بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

شينجياڭ تەمىر جولىنىڭ جىلدامدىعى جوعارىلاپ، تاسىمال قۋاتى ارتىپ، باقىت ءۇشىن ۇدەۋ قوستى

2016.10.09 14:51     كەلۋ قاينارى : شينجياڭ گازەتى

  ءتىلشىمىز يۋان لەي 7 - قازاندا ۇرىمجىدەن حابارلايدى. 6 - قازان ساعات 17دەن 05 مينۋت وتكەندە، حوتاننان قاشقارعا جۇرەتىن 7566 كەزەكتى جولاۋشى پويەزى بەلگىلەنگەن ۋاقىتىندا حوتان ۆوكزالىنان شىقتى. 12 - ءنومىرلى ۆاگونعا جايعاسقان ءيۇسىپ نيجات اۋا رەتتەگىشى بار سۋ جاڭا، جاپ - جارىق ۆاگوندى كورىپ، باس بارماعىن كوتەرىپ: بۇرىنعى پويەزدار قىستا سۋىق، جازدا ىستىق بولاتىن، تەرەزەسى دە دۇرىس جابىلمايتىن. قازىرگى ۆاگونداردا اۋا رەتتەگىش بار، قىستا جىلى، جازدا سالقىن، ونىڭ ۇستىنە تازا، جول دا بۇرىنعىدان ءبىر ساعاتقا جۋىق قىسقارىپتى، قاتتى قۋانىپ وتىرمىن، - دەدى.

  بيىل جىل باسىنان بەرى، شينجياڭ تەمىر جول تاراۋلارى جىلدامدىقتى جوعارىلاتىپ، تاسىمال قۋاتىن ارتتىرۋ ستراتەگياسىن بار كۇشپەن اتقارىپ، جولاۋشىلار پويەزى كەستەسىن كوپ رەت رەتتەپ، ستراتەگيالىق شارالار قولدانىپ، شينجياڭ ىشىندە جۇرەتىن كوپ جۇپ جولاۋشىلار پويەزىن قوستى، سونىمەن بىرگە، شينجياڭنىڭ قازىرگى جولاۋشىلار پويەزدارىنىڭ جىلدامدىعىن جاپپاي جوعارىلاتتى. شينجياڭ تەمىر جولىنىڭ جىلدامدىقتى جوعارىلاتىپ، تاسىمال قۋاتىن كۇشەيتۋى شينجياڭنىڭ دامۋ ومىرشەڭدىك كۇشىن ونان ارى ىسكە قوسىپ، شينجياڭداعى ءار ۇلت بۇقاراسىنىڭ ىرىسىن ءتىپتى دە شىنايى مولايتتى.

  ءتىلشىنىڭ ءۇرىمجى تەمىر جول مەكەمەسىنەن ۇعىسۋىنشا، «1 - قازان» التىن اپتالىعى كەزىندە، شينجياڭ تەمىر جولى جيىنى ءبىر ميلليون 157 مىڭ جولاۋشى (رەت) جونەلتكەن، بۇل بىلتىرعى سايكەس مەزگىلدەگىدەن ٪24.2 كوپ، وسى مەزگىلدە جونەلتىلگەن جالپى جولاۋشىلار سانى تۇڭعىش رەت ميلليوننان استى. مۇنىڭ ىشىندە شينجياڭ ىشىندە 946 مىڭ جولاۋشى (رەت) جونەلتىلگەن، بۇل سايكەس مەزگىلدەگىدەن ٪36.5 ارتىپ، بۇرىنعى سايكەس مەزگىلدەردەگى جولاۋشى جونەلتۋ مولشەرىنىڭ ەڭ جوعارى رەكوردىن جاڭالاعان. 1 - قازاندا شينجياڭ تەمىر جول تاراۋلارى جولاۋشىلار پويەزى كەستەسىن جىل ىشىندە 7 - رەت رەتتەپ، باستى ءتۇيىندى وڭتۇستىك شينجياڭ تەمىر جولىنىڭ قاشقاردان حوتانعا باراتىن بولىگىنە اۋدارعان. پويەز كەستەسىنىڭ وسى رەتكى رەتتەلۋىندە، بۇرىنعى «ۇلتتار ىنتىماعى پويەزى» اتتى 7560/7559 كەزەكشى پويەزدارى اۋا رەتتەگىشى بار پويەزعا اۋىستىرىلعان؛ قاشقاردان حوتانعا جاڭادان 10/5809 كەزەكشى جاي جىلدامدىقتى ءبىر جۇپ پويەز قوسىلعان؛ ءۇرىمجى وڭتۇستىك ۆوكزالىنان قاشقارعا جۇرەتىن 7/7556، 5/7558 كەزەكشى پويەزىنىڭ جول كەستەسى حوتانعا دەيىن ۇزارتىلعان؛ ءۇرىمجى وڭتۇستىك ۆوكزالىنان حوتانعان باراتىن 3/7562، 1/7564 كەزەكشى پويەزىنىڭ ءجۇرىس دەڭگەيى جوعارىلاتىلىپ، جول ۋاقىتى ونان ارى قىسقارتىلعان. ءسويتىپ، حوتانعا باراتىن جانە حوتاننان شىعاتىن جولاۋشىلار پويەزى بۇرىنعى 2 جۇپتان 4 جۇپقا كوبەيىپ، حوتان ايماعىنداعى ءار ۇلت جۇرتشىلىعىنىڭ ءجۇرىس - تۇرىسىنا ءتىپتى دە قولايلى بولدى.

  شينجياڭ تەمىر جولىنىڭ تاسىمال قۋاتى مەن جولاۋشىلاردىڭ پويەزعا وتىرۋ اسەرى جاپپاي جوعارىلاپ، ناتيجەسىندە پويەزبەن جۇرەتىندەر سانى ۇزدىكسىز كوبەيىپ كەلەدى. قاشقار، كورلا، اقسۋ، قۇلجا سياقتى ۆوكزالداردىڭ جولاۋشى جونەلتۋ مولشەرى سايكەس مەزگىلدەگىدەن جاپپاي تۇگەلدەي ٪40تەن جوعارى اسىپ، تەمىر جول جولاۋشى تاسىمالىنىڭ «تەز، قولجەتىمدى، قولايلى بولۋ» ەرەكشەلىگى كورنەكتىلەنە ءتۇستى.

  كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.