بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

شينجياڭنىڭ «قوس كورمەنى» وتكىزۋ بەكىمى قايدان كەلگەن

2016.08.31 13:18     كەلۋ قاينارى : شينجياڭ گازەتى

  ەندى بىرنەشە كۇننەن كەيىن، 2016 - جىلعى جۇڭگو دەنە تاربيە مادەنيەت كورمەسى مەن جۇڭگو دەنە تاربيە ساياحات كورمەسى − («قوس كورمە») شينجياڭدا وتكىزىلەدى. سونىمەن مەملەكەتتىك 13 - كەزەكتى قىسقى سپورت جارىسى ءساتتى وتكىزىلگەننەن كەيىن ارادا جارتى جىلدان استام ۋاقىت وتەر - وتپەي جاتىپ، مەملەكەتتىك كولەمدى دەنە تاربيە جارىسى مەن مەملەكەتتىك دەنە تاربيە كورمەسى ىركەس - تىركەس شينجياڭدا وتكىزىلەتىن بولدى، ەندەشە، شينجياڭ قانداي ارتىقشىلىعىمەن وسىنشالىق كوزگە ءتۇستى؟ شينجياڭنىڭ مەملەكەتتىك كورمە مەن جارىستاردى ىركەس - تىركەس وتكىزەتىن سەنىمى مەن بەكىمى قايدان كەلگەن؟

  جيڭ بو

  مەملەكەتتىك 13 - كەزەكتى قىسقى سپورت جارىسىنىڭ اسەرى كورنەكتى

  مەملەكەتتىك 13 - كەزەكتى قىسقى سپورت جارىسىن «ەل ىشىندە بىرەگەي، حالىقارالىق دەڭگەيدەگى، جاراسىمدى دا حاۋىپسىز، تارتىمدى، دۇنيە جۇزىنە ىقپال ەتەتىن» سالتاناتتى قىسقى سپورت جارىسى ەتىپ ءساتتى وتكىزۋ شينجياڭنىڭ قابىلەتى مەن دەڭگەيىن ايگىلەپ، وزىنە دەگەن بەرىك سەنىمىن اڭعارتتى!

  − مەملەكەتتىك 13 - كەزەكتى قىسقى سپورت جارىسى ءساتتى وتكىزىلگەننەن كەيىن، بۇكىل ەلدىڭ شينجياڭعا دەگەن تۇسىنىگى ونان ارى تەرەڭدەۋمەن بىرگە، مەملەكەتتىك دەنە تاربيە باس مەكەمەسى مەن سپورت شەبىنىڭ سەنىمىنە قول جەتكىزدىك. سونىمەن بىرگە، كوركەم شينجياڭدى ىشكەرىلەي ۇگىتتەپ، قالىڭ ساياحاتشىلاردى وزىمىزگە تارتىپ، جۇرت تىلەگىن ۇيىستىرىپ، وڭ ەنەرگيانى ايگىلەدىك. «قوس كورمەنى» وتكىزۋگە ءوتىنىش ەتكەن كەزدە ءوتىنىش تاپسىرعان ءىشىنارا ولكە، اۆتونوميالى رايوندار شينجياڭنىڭ بيىل «قوس كورمەنى» وتكىزۋ ويى بارلىعىن بىلگەننەن كەيىن وتىنىشتەرىن وزدىكتەرىنەن قايتارىپ الدى، - دەيدى اۆتونوميالى رايوندىق دەنە تاربيە مەكەمەسىنىڭ ورىنباسار باستىعى ياڭ شينلي.

  ياڭ شينلي: بۇل مەملەكەتتىك 13 - كەزەكتى قىسقى سپورت جارىسىنىڭ اسەرى، كوپ تىلەگىنىڭ، جۇرت قالاۋىنىڭ تاعى ءبىر ءتۇرلى فورماسى، - دەيدى.

  بيىلعى «قوس كورمەنىڭ» شينجياڭعا تياناقتاۋى جونىندە مەملەكەتتىك دەنە تاربيە باس مەكەمەسى دەنە تاربيە مادەنيەتىن دامىتۋ ورتالىعىنىڭ مەڭگەرۋشىسى لياڭ شياۋلۇڭنىڭ وزىندىك كوزقاراسى بار ەكەن.

  لياڭ شياۋلۇڭ: ءىس جۇزىندە، كوپتەگەن ولكە، قالالار «قوس كورمەنى» ءوز جەرلەرىندە ۇزاق ۋاقىت، تۇراقتى وتكىزۋدى ءۇمىت ەتەدى. ءبىراق، بىزشە بولعاندا، دەنە تاربيە مادەنيەتى تەك بىرەر ءوڭىردىڭ ەنشىسىندە عانا بولماۋعا ءتيىس، دەنە تاربيە مادەنيەتىن، دەنە شىنىقتىرۋ يدەياسىن بۇكىل ەلدىڭ جەر - جەرىندە جالپىلاستىرۋ كەرەك. شينجياڭنىڭ جەرى كەڭ، بايلىعى مول، ونىڭ ۇستىنە از ۇلتتار شوعىرلى قونىستانعان، ۇلتتىق ەرەكشەلىكتەگى دەنە تاربيە تۇرلەرى مەن قيمىلدارى بار، «قوس كورمەنى» وسى جەردە وتكىزۋ ارقىلى ەلىمىز دەنە تاربيە ىستەرىنىڭ دامۋىن ىلگەرىلەتۋگە بولادى، سونداي - اق بۇل شينجياڭنىڭ دەنە تاربيە ىستەرىنىڭ دامۋى جونىنەن دە اسا زور جەبەۋ رولىن اتقارادى.

  سونىمەن بىرگە، شينجياڭنىڭ مەملەكەتتىك 13 - كەزەكتى قىسقى سپورت جارىسىن ءساتتى وتكىزۋىنىڭ يگى ىقپالى بولعاندىقتان، ونىڭ ۇستىنە شينجياڭ كورمەنى وتكىزۋگە بەلسەنە ءوتىنىش بەرگەندىكتەن، بيىلعى «قوس كورمەنى» شينجياڭدا وتكىزۋدى ۇيعاردىق، - دەيدى.

  مەملەكەتتىك 13 - كەزەكتى قىسقى سپورت جارىسىنىڭ ىقپالىن وسى جارتى جىلدان بەرگى ىركەس - تىركەس ءوتىپ جاتقان دەنە تاربيە جارىستارىنان دا بايقاۋعا بولادى.

  ۆەلوسيپەدپەن سايرامدى اينالۋ جارىسى، دالالىق اۆتوموبيلمەن، موتوتسيكلمەن تاكلاماكان ءشولىن اينالۋ راللي جارىسى، تۇڭعىش كەزەكتى جۇڭگو . شينجياڭ «ءبىر بەلدەۋ، ءبىر جول» حالىقارالىق ايەلدەر باسكەتبول ۇسىنىس جارىسى، شينجياڭ جىبەك جولى حالىقارالىق جاستار فۋتبول ۇسىنىس جارىسى سياقتى جارىستار ىركەس - تىركەس وتكىزىلىپ، شينجياڭدا ءالسىن - ءالى دەنە تاربيە ورلەۋىن قوزعاپ وتىردى.

  قىركۇيەكتە 2016 - جىلعى «ءبىر بەلدەۋ، ءبىر جول» حالىقارالىق ۇستەل دوپ ۇسىنىس جارىسى مەن 2016 - 2014 مەملەكەتتىك مانەرلەپ سىرعاناۋ سيلىقتى جارىسى تاعى دا شينجياڭدا وتكىزىلەدى، مۇنداي ءجيى ءوتىپ جاتقان سپورت جارىستارىن تاماشالاپ ۇلگىرە المايسىزدا.

  مۇنداي ىركەس - تىركەس دەنە تاربيە جارىستارىن اۆتونوميالى رايوندىق پارتكوم مەن حالىق ۇكىمەتىنىڭ جۋىق جىلداردان بەرگى وسى زامانعى مادەنيەتتى جەتەكشى ەتكەن بيلىك جۇرگىزۋ يدەياسىنان بولە قاراۋعا كەلمەيدى.

  اۆتونوميالى رايوندىق حالىق ۇكىمەتىنىڭ ورىنباسار باس حاتشىسى پارحات جالەل: مەملەكەتتىك 13 - كەزەكتى قىسقى سپورت جارىسىنىڭ وتكىزىلۋى شينجياڭنىڭ مادەنيەت، دەنە تاربيە، ساياحات ىستەرىن قىزۋ ورلەۋگە كوتەردى. «قوس كورمەنى» وتكىزۋ مەملەكەتتىك 13 - كەزەكتى قىسقى سپورت جارىسىنىڭ يگى اسەرىن جالعاستىرىپ كەڭەيتىپ، شينجياڭنىڭ وبرازىن ۇزبەي سومداۋدا بەلسەندى ماڭىز الادى، - دەدى.

  قارىشتاپ دامۋدىڭ قاناتىن جايعان دەنە تاربيە كاسىبى

  بەيجيڭ وۋشۇن دەنە تاربيە مادەنيەت شەكتى سەرىكتەستىگىنىڭ ورىنباسار باسالقاسى ياۋ جىنيان جونىنەن 2015 - جىلدان بۇرىن شينجياڭ وعان بەيتانىس ەدى.

  ياۋ جىنيان قىسقا عانا ۋاقىتتا شينجياڭعا 4 رەت كەلىپ، شينجياڭنىڭ دەنە تاربيە كاسىبى بازارىن باقىلادى ءارى شينجياڭ تيانشان بارىس فۋتبول كلۋبىمەن سەلبەستىك كەلىسىمىنە تەز ارادا قول قويىستى. ياۋ جىنيان بىلاي دەدى: «سەرىكتەستىگىمىز شينجياڭنىڭ دەنە تاربيە كاسىبىنىڭ دامۋىنا ەرەكشە دەن قويادى، اسىرەسە، كاسىپتىك دەنە تاربيە جانە دالالىق دەنە تاربيە جاعىندا شينجياڭ دامۋدىڭ تاماشا ورايىنا يە».

  «قوس كورمە» تۇڭعىش رەت بازار مەحانيزمىنە ەندى، وۋشۇن دەنە تاربيە مادەنيەت شەكتى سەرىكتەستىگى وسى كورمەدەگى سەلبەستىك سەرىكتەردىڭ ءبىرى.

  قاتىستى قايراتكەرلەر: «قوس كورمە» ءارقايسى ولكە، اۆتونوميالى رايوننىڭ دەنە تاربيە مادەنيەت اۋىس - كۇيىسىن جالعاستىرىپ قالماستان، دەنە تاربيە كاسىبىنىڭ دامۋىنا ۇلكەن ساۋدا ورايىن اكەلدى، ال شينجياڭنىڭ دەنە تاربيە كاسىبى بولسا ءدال قازىر قارىشتاپ دامۋدىڭ تاماشا كەزەڭىندە تۇر، - دەپ قارادى.

  دالالىق سپورت قيمىلدارى بايلىعىنان تىس، شينجياڭداعى قار - مۇز بايلىعى دا مەملەكەتتىك 13 - كەزەكتى قىسقى سپورت جارىسىنان كەيىن تىڭ ومىرشەڭدىك كۇشكە يە بولدى: ەلىمىزدىڭ جەر - جەرىنەن كەلگەن ساياحاتشىلار شينجياڭعا ارنايى ساياحاتتاي كەلىپ، قار - مۇز ساياحاتىنىڭ قىزىعىنا شومدى؛ شينجياڭنىڭ جەر - جەرىندە اشىلعان قار - مۇز نىساندارى اۋەسقويلار كلاستارىنا قابىلدانۋشىلار سانى ەسەلەپ ارتتى؛ قار - مۇزعا قاتىستى دالالىق سپورت جابدىقتارىنىڭ ساتىلۋ شاماسى دا كۇرت مولايىپ، شينجياڭنىڭ دەنە تاربيە ىستەرىنىڭ تىڭ ومىرشەڭدىك كۇشىن ايگىلەدى.

  سونىمەن قوسا، شينجياڭ تيانشان ايەلدەر باسكەتبول جارىسى دا وتكەن جارىس ماۋسىمىندا بىرىككەن جارىستىڭ جۇلدەگەرى بولدى، شينجياڭ گۋاڭحۇي جولبارىس ەرلەر باسكەتبول جارىسىنىڭ دا بازارى جانداندى، شينجياڭ جاستار مەن جاس وسپىرىمدەر فۋتبولى دا ەل ىشىندە تاماشا ناتيجەلەردى قولعا كەلتىردى، وسىنىڭ ءبارى دە قاتىستى كاسىپتەردىڭ دامۋىن جەتەكتەپ، كاسىپ تىزبەگىن قالىپتاستىردى.

  2015 - جىلى شينجياڭ «دەنە تاربيە كاسىبىن جەدەل دامىتىپ، دەنە تاربيە تۇتىنۋىن جەبەۋ جونىندە اتقارۋ پىكىرىن» شىعارىپ، اۆتونوميالى رايونىمىزدىڭ دەنە تاربيە كاسىبىن دامىتۋدىڭ 8 ۇلكەن مىندەتىن ايقىن العا قويىپ، دەنە تاربيە كاسىبىنىڭ دامۋىنا ايقىن بەتالىس كورسەتتى.

  سونىمەن بىرگە، دەنە تاربيە كاسىبىن جەدەل دامىتىپ، دەنە تاربيەنىڭ باسەكەلىك قۋاتىن جاپپاي جوعارىلاتۋدى جىبەك جولى ەكونوميكالىق بەلدەۋى «مادەنيەت، عىلىم − تەحنيكا، وقۋ - اعارتۋ ورتالىعى» قۇرىلىسىنىڭ ماڭىزدى مازمۇنى رەتىندە قارادى، اۆتونوميالى رايونىمىز 2025 - جىلى شينجياڭداعى دەنە تاربيەمەن شۇعىلداناتىن حالىقتى جالپى حالىقتىڭ ۇشتەن ءبىر بولەگىنەن اسىرۋدى، دەنە تاربيە كاسىبىنىڭ GDPدان ۇستاعان ارا سالماعىن كورنەكتى ارتتىرۋدى، ادام باسىنا تۋرا كەلەتىن دەنە تاربيە الاڭدارىنىڭ اۋدانىن مەملەكەتتىڭ ورتاشا دەڭگەيىنەن اسىرۋدى، قالا، اۋىل تۇرعىندارىنىڭ دەنە تاربيەگە جۇمساعان جان باسىندىق ورتاشا تۇتىنۋىن كورنەكتى مولايتۋدى العا قويدى.

  بيىل شينجياڭ تاعى دا مەملەكەتتىك دامۋ جانە رەفورما كوميتەتىنىڭ قولداۋىنا بەلسەنە قول جەتكىزىپ، دەنە تاربيە كاسىبىن دامىتاتىن 13 ينجەنەريالىق نىساندى جانە مەملەكەتتىك ارنايى قۇرىلىس قورىن تياناقتاندىرىپ، شينجياڭنىڭ دەنە تاربيە كاسىبىنىڭ دامۋىنا تاماشا وراي جانە شارت - جاعداي ازىرلەدى.

  وسى جۇمىستاردىڭ ءبارى دە شينجياڭنىڭ دەنە تاربيە كاسىبىنىڭ قارىشتاپ دامۋدىڭ قاناتىن جايعاندىعىنىڭ ايقىن دالەلى. وزەكتى رايوننىڭ وزىنە باۋراۋ قۋاتى

  24 - تامىزدا گۋاڭجوۋ اۆتوكولىك توبىنىڭ شينجياڭ نىسانىنىڭ ىرگە تاسى ءۇرىمجى قالاسىنىڭ ەكونوميكالىق - تەحنيكالىق اشۋ رايونىندا (توۋتۇنحى رايونى) قالاندى. مەجەمەن ءبىر ميلليارد 600 ميلليون يۋان قارجى قوسىلاتىن بۇل نىسانعا نىساندى تەكسەرۋدەن، كەلىسىمگە قول قويۋدان، نىساننىڭ ىرگە تاسى قالانۋعا دەيىن نەبارى 5 اي ۋاقىت جۇمسالدى. بۇل كاسىپورىننىڭ ستراتەگيالىق ورنالاستىرۋ ويى ءارى شينجياڭنىڭ دامۋ بولاشاعىنان زور ءۇمىت كۇتكەن ءىس جۇزىندىك ارەكەتى بولىپ تابىلادى.

  شينجياڭ جىبەك جولى ەكونوميكالىق بەلدەۋىندەگى ماڭىزدى ءتۇيىن، ورتا ازيامەن ىرگەلەسىپ، ەۆروپا قۇرلىعىن شارپيدى. «ءبىر بەلدەۋ، ءبىر جول» ستراتەگياسىندا جىبەك جولى ەكونوميكالىق بەلدەۋىنىڭ وزەكتى رايونى بولعان شينجياڭ «بەس ورتالىق» قۇرىلىس مىندەتىن ايقىندادى، مۇنىڭ ىشىندە وڭىرلىك مادەنيەت، عىلىم - تەحنيكا، وقۋ - اعارتۋ ورتالىعىن قۇرۋ ماڭىزدى ءبىر جاعى سانالادى.

  سوڭعى جىلدارى شينجياڭ وسى زامانعى مادەنيەتپەن جەتەكشىلىك ەتۋگە، عىلىم - تەحنيكا، وقۋ - اعارتۋ ارقىلى دەم بەرۋگە تاباندى بولىپ، ىلگەرىندى - كەيىندى جۇڭگو شينجياڭ حالىقارالىق ۇلتتىق ءبي فەستيۆالى، جۇڭگو− ازيا - ەۆروپا كورمەسى سياقتىلاردى كوپ كەزەك وتكىزدى. اسىرەسە، مەملەكەتتىك 13 - كەزەكتى قىسقى سپورت جارىسىنىڭ تابىستى وتكىزىلۋى شينجياڭنىڭ قۋاتىن ايگىلەۋمەن بىرگە، وزەكتى رايوننىڭ سەنىمى مەن جاۋاپكەرلىگىن جان - جاقتى ايگىلەدى.

  شينجياڭنىڭ «قوس كورمەنى» ۇستىنە الىپ وتكىزۋى كوپشىلىكتىڭ شينجياڭنىڭ قۋاتىنا، شينجياڭنىڭ ورەسىنە دەگەن سەنىمىنەن تۋىنداعان، سونىمەن قوسا، سوڭعى جىلدارى شينجياڭنىڭ ەكونوميكالىق، قوعامدىق دامۋ جاعدايىنىڭ جاقسى بولۋىنان تۋىنداعان.

  12 - تامىزدا ءۇرىمجى جوعارى جىلدامدىقتى تەمىر جول ۆوكزالى رەسمي ىسكە قوسىلدى. بۇل شينجياڭنىڭ جوعارى جىلدامدىقتى تەمىر جول داۋىرىنە جاپپاي قادام تاستاعانىنىڭ بەلگىسى ءارى جىبەك جولى ەكونوميكالىق بەلدەۋىندەگى وزەكتى رايوننىڭ كەشەندى قاتىناس تورابى ورتالىعى قۇرىلىسىنداعى ماڭىزدى جەتىستىك.

  ءتىلشىنىڭ ۇعىسۋىنشا، شينجياڭدا 17 اۋەجاي بار، ول مەملەكەت بويىنشا اۋەجايى ەڭ كوپ اۆتونوميالى رايونعا اينالعان، ەل ىشىندەگى اۋە جەلىسى 99عا جەتكەن. ءۇرىمجى تەمىر جول مەكەمەسىنىڭ بيىل شىلدە ايىنداعى جولاۋشى، زات تاسىمالىنىڭ ارتۋ مولشەرى ءبىر ۋاقىتتا %20تەن اسىپ، بۇكىل ەلدەگى تەمىر جولدار ىشىندە الدىڭعى ورىنعا وتكەن.

  ساياحاتشى قابىلداۋ قۋاتى دا كۇن سايىن ارتتى. قازىر رايونىمىزدا ساياحاتشى قابىلدايتىن جۇلدىز دارەجەلى قوناق ءۇي، قوناق ساراي 405گە جەتتى. مۇنىڭ ىشىندە 5 جۇلدىز دارەجەلى قوناق ءۇي مەن قوناق سارايدان 16سى بار، بۇل جاعىندا باتىس سولتۇستىكتەگى 5 ولكە، اۆتونوميالى رايون اراسىندا 1 - ورىندى يەلەيدى. ساياحات كووپەراتيۆى 340قا، ءتۇرلى تىلدە ساياحاتشىلارعا قىزمەت ەتەتىن ساياحات داياشىسى 24 مىڭ ادامعا، ساياحات كاسىبىمەن تىكەلەي جانە جانامالاي شۇعىلداناتىندار ءبىر ميلليون 560 مىڭ ادامعا جەتتى.

  جىبەك جولى ەكونوميكالىق بەلدەۋىندەگى وزەكتى رايون رەتىندە شينجياڭنىڭ باسەكەلىك قۋاتى ۇزبەي ارتىپ، جۇلدىزداي جارقىرادى.

  ءدال قازىر شينجياڭ كۇزدىڭ قوڭىر سامالى ەسىپ، جەمىس - جيدەكتىڭ حوش ءيىسى اڭقىعان ەڭ تاماشا مەزگىلدە تۇر. شينجياڭعا ساياحاتتاي كەلەتىندەردىڭ اياعى تولاستامادى، ساۋدا ىستەرى بابىمەن تەكسەرۋگە كەلگەن توپتاردىڭ قاتارى مولايىپ، قىرۋار قارجىنى، ادامدى جانە زاتتى شوعىرلاندىردى.

  مەملەكەتتىك دەنە تاربيە باس مەكەمەسى ۇگىت مەكەمەسىنىڭ باستىعى تۋ شياۋدۇڭ: شينجياڭدا «قوس كورمەنى» وتكىزۋدىڭ كوركەم شينجياڭدى اناعۇرلىم ۇگىتتەۋ، ساياحاتشىلاردى باۋراۋ، «ءبىر بەلدەۋ، ءبىر جول» ستراتەگياسىن ۇگىتتەۋ، جىبەك جولى ەكونوميكالىق بەلدەۋى قۇرىلىسىن ىلگەرىلەتۋ، جۇرت تىلەگىن توعىستىرۋ، وڭ ەنەرگيانى ساۋلەلەندىرۋ جاعىندا بەلسەندى رول اتقاراتىنى داۋسىز، - دەدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.