بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>شينجياڭ حابارلارى

ەمدەۋ جاعىنان كومەك كورسەتۋ قيىنشىلىعى بار قاۋىمنىڭ الاڭسىز ەمدەلۋىنە مۇمكىندىك جاسادى

2016.10.12 13:08     كەلۋ قاينارى : شينجياڭ گازەتى

  «ەمدەۋ جاعىنان كومەك كورسەتۋدەي يگى ساياسات بولماعان بولسا، ناۋقاسىمدى شيپاحاناعا بارىپ ەمدەتە الماس ەدىم. پارتيا مەن ۇكىمەتتىڭ قيىنشىلىعى بار قاۋىمعا جاساعان قامقورلىعىنا شىن جۇرەكتەن العىس ايتامىن!»، – دەدى 8 – قازاندا، قۇمىل قالاسى باتىس توعان رايونى باتىس كوكتاتتىق، باق قىستاعىنداعى ەڭ تومەنگى تۇرمىسى قامتاماسىز ەتىلەتىن قىستاق تۇرعىنى ۋاڭ شيۋيىڭ تىلشىگە.

  جاقىندا ۋاڭ شيۋيىڭنىڭ تۇتقيىل جۇرەك اۋرۋى قوزعالىپ، شيپاحاناعا جاتادى، 20 مىڭ يۋان ەمدەلۋ قاراجاتىنىڭ ءبىر ءبولىمى اۋىل – قىستاق جاڭاشا سەلبەسىپ ەمدەلۋ بويىنشا ۇكىمەت ەسەبىنە جاتقىزىلادى، ونىڭ سىرتىندا جەرگىلىكتى حالىق ىستەرى تاراۋى 6000 يۋان ەمدەۋ كومەك قاراجاتىن بەرىپ، قيىنشىلىعى بار وتباسىنىڭ قيىنشىلىق قىسپاعىنان وتۋىنە كومەك كورسەتەدى.

  ەمدەۋ كومەك قاراجاتىنا يە بولعان تەك ۋاڭ شيۋيىڭ عانا ەمەس. اۆتونوميالى رايوندىق حالىق ىستەرى مەڭگەرمەسى قوعامدىق كومەك بەرۋ مەكەمەسىندەگى قاتىستى جاۋاپتى ادامنىڭ تانىستىرۋىنشا، بيىل اۆتونوميالى رايون قيىنشىلىعى بارلارعا ەمدەۋ جاعىنان كومەك كورسەتۋ ينجەنەرياسىن حالىق تۇرمىسىنا قاتىستى 25 سالاداعى 100 ءتۇرلى ينجەنەريانىڭ ءبىرى قاتارىنا ەنگىزىپ، قىرۋار قارجى شىعارىپ، قالا – قالاشىق پەن اۋىل – قىستاقتاعى قيىنشىلىعى بار بۇقارانىڭ ەمدەلۋىنە كومەك كورسەتتى. بيىل الدىڭعى جارتى جىلدا، اۆتونوميالى رايون 306 ميلليون يۋان ەمدەۋ كومەك قاراجاتىن شىعارىپ، قيىنشىلىعى بار 2 ميلليون 777 مىڭ 100 ادامعا كومەك بەردى. وتكەن جىلدارداعىمەن سالىستىرعاندا، بيىل الدىڭعى جارتى جىلدا جۇمسالعان ەمدەۋ كومەك قاراجاتى، سونداي – اق ودان يگىلىكتەنگەندەر ەڭ كوپ بولعان.

  مۇنان سىرت، اۆتونوميالى رايوننىڭ قاتىستى تاراۋلارى ەمدەۋ جاعىنان كومەك بەرىپ، حالىققا تيىمدىلىك، قولايلىلىق جاساۋ دەڭگەيىن ۇزدىكسىز جوعارىلاتىپ، قالالار مەن اۋىلداردىڭ ەمدەۋ كومەك قاراجاتى، نەگىزدىك ەمدەۋدى قامسىزداندىرۋ، بەلگىلەنگەن ەمدەۋ قۇرىلىمدارى سياقتى جاقتاردان دەر كەزىندە ەسەپ جاساپ قىزمەت وتەۋ ءىسىن جەدەل ىلگەرىلەتتى.

  2 – قازان تۇستەن بۇرىن، كەلپىن اۋداندىق حالىق شيپاحاناسىنا تىلشىلىك بابىمەن باردىق، ول ارادا كەلپىن اۋدانى اشا اۋىلى تۇرا قىستاعىنداعى ەڭ تومەنگى تۇرمىسى قامتاماسىز ەتىلەتىن تۇرعىن شۇكىر رايىمدى جولىقتىردىق، شيپاحانادان شىعۋ راسمياتتارىن ءبىتىرىپ ءجۇر ەكەن، راسمياتتى 5 مينۋتتا ءبىتىرىپ الدى. شۇكىر رايىم وكپە تۋبەركۋلەز اۋرۋىن ەمدەتىپ، شيپاحانادا 15 كۇن جاتىپ، 5000 يۋان قارجى جۇمساپتى، مۇنان اۋىل – قىستاق جاڭاشا سەلبەسىپ ەمدەلۋ بويىنشا ۇكىمەت ەسەبىنە جاتقىزىلعان قاراجات پەن اۋىر ناۋقاستى ەمدەتۋ بويىنشا بەرىلگەن كومەك قاراجاتتى شىعارىپ تاستاعاندا، ءوز جانىنان 200 يۋان عانا شىعارىپتى. «بۇرىن ەسەپ جاساۋعا 2 اي دا 3 اي ۋاقىت كەتەتىن، ال قازىر بىرنەشە مينوتتا – اق بىتىرە سالاتىن بولدىق، >ەسەپتى ۇستىندە جاساۋ< ءبىز ءۇشىن توتەنشە قولايلى بولدى»، – دەدى شۇكىر رايىم كوتەرىڭكى كۇيمەن.

  ۇعىسۋعا قاراعاندا، اۋىرعاننان كەيىن كومەك كورسەتۋدى اۋىرۋدان بۇرىن كومەك كورسەتۋگە وزگەرتىپ، قيىنشىلىعى بار قاۋىمنىڭ «قاي ۋاقىتتا بولسادا اۋرۋىن ەمدەتە الۋىنا مۇمكىندىك جاساۋ» نىساناسىن جۇزەگە اسىرۋ ءۇشىن، حالىق ىستەرى مەڭگەرمەسى قازىنا، دەنساۋلىق ساقتاۋ، ادام كۇشى بايلىعى جانە قوعامدىق قامتاماسىزداندىرۋ سياقتى تاراۋلارمەن سەلبەسىپ، قالا مەن اۋىلدىڭ ەمدەۋ بويىنشا كومەك كورسەتۋ، نەگىزدىك ەمدەۋدى قامسىزداندىرۋ، بەلگىلەنگەن ەمدەۋ قۇرىلىمدارى ارا ەسەپتى دەر كەزىندە جاساۋ ءىسىن بەلسەنە ىلگەرىلەتتى؛ كومەك بەرۋ نىساندارى؟؟؟ ەمدەۋ بويىنشا كومەك بەرۋ كۋالىگىن الىپ بەلگىلەنگەن شيپاحانالارعا بارىپ اۋرۋىن كورسەتۋىنە بولادى، ەمدەۋ كومەك قاراجاتىن بەلگىلەنگەن شيپاحانالار الدىن – الا شىعارا تۇرىپ، ارتىنان حالىق ىستەرى، قازىنا تاراۋلارىمەن مەرزىمگە ءبولىپ تولەۋ ەسەبىن جاساۋىنا بولادى؛ شيپاحانادان شىققان كەزدە، كومەك قاراجاتىنا يە بولعان وبيەكتىلەر قالا – قالاشىق تۇرعىندارىنىڭ نەگىزدىك ەمدەۋ قامسىزداندىرۋىنان، اۋىل – قىستاق جاڭاشا سەلبەسىپ ەمدەلۋ بويىنشا ۇكىمەت ەسەبىنە جاتقىزۋدان، ەمدەۋ كومەك قاراجاتىنان يگىلىكتەنۋمەن بىرگە، جەكە تولەۋگە ءتيىستى اقىنى دا وتەپ تاستاۋى قاجەت.

  «ءبىر ورىندا» ەسەپ جاساۋ بايلىق قاينارى ينفورماتسياسىنان ورتاق يگىلىكتەنۋ، ۇستىندە ەسەپ جاساۋ، ءبىر تۇتاس باقىلاپ باسقارۋ ارقىلى قالا – قالاشىقتاردىڭ ەمدەۋ قامسىزداندىرۋى، اۋىل – قىستاق جاڭاشا سەلبەسىپ ەمدەلۋ جانە ەمدەۋ كومەك قاراجاتىنان پايدالانۋ ونىمدىلىگىن جوعارىلاتىپ، جالپىلاسۋ كولەمىن كەڭەيتتى.

  قازىرگە دەيىن، تۇتاس شينجياڭداعى 87 اۋدان «ءبىر ورىندا» ەسەپ جاساپ قىزمەت وتەۋدى جۇزەگە اسىردى، قيىنشىلىعى بار قاۋىمنىڭ شيپاحاناعا جاتىپ ەمدەلۋ، قارجىدان پايدالانۋ سالىستىرماسى بارىنشا جوعارىلاپ، ناۋقاس كورسەتۋ قيىنعا سوعۋ ماسەلەسى ۇتىمدى شەشىلدى.
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.