- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
پارتيانىڭ ىشكى ساياسي تۇرمىسىن قاتايتۋ − پارتيانى جاپپاي قاتاڭ جونگە سالۋدىڭ ماڭىزدى نەگىزى
− ج ك پ 18 - كەزەكتى ورتالىق كوميتەتى التىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ تۋرالى (3)
2016.11.03 10:55 كەلۋ قاينارى : شينجياڭ گازەتى
«پارتيانى پارتيا باسقارۋدا، ءسوز جوق، پارتيانىڭ ىشكى ساياسي تۇرمىسىنان باستاپ باسقارۋ، پارتيانى قاتاڭ جونگە سالۋدا، ءسوز جوق، پارتيانىڭ ىشكى ساياسي تۇرمىسىنان باستاپ قاتايتۋ كەرەك». ج ك پ 18 - كەزەكتى ورتالىق كوميتەتىنىڭ التىنشى جالپى ءماجىلىسى پارتيا مەن مەملەكەت ىستەرىن دامىتۋ تۇرعىسىنان، پارتيامىزدىڭ پارتيانىڭ ىشكى ساياسي تۇرمىسىن ورىستەتۋدەگى تاريحي تاجىريبەلەرىن تەرەڭدەي قورىتىندىلاپ، پارتيانى جاپپاي قاتاڭ جونگە سالۋدا ءدوپ كەلگەن جاعداي مەن مىندەتكە تالداۋ جاساپ، ماسەلەنى نىشان ەتۋدەن جازباي، مۇراگەرلىك ەتۋ مەن جاڭالىق اشۋدىڭ ءبىر تۇتاستىعىنا تاباندى بولىپ، «جاڭا جاعدايداعى پارتيانىڭ ىشكى ساياسي تۇرمىسى جونىندەگى ولشەمدەردى» قاراپ جانە ماقۇلداپ، جاڭا جاعدايدا، پارتيانىڭ ىشكى ساياسي تۇرمىسىن كۇشەيتۋ جانە ارناعا ءتۇسىرۋ جونىندە جاپپاي ورنالاستىرۋ جاسادى، پارتيانىڭ ىشكى ساياسي تۇرمىسىن قاتايتۋ، پارتيانىڭ ىشكى ساياسي ەكولوگياسىن كىرشىكسىزدەندىرۋ ءۇشىن نەگىزگى ولشەم ازىرلەدى.
پارتيانىڭ ىشكى ساياسي تۇرمىسىن قاتاڭ دا مۇقيات ورىستەتۋ − پارتيامىزدىڭ ماركستىك ساياسي پارتيا بولۋ سيپاتىمەن وزگە ساياسي پارتيالاردان پارىقتى بولۋىنىڭ ماڭىزدى ەرەكشەلىگى، پارتيامىزدىڭ داڭقتى ءداستۇرى. ۇزاق ۋاقىتتان بەرگى اماليات پارتيا ىشىندەگى قاتاڭ دا مۇقيات ساياسي تۇرمىس − پارتيامىزدىڭ پارتيانىڭ قاسيەتى مەن ماقساتىنا تاباندى بولۋىنىڭ، العاباسارلىعى مەن كىرشىكسىزدىگىن ساقتاۋىنىڭ ماڭىزدى اسىلى، پارتيا ىشىندەگى قايشىلىقتار مەن ماسەلەلەردى شەشۋىنىڭ «التىن كىلتى»، پارتيا مۇشەلەرىنىڭ، كادرلاردىڭ پارتيالىلىعىن شىڭداۋىنىڭ «دومنا پەشى»، پارتيا ستيلىن پاكتەندىرۋدىڭ «كىرشىكسىزدەندىرگىشى» ەكەنىن دالەلدەدى. پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى پارتيانى جاپپاي قاتاڭ جونگە سالۋدى باتىل ىلگەرىلەتىپ، پارتيانىڭ ىشكى ساياسي تۇرمىسى جاڭا بەينە بايقاتىپ، پارتيانىڭ ىشكى ساياسي ەكولوگياسى كورنەكتى جاقساردى. 3 جىلدان ارتىق ۋاقىتتان بەرگى اماليات پارتيا ىشىندەگى كورنەكتى قايشىلىقتار مەن ماسەلەلەردى ويداعىداي شەشۋ، پارتيامىز ءدوپ كەلگەن حاۋىپ - قاتەرلەر مەن سايىستاردى ءونىمدى ءبىر جايلى ەتۋدە ءتۇزىمدى قاتايتۋ ەرەكشە ماڭىزدى ەكەنىن، پارتيانىڭ ىشكى ساياسي تۇرمىسىنان باستاپ باسقارۋ، قاتايتۋ كەرەكتىگىن، جاڭا جاعدايدا، پارتيانىڭ ىشكى ساياسي تۇرمىسىن شىنايى كۇشەيتۋ جانە ارناعا ءتۇسىرۋ كەرەكتىگىن ىشكەرىلەي بەينەلەدى.
«زاڭ زامان وزگەرىسىنە بەيىمدەلسە، ءونىمدى، جونگە سالۋ اۋقىمعا سايكەسسە، ناتيجەلى بولادى». التىنشى جالپى ءماجىلىس جاڭا جاعدايداعى پارتيانىڭ ىشكى ساياسي تۇرمىسىنىڭ تىڭ جاعدايىن، سونى ەرەكشەلىكتەرىن تەرەڭدەي يگەرىپ، پارتيا ىشىندەگى كورنەكتى قايشىلىقتار مەن ماسەلەلەرگە مەڭزەس، يدەيالىق سەنىمدى بەكەمدەپ، پارتيانىڭ نەگىزگى لۋشيانىنان جازباي، پارتيا ورتالىق كوميتەتىنىڭ بەدەلىن باتىل قورعاۋ، پارتيانىڭ ساياسي ءتارتىبىن قاتايتۋ، پارتيانىڭ حالىقپەن ەتەنە بايلانىسىن ساقتاۋ، دەموكراتيالىق ورتالىقتاندىرۋ پرينسيبىن ساقتاۋ، پارتيا ىشىندەگى دەموكراتيانى ساۋلەلەندىرۋ جانە پارتيا مۇشەلەرىنىڭ ۇقىق - مۇددەسىن قامتاماسىز ەتۋ، ادام تاڭداۋدىڭ، ادام ىستەتۋدىڭ دۇرىس بەتالىسىنا تاباندى بولۋ، پارتيانىڭ ۇيىمدىق تۇرمىس ءتۇزىمىن قاتاڭداستىرۋ، سىن جانە ءوز - وزىنە سىن ايتۋ، بيلىكتىڭ جۇرگىزىلۋىنە شەك قويۋ مەن باقىلاۋدى كۇشەيتۋ، ۇكىمەت ىسىندە ەلگەزەك، پاك بولاتىن ساياسي قاسيەتتى ساقتاۋ سياقتى 12 ءتۇرلى جاقتا بەلگىلەمە جاساپ، ايقىن تالاپتاردى العا قويدى. ولشەم ءارى پارتيا ۋستاۆى بەلگىلەمەلەرىنىڭ ناقتىلانۋى ءارى بەرتىنگى جىلدارداعى پارتيانى جاپپاي قاتاڭ جونگە سالۋ امالياتىندا قالىپتاسقان ءبىر قىدىرۋ شارالاردىڭ جۇيەلىلەنۋى؛ وندا ءارى كىناراتتار كورسەتىلدى، ءارى ەمدەۋ ادىستەرى كورسەتىلدى؛ ول ءارى ۇستىنەن وڭاۋ شارالارى دا، تۇبىرىنەن وڭاۋ جالپى جوباسى دا بار، پارتيامىزدىڭ پارتيانىڭ يدەيالىق قۇرىلىسى مەن پارتيانى تۇزىممەن جونگە سالۋىنىڭ ءوزارا ۇشتاستىرىلۋىنىڭ ناقتى بەينەسى.
ولشەمنىڭ كادەگە جاراۋ - جاراماۋىنداعى تەتىك تياناقتى اتقارىلعان - اتقارىلماعاندىعىنا قارالادى. پارتيانىڭ ىشكى ساياسي تۇرمىسىندا قاتاڭ، مۇقيات بولعاندا، پارتيانى جاپپاي قاتاڭ جونگە سالۋدىڭ ماڭىزدى نەگىزىنە يە بولادى. يدەيالىق تاربيە سىندى ءتۇبىردى مىقتاپ ۇستاپ، ساياسي مادەنيەتتى سومداعاندا عانا، تاماشا ساياسي ەكولوگيانىڭ توپىراعىن ۇزدىكسىز قۇنارلاندىرىپ، تۇتاس پارتيانىڭ اياق الىسىنىڭ بىركەلكىلىگىنىڭ نەگىزىن بەكەمدەۋگە بولادى؛ ءتارتىپتى قاتايتۋداي شەشۋشى ءتۇيىندى مىقتاپ يگەرىپ، پارتيانىڭ ىشكى تۇزىمدىك شەك قويۋىن كۇشەيتكەندە عانا، پارتيانى باسقارۋ، پارتيانى جونگە سالۋدىڭ «كەڭ، بوس بەلبەۋ، جەتەسىز» بولۋدان «قاتاڭ، ناقتى، قاتال» بولۋعا قاراي بەتتەۋىن ىلگەرىلەتۋگە بولادى؛ ادام تاڭداۋ، ادام ىستەتۋ باعدارىن ويداعىداي يگەرىپ، ادام تاڭداۋ، ادام ىستەتۋدەگى بۇرىس ستيلدەردى زور كۇشپەن رەتتەگەندە، جونگە سالعاندا عانا، ادام ىستەتۋ ورتاسىنىڭ ستيلىنىڭ پاكتىگىمەن، سالتىنىڭ دۇرىستىعىمەن ساياسي ەكولوگيانىڭ كوركەمدىگىن جەبەۋگە بولادى؛ ۇيىمدىق تۇرمىس سىندى ۇنەمىلىك تاسىلدەن ويداعىداي پايدالانىپ، سىن جانە ءوز - وزىنە سىننىڭ تاماشا ستيلىن قالىپتاستىرعاندا عانا، پارتيا ۇيىمىنىڭ پارتيا مۇشەلەرىن تاربيەلەۋ، باسقارۋ، باقىلاۋىن شىنايى كۇشەيتۋگە بولادى؛ مۇراگەرلىك ەتۋ مەن جاڭالىق اشۋداي ەكى ماڭىزدى بۋىندى مىقتاپ يگەرىپ، ۇزاق ۋاقىتتان بەرى قالىپتاسقان داڭقتى داستۇرگە مۇراگەرلىك ەتۋمەن قاتار، مازمۇن، فورما، دانەكەر، ءتاسىل، شارا سياقتى جاقتاردا ۇزدىكسىز وزگەرىس جاساعاندا جانە جاڭالىق اشقاندا عانا، پارتيا ىشىندەگى ساياسي تۇرمىستىڭ رولىن اناعۇرلىم ويداعىداي ساۋلەلەندىرۋگە بولادى. ولشەمدى نەگىز ەتىپ، قايشىلىقتاردى وزگەرتۋگە كۇش سالىپ، ماسەلەلەردى مىقتاپ ۇستاپ، تاماشا ساياسي ەكولوگيا قالىپتاستىرعاندا عانا، پارتيانى جاپپاي قاتاڭ جونگە سالۋ ۇستىنەن دە، تۇبىرىنەن دە بىردەي وڭاۋ ونىمدىلىگىنە قول جەتكىزۋگە بولادى.
پارتيانى جاپپاي قاتاڭ جونگە سالۋ ماڭگى جالعاسادى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، پارتيانىڭ ىشكى ساياسي تۇرمىسىن قاتايتۋدى تۇتقا ەتىپ، پارتيانى جاپپاي، قاتاڭ جونگە سالۋدى ىلگەرىلەتكەندە، ستيلى پاك، سالتى دۇرىس ساياسي ەكولوگيا قالىپتاستىرىپ، تاريح جۇكتەگەن قاسيەتتى بورىشتارىمىزدى اناعۇرلىم جاقسى ارقالاي الامىز.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
