- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
ءار ەل باسشىلارىنىڭ ديپلوماتيا تۇعىرى − ازيا - ەۆروپا ەلدەرىنىڭ تىڭنان دامۋىنا بەتالىس كورسەتتى
2016.09.22 13:30 كەلۋ قاينارى : شينجياڭ گازەتى
حالىقارالىق كورمە دۇنيە ءجۇزىن جالت قاراتتى. بۇگىن 5 - كەزەكتى جۇڭگو − ازيا - ەۆروپا كورمەسى اشىلدى. سيلى قوناقتار جادىراعان كوڭىل كۇيمەن تۇس - تۇستان اعىلىپ كەلىپ، بىرگە يگىلىككە كەنەلىپ، تەڭ پايدا تابۋ ماقساتىندا سالتاناتتى ساحنا تورىنە جينالعان وسى ءبىر ساتتە، دۇنيە ءجۇزى جۇڭگوعا، شينجياڭعا نازارىن اۋداردى. جۇڭگونىڭ شينجياڭى دۇنيە جۇزىنىڭ جەر - جەرىنەن كەلگەن قوناقتاردى قۇشاق جايا قارسى الدى.
جۇڭگو − ازيا - ەۆروپا كورمەسى ءۇرتىس 4 كەزەك ءساتتى اشىلدى. ءار رەتتە دە ماڭىزدى قوناقتار جينالدى، وتكەن 4 كەزەكتى كورمەگە جۇڭگو، شەتەل باسشىلارىنان جانە حالىقارالىق ۇيىمنىڭ جاۋاپتىلارىنان 30 دان اسا ادام، جۇڭگو، شەتەلدەن كەلگەن مينيستر دارەجەلىدەن جوعارى قوناقتاردان 700 دەن اسا ادام قاتىناستى. لي كىچياڭ، ۋىن جياباۋ، لي يۋانچاۋ، ۋاڭ ياڭ قاتارلى باسشىلار ىلگەرىندى - كەيىندى كورمەنىڭ نەگىزگى مىنبەرىندە ارقاۋ ءسوز سويلەپ، دۇنيە ءجۇزىنىڭ، اسىرەسە، جۇڭگونىڭ توڭىرەگىندەگى ەلدەر كوڭىل ءبولىپ وتىرعان ماسەلەلەرىنە جاۋاپ قايتارىپ، جۇڭگو حالقىنىڭ قول ۇستاسا العا باسۋ ارمانىن، بەيبىتشىلىكتى قاشاندا جاقتايتىنىن ءبىلدىردى. پاكيستاننىڭ زۇڭتۇڭى، قىرعىزستاننىڭ زۇڭتۇڭى، ازەربايجاننىڭ ورىنباسار زۇڭليى، مالديەۆ رەسپۋبليكاسىنىڭ زۇڭتۇڭى، كامبودجانىڭ باس ءۋازىرى، تاجىكستاننىڭ زۇڭليى، اۋعانستاننىڭ 2 - ورىنباسار زۇڭتۇڭى، ۇلى بريتانيانىڭ بۇرىنعى باس ءۋازىرى، نيدەرلاندتىڭ بۇرىنعى باس ءۋازىرى، گرۋزيا پارلامەنت باستىعىنىڭ ورىنباسارى، ب م ۇ حالىقارالىق ساۋدا جانە دامۋ مەكەمەسىنىڭ باس حاتشىسى، ب م ۇ اشۋ جانە جوسپارلاۋ مەكەمەسىنىڭ باستىعى سياقتى ونداعان شەتەل جانە حالىقارالىق ۇيىمداردىڭ باسشىلارى ىلگەرىندى - كەيىندى تالقى مىنبەرىندە تارتىمدى ءسوز سويلەدى. جۇڭگو − ازيا - ەۆروپا كورمەسى جۇڭگو باسشىلارى مەن كورشىلەس ەلدەر باسشىلارىنىڭ ديپلوماتيالىق قاتىناس جاساۋداعى ماڭىزدى تۇعىرعا اينالدى. وندا جارىققا شىققان جاڭا وي، ورتاق تانىم، تىڭ بەلگىلەمەلەر ازيا - ەۆروپا ەلدەرىنىڭ تىڭنان دامۋىنا بەتالىس كورسەتىپ، بولاشاققا باعىت نۇسقاپ، دۇنيە جۇزىنە ىقپال كورسەتتى. كورمە تۇعىرىن جۇڭگو ازىرلەگەندىكتەن، كورمە كەزىندە ديپلوماتيالىق ورايدى مىقتى يگەرۋگە تۋرا كەلەدى. «ءبىر بەلدەۋ، ءبىر جول» − تاريحتار بويى سەلبەستىك جاساسىپ، تەڭ پايداعا كەنەلۋمەن جالعاسىپ كەلە جاتقان جول. ازيا - تىنىق مۇحيت وڭىرىندەگى، ەۆروپا، افريكاداعى كوپتەگەن مەملەكەتتەردى وسى ەكونوميكالىق شەڭبەرگە تارتىپ، ادامزاتتىڭ تاعدىر - تالايىن شەشەتىن زامانالىق تۇيىنگە اينالدى، ال ازيا مەن ەۆروپاعا تۇتاساتىن توعىز جولدىڭ تورابىندا تۇرعان ءۇرىمجى جۇڭگو − ازيا - ەۆروپا كورمەسىن وتكىزۋدەگى ماڭگىلىك نەگىزگى ورىنعا اينالدى، بۇل حالىقارالىق قوعامنىڭ جۇڭگوعا سەنىم ارتقانىن جانە جاڭا جىبەك جولىن بىرلەسىپ قۇرىپ، بىرگە دامىتۋداي ارمانىن ايگىلەدى. وتاعاسى ورىن بولعاندىعىمىزدان كورمەگە دايىندالۋ، ۇيىمداستىرۋ جۇمىستارىن جاقسى ىستەۋدەن سىرت، كورمەگە قاتىناسۋعا كەلگەن ءار ەل باسشىلارىنا، ساياسي جەتەكشىلەرگە جۇڭگونىڭ تىڭ وزگەرىستەرىن تانىتۋىمىز، جۇڭگونىڭ ءۇنىن ەستىرتۋىمىز، جۇڭگونىڭ العا قويعان ۇسىنىستارىن تالقىلاپ، جۇڭگونىڭ كۇش - قۋاتىن كورسەتۋىمىز ءتيىس. ءار رەتكى كورمە كەزىندە جۇڭگو باسشىلارىنىڭ ءسوزى كوپشىلىككە تەرەڭ اسەر قالدىردى. كورمەنىڭ نەگىزگى تۇعىرىنداعى ديپلوماتيالىق قاتىناستاردا جۇڭگونىڭ ءۇنى الىسقا تارالىپ جاتتى.
جۇڭگو − ازيا - ەۆروپا كورمەسى كەزىندە ەلىمىز باسشىلارى شەتەل باسشىلارىمەن، قوعام قايراتكەرلەرىمەن تىكە كەزدەسىپ، جۇڭگونىڭ ساياسي ىقپالىن ونان ارمان كۇشەيتتى، حالىقارالىق قوعامدىق پىكىر ورتاسىن جاقسارتتى، مەملەكەتتىڭ مۇددەسىن قورعادى. كورمەگە قاتىناساتىن مەملەكەت پەن حالىقارالىق ۇيىمداردىڭ كوبەيۋىنە ىلەسە، ءار ەل باسشىلارى مەن حالىقارالىق ۇيىمداردىڭ جەتەكشىلەرى جۇڭگو −− ازيا - ەۆروپا كورمەسى تۇعىرىنان پايدالانىپ ەكى جاقتى نەمەسە كوپ جاقتى ديپلوماتيالىق قيمىلدار وتكىزدى. وراي ۇتۋ، سايىس جاريالاۋ، سەلبەستىك قاراستىرۋ... كوپشىلىك ءبىر جاعىنان، وسى جونىندە قىزۋ تالقى ورىستەتىپ، ورتاق تانىمعا كەلدى؛ تاعى ءبىر جاقتان، ەكى جاقتى قاتىناس جانە جاپپاي كوڭىل ءبولىپ وتىرعان باسقا دا قولامتالى ماسەلەلەر جونىندە پىكىر اۋىستىرىپ، ورتاقتىققا تالپىنىپ، پارىقتاردى ساقتاۋ، ءبىر اۋىزدىلىققا كەلىپ، الالىقتاردى الاستاۋدا، سابىرلىلىقپەن تاراپتاردىڭ مۇددەسىنە ۇيلەسەتىن ەڭ تاماشا جولدى قاراستىردى. 2016 - جىلعى جۇڭگو − ازيا - ەۆروپا كورمەسى تاعى دا ساپارعا جول الدى، ءار ەل باسشىلارى تاعى دا باس قوسادى. وسى ءبىر جوعارى دارەجەلى باس قوسۋدا، مىقتى شەشىمدەر جاسالاتىن ساتتە، تاراپتاردىڭ ءبىر - بىرىنە ءمان بەرە وتىرىپ ەلەۋلى ناتيجە جاراتۋىن ءتورت كوزبەن كۇتەمىز.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
