بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

دەنە تاربيە ساياحاتىنا قاتىناسىپ قۇدىرەتىن سەزىنۋ

2016.08.31 13:17     كەلۋ قاينارى : شينجياڭ گازەتى

  قىركۇيەك − شينجياڭنىڭ كوركى كوز تارتاتىن، اۋا رايى جانعا جايلى، سەيىل - سەرۋەن، ساياحاتتىڭ ايى، كورىكتى شينجياڭنىڭ تابيعات كورىنىستەرىن تاماشالاپ، وزگەشە جەمىس - جيدەكتەرىنەن ءدام تاتۋدىڭ تاماشا ماۋسىمى. 2016 - جىلعى جۇڭگو دەنە تاربيە مادەنيەت كورمەسى، جۇڭگو دەنە تاربيە ساياحات كورمەسى (قىسقارتىلىپ «قوس كورمە» دەلىندى) 2 - قىركۇيەكتەن 5 - قىركۇيەككە دەيىن شينجياڭ حالىقارالىق ءماجىلىس - كورمە ورتالىعىندا سالتاناتپەن اشىلادى.

  وسى كەزەكتى «قوس كورمەنى» مەملەكەتتىك دەنە تاربيە باس مەكەمەسىنىڭ دەنە تاربيە مادەنيەتىن دامىتۋ ورتالىعى، اۆتونوميالى رايوندىق دەنە تاربيە مەكەمەسى، اۆتونوميالى رايوندىق ساياحات مەكەمەسى بىرلەسىپ ۇيىمداستىردى، كورمە مازمۇندارى، باستىسى، دەنە تاربيە مادەنيەتى، دەنە تاربيە ساياحاتى، دەنە تاربيە ساياحات ونىمدەرى، از ۇلتتاردىڭ ءداستۇرلى دەنە تاربيە مادەنيەتى، سونداي - اق قوعامدىق سپورت سياقتى 6 بولىكتى قامتيدى، سونىمەن قاتار 2016 - جىلعى جۇڭگو دەنە تاربيە مادەنيەتىن، دەنە تاربيە ساياحاتىن دامىتۋ جوعارى دارەجەلى تالقى مىنبەرى، جۇڭگو دەنە تاربيە ساياحاتىن دامىتۋ جونىندەگى جاڭالىق اشۋ، قارجى سالۋ تالقى مىنبەرى، وليمپيادا اعا جۇلدەگەرلەرىنىڭ، سپورت جۇلدىزدارىنىڭ ەرىكتى قىزمەت كورسەتۋ ۇلاسپالى الەۋمەتتىك يگىلىك شارالارى سياقتى ارناۋلى قيمىلدار وتكىزىلەدى.

  ۇعىسۋىمىزشا، وسى كەزەكتى كورمەنىڭ جالپى اۋدانى 80 مىڭ شارشى مەترگە جەتىپ، كورمەگە شامامەن 400دەن استام ورىن قاتىناسادى ەكەن. كورمەنىڭ الدى - ارتىندا ءبىرقىدىرۋ ارناۋلى قيمىلدار دا وتەدى ەكەن. تاياۋدا كورمەنى دايىنداۋعا قاتىستى ادامدارمەن سۇحباتتاسقان ەدىك، ەندى سىزدەرمەن وسى كەزەكتى كورمەدەگى جارقىن تۇيىندەردى بولىسپەكشىمىز.

  جارقىن تۇيىندەر

  «قوس كورمەنىڭ» نەگىزگى جارقىن ءتۇيىنى رەتىندە، مەملەكەتتىك دەنە تاربيە باس مەكەمەسىنىڭ دەنە تاربيە مادەنيەتىن دامىتۋ ورتالىعى «جۇڭگو جانە وليمپيادا»، «جۇڭگو دەنە تاربيە سۋرەتى، حۇسنيحات كورمەسى»، «جۇڭگو دەنە تاربيە بۇيىمدارىن كورسەتۋ جانە باسەكەلەستىرىپ ساتۋ»، «جۇڭگو دەنە تاربيە پوچتا ماركاسى كورمەسى جانە از ۇلتتاردىڭ فوتوسۋرەت كورمەسى» سياقتى مازمۇنداردى ورتاعا سالدى. اتاپ ايتار بولساق، «جۇڭگو جانە وليمپيادا» تاقىرىبىنداعى كورمەنىڭ مازمۇنى ەلىمىزدىڭ سان عاسىردان جالعاسقان ەجەلگى دەنە تاربيە مادەنيەتىنىڭ توركىنىنىڭ وسى زامانعى وليمپيادالىق سپورتتىڭ دامۋىنا ءنار بەرگەنىن نەگىزگى جەلى ەتىپ، وسى زامانعى جۇڭگو مەن وليمپيادا سپورتىنا قاتىستى كوپتەگەن ناقتى زاتتار كورسەتىلىپ، ۋاقىت پەن كەڭىستىكتەگى تاريحي ديالوگ پەن سەكىرۋ ايگىلەنىپ، كوپتەگەن كورەرمەندى وزىنە تارتادى. ەلىمىزدىڭ بۇرىنعى كەزەكتەردەگى وليمپيادا سپورت جارىسىندا العان سيلىق ساۋىتى، سيلىق تاقتاسى، الاۋ، بەلگى، حۇجاتتىق كونە بۇيىمدار، پوچتا ماركاسى، اقشا، قۇت بەلگىسى سياقتىلاردىڭ ءبىر ءبولىمى تۇڭعىش رەت كورمەگە قويىلماق.

  مەملەكەتتىك دەنە تاربيە باس مەكەمەسى دەنە تاربيە مادەنيەتىن دامىتۋ ورتالىعى، مەملەكەتتىك دەنە تاربيە مۇراجايى، جۇڭگو وليمپيادا مۇراجايى باس مەكەمەگە توتە قارايتىن ورىن رەتىندە، دەنە تاربيە مادەنيەتى جونىندەگى ۇگىت - تاربيە قيمىلدارىن وتكىزۋ، جۇڭگو دەنە تاربيەسىنىڭ كەلبەتىن كورسەتۋ، جۇڭحۋانىڭ دەنە تاربيە رۋحى مەن وليمپيادا رۋحىن ۇگىتتەۋ، ءار ءتۇرلى دەنە تاربيە مادەنيەت قيمىلدارىن ۇيىمداستىرۋ سياقتى قىزمەت جاۋاپكەرشىلىگىن ارقالاپ وتىر. سوڭعى 10 جىلدا جۇڭگونىڭ ءار جەرىندە ءبىر قىدىرۋ دەنە تاربيە مادەنيەت قيمىلدارىن ۇيىمداستىرىپ وتكىزدى. مادەنيەت ورتالىعى جۇڭگو جانە وليمپيادا كورمەسى، جۇڭگو دەنە تاربيە سۋرەتى، حۇسنيحات كورمەسى، جۇڭگو دەنە تاربيە بۇيىمدارىن جيناپ ساقتاۋ جانە باسەكەلەستىرىپ ساتۋ سياقتى دەنە تاربيە مادەنيەتى تاقىرىبىنداعى ءبىر قىدىرۋ كورمە مازمۇندارىن دەن قويا ۇيىمداستىردى.

  3000 شارشى مەترلىك كورمە زالىنىڭ جوباسىندا شينجياڭنىڭ ايگىلى مادەنيەتى، قۇرىلىستارى ارتقى كورىنىس، ەلىمىزدىڭ ارىدان كەلە جاتقان ەجەلگى دەنە تاربيە مادەنيەتى، وسى زامانعى وليمپيادا سپورتىنىڭ دامۋى جەلى ەتىلىپ، تاياۋدا عانا وتكەن 31 - كەزەكتى وليمپيادا سپورت جارىسىنىڭ، قازىرگى تاڭدا جۇڭگودا وڭ ەنەرگيا تاراتىپ جاتقان كورنەكتى سپورتشىلار ۋاكىلدەرىنىڭ، وليمپيادا سپورتىنداعى التىن مەدال يەگەرلەرىنىڭ كوز ايىم ساتتەرى ەرەكشە كورسەتىلەدى.

  جۇڭگو دەنە تاربيە سۋرەتى، حۇسنيحات كورمەسىندە بۇكىل ەلىمىزدىڭ سۋرەت، حۇسنيحات، ءمۇسىن سالالارىنداعى ايگىلى دەنە تاربيە مادەنيەت قايراتكەرلەرىنىڭ 200دەن استام تۋىندىسى؛ 9 توپتاعى دەنە تاربيە باعالى بۇيىمدارى، 300دەن استام ساقتالعان بۇيىمدار، 1932 - جىلدان 2016 - جىلعا دەيىنگى جازعى وليمپيادا جارىستارىنىڭ الاۋى سياقتىلار تۇڭعىش رەت شينجياڭعا اكەلىنىپ، بۇكىل ەلدەگى دەنە تاربيە بۇيىمدارىن جيناپ ساقتاۋ اۋەسكەرلەرىنىڭ جانە كورەرمەندەردىڭ تالقىسى مەن باعاسىن كۇتەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.