- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ءتورت تانىمدى» كۇشەيتىپ، پارتيا ورتالىق كوميتەتىنىڭ بەدەلىن قورعايىق
− پارتيا 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ تۋرالى (2)
2016.11.03 10:51 كەلۋ قاينارى : شينجياڭ گازەتى
«بارلىق ءىستىڭ تەتىگى − ورتالىقتا». پارتيا ءدوپ كەلگەن جاعداي نەعۇرلىم كۇردەلى، ارقالايتىن مىندەتى نەعۇرلىم جاپالى بولعان سايىن پارتيانىڭ ىنتىماعى مەن شوعىرلى بىرلىگىن سولعۇرلىم قورعاۋ كەرەك. پارتيا 18 - كەزەكتى ورتالىق كوميتەتى التىنشى ءماجىلىسىنىڭ بۇكىل پارتيادان «ءتورت تانىمدى» اناعۇرلىم كۇشەيتۋدى تالاپ ەتۋى بۇكىل پارتيانىڭ ەرىك بىرلىگىنە، ارەكەت بىرلىگىنە شىنايى كەپىلدىك ەتىپ، جالىندى تىرشىلىك تىنىسىن، ارىندى جىگەرىن تاسقىنداتىپ، پارتيامىزدىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق كۇشى بولۋىنا شىنايى كەپىلدىك ەتۋ ءۇشىن بولىپ تابىلادى.
پارتيامىز ماركستىك نازاريامەن قارۋلانعان العاباسار ساياسي پارتيا، سوندىقتان دۇرىس ساياسي بەتالىستى، ءسوز جوق، بەكەمدەپ، وسكەلەڭ مۇرات - سەنىمنەن مىزعىماۋى كەرەك. «بەستى ءبىر تۇلعاندىرۋ» جالپىلىق ورنالاستىرۋىن ءبىر تۇتاس ىلگەرىلەتىپ، جۇڭگوشا سوتسياليزم ۇلى ءىسىن كوركەيتىپ، «ءتورت ۇلكەن سىننىڭ» جانە «ءتورت ءتۇرلى قاتەردىڭ» قاتاڭ سىنى، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋ جاپالى مىندەتى الدىندا، تەك اۋەلگى ماقساتتى ۇمىتپاي، ۇدەرە العا تارتىپ، ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن ۇزدىكسىز كۇشەيتكەندە عانا، پارتيانى جاپپاي قاتاڭ جونگە سالۋدىڭ يدەيالىق نەگىزىن بەكەمدەۋگە بولادى، پارتيامىز بۇكىل ەلدەگى ءار ۇلت حالقىن ىنتىماقتاستىرىپ، باستاپ، جۇڭحۋا ۇلتىنىڭ ۇلى گۇلدەنۋى سىندى تاريحي مىندەتتى ارقالاي الادى.
«ءتورت تانىمدى» كۇشەيتۋ − پارتيانىڭ ىنتىماعى مەن شوعىرلى بىرلىگىن قورعاۋدىڭ، پارتيانى جاپپاي قاتاڭ جونگە سالۋدىڭ تەتىگى دەۋگە بولادى. «ءتورت تانىم» تۇتاس تۇلعا، بارلىعى دا بۇكىل پارتيانىڭ بەتالىسىنىڭ بەرىك، مايدانىنىڭ دۇرىس بولۋىنا، ءىشىنارالىق پەن جالپىلىقتىڭ سايكەستىلىگىنە، ىنتىماق پەن شوعىرلى بىرلىككە، قوسىننىڭ رەتتى، قۋاتتى بولۋىنا كەپىلدىك ەتۋ ءۇشىن. «ءتورت تانىمدى» قالاي ايگىلەۋ كەرەك؟ «ءتورت تانىمدى» قالاي سىننان وتكىزۋ كەرەك؟ مۇندا، الدىمەن پارتيا ورتالىق كوميتەتىنىڭ توڭىرەگىنە، پارتيا ۇيتقىسىنىڭ توڭىرەگىنە تىعىز ىنتىماقتاستى ما، جوق پا؛ پارتيا ورتالىق كوميتەتىنىڭ توڭىرەگىنە، پارتيا ۇيتقىسىنىڭ توڭىرەگىنە قاراپ ساپ تۇزەدى مە، جوق پا دەگەنگە قاراۋ كەرەك. «ءتورت تانىمدى»، اسىرەسە، ۇيتقى تانىمىن، ساپ تۇزەۋ تانىمىن كۇشەيتكەندە عانا پارتيانىڭ ىنتىماعى مەن شوعىرلى بىرلىگىن پارمەندى قورعاۋعا، پارتيا ءدوپ كەلگەن كەلەلى سىن - سايىستار مەن حاۋىپ - قاتەرلەرگە ۇتىمدى توتەپ بەرۋگە، پارتيا مەن مەملەكەت ىستەرىنىڭ دامۋىندا ۇزبەي جاڭا جاعداي اشۋعا بولادى.
ۇلى ىستەر تەگەۋرىندى باسشىلىق ۇيتقىعا مۇقتاج. بۇل جولعى جالپى ءماجىلىستىڭ «شي جينپيڭ جولداستى ۇيتقى ەتكەن پارتيا ورتالىق كوميتەتىن» العا قويۋى پارتيا 18 - قۇرىلتايىنان بەرگى اماليات باس شۋجي شي جينپيڭ پارتيا ورتالىق كوميتەتىنىڭ ۇيتقىسى، بۇكىل پارتيانىڭ ۇيتقىسى بولۋى كوپتىڭ تىلەگى، پارتيانىڭ، حالىقتىڭ تىلەگى ەكەنىن تولىق ايگىلەدى. باس شۋجي شي جينپيڭنىڭ ۇيتقىلىق ورنىن ايقىنداۋ بۇكىل پارتيانىڭ ورتاق ەركىن، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ورتاق ارمان - تىلەگىن ايگىلەدى. بۇگىنگى تاڭداعى ۇيتقى تانىمىن كۇشەيتۋ دەپ وتىرعانىمىز، اتاپ ايتقاندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز توپتاسىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ بەدەلىن اناعۇرلىم باتىل قورعاپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن سانالى تۇردە وسكەلەڭ ءبىر اۋىزدىلىقتى ساقتاۋ كەرەك دەگەندىك.
«جۇرت بىلەك بىرىكتىرسە، تايشان تاۋىن دا كوشىرە الادى». بۇكىل پارتيا ورتالىق كوميتەتكە قاراپ ساپ تۇزەۋ، وسكەلەڭ ىنتىماقتى جانە شوعىرلى بىرلىكتى ساقتاۋ − پارتيامىزدىڭ داڭقتى ءداستۇرى جانە دارا ەرەكشەلىگى. ماۋ زىدۇڭ جولداس «ءبىز مىنانى ءبىلۋىمىز كەرەك، قوسىن قاشاندا تىم رەتتى بولمايدى، سول سەبەپتى ۇنەمى ساپ تۇزەۋگە شاقىرامىز... ساپ تۇزەۋ − پرينسيپ، پارىقتىڭ بولۋى امالي تۇرمىس، پارىق بولادى ەكەن، ساپ تۇزەۋگە شاقىرۋىمىز كەرەك» دەگەن بولاتىن. «بەستى ءبىر تۇلعاندىرۋ» جالپىلىق ورنالاستىرۋىن ءبىر تۇتاس ىلگەرىلەتۋدىڭ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتۋدىڭ، جاڭا دامۋ يدەياسىن ويداعىداي دايەكتى تياناقتاندىرۋدىڭ، جاپپاي دوڭگەلەك داۋلەتتى قوعام قۇرۋدىڭ شەشۋشى جەڭىسىنە قول جەتكىزۋدىڭ تەتىگى پارتيادا، پارتيا ورتالىق كوميتەتىنىڭ شوعىرلى ءبىر تۇتاس باسشىلىعىىندا، بۇكىل پارتيانىڭ يدەيانى، ارەكەتتى بىرلىككە كەلتىرۋىندە. بۇگىنگى تاڭداعى ساپ تۇزەۋ تانىمىن كۇشەيتۋ دەگەنىمىز ۇدايى، ىرىقتى تۇردە پارتيا ورتالىق كوميتەتىنە قاراپ ساپ تۇزەپ، پارتيانىڭ نازارياسى مەن لۋشيان، باعىت، ساياساتتارىنا قاراپ ساپ تۇزەپ، پارتيا ورتالىق كوميتەتىنىڭ شەشىمدەرىنە، ورنالاستىرۋلارىنا قاراپ ساپ تۇزەپ، پارتيا ورتالىق كوميتەتى دارىپتەمەلەرىن باتىل قولداۋ، پارتيا ورتالىق كوميتەتىنىڭ ۇيعارىمىن باتىل اتقارۋ، پارتيا ورتالىق كوميتەتىنىڭ تيىمدارىن باتىل ىستەمەۋ دەگەندىك.
«ءبىلۋ − ارەكەتتىڭ باستاۋى، ارەكەت − ءبىلۋدىڭ ناتيجەسى». «ءتورت تانىمنىڭ» كۇشتى بولۋ - بولماۋى ابستراكت نارسە ەمەس، ول ءسوز - ارەكەت جاعىندا ايگىلەنەدى؛ ەمەۋىرىن بىلدىرگەنىنە عانا قاراپ قالماستان، ءىس جۇزىندىك ارەكەتىنە دە قاراۋ كەرەك. «ءتورت تانىمدى» پارتيانى ءسۇيۋ، پارتيانىڭ ءسوزىن سويلەۋ، پارتيانىڭ قامىن جەۋ، پارتيا ءۇشىن قىزمەت ەتۋ سىندى شىنايى ارەكەتكە اينالدىرۋ كەرەك. ۇيتقىنى ارقاۋ ەتىپ، كۇش - قۋاتتى شوعىرلاندىرۋعا، پارتيا ورتالىق كوميتەتىنە قاراپ ساپ تۇزەۋگە، ساياسي جاقتان وي جۇگىرتۋگە، جالپى جاعدايدا ارەكەتتەنۋگە تاباندى بولساق، ورايدى ءتىپتى دە ويداعىداي يگەرىپ، سىن - سايىستاردى جەڭىپ، پارتيانى جاپپاي قاتاڭ جونگە سالۋدىڭ تىڭ داستانىن تىنباي جازا الامىز، جۇڭگوشا سوتسياليزم ىستەرىندە ۇزدىكسىز جاڭا جاعداي اشا الامىز!
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
