- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
جىبەك جولىندا شىرقالعان ءان
2016.09.22 13:30 كەلۋ قاينارى : شينجياڭ گازەتى
جۇڭگو − ازيا - ەۆروپا كورمەسى العاش اشىلعاننان بەرى، 40قا جۋىق جوعارى دارەجەلى تالقى مىنبەرى مەن ارناۋلى تاقىرىپتىق قيمىلدار ءوتتى. كورمەدەگى «وزەكتى ورىن» تۇرعىسىنان، ءتۇرلى تالقى مىنبەرى ازيا - ەۆروپاداعى ءار ەلدىڭ باس قوسىپ پىكىر اۋىستىراتىن، تىڭ يدەيا شەرتىسەتىن ماڭىزدى تۇعىرىنا عانا ەمەس، ونان دا ماڭىزدىسى، ءار ەلدىڭ سەلبەستىكتى تەرەڭدەتىپ، جىبەك جولى ەكونوميكالىق بەلدەۋىن بىرگە قۇرۋداعى ءونىمدى تۇعىرعا اينالدى. جۇڭگو − ازيا - ەۆروپا ەكونوميكالىق سەلبەستىك تالقى مىنبەرى، جۇڭگو − ازيا - ەۆروپا كورمەسى اقپارات قۇرالدارى تالقى مىنبەرى، ازيا − ەۆروپا مەملەكەتتىك قارجى قوسۋدى جەبەۋ قۇرىلىمى دوڭگەلەك ۇستەل سۇحباتى دەيسىز بە، ايتەۋىر، قىسقا عانا بىرنەشە كۇندە وتكەن جوعارى ورەلى، كوپ سالالى تالقى مىنبەرلەرى جۇرت نازارىن اۋداردى، تالقى مىنبەرىنىڭ جوعارى دەڭگەيدەگى وزەكتى تاقىرىپتارى قازىرگى ەكونوميكالىق جاعدايداعى جۇڭگونىڭ «جاۋاپتى ءىرى ەل» رولى مەن وبرازىن انىق ايگىلەدى. «الداعى 100 جىلدا دا ءبىز وسىندا كەلىپ، جۇڭگو − ازيا - ەۆروپا كورمەسىنە قاتىناسامىز!» ليون قالاسىنىڭ ۋاكىلى جاڭا قۇرلىق بايقاعانداي تاڭدانىسپەن وسىلاي دەدى. فرانسيا، يتاليا، نيدەرلاند ەلدەرىنىڭ ۋاكىلدەرى تالقى مىنبەرىندە ءوز ەلدەرىنىڭ ارتىقشىلىقتارىن ىقىلاسپەن تانىستىردى. «شينجياڭ جۇڭگونىڭ باتىس قاقپاسى، جىبەك جولى ەكونوميكالىق بەلدەۋى وڭىرلىك سەلبەستىگىندە ماڭىزدى ستراتەگيالىق ورىنعا يە.»، - دەدى قازاقستان رەسپۋبليكاسىنىڭ بۇرىنعى زۇڭليى كارىم ءماسىموۆ تالقى مىنبەرىندە حانزۋ تىلىندە لەكسيا جاساپ، ول كورمە ارقىلى سەلبەستىك كولەمىن اناعۇرلىم كەڭەيتىپ، باياندى دامۋدى جۇزەگە اسىرۋدى ءۇمىت ەتتى. «ەۆروپا وداعىنىڭ ماڭىزدى قاقپاسى» اتالعان لاتۆيانىڭ ۋاكىلى «ەجەلگى جىبەك جولى بويىندامىز» دەپ جۇڭگومەن ارالىعىن جاقىنداتا ءتۇسىپ، جۇڭگو كاسىپورىندارىن قارجى قوسىپ، كاسىپ دامىتۋعا ۇسىنىس ەتتى؛ تۋ الىستاعى وڭتۇستىك امەريكا قۇرلىعىنان كەلگەن ۋرۋگۆايدىڭ ۋاكىلى ۋرۋگۆاي مەن جۇڭگو شينجياڭىنىڭ مال شارۋاشىلىعى سەلبەستىگىندەگى ۇزاق بولاشاعىن قىراعىلىقپەن كورە ءبىلدى.
... جۇرت سان الۋان باي مازمۇنداعى تالقى مىنبەرىنىڭ ەلىمىز بەن ازيا - ەۆروپا ەلدەرىنىڭ دوستىق بايلانىسى مەن شىنايى سەلبەستىگىن ىلگەرىلەتىپ، ەكونوميكا - ساۋدا سەلبەستىگىن تەرەڭدەتىپ، شەكارانىڭ ەكى جاقتى قارىم - قاتىناستاردىڭ دامۋىنا مۇرىندىق بولعاندىعىن كوردى. جۇرت ءار سالا قايراتكەرلەرىنىڭ ءوزارا پايدا جەتكىزىپ، بىرگە تابىس جاراتۋ جونىندەگى سىندارلى كوزقاراستارىن ءبىلدىرىپ، تۇرلىشە كوزقاراس توعىستىرىپ، پىكىر الىسىپ، ءوزارا تۇسىنىسكەندەرىن، «سەلبەستىك»، «بىرگە قۇرۋ» ءبارىنىڭ ورتاق ارمانى ەكەندىگىن كوردى. جۇرت تالقى مىنبەرىندە ءسوز سويلەگەندەردىڭ جوعارى دەڭگەيلى جانە حالىقارالاسقان ورتاق تالقى تاقىرىپتارعا نازار بولگەننەن تىس، وسى تاقىرىپتاردىڭ قۇر ايعايعا اينالىپ قالماۋىنا كەپىلدىك ەتىپ، ءار جاقتىڭ ورتاق پايداعا كەنەلىپ، شەشۋگە ءتيىستى كوكەي تەستى ماسەلەلەردى شىنايى شەشۋگە دە كۇش سالعانىن كوردى. جۇرت تالقى مىنبەرىنىڭ كاسىپورىنداردىڭ اسا تاماشا «ديپلوماتيالىق» ورنى بولعاندىعىن دا، «ءبىر بەلدەۋ، ءبىر جول» دامۋ جاڭا ورايىن تالقىلاۋعا جۇڭگونىڭ اتى ءماشھۇر كاسىپورىندارى عانا ەمەس، ەل اسقان دۇنيە جۇزىلىك ايگىلى كاسىپورىنداردىڭ دا قاتىناسىپ، قوماقتى ناتيجەلەردىڭ قولعا كەلگەندىگىن دە كوردى. اۋىزعا الۋعا تاتيتىنى، بىرنەشە جىلدىق تاجىريبەلەر مەن قورىتىندىلار ارقىلى جۇڭگو − ازيا - ەۆروپا كورمەسى تالقى مىنبەرلەرىندەگى تاقىرىپتار بارعان سايىن «جاڭالانىپ»، «تەرەڭدەپ»، «شىنايىلاسا» ءتۇستى. «جاڭالىق» جاڭا تالقىلاردىڭ مولايىپ، جاڭا تاقىرىپتاردىڭ كەڭەيىپ، ازيا - ەۆروپا ەلدەرى كوز تىككەن وزەكتى ماسەلەلەردى ءداپ باسىپ ۇستاۋىندا ايگىلەندى؛ «تەرەڭدىك» حالىققا ەتەنە بولا ءتۇسىپ، بايلانىس كولەمنىڭ كەڭەيىپ، تالقى - سەلبەستىكتىڭ ونان ارى تەرەڭدەۋىندە ايگىلەندى؛ «شىنايىلىق» قوناقتاردىڭ ورتاق تانىمعا كەلۋى نەگىزىندە، ورتاعا قويىلعان ۇسىنىستاردىڭ «جوبالىق» دەڭگەيدەن وزا ءتۇسىپ، كۇشتى باعىتتامالىق پەن قۇرۋ سيپاتتى ءمان العاندىعىندا ايگىلەندى. بۇل ورتاق تانىم مەن جەتىستىكتەر ازيا - ەۆروپا ەلدەرى ەكونوميكالىق سەلبەستىگى دامۋىن ءتىپتى كوپ تاجىريبەلەرمەن قامداپ، بىرگە گۇلدەنىپ دامۋدى جەبەيتىن بولادى. شينجياڭ حالىقارالىق كورمە ىستەرى مەكەمەسى پارتگرۋپپاسىنىڭ شۋجيى، مەكەمە باستىعى، جۇڭگو − ازيا - ەۆروپا 5 - كەزەكتى كورمەسى اتقارۋ كوميتەتىنىڭ باس حاتشىسى لي جيڭيۋان ايتقانداي، تالقى مىنبەرىنىڭ ءمان - ماڭىزى ارتا تۇسۋدە: ول تۇعىر رەتىندە ءار جاقتىڭ كومەسكى كۇشىن اشىققا شىعارىپ، ءار جاقتىڭ ءوزارا تولىقتاۋ رولىن بىرلەستىرىپ، تۇرلىشە ەلدىڭ مۇددەسىن ۇشتاستىرىپ، تۇرلىشە مادەنيەتتىڭ ابزال گەندەرىن توعىستىرادى. بۇل تۇعىردا «بىرگە ساۋدا جۇرگىزۋ، بىرگە قۇرۋ» مۇمكىندىككە اينالماق. قايتكەندە الەمدىك ەكونوميكانى رەتتەۋ، سونداي - اق كاسىپ جاڭالاۋ دەڭگەيىن كوتەرۋ بارىسىنداعى جاڭا سىناققا بىرگە توتەپ بەرىپ، سەلبەسە دامۋ جاڭا ورايىن مىقتى ۇستاپ، ازيا - ەۆروپا ەلدەرىنىڭ ەكونوميكالىق سەلبەستىگىن تەرەڭدەتۋ كوز الدا ءار ەل نەداۋىر كوڭىل ءبولىپ وتىرعان ورتاق تاقىرىپقا اينالدى. وسى كەزەكتى جۇڭگو − ازيا - ەۆروپا كورمەسى تالقى مىنبەرىنىڭ تۇعىرلىق رولىن ۇزدىكسىز ساۋلەلەندىرىپ، ءار جاقتىڭ پىكىرلەسە سەلبەسۋىن تەرەڭدەتىپ، ءتىپتى دە پايدالى ىزدەنىستەر مەن العى بولاشاققا كوز جىبەرۋگە، بولجامدار جاساۋعا باعىت - باعدار ازىرلەپ، ازيا - ەۆروپا ءار ەلدەرىنىڭ گۇلدەنە العا باسۋىنا بەرىك نەگىز قالايتىندىعىنا سەنىمىمىز كامىل!
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
