بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

كونچى وزەنىنىڭ ورتاڭعى، تومەنگى اعارىنىڭ ەكولوگياسىنا شۇعىل قاجەتتى سۋ تولىقتاندى

10 مىڭ مۋ جەردەگى توراڭعى ورمانىنىڭ ءشولى قاندى

2016.08.29 11:14     كەلۋ قاينارى : شينجياڭ گازەتى

  ءتىلشىمىز شيا چيڭ كورلادان حابارلايدى. 26 - تامىزدا كورلا قالاسى كونچى وزەنىنىڭ 3 - سۋ بولگىش جۇيەسىندە ساقتالعان سۋدىڭ تيەگى اعىتىلىسىمەن تۇپ - تۇنىق وزەن سۋى بۋىرقانا اعىپ، كونچى وزەنىنىڭ ورتاڭعى، تومەنگى اعارىنداعى 10 مىڭ مۋ جەردەگى شولىركەگەن توراڭعى ورمانىنا جەتتى. سول كۇنى رايونىمىزدىڭ 2016 - جىلعى تارىم وزەنى الابىنداعى توراڭعى ورمانىن قورعاۋ قيمىلىنىڭ كونچى وزەنى ورتاڭعى، تومەنگى اعارىنىڭ ەكولوگياسىنا شۇعىل قاجەتتى سۋ جەتكىزۋ جۇمىسى رەسمي باستالدى.

  كونچى وزەنىنىڭ سۋى باعراش كولىنەن كەلەدى، جالپى ۇزىندىعى 841 كيلومەتر، سوڭعى جىلدارى باعراش كولىندەگى سۋ دەڭگەيىنىڭ تومەندەۋىنە بايلانىستى وزەن سۋى ازايىپ، كونچى وزەنىنىڭ پۋحۇي سۋ قويماسىنان تومەنگى 654 كيلومەترلىك وزەن ارناسى، نەگىزىنەن، تارتىلىپ، ورتا، تومەنگى وزەن اعارىنىڭ ەكولوگيالىق ورتاسى كۇن سايىن ناشارلاعان.

  تارىم وزەنى الابىنداعى سۋ قاينارىن ءبىر تۇتاس باسقارۋدى ۇزبەي كۇشەيتىپ، سۋ قاينارىن باسقارۋدىڭ ەڭ قاتاڭ «ءۇش شەگىن» اتقارۋعا، سونداي - اق بايىنعولين موڭعۇل اۆتونوميالى وبلىسىنىڭ قۇدىق سۋى مەن ەلەكتر سىندى ەكى جاقتان مەڭگەرۋ شاراسىن جانە جەردى اداقتاۋ ارناۋلى قيمىلىن اتقارۋىنا ساي، بيىل باعراش كولىنىڭ سۋ دەڭگەيى 2013 - جىلعى 1045.03 مەتردەن بىرتىندەپ 1046.67 مەترگە كوتەرىلىپ، ءبىر ميلليارد 570 ميلليون تەكشەمەتر سۋ قوسىلدى، بۇل كونچى وزەنىنىڭ ورتاڭعى، تومەنگى اعارىنىڭ ەكولوگياسىنا سۋ جەتكىزۋگە ءتيىمدى شارت - جاعداي ازىرلەدى.

  ۇعىسۋعا قاراعاندا، بيىل 12 - تامىزدا تارىم وزەنى الابىن باسقارۋ مەكەمەسى تارىم وزەنىنىڭ تومەنگى اعارىنىڭ ەكولوگياسىن قورعاۋ ءۇشىن 17 - رەت سۋ جەتكىزگەن، قازىرگە دەيىن 68 ميلليون تەكشە مەتر سۋ جىبەرىلگەن، بيىل 350 ميلليون تەكشەمەتر سۋ جەتكىزۋ مىندەتىن ورىندايدى ەكەن. 2000 - جىلدان باستاپ، تارىم وزەنى الابىن باسقارۋ مەكەمەسى ىلگەرىندى - كەيىندى تارىم وزەنىنىڭ تومەنگى اعارىنىڭ ەكولوگيالىق ورتاسىن قورعاۋ ماقساتىندا 16 رەتتە جيىنى 5 ميلليارد 110 ميلليون تەكشەمەتر سۋ جىبەرگەن. ءسويتىپ، تومەنگى وزەن اعارىنىڭ ءۇرتىس 30 جىلعا جۋىق تارتىلۋ تاريحىن اياقتاتىپ، تارىم وزەنىنىڭ تومەنگى اعارىنداعى ەكولوگيالىق ورتانى ءونىمدى تۇردە جاقسارتتى.

  وسى رەت كونچى وزەنىنىڭ ورتاڭعى، تومەنگى اعارىنداعى ەكولوگيالىق ورتانى قورعاۋ ماقساتىندا 50 ميلليون تەكشەمەتر سۋدىڭ تولىقتانۋى جوسپار بويىنشا وزەن الابى ەكونوميكاسىنىڭ دامۋىنا پايدالانىلاتىن سۋعا كەپىلدىك ەتۋ نەگىزىندە، كونچى وزەنىنىڭ ورتاڭعى، تومەنگى اعارىنداعى توراڭعى ورمانىنىڭ قۋراپ قالۋى ءبىرشاما اۋىر وڭىرگە قاراتىلعان ءبىر رەتكى شۇعىل قاجەتتى سۋ تولىقتاۋ بولىپ، توراڭعى ورمانىنىڭ تابيعي تۇردە قالپىنا كەلۋ قۋاتىن ارتتىرۋدا، كونچى وزەنىنىڭ ورتاڭعى، تومەنگى اعارىنىڭ ەكولوگيالىق ورتاسىن جاقسارتۋدا، ادام مەن تابيعاتتىڭ جاراسىمدى دامۋىن جەبەۋدە اسا ماڭىزدى ءمان الادى، سونداي - اق تارىم وزەنى الابىنىڭ ەكولوگيالىق ورتاسىن وڭاۋ ناتيجەسىن اناعۇرلىم بەكەمدەيدى جانە زورايتادى.

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.