بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

شينجياڭ ۇيعۇر اۆتونوميالى رايونىنىڭ وت ەلەكتر جانە جەل ەلەكتر، فوتوۆولت سياقتى الەۋمەتتىك بايلىقتى اشۋ قۇرىلىس نىسانىنا اشىق مەردىگەرلىككە شاقىرۋ، نىسان يەسىن بەكىتۋدىڭ ۋاقىتتىق ءادىسى

2016.08.31 13:19     كەلۋ قاينارى : شينجياڭ گازەتى

  شينجياڭ ۇيعۇر اۆتونوميالى رايوندىق حالىق ۇكىمەتىنىڭ بۇيرىعى

  201 - ءنومىرلى

  «شينجياڭ ۇيعۇر اۆتونوميالى رايونىنىڭ وت ەلەكتر جانە جەل ەلەكتر، فوتوۆولت سياقتى الەۋمەتتىك بايلىقتى اشۋ قۇرىلىس نىسانىنا اشىق مەردىگەرلىككە شاقىرۋ، نىسان يەسىن بەكىتۋدىڭ ۋاقىتتىق ءادىسى» 2016 - جىلى 27 - ماۋسىمدا اۆتونوميالى رايوندىق 12 - كەزەكتى حالىق ۇكىمەتىنىڭ 35 - رەتكى ۇنەمىلىك ىستەر ماجىلىسىندە تالقىلانىپ ماقۇلداندى، مۇنى 2016 - جىلى 30 - قىركۇيەكتەن باستاپ اتقارۋ جاريالاندى.

  اۆتونوميالى رايوننىڭ ءتوراعاسى شوكىرات زاكىر

  2016 - جىلى 19 - تامىز

  1 - تارماق وت ەلەكتر، جەل ەلەكتر، فوتوۆولت سياقتى الەۋمەتتىك بايلىقتى جۇيەلى اشۋ، كاسىپورىنداردىڭ قارجى سالۋ ارەكەتىن ارناعا ءتۇسىرۋ، اشىق، تەڭ، ادىلدىككە قۇرىلعان قارجى سالۋ ورتاسىن جاراتۋ، ەلەكتر كۇشى ونەركاسىبىنىڭ اقاۋسىز دامۋىن ىلگەرىلەتۋ ءۇشىن، «جۇڭحۋا حالىق رەسپۋبليكاسىنىڭ مەردىگەرلىككە شاقىرۋ، مەردىگەرلىككە الۋ زاڭى»، «جۇڭحۋا حالىق رەسپۋبليكاسىنىڭ مەردىگەرلىككە شاقىرۋ، مەردىگەرلىككە الۋ زاڭىن اتقارۋ ەرەجەسىنە» ساي، اۆتونوميالى رايوننىڭ ءىس جۇزىندىك جاعدايىمەن ۇشتاستىرا وتىرىپ، وسى ۋاقىتتىق اتقارۋ ءادىسى بەلگىلەندى.

  2 - تارماق اۆتونوميالى رايوننىڭ اكىمشىلىك ءوڭىر كولەمىندەگى مەملەكەتتىك ەنەرگيا مەكەمەسىنىڭ جىلدىق وت ەلەكتر قۇرىلىسى جوسپارىن اتقارۋ جوباسى مەن جىلدىق جەل ەلەكتر، فوتوۆولت اشۋ قۇرىلىسى جوباسى نىسانىنا قامتۋ جوسپارلانعان نىساندار ۋاقىتتىق اتقارۋ ءادىسى بويىنشا قوعامعا اشىق مەردىگەرلىككە شاقىرۋى، نىسان يەسىن بەلگىلەۋى ءتيىس.

  3 - تارماق اۆتونوميالى رايوننىڭ دامۋ، رەفورما تاراۋلارى نەمەسە نىسان تۇرعان وبلىس، قالا (ايماق) حالىق ۇكىمەتى (اكىمشىلىك مەكەمەسى) مەملەكەت جانە اۆتونوميالى رايوننىڭ ەلەكتر قۋاتىن دامىتۋ جوسپارىنا ساي، تولىمدىلىعى بار جوبالاۋعا كەڭەس بەرۋ قۇرىلىمدارىنا مىندەتتەۋ ارقىلى وت ەلەكتر نىساندارى مەن جەل ەلەكتر، فوتوۆولت بازالىق قۇرىلىس جوسپارى جوباسىن دايىنداۋعا ۇيىمداستىرادى، مۇنى باسشىلىق بەكىتكەننەن كەيىن اشىق مەردىگەرلىككە شاقىرۋ، نىسان يەسىن بەكىتۋدىڭ دالەلى ەتەدى.

  4 - تارماق اۆتونوميالى رايوننىڭ دامۋ، رەفورما تاراۋلارى نەمەسە نىسان تۇرعان وبلىس، قالا (ايماق) حالىق ۇكىمەتى (اكىمشىلىك مەكەمەسى) وت ەلەكتر نىساندارىنىڭ مەردىگەرى. نىسان تۇرعان وبلىس، قالا (ايماق) حالىق ۇكىمەتى (اكىمشىلىك مەكەمەسى) وت ەلەكتر، فوتوۆولتتىق ەلەكتر شىعارۋ نىساندارىنىڭ مەردىگەرى.

  مەردىگەرلەر مەردىگەرلىك جۇمىستارىن تولىمدى بولعان مەردىگەرلىككە شاقىرۋ بويىنشا وكىلەتتىك قۇرىلىمدارعا مىندەتتەۋى ءتيىس.

  5 - تارماق مەردىگەرلەر مەردىگەرلىك حۇجاتتارىن وت ەلەكتر جانە جەل ەلەكتر، فوتوۆولت نىسان قۇرىلىسىنىڭ ەرەكشەلىكتەرى جانە قاجەتتەرىنە قاراي دايىنداۋى ءتيىس. مەردىگەرلىك حۇجاتى قۇرىلىس نىساندارىنىڭ تەحنيكالىق تالابى، مەردىگەرلىككە الۋشىنىڭ تولىمدىلىعىن تەكسەرۋ ولشەمى، مەردىگەرلىككە الۋ باعاسىن جاريالاۋ تالابى جانە مەردىگەرلىكتى باعالاۋ ولشەمى سياقتى بارلىق ناقتى تالاپتار مەن شارتتاردى، سونداي - اق قول قويۋعا دايىندالعان كەلىسىمنىڭ باستى ەرەجەلەرىن قامتيدى.

  مەردىگەرلەر قوعامعا مەردىگەر شاقىرۋ حابارلاندىرۋىن اشىق جاريالاۋى ءتيىس. 6 - تارماق مەردىگەرلىككە الۋشى مەردىگەرلىككە الۋ حۇجاتتارىن مەردىگەرلىككە شاقىرۋ حۇجاتتارىنىڭ تالابىنا ساي دايىنداۋى ءتيىس. مەردىگەرلىككە الۋ حۇجاتى نىساندارعا مەردىگەر شاقىرۋ حۇجاتىندا العا قويىلعان ماندىك تالاپتار مەن شارتتارعا سايكەس كەلۋى ءتيىس.

  7 - تارماق اۆتونوميالى رايوننىڭ دامۋ جانە رەفورما تاراۋلارى قاتىستى زاڭ، زاڭ - ەرەجەلەرگە ساي، ەلەكتر كۇشى نىساندارىنىڭ مەردىگەرلىكتى باعالاۋ ماماندار قويماسىن دايىنداۋى ءتيىس، ماماندار قويماسى ەلەكتر كۇشى جوسپارى، ينجەنەريالىق قۇرىلىس جانە قىزمەت اينالىمىن قورعاۋدا مول تاجىريبەگە يە بولعان مامان، وقىمىستىلاردى، ينجەنەريالىق تەحنيكا جانە شارۋاشىلىق باسقارۋشىلاردى قامتيدى.

  8 - تارماق مەردىگەرلىكتى باعالاۋ جۇمىسىنا مەردىگەرلىككە شاقىرۋشى زاڭ بويىنشا قۇرعان مەردىگەرلىكتى باعالاۋ كوميتەتى جاۋاپتى. مەردىگەرلىكتى باعالاۋ كوميتەتى تەحنيكا، ەكونوميكا سالالارىنىڭ ماماندارى مەن مەردىگەر شاقىرۋشى ۋاكىلدەرىنەن ۇيىمداسادى، كوميتەت مۇشەلەرى 5 ادامنان جوعارى تاق ساندى قۇرايدى، مۇندا تەحنيكا، ەكونوميكا سياقتى سالالارداعى ماماندار مۇشەلەر جالپى سانىنىڭ ۇشتەن ەكىسىنەن كەم بولماۋى كەرەك.

  مەردىگەرلىكتى باعالاۋ ماماندارى ەلەكتر نىساندارى بويىنشا مەردىگەرلىكتى باعالاۋ ماماندار قويماسىنان كەزدەيسوق تاڭداۋ ارقىلى بەلگىلەنەدى.

  9 - تارماق مەردىگەرلىكتى باعالاۋ كوميتەتى مەردىگەرلىككە شاقىرۋ حۇجاتىندا بەلگىلەنگەن مەردىگەرلىكتى باعالاۋ ولشەمى مەن ادىستەرىنە ساي، مەردىگەرلىككە الۋ حۇجاتتارىن باعالاۋ - تەكسەرۋى جانە سالىستىرۋى ءتيىس. مەردىگەرلىكتى باعالاۋ كوميتەتى مەردىگەرلىكتى باعالاۋ قىزمەتىنەن كەيىن مەردىگەرلىككە شاقىرۋشىعا مەردىگەرلىكتى باعالاۋ جازباشا مالىمەتىن العا قويادى ءارى مەردىگەرلىككە الۋداعى تولىمدى كانديداتتى كورسەتەدى. مەردىگەرلىككە شاقىرۋشى مەردىگەرلىكتى باعالاۋ كوميتەتى العا قويعان مەردىگەرلىكتى باعالاۋ جازباشا مالىمەتىنە جانە مەردىگەرلىككە الۋشى كانديداتتى كورسەتۋىنە مەڭزەس مەردىگەرلىككە الۋشىنى بەلگىلەيدى.

  10 - تارماق ۋاقىتتىق شارادا بەلگىلەنگەن نىساندارعا مەردىگەرلىككە شاقىرۋدىڭ قاتىستى قىزمەتتەرى اۆتونوميالى رايوننىڭ الەۋمەتتىك بايلىق ساۋدا تەكشەسىندە ءبىر تۇتاس ورىستەتىلەدى.

  11 - تارماق وسى ۋاقىتتىق ءادىس بەلگىلەمەسىنە قايشى كەلگەن، زاڭدىق جاۋاپكەرشىلىك ارقالايتىن ارەكەتتەرگە قاتىستى زاڭ، زاڭ - ەرەجە بەلگىلەمەسى اتقارىلادى.

  12 - تارماق اۆتونوميالى رايوندىق دامۋ جانە رەفورما كوميتەتى «جۇڭحۋا حالىق رەسپۋبليكاسىنىڭ مەردىگەرلىككە شاقىرۋ، مەردىگەرلىككە الۋ زاڭى»، «جۇڭحۋا حالىق رەسپۋبليكاسىنىڭ مەردىگەرلىككە شاقىرۋ، مەردىگەرلىككە الۋ زاڭىن اتقارۋ ەرەجەسى» سياقتى بەلگىلەمەلەرگە ساي، وت ەلەكتر جانە جەل ەلەكتر، فوتوۆولت نىساندارى قۇرىلىسىنىڭ ناقتى جاعدايىنا ۇشتاستىرا وتىرىپ، ناقتى اتقارۋ ەرەجەلەرى بەلگىلەنەدى.

  13 - تارماق وسى ۋاقىتتىق ءادىس 2016 - جىلى 30 - قىركۇيەكتەن باستاپ اتقارىلادى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.