بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

تۇرسىننياز جانە ونىڭ بەيجيڭدىك اپەكەسى

2016.08.29 11:11     كەلۋ قاينارى : شينجياڭ گازەتى

  شينجياڭنىڭ قاراقاش اۋدانىنان استانا بەيجيڭگە دەيىن قانشالىق الىس؟ 23 جىلدىق ۋاقىت، تەگى، قانشالىقتى ۇزاق؟

  ۇلتى باسقا - باسقا 2 ادام قايتىپ بىرگە تۋعان اپەكەلى - باۋىرداي ىشتەسىپ كەتتى؟ ەشقانداي قانداستىق قاتىناسى جوق ەكى وتباسى ارالارىنان قىل وتپەستەي تاتۋلىقتى قالاي ورناتتى؟

  شام - شىراق جۇرەككە جىلۋ بەرىپ، ماڭايعا ساۋلە شاشتى

  10 - تامىز تال ءتۇس، بەيجيڭ، تۇڭجوۋ رايونىنىڭ شەتى.

  ەرلى - زايىپتى ۋي ميڭ مەن ۋاڭ شۋۋىننىڭ اۋلاسىنداعى گۇل تۇبەكتەرىنە ەگىلگەن وسىمدىكتەر قۇلپىرىپ تۇر، بۇل جەردە كوڭىل جەتەر دوستار اپتا سوڭىندا باس قوسىپ جاتىر ەكەن. كوپشىلىك قارما سامسا ءتۇيىپ، كوك بۇرشاق سورپاسىن دايىنداپ، ودان - بۇدان اڭگىمە قوزعاپ، ءماز - ءمايرام بولىپ وتىر.

  «اكە - شەشە، مەن قايتىپ كەلدىم، قارنىم اشىپ كەتتى». ءۇرىپ اۋىزعا سالعانداي جاس قىزدىڭ تۇنىق داۋىسى قۇلاققا سونداي انىق ەستىلدى.

  بۇل ۋي ميڭ مەن ۋاڭ شۋۋىننىڭ، اۋەلى، بۇكىل اۋلەتتىڭ الاقانعا سالىپ الپەشتەگەن اياۋلى قىزى، ەندى عانا 18 جاسقا كەلگەن، گۇلي ەسىمدى ۇيعۇر بويجەتكەن ەدى. ونىڭ تۋعان اكەسى تۇرسىننياز قۇربان دەگەن ادام ەكەن.

  ۋاڭ شۋۋىن مەن گۇليدىڭ انا - بالالىق ماحابباتى ەكى وتباسىنىڭ 20 نەشە جىلدان بەرگى بىرگە جاساسىپ كەلە جاتقان بەرەكەلى تىرلىگىنىڭ كۋاسى ىسپەتتى.

  1992 - جىلى شينجياڭنىڭ قاراقاش اۋدانىنداعى 22 جاسقا كەلگەن تۇرسىننياز العا قويعان ارمان - ماقساتىنىڭ جەتەگىندە استانا بەيجيڭگە ساپار شەگىپتى.

  بەيجيڭگە كەلگەننەن كەيىن، تىلدەن قاتتى قىسىلعان ول العاشقى تىرلىگىن كاۋاپ ساتۋمەن باستاپتى. 1993 - جىلى شازىكوۋداعى ۋي ميڭ مەن ۋاڭ شۋۋىننىڭ ەسىك الدىندا كاۋاپ ساتادى. ول كەزدە ۋاڭ شۋۋىننىڭ شاشتارازحاناسى جانە شاعىن دۇكەنى بار بولاتىن.

  العاشىندا، تىرشىلىكتىڭ قامى ءۇشىن شالعايداعى شينجياڭنان بەيجيڭگە كەلگەن جاس جىگىتتىڭ كۇن كورىسى وڭايعا سوققان جوق. ءبىر كورگەن تانىس، ەكى كورگەن ءبىلىس دەگەندەي، ۋي ميڭ مەن ۋاڭ شۋۋىن تۇرسىننيازعا از دا بولسا كومەك كورسەتۋدى ويلايدى.

  ولار بىرنەشە كۇن بايقاپ كورگەننەن كەيىن، كاۋاپ پەشتىڭ جانىنداعى ۇلكەن اعاشقا ءبىر شىراق ءىلىپ قويدى.

  ولار وسىدان كەيىن ءبىر - بىرىنە قارايلاسىپ، ىشكەرىلەي ارالاسا باستادى. كەيىن كەلە باسىنا ءۇي تىگىپ، باۋىرىنا قازان اسقان تۇرسىننيازدىڭ اكە بولاتىن كۇنى تاياعانىن بايقاعان ۋي ميڭ مەن ۋاڭ شۋۋىن وعان ءبىر اۋىز جاتىن ءۇيىن بوساتىپ ، مۇسىلمانشا اس ءۇي ازىرلەپ بەرەدى. وسىدان كەيىن ۋي ميڭ مەن ۋاڭ شۋۋىن مەيلى قايدا كوشىپ بارسا دا تۇرسىننياز وتباسىنا ءبىر اۋىز جاتىن ءۇي، ءبىر اس ءۇي بوساتىپ بەرىپ وتىردى.

  تۇرسىننياز بىلاي دەدى: ءبىز سەن - مەن دەسپەيمىز. اعام مەن اپەكەم اۆتوكولىك ساتىپ العاننان كەيىن، مەنىڭ ەت، كومىر ساتىپ الۋىما بەرە تۇراتىن بولدى؛ مەن اقشا تاپسام اپەكەم اقشامدى بانكەگە اپارىپ قوياتىن؛ ونىڭ ۇيىنەن تاماقتانىپ، تۇرمىس قاراجاتىن بەرگەنىمدە، ول مۇلدە المايتىن؛ كەشكە كاۋاپ ساتقانىمدا، اپەكەمىز كاۋاپتى ىستىككە شانشىپ دايىنداپ قوياتىن...

  بەيجيڭدىك اپەكەسى جازا باسقان باۋىرىنان بەزبەدى

  تۇرسىننياز بەن ايەلى ماحاببات قاھارجاننىڭ بەيجيڭدەگى كۇن كورىسى بارعان سايىن جاقساردى، ولار ۋاڭ شۋۋىننىڭ ۇيىنە ۇنەمى بارىپ قونىپ قايتاتىن.

  حوتان قاس تاسى ساقتاۋ قۇنى بار اسىل بۇيىم بولعان جىلداردا، تۇرسىننياز دوستارىمەن بىرگە قاس تاسى ساۋداسىن جاسادى، سونىمەن ولار قاراقاشتاعى اتا مەكەندەرىنە ءجيى قايتىپ تۇردى.

  ۋي ميڭ مەن ونىڭ زايىبى قانداستىق قاتىناسى جوق بولعانىمەن، قويۋ سۇيىسپەنشىلىگى بار باۋىرى مەن كەلىندەرىن قاشاندا ساعىنىپ تۇراتىن، جولدى الىسسىنباي قاراقاشقا ولاردى تالاي رەت ىزدەپ تە كەلدى.

  2011 - جىلى ۋاڭ شۋۋىن تۇرسىننيازبەن ءبىر مەزگىل حابارلاسا الماي قالدى. ول كوپ وتپەي باۋىرىنىڭ قىلمىس وتكىزىپ، جازا وتەپ جاتقانىنان حابار تاپتى.

  3 - تامىز كۇنى شينجياڭ 3 - تۇرمەسىندە تۇرسىننياز تىلشىگە ەرەكشە وكىنىشپەن: باسقالارعا وڭاي سەنىپ، «دوسىمنىڭ» ءبىر «دوسىن» كۇتىپ الدىم، ونىڭ ەسىرتكى اتكەزشىسى ەكەنىن كىم بىلگەن، - دەدى. حالىق سوتى مەكەمەسى ونى ەسىرتكى تاسىمالداۋ قىلمىسىمەن 15 جىلدىق مەرزىمدى قاماۋ جازاسىنا ۇكىم ەتىپتى.

  ۋاڭ شۋۋىن وقىستان تەرىس جولعا ءتۇسىپ كەتكەن باۋىرىنان بەزبەدى. ول جۇرەك ءسوزىن حاتقا جازىپ، تۇرمەگە جولدادى.

  تۇرسىننياز حانزۋشانى تانىماعاندىقتان، تۇرمە ساقشىلارىنا حاتتى وقىتتى. «حاتتى العاش كورگەنىمدە، مەن قاتتى قايران قالدىم»، - دەدى تۇرسىننياز قامالعان تۇرمە رايونىنىڭ باستىعى سۇن چۇنۋاڭ.

  حاتتىڭ مازمۇنى ەرەكشە قاراپايىم ەكەن، اپەكەسى باۋىرىنا جازاسىن جاقسى وتەپ، تەزىرەك وزگەرۋدى، وتباسىنان الاڭداماۋدى، ولارعا ءوزىنىڭ قارايلاساتىنىن ايتىپتى. «بىرەۋى شينجياڭدا، بىرەۋى بەيجيڭدە، بىرەۋى ۇيعۇر، بىرەۋى حانزۋ». سۇن چۇنۋاڭ مۇنداي اپەكە مەن باۋىردى تۇڭعىش رەت كەزدەستىردى.

  تۇرسىننياز بەن ۋاڭ شۋۋىننىڭ اڭگىمەسىن ەستىگەننەن كەيىن، سۇن چۇنۋاڭ تۇرمە باسشىلارىنا تۋىسقاندىق سۇيىسپەنشىلىكپەن وزگەرتۋ قيمىلىن ورىستەتىپ، ۋاڭ شۋۋىن وتباسىنداعىلاردىڭ كومەگىمەن سۇلكىنى تۇسىڭكى تۇرسىننيازدى تەزىرەك سەرپىلتۋدى ايتتى.

  5 جىلدان بەرى ۋاڭ شۋۋىن وتباسىنداعىلار شينجياڭداعى 3 - تۇرمەگە 4 رەت كەلىپ، تۇرسىننيازدىڭ سەرپىلۋىنە كومەكتەسىپ كەلدى.

  ءبىر رەتكى كولەمدى سۇيىسپەنشىلىكپەن وزگەرتۋ قيمىلىندا، تۇرسىننياز تۋىسقاندارىنىڭ بارىنە كەزدەستى. «جيىنى 15 ادام، ايەلىم، بالام جانە تۋىسقاندارىمنان 9 ادام قاراقاشتان كەلدى، ۋي ميڭ اعاي مەن ۋاڭ شۋۋىن اپەكەم بەيجيڭنەن كەلدى، ۋاڭ اپەكەمنىڭ اپەكەسى مەن جەزدەسى دە كەلدى».

  ۋاڭ شۋۋىن ەجەلدەن كوپ ەلدىڭ الدىندا سويلەپ كورمەگەن، وسى رەت بار قايراتىن بويىنا جيىپ، جازاسىن وتەۋشىلەردىڭ الدىندا ءوز وتباسى مەن تۇرسىننياز وتباسىنىڭ كوپ جىلدان بەرگى تەرەڭ سۇيىسپەنشىلىگىن اڭگىمەلەپ، جازا وتەۋشىلەردىڭ جاقسىراق وزگەرىپ، وتباسىنداعىلارمەن ەرتەرەك باس قوسۋىن ايتتى.

  تۇرسىننيازدىڭ بەتىن جاس جۋدى، ونىڭ جانىنداعى جازا وتەۋشىلەر دە اڭگىمەنى ەستي وتىرىپ، كوز جاستارىن كولدەتتى.

  « جازا مەرزىمىم 11 اي جەڭىلدەتىلدى، مەن ۇزبەي قۇلشىنىپ، ەرتەرەك ۇيگە قايتۋعا تالپىنامىن»، - دەدى تۇرسىننياز.

  باس قوسۋدى سارىلا اڭساعان جاندار ءىنىسىنىڭ ۇيگە قايتۋىن كۇتۋدە

  10 - تامىز كۇنى گۇلي ەتسىزقارما سامسادان تىس، «ءۇشىنشى اكەسىنىڭ» جاساعان اشتى - تۇشتى تاۋىق قاناتىن تۇسكى اس ەتتى. «ءۇشىنشى اكە» دەگەنى ۋاڭ شۋۋىننىڭ ءۇشىنشى جەزدەسى ەدى، بۇل كىشكەنتاي گۇليدىڭ ەڭ ۇناتىپ جەيتىن تاماعى ەدى. ول بۋى بۇرقىراعان تاۋىق قاناتىن كورگەندە الاقايلاپ، قۇنىعا جەي باستادى، ۋاڭ شۋۋىن ەرلى - زايىپتىلار مەن ءۇشىنشى جەزدەسى ونىڭ قۇشىرلانا جەگەنىن كورىپ، ريزالىقپەن كۇلدى.

  كىشكەنتاي كەزىنەن باستاپ كىشكەنتاي گۇلي، نەگىزىنەن، ۋاڭ شۋۋىننىڭ وتباسىندا تۇرعان. ۋي ميڭ ەرلى - زايىپتىلاردا بالا جوق ەدى، ۋي ميڭ باستابىندا ايەلىن بالاعا قاراۋدى اۋرەسىنەمە دەپ الاڭداعان، دەسەدە ۋاڭ شۋۋىن كىشكەنتاي گۇليدىڭ سۇيكىمدى بەينەسىن كورگەننەن باستاپ، جۇرەگى ەلجىرەپ تۇراتىن بولعان. بەيجيڭدىك اكە - شەشەسىنىڭ قامقورلىعىندا كىشكەنتاي گۇلي ەرجەتىپ كەلەدى.

  جازدىق دەمالىستا كىشكەنتاي گۇلي شيندۇڭفاڭنىڭ ساباق پىسىقتاۋ كلاسىنان وقىدى. ءبىر ساباعىنىڭ وقۋ قاراجاتى 450 يۋان، 40 ساعاتتىق ساباعىنا 18 مىڭ يۋان جۇمسالادى. ۋي ميڭ: ىشپەي - جەمەي قالسام دا بالانى جاقسى مەكتەپتەن وقىتامىن، - دەپ ءارى - ءسارى بولماستان ونى تىزىمدەتتى.

  ۇيلەرى شاعىلاتىن بولعاندىقتان، بىرنەشە جىلدىڭ الدىندا ۋاڭ شۋۋىن وتباسىمەن تۇڭجوۋ رايونىنىڭ قالا ماڭىنداعى ءبىر اۋلاعا كوشىپ بارعان. بۇل ۇيدە بۇرىنعىداي 2 اس بولمەسى ورنالاستىرىلىپ، بىرىندە ارناۋلى مۇسىلمانشا تاعام جاسالاتىن بولعان؛ مۇنان تىس، 2 مۇزداتقىشتىڭ ءبىرىن كىشكەنتاي گۇلي ارناۋلى پايدالانىپ، مۇسىلمانشا تاعامداردى قويادى ەكەن.

  وتكەن جىلى كىشكەنتاي گۇليدىڭ اعاسى شياۋجياڭ ىشكى ولكەدەگى شينجياڭ كلاسىنان بەيجيڭدەگى ءبىر ۋنيۆەرسيتەتكە قابىلداندى. سەنبى، جەكسەنبىدە ول «بەيجيڭدىك اكە - شەشەسىنىڭ» ۇيىنە بارىپ تۇراتىن بولعان.

  اڭگىمەلەسىپ وتىرعانىمىزدا شياۋجياڭ قاراقاش اۋدانىنان تەلەفون شالىپ: بەيجيڭدىك شەشە، بىرنەشە كۇننەن كەيىن وقۋ باستالادى، سىزگە جاڭعاق نانىن الا بارامىن، - دەدى. ۋاڭ شۋۋىن شاتتانا كۇلىپ: الدىمەن ۇيگە كەلەسىڭ بە، الدە مەكتەبىڭە باراسىڭ با؟ - دەپ سۇراعان ەدى، ول: ۇيگە بارامىن، - دەدى، «نە جەيسىڭ؟»، «تاۋىق قاناتىن جەيمىن».

  ۋي ميڭ مەن ۋاڭ شۋۋىن كەزىندە كىشكەنتاي گۇليدەن: شەتەلگە شىعىپ وقۋدى قالايسىڭ با؟ - دەپ سۇراعاندا، ول ولاردان ايرىلعىسى كەلمەي، باسىن شايقاپتى. «وندا جاقسىراق مەكتەپتەن وقىتايىق، ءبىز بالانىڭ تىلەگىنە تولىق قۇرمەت ەتەمىز، ونىڭ بولاشاعىن قولىمىزدان كەلگەنشە قامتاماسىز ەتەمىز».

  «مەن بالالاردىڭ ساۋ دەنەلى، كوڭىلدى ەرجەتۋىن، تۇرسىننيازدىڭ ەرتەرەك ۇيگە قايتۋىن تىلەيمىن»، - دەدى ۋاڭ شۋۋىن وسى ءبىر باس قوساتىن باقىتتى شاقتىڭ كەلۋىن سارىلا كۇتىپ.

  (كشىكەنتاي گۇلي مەن شياۋجياڭ بالامالانىپ الىنعان ەسىم)

  ۋي ميڭ مەن ۋاڭ شۋۋىن قىزدارىنىڭ تاماقتى قاربىتا اساپ جاتقاندىعىنا ىشتەي رازى بولۋدا. گۇلي بۇل وتباسىندا قامقورلىققا بولەنىپ ەسەيىپ - ەرجەتىپ كەلەدى. سۋرەتتى سۇي يۇنيان تۇسىرگەن

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.