- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
حالىق پەن ونىڭ جۇبايىنىڭ قۋانىشتى كوز جاسى
2016.10.26 15:45 كەلۋ قاينارى : شينجياڭ گازەتى
6 - قازاندا توقسۇن اۋدانى توقسۇن قالاشىعىنىڭ كۇمىسبۇلاق الەۋمەتتىك اۋماعىنىڭ ۇلتتار ىنتىماعى مالىسىندە سىرناي، دابىل ءۇنى اسقاقتاپ، جۇرت بىتكەن بۇرالا بيگە باستى. باقىت قۇشاعىندا شالقىعان حالىق مامەت قوناقتاردى كۇتۋمەن ابىگەر، بۇگىن ونىڭ ۇلى تاۋ حۇي مەن كەلىنى جياڭ شياۋمەيدىڭ باس قۇراعان قۋانىشتى كۇنى، ول ۇلىنا كەلىستىرىپ توي جاساۋدى بۇرىننان ارمانداپ جۇرەتىن. تۇستە رەستوراندا جاس جۇبايلار قول ۇستاسىپ، قىزىل كىلەمگە اياق باسقاندا، توي دۋمانى شاتتىقتىڭ شالقارىنا اينالدى...
حالىق − قوسىننان قايتقان ساقا جاۋىنگەر، كەزىندە بولىمشە ۆەددەلەنانىڭ ورىنباسار كومانديرى بولعان، 2 مارتە روتالىق سيلىقتىڭ يەگەرى، 1979 - جىلى قىركۇيەكتە داڭقپەن جۇڭگو كوممۋنيستىك پارتياسىنا مۇشە بولعان. 1980 - جىلى حالىق اسكەري ساپتان بوساپ، بەلگىلى كومىركەنگە كەلىسىمشارت بويىنشا جۇمىسقا تۇرادى، 1985 - جىلى اۋىلىنا قايتىپ، ەگىنشىلىكپەن اينالىسادى. اسكەري ساپتان بوساعانىمەن، حالىق جاۋىنگەرلىك قاسيەتىن ساقتاپ، ۇلتتار ىنتىماعىن كوز قاراشىعىنداي قورعاپ، تۋا بىتكەن تۋراشىلدىعىمەن جۇرتتان جان جىلۋىن ايامايدى. ونىڭ قۇلشىنىسىمەن، ول تۇرعان الەۋمەتتىك اۋماق «ۇلتتار ىنتىماعى ءمالى باسقارماسى» دەپ اتالادى، جۇرت ونى «ءتىرى لەي فىڭ» دەپ اتاسادى.
1990 - جىلى 2 جاسار ۇلى تاۋ حۇيدى ارقالاعان تاۋ جينلاي انحۇيدان توقسۇنعا كەلىپ، حالىقتىڭ ءۇيىن جالعا الادى. تاۋ جينلاي كەرپىششى ەدى، قايدا جۇمىس بولسا سوندا كەتەتىن، كەيدە جۇمىس باستى بولىپ، ۇيگە دە قايتپاۋشى ەدى. وندايدا بالا تاۋ حۇي اكەسىمەن بىرگە بىردە اش، بىردە توق جۇرە بەرەتىن.
بۇنى بايقاپ حالىق پەن جۇبايىنىڭ جۇرەگى ەزىلەدى. تاۋ جينلاي جۇمىسقا كەتكەندە، حالىق پەن جۇبايى تاۋ حۇيدى الىپ قالىپ، باس - كوز بولىپ جۇرەدى. قارشاداي عانا بولعانىمەن، تاۋ حۇي اقىلدى، زەرەك بولاتىن، جۇرتتىڭ ءبارى بۇل بالانى شىنىمەن جاقسى كورەتىن.
تاۋ حۇي 5 جاسىندا ويىننىڭ قىزىعىندا ءجۇرىپ بىلەگىن سىندىرىپ الادى، حالىق تاۋ جينلايدى كۇتىپ وتىرماستان، بالانى تىزگىن ۇشىمەن دارىگەرگە اپارادى. بالانىڭ تەز جازىلۋى ءۇشىن، زەينەپحان اپاي كۇنىنە دەرلىك سۇيەك سورپا دايىنداپ، كەنەۋلى تاماقتار ازىرلەيدى، سونىڭ ارقاسىندا بالا تەز ساۋىعادى.
تاۋ جينلايدىڭ تاپقانى تاماعىنان اسپايتىن، تاۋ حۇي 7 جاسقا شىققانىمەن، اقشانىڭ جوقتىعىنان وقۋعا تۇسە المايدى، حالىقتىڭ دا جاعدايى ءماز ەمەس - تى، ءبىراق ول كومىر ساتۋدان تۇسكەن اقشامەن تاۋ حۇيدىڭ وقۋ قاراجاتىن تولەيدى.
ىرگەلەس وتىرعان 10 جىلدا تاۋ جينلاي حالىقتىڭ تۋعان باۋىرىنداي، ال تاۋ حۇي حالىقتىڭ تۋعان بالاسىنداي بولىپ كەتەدى. 1994 - جىلى تاۋ جينلاي توسەك تارتىپ جاتىپ قالادى، حالىق وتباسى وعان كوزى جۇمىلعانشا قاراسادى.
ول كەزدە تاۋ حۇي ورتا مەكتەپتىڭ 2 - جىلدىعىندا وقيتىن، اكەسىنىڭ ولىمىنەن كەيىن، ول ەڭسەسى ءتۇسىپ، وقۋ ناتيجەسى كۇرت قۇلدىرايدى. حالىق قامقور پەيىلمەن: بالام، اكەڭنىڭ ەڭ ۇلكەن ارمانى سەنى ۋنيۆەرسيتەتتەن وقىتۋ ەدى، ءبىراق ول كۇندى كورۋ ماڭدايىنا جازىلماعان ەكەن. سەن بۇدان كەيىنگى ومىرىڭنەن الاڭداما، سوڭعى تىنىسىم قالعانشا اكەڭنىڭ ارمانىن ورىنداۋعا تىرىسامىن، سەنى ۋنيۆەرسيتەتتەن وقىتىپ، قوعامعا جارامدى ادام ەتىپ تاربيەلەيمىن، - دەيدى. تاۋ حۇيدىڭ جاسى بەتىن جۋادى. سول كۇننەن باستاپ، تاۋ حۇيعا توحتاحۇن دەگەن جاڭا ەسىم قويادى.
تاۋ حۇي قۇلشىنا وقىپ، ۇزدىك ناتيجەمەن شينجياڭ ۋنيۆەرسيتەتىنە وقۋعا ءتۇسىپ، قورعانىس ستۋدەنتى بولادى. بالاسىنىڭ قولىنداعى شاقىرتۋدى كورگەندە، حالىق قۋانىشتان كوز جاسىن توگەدى. تاۋ حۇيدىڭ وقۋدى تابىسپەن اياقتاۋى ءۇشىن، حالىق ەگىن ەگۋمەن عانا شەكتەلمەي، جالدانبا جۇمىس ىستەيدى. ۋنيۆەرسيتەتتەگى 4 جىلدا، حالىق تاۋ حۇيدىڭ اي سايىنعى تۇرمىس قاراجاتىن ءبىر كۇن دە كەشىكتىرمەي جىبەرىپ تۇرادى.
وقۋ تاۋىسقاننان كەيىن، تاۋ حۇي ءبولىس بويىنشا شينجياڭ اسكەري رايونىنىڭ بەلگىلى جاياۋ اسكەرلەر پولكىندە اسكەري قىزمەت اتقارادى. ۇزدىك بەينەسى ءۇشىن، وعان العاشقى جىلى - اق 3 - دارەجەلى ەڭبەك جازىلادى، كوپ وتپەي روتا كومانديرىنىڭ ورىنباسارى دارەجەلى ۆزۆود باستىعى بولىپ وسىرىلەدى.
تاۋ حۇي مەن ۇيعۇر اكە - شەشەسىنىڭ اڭگىمەسى تالاي جۇرتتى اسەرلەندىردى. 2014 - جىلى حالىق «ۇلتتار ىنتىماعىنىڭ، العاباسارلىعىنداعى مەملەكەتتىك ۇلگى» دەگەن داڭقتى اتاق الىپ، بەيجيڭدە وتكەن ۇلتتار ىنتىماعى، العاباسارلىعى جونىندەگى مەملەكەتتىك سيلاۋ - ماداقتاۋ جينالىسىنا قاتىناسادى.
توي ۇستىندە، زەينەپحان كەلىنى جياڭ شياۋمەيدىڭ ماڭدايىنان ءسۇيىپ، بەتىن اشىپ، موينىنا قىزىل سالى سالىپ، ساۋساعىنا التىن جۇزىك تاقتى.
جاس جۇبايلاردىڭ نەكە سارايىنا قاتار قادام باسقانىن كورىپ، حالىق پەن جۇبايىنىڭ كوزىنەن قۋانىشتىڭ جاسى پارلايدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
