلىگى بويىنشا ەمدەلۋ جوباسىن تاڭدادىم، ءونىمى دە وتە جاقسى بولدى. مەن جۇڭگونىڭ جۇڭگوشا شيپاگەرلىگىن، از ۇلت شيپاگەرلىگىن، ءسوز جوق، ءتىپتى دە كوپ جۇرتقا تانىستىرامىن، - دەدى.

  مۇنى ەستىگەن جاڭ چۇنشيان ءدان ريزا بولىپ، گۇلناردىڭ دەنساۋلىعىنىڭ ەرتەرەك قالپىنا كەلۋىن، ماڭايىنداعى ادامدارعا شينجياڭدى، جۇڭگونى كوبىرەك تانىستىرۋىن ءۇمىت ەتتى.

  جاڭ چۇنشيان اۆتونوميالى رايوندىق جۇڭگوشا شيپاگەرلىك شيپاحاناسىندا اۆتونوميالى رايوندىق دەنساۋلىق ساقتاۋ، جوسپارلى تۋىت كوميتەتى مەن اۆتونوميالى رايوندىق جۇڭگوشا شيپاگەرلىك شيپاحاناسىنىڭ، شينجياڭ مەديتسينا ۋنيۆەرسيتەتىنە قاراستى 1 - شيپاحانانىڭ، اۆتونوميالى رايوندىق حالىق شيپاحاناسىنىڭ، اۆتونوميالى رايوندىق ۇيعۇر شيپاگەرلىگى شيپاحاناسىنىڭ، اۆتونوميالى رايوندىق وسپە اۋرۋلارى شيپاحاناسىنىڭ جۇڭگوشا شيپاگەرلىكتى، از ۇلت شيپاگەرلىگىن جالپىلاستىرۋ، حالىقارالىق ەمدەۋ سەلبەستىگىن ورىستەتۋ، ەمدەۋدەن قىزمەت وتەۋ ورتالىعى قۇرىلىسىنا ات سالىسۋ سياقتى جاقتارداعى جاعدايدان جاساعان مالىمەتىن تىڭدادى.

  جاڭ چۇنشيان بىلاي دەپ باسا دارىپتەدى: ءبىر جاعىنان، شينجياڭداعى ءار ۇلت حالقىنىڭ سالاماتتىعىن قامتاماسىزداندىراتىن ءارى توڭىرەكتەگى ەلدەرگە بەت العان حالىقارالىق ەمدەۋدەن قىزمەت وتەۋ ورتالىعىن كۇش سالا قۇرۋ كەرەك. شينجياڭنىڭ كۇدىكتى، قيىن، كۇردەلى اۋرۋلاردى ەمدەپ جازۋ جاعىنداعى ەرەكشەلىگىن، باسىمدىلىعىن مۇقيات سارالاپ، شينجياڭنىڭ ەمدەۋ شارت - جاعدايىنان جانە وڭىرلىك باسىمدىلىعىنان تولىق پايدالانىپ، جۇڭگوشا شيپاگەرلىكتى، از ۇلت شيپاگەرلىگىن «سىرتقا بەت الدىرۋدى» بەلسەندى تۇردە العا ىلگەرىلەتىپ، ەمدەۋدەن قىزمەت وتەۋ مەن ەمدەۋ جابدىقتارى، بيولوگيالىق ەم جانە ءدارى - دارمەك، ساياحات، دەنساۋلىقتى كۇتىمدەۋ سياقتى شارۋاشىلىقتى ۇشتاستىرىپ، شينجياڭنىڭ ەمدەۋدەن قىزمەت وتەۋى جاعىنداعى جالپىلىق ورەسىن جاپپاي جوعارىلاتۋ كەرەك.

  جەرگىلىكتى ورىندى كەشەندى قورعامالى باجى رايونىنىڭ يگىلىگىنە بارىنشا كەنەلتەيىك

  ءۇرىمجى كەشەندى قورعامالى باجى رايونى الاتاۋ ساعاسى، قاشقار، قورعاستان قالا بەرسە شينجياڭداعى 4 - كەشەندى قورعامالى باجى رايونى ەسەپتەلەدى، جىبەك جولى ەكونوميكالىق بەلدەۋىنىڭ وزەكتى رايونىنداعى شينجياڭنىڭ «بەس ءىرى ورتالىق» قۇرىلىسىنداعى ءتۇيىندى نىسان سانالادى. جاڭ چۇنشيان ءۇرىمجى كەشەندى قورعامالى باجى رايونىنىڭ قۇرىلىس جاعدايىنا ناقتى تەكسەرۋ جۇرگىزىپ، ساۋداگەر شاقىرۋ جاعدايى جانە ۇزاق بولاشاقتىق دامۋ جوباسى جونىندەگى مالىمەتتى تىڭدادى. بىلتىر قىركۇيەكتە باستاپ سالىنعاننان بەرى 11 ايلىق قاربالاس جۇمىس جۇرگىزۋ ارقىلى ءۇرىمجى كەشەندى قورعامالى باجى رايونىنىڭ كەدەن، ساپانى باقىلاۋ، تەكسەرۋ - كارانتيندەۋ، كەدەنگە مالىمدەۋ سياقتى قاتتى بولشەك قۇرىلعىلارى تەگىس سالىنىپ بولدى، الداعى جەردە كەدەندىك جابىق تيجاراتقا كىرىسەدى. جاڭ چۇنشيان بىلاي دەپ باسا دارىپتەدى: ءۇرىمجى ۋنيۆەرسال قورعامالى باجى رايونىن بيىك دەڭگەيدە، جوعارى ولشەممەن سالۋعا تاباندى بولۋ، ورىندى ايقىنداۋ، ساۋداگەردى دالمە - ءدال شاقىرۋ، وزىق جاساۋ كاسىبى، جوعارى دارەجەلى توقىما، جاڭا ەنەرگيا، جاڭا ماتەريال سياقتى كاسىپ سالالارىن ەنگىزۋ، كەشەندى قورعامالى باجى رايونىنىڭ ەل ءىشى جانە حالىقارالىق 2 ۇلكەن بازاردى، 2 ءتۇرلى بايلىقتى ۇشتاستىرۋ باسىمدىلىعىن تولىق ساۋلەلەندىرۋ، تۇتىنۋشىلاردىڭ ساپالى، ارزان يمپورت بۇيىمداردى ۇيلەرىنىڭ ىرگەسىنەن ساتىپ الۋىنا مۇمكىندىك جاساۋ، جەرگىلىكتى ورىنداعى جۇرتشىلىقتى كەشەندى قورعامالى باجى رايونىنىڭ يگىلىگىنە بارىنشا كەنەلتۋ كەرەك.

  وسىدان كەيىن جاڭ چۇنشيان ءۇرىمجى حالىقارالىق قۇرلىق پورتى رايونىنىڭ قۇرىلىس ورنىندا نىساننىڭ اياق الىسى جونىندەگى جاعدايدان جاسالعان مالىمەتتى تىڭدادى. بۇل نىسان بىلتىر قاراشا ايىنان باستاپ سالىنعان. كوپ فورماداعى بىرلەسكەن تاسىمالدى كەدەندىك باقىلاۋ - باسقارۋ ورتالىعى، جۇڭگو - ەۆروپا كەزەكشى پويەزدەرىن جيناۋ ورتالىعى، 1 - تامىز بولات - تەمىر تاس جول، تەمىر جول بىرلەسكەن تاسىمال ورتالىعى، ءۇرىمجى حالىقارالىق اۋە پورتى سياقتى كوپتەگەن ستراتەگيالىق توپ نىسانداردى قامتيدى، ول مەملەكەتتىك كەزەكشى پويەز سەرىكتەستىگىمەن ستراتەگيالىق وداقتاستىق كەلىسىمىنە قول قويىستى، ەل ىشىندەگى 15 تەڭىز، قۇرلىق پورتىمەن بايلانىس ورناتىپ، گەرمانيانىڭ دۋيسبۋرگ پورتى، ليۋكسەمبۋرگ مەملەكەتتىك تەمىر جول كوپ فورماداعى بىرلەسكەن تاسىمال سەرىكتەستىگى سياقتى ەۆروپاداعى باستى ءتۇيىندى تەمىر جول پورتتارىمەن كەلىسىم جاساسىپ، ىشكەرىلەي سەلبەستىك ورىستەتتى.

  جاڭ چۇنشيان بىلاي دەپ اتاپ كورسەتتى: ءۇرىمجى حالىقارالىق قۇرلىق پورتى رايونىنىڭ قۇرىلىسىن جەدەلدەتۋ، ءۇرىمجىنىڭ تەمىر جول، تاس جول، اۋە قاتىناسى جانە قامبادا ساقتاۋ بايلىعى سياقتى كەشەندى قاتىناس تاسىمال باسىمدىلىعىن تولىق ساۋلەلەندىرىپ، «ءبىر بەلدەۋ، ءبىر جول» قۇرىلىسىنا قىزمەت كورسەتۋ كەرەك.

  جاڭ چۇنشيان ازىق - تۇلىك كورمەسى، قامبا ساۋداسى، مۇزداتىپ ساقتاۋ، تاسۋ، تور ساۋداسى ءبىر تۇلعالانعان شينجياڭ دۇڭباۋ. حايحۇڭ حالىقارالىق ازىق - تۇلىك زات اينالىمى پورتىن تەكسەرىپ، بازار قۇرىلىسى، ساۋداگەر شاقىرۋ، سونداي - اق كورشىلەس ەلدەر ارا ەكسپورت - يمپورت ساۋداسىن ورىستەتۋ سياقتى جاقتارىمەن تانىستى.

  كاسىپورىنداردىڭ وزىندىك قۇندى تومەندەتىپ، قيىنشىلىعىن شەشۋگە شىنايى كومەكتەستى

  اۆتونوميالى رايوننىڭ ەكونوميكانىڭ ۇزبەي ورنىقتى ارتۋىن جەبەۋ جونىندە العا قويعان 12 جاقتاعى 85 ناقتى شاراسىنىڭ اتقارىلۋ جاعدايى جاڭ چۇنشياننىڭ وسى رەتكى تەكسەرۋ - زەرتتەۋىنىڭ ءتۇيىنى ەدى. ول شيشي كيىم - كەشەك جوبالاۋ شەكتى سەرىكتەستىگى، شينجياڭ جۇمساق بولشەك باقشاسى سياقتى كاسىپورىنداردىڭ باقشا رايونىنا بارىپ، كاسىپورىننىڭ ءوندىرىس تيجاراتىن، شارۋاشىلىق قۇرۋشىلاردىڭ شارۋاشىلىق قۇرۋ، جاڭالىق اشۋداعى ءىس جۇزىندىك قيىنشىلىقتارىن ۇعىستى.

  شىلدە ايىنىڭ سوڭىندا جاڭ چۇنشيان كاسىپورىنداردىڭ جاۋاپتى جولداستارىمەن اڭگىمە ءماجىلىسىن باسقارىپ اشقان بولاتىن، سول كەزدە شيشي كيىم - كەشەك جوبالاۋ شەكتى سەرىكتەستىگىنىڭ جاۋاپتىسى ماجىلىستە ءسوز سويلەپ، كەزەكتەگى كاسىپورىننىڭ اينالىمىندا ءدوپ كەلگەن قيىنشىلىقتاردى اۋىزعا العان ەدى. نەبارى جارىم ايدا اۆتونوميالى رايون كاسىپورىنداردىڭ دامۋداعى قيىنشىلىعىن شەشۋدىڭ ناقتى شارالارىن العا قويدى، اۆتونوميالى رايوننىڭ تياناقتاندىرۋداعى تەزدىگى، شارالارىنىڭ ناقتىلىعى وسى كاسىپورىننىڭ دامۋداعى سەنىمىن نىعايتا ءتۇستى.

  تيجارات سالىعىن ارتقان قۇن سالىعىنا اينالدىرۋ، قوعامدىق قامسىزداندىرۋ قاراجاتى، ەلەكتر باعاسىن ارزانداتۋ، ەكسپورت ەتۋدە سالىقتى قايتارۋ، قىزمەتكەرلەردى تاربيەلەۋگە كومەك قاراجات بەرۋ ... جاڭ چۇنشيان مەن كاسىپورىن جاۋاپتىلارى وزىندىك قۇندى ءبىر - بىردەن ەسەپتەدى، ول مىنانى باسا دارىپتەدى: ءار دارەجەلى پارتكوم جانە ۇكىمەت مەملەكەتتىڭ، اۆتونوميالى رايوننىڭ ءتۇرلى ءتيىمدى ساياساتتارىن جالپى بەتتىك قولدانىپ، وزىندىك قۇننىڭ «كەشەندى شاراسىن» تىڭعىلىقتى ورىنداپ، كاسىپورىنداردىڭ قيىنشىلىعىن شەشۋگە شىنايى كومەكتەسىپ، رەال ەكونوميكانىڭ قۋاتىن، ومىرشەڭدىگىن جانە قوزعاۋشى كۇشىن ارتتىرۋ كەرەك.

  شاعىن، ۇساق كاسىپورىندار − دامۋدىڭ جاڭا كۇشى، كاسىپتەندىرۋدىڭ نەگىزگى ارناسى، جاڭالىق اشۋدىڭ ماڭىزدى قاينارى. جاڭ چۇنشيان شينجياڭ جۇمساق بولشەك باقشاسىنداعى شارۋاشىلىق قۇرۋشىلارعا بارىپ، ورتا، شاعىن، ۇساق كاسىپورىنداردىڭ ءونىمدى زەرتتەپ اشۋ، بازاردى كەڭەيتۋ احۋالدارىن ۇعىستى. بەيجيڭنەن ۇرىمجىگە كەلىپ شارۋاشىلىق قۇرعان شينجياڭ گانجى ينفورماتسيا عىلىم - تەحنيكا شەكتى سەرىكتەستىگىنىڭ جاۋاپتىسى سۇن جيان بىلاي دەدى: شينجياڭنىڭ قارجى قوسۋ ورتاسى ەرەكشە جاقسى، مۇنان بىلاي شينجياڭدا تۇراقتاپ قالامىن. شينجياڭ جۇمساق بولشەك باقشاسىنا 200دەن استام كاسىپورىن ىرگە تەپكەن، ءاربىر كاسىپورىن باقشا رايونى قامداعان تەحنيكا، ينفورماتسيا، كەڭەس بەرۋ، تاربيەلەۋ، قارجى قۇراۋ، بازار كەڭەيتۋ سياقتى جان - جاقتى قىزمەت كورسەتۋلەردەن يگىلىكتەنە الادى. جاڭ چۇنشيان بىلاي دەپ اتاپ كورسەتتى: شارۋاشىلىق قۇرۋ، جاڭالىق اشۋ ورتاسىن ۇزبەي ساپالىلاندىرىپ، دارەجەسىن جوعارىلاتىپ، «كوپ بولىپ شارۋاشىلىق قۇرۋ، جالپى قاۋىمدىق جاڭالىق اشۋدى» بارىنشا ىلگەرىلەتىپ، شاعىن، ۇساق كاسىپورىنداردىڭ دارەجەسىن جوعارىلاتىپ بۇرىلىس جاساۋىنا، دامىپ - زورايۋىنا تاماشا شارت - جاعداي ازىرلەۋ كەرەك.

  وزەكتى رايون قۇرىلىسىنا عىلىم - تەحنيكالىق جاقتان دەم بەرۋ كەرەك

  شينجياڭ مەحانيكا زەرتتەۋ اكادەمياسى شەكتى جارنا سەرىكتەستىگى − اۋىل شارۋاشىلىعى ماشينالارىن جاساۋشى كاسىپورىن، شينجياڭ مال شارۋاشىلىعى عىلىم اكادەمياسى عىلمي زەرتتەۋمەن شۇعىلداناتىن ورىن، ەكەۋىنىڭ سيپاتى تۇرلىشە بولعانىمەن تۇگەلدەي عىلمي زەرتتەۋ ورىندارىنىڭ رەفورماسى، عىلىم - تەحنيكا جاڭالىقتارىن كادەگە جاراتۋ جاقتارىنان شينجياڭ بويىنشا الدىڭعى قاتارعا ءوتتى.

  جاڭ چۇنشيان شينجياڭ مەحانيكا زەرتتەۋ اكادەمياسى شەكتى جارنا سەرىكتەستىگىنە باردى، بۇل كاسىپورىننىڭ تەگى شينجياڭ مەحانيكا زەرتتەۋ ورنى ەدى، شينجياڭداعى قۇرىلىمدى جاڭالاپ، كاسىپورىنعا اينالعان ءبىرىنشى توپتاعى عىلمي زەرتتەۋ ورنى، سونداي - اق ەلىمىز بويىنشا اۋىل شارۋاشىلىعى ماشينالارىن جاساۋ سالاسىندا بازارعا شىعارىلعان ءبىرىنشى سەرىكتەستىك بولعان بۇل كاسىپورىن 10 نەشە جىلدىق دامۋدى باسىنان كەشىرىپ، كۇيرەۋگە بەت العان ورىننان ەلىمىزدەگى زەرتتەپ اشۋ، جاساۋ، ساتۋ ءبىر تۇلعالانعان اۋىل شارۋاشىلىعى ماشينالارىمەن قامداۋ بويىنشا ايتۋلى كاسىپورىنعا اينالدى، بىلتىر ءبىر ميلليارد 500 ميلليون يۋان ساتۋ سوماسىن ىسكە اسىرىپ، تازا پايداسى 300 ميلليون يۋانعا جەتتى. جاڭ چۇنشيان كوپشىلىكتى شابىتتاندىرىپ بىلاي دەدى: عىلىم - تەحنيكادا قامال الۋ، تەحنيكالىق زەرتتەپ اشۋ جاقتارىنداعى باسىمدىلىقتارىن ساقتاپ، ءىس جۇزىندىك جاعدايمەن ۇشتاستىرا وتىرىپ، عىلىم - تەحنيكادا جاڭالىق اشىپ، «ءبىر بەلدەۋ، ءبىر جول» ستراتەگياسىنا سۇيەنىپ ونىمدەردى شەتەلگە شىعارىپ، اۋىل شارۋاشىلىعى ماشينالارىن جاساۋ سالاسىنداعى «الىپقا» شىنايى تۇردە اينالۋ كەرەك.

  شينجياڭ مال شارۋاشىلىعى عىلىم اكادەمياسىنىڭ عىلىم - تەحنيكا جەتىستىكتەرىن كادەگە جاراتۋ جاقتارىنداعى ناتيجەسى كورنەكتى. اتالعان اكادەميا عىلىم - تەحنيكا جەتىستىگى ارقىلى كاسىپورىنعا جارنا قوسىپ، 180 ميلليون يۋان قارجىنى وزدەرى توپتاپ، عىلمي زەرتتەۋ كەشەندى عيماراتىن، حايۋاناتتاردىڭ ىندەتىنەن ساقتانۋ، ونى تىزگىندەۋ تەحنيكالىق ورتالىعىن سالعان؛ شينجياڭنىڭ «ساپالى» ماركالى ءبيازى ءجۇندى قويىن جەتىلدىرىپ، شينجياڭداعى ءار ۇلت ەگىنشى - مالشىلارىنىڭ كىرىسىن ءبىر ميلليارد يۋاننان اسىردى؛ ءتۇبىتتى تەكسەرۋ - ولشەۋدى ارقاۋ ەتىپ زەرتتەپ جاساعان اسپابى مەڭگەرۋى يكەمدى، ولشەۋى دۇرىس بولىپ، توقىما، كيىم - كەشەك سىندى كاسىپ سالالارىنىڭ كاسىپتىك ولشەمىن جاراتتى.

  جاڭ چۇنشيان اتالعان اكادەميانىڭ مال تۇقىمىن ساپالىلاندىرۋ جاعىنداعى زەرتتەۋ احۋالىن تاپتەشتەي ۇعىسىپ، عىلمي زەرتتەۋ ءبىرىنشى شەبىندە ۇزاق ۋاقىت كۇرەس جۇرگىزگەن ءار ۇلت عىلمي زەرتتەۋشىلەرىنە العىس ايتتى. ول بىلاي دەدى: شينجياڭ مال شارۋاشىلىعى كاسىبىن دامىتۋ وزىق عىلمي زەرتتەۋدى، حالىقارالىق ولشەم جۇيەسىن قۇرۋدى، مىعىم دارىندىلار قوسىنىمەن دەمەۋدى قاجەت ەتەدى. كوپشىلىكتىڭ تاماشا ءداستۇردى ۇزبەي ساۋلەلەندىرىپ، نەگىزدىك زەرتتەۋ قىزمەتىن ويداعىداي جۇرگىزىپ، ءتىپتى كوپ دارىندىلاردى باۋلىپ، باۋراپ، شينجياڭدا مال شارۋاشىلىعىنىڭ تۇتاس كاسىپ سالاسىندىق جەلىسىن قالىپتاستىرۋدى جەبەپ، وزەكتى رايون قۇرىلىسىنا عىلىم - تەحنيكالىق جاقتان دەم بەرۋ كەرەك.

  اۆتونوميالى رايوننىڭ باسشىلارىنان حۋاڭ ۋي، عانيبات سابىكەي ۇلى، لي شۋەجۇن، ەركىن تۇنياز، پىڭ جيارۇي، ليۋ جيانشين، سونداي - اق اۆتونوميالى رايوننىڭ قاتىستى تاراۋلارىنىڭ جاۋاپتى جولداستارى تەكسەرۋ - زەرتتەۋدە جەكە - جەكە بىرگە بولدى.

  جاڭ چۇنشيان 24 - تامىزدا اۆتونوميالى رايوندىق جۇڭگوشا شيپاگەرلىك شيپاحاناسىنا ارنايى كەلىپ، شيپاحانانىڭ نەگىزدىك قۇرىلعى قۇرىلىسى، ەمدەۋ جابدىقتارىنىڭ پايدالانىلۋى، جۇڭگوشا شيپاگەرلىك، از ۇلت شيپاگەرلىگى بويىنشا عىلمي زەرتتەۋدە قامال الۋ، كلينيكادا پايدالانۋ، ەل ءىشى - سىرتىنداعى ناۋقاستاردى تەكسەرۋ سياقتى ىستەرگە قاداعالاي تەكسەرۋ جۇرگىزدى. سۋرەتتە: جاڭ چۇنشيان اۆتونوميالى رايوندىق جۇڭگوشا شيپاگەرلىك شيپاحاناسىنىڭ اۋرۋحاناسىندا ەمدەلىپ جاتقان، قازاقستاننىڭ الماتى قالاسىنان كەلگەن گۇلنارمەن اڭگىمەلەسۋدە. سۋرەتتى ءتىلشىمىز لۋ مين - ي تۇسىرگەن

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.