شينجياڭ «ءبىر بەلدەۋ، ءبىر جول» ۇشاق جولى تورابىن تەرەڭدەي اشتى
ۇشاق جولى ەۆرازيانى توتە تۇتاستىرىپ، جۇك تاسىمال مولشەرى زور مولشەردە ارتتى
2019.07.16 15:27 كەلۋ قاينارى : حالىق تورابى
حالىق تورابى، 7 – ايدىڭ 16 – كۇنى، بەيجيڭ. 7 - ايدىڭ 4 - كۇنى ءۇرىمجى - الماتى جۇك تاسىمال ۇشاق جولىندا تۇڭعىش رەت ۇشاق ءساتتى قاتىنادى، بۇل بيىل 5 - ايدا ءۇرىمجى - بىشكەك جۇك تاسىمال اۋە جولى اشىلعاننان كەيىنگى شينجياڭدا جاڭادان اشىلعان ەكىنشى حالىقارالىق ارناۋلى جۇك اۋە جولى بولىپ، شينجياڭ حالىقتىق اۆياتسياسىنىڭ حالىقارالىق اۋە جۇك تاسىمالى تورابىن قۇرۋدا تاعى ءبىر قادام العا باسقاندىعىنان دەرەك بەرەدى.
ءۇرىمجى ديۋوپۋ حالىقارالىق اۋەجايىندا قازىر 23 حالىقارالىق جولاۋشى تاسىمال اۋە جولى بار، 17 مەملەكەتپەن، 22 حالىقارالىق جانە وڭىرلىك قالالارمەن اۋە جولى تۇتاسقان. 1 - ايدان 6 - ايعا دەيىن، اۋەجايداعى حالىقارالىق جولاۋشىلار ۇشاعىنىڭ ءبۇيىر بولمەسىمەن جۇك الىپ ءجۇرۋ ارقىلى 534.58 توننا جۇك - پوچتا تاسىمالىن ورىنداپ، سايكەس مەزگىلدەگىدەن 56.82 پايىز ارتتى. 1 - ايدان 6 - ايعا دەيىن، اۋەجايداعى حالىقارالىق ارناۋلى جۇك تاسىمالداۋ ۇشاعىمەن 1707.39 توننا جۇك - پوچتا تاسىمالىن ورىنداپ، سايكەس مەزگىلدەگىدەن 151.81 پايىز ارتتى. ەۆروپاعا ەكسپورت ەتكەن بۇيىمداردىڭ كوبى ەلەكتروندىق ساۋدا بۇيىمدارى، كيىم - كەشەك، ويىنشىق سياقتىلار، يمپورت ەتىلگەن بۇيىمدار، نەگىزىنەن، ءسۇت تالقانى، ماشينا - ەلەكتر جابدىقتارى، قىزىل اراق، ساندىك بۇيىمدار قاتارلىلار؛ ورتا ازيا، باتىس ازيا، رەسەيگە ەكسپورت ەتكەن بۇيىمداردىڭ كوبى ۇساق تاۋار، ەلەكتروندىق ونىمدەر قاتارلىلار؛ يمپورت ەتىلگەن بۇيىمدار، نەگىزىنەن، توڭازىتىلعان سۋ ونىمدەرى، اۋىل شارۋاشىلىعى قوسىمشا ونىمدەرى، سونداي - اق ۇلتتىق ەرەكشەلىككە يە كيىم - كەشەك، القا - مونشاق قاتارلىلار.
شينجياڭ حالىقارالىق اۋە جۇك تاسىمالى بازارىندا جۇڭگو وڭتۇستىك اۆياتسيا شەكتى جارنا سەرىكتەستىگىنىڭ دەربەس تيجارات ەتكەن بولىگىنىڭ ناتيجەسى دە سۇبەلى. 1 - ايدان 6 - ايعا دەيىن، وڭتۇستىك اۆياتسياسىنان ءۇرىمجى ارقىلى تاسىمالداعان حالىقارالىق يمپورت - ەكسپورت بۇيىمدارى جيىنى 1296 تونناعا جەتىپ، سايكەس مەزگىلدەگىدەن 18 پايىز ارتقان. «ءبىر بەلدەۋ، ءبىر جول» ساياساتى تيىمدىلىگىنىڭ ۇزدىكسىز جارىققا شىعۋىنا ساي، حالىقارالىق اۋە تاسىمال تاۋارلارىنىڭ «تەك قانا ەكسپورت ەتىلەتىن، يمپورت ەتىلمەيتىن» ءبىر باعىتتىلىق جاعدايىندا بۇرىلىس بولۋداي اۋقىم جارىققا شىقتى. ساندى مالىمەتتە كورسەتىلۋىنشە، 2018 - جىلى ورتا، باتىس ازيانىڭ ءۇرىمجى اۋە تاسىمالى ارقىلى يمپورت ەتكەن تاۋار مولشەرى 370 توننادان اسىپ، 2019 - جىلى 1 - ايدان 6 - ايعا دەيىن 220 تونناعا جەتىپ، سايكەس مەزگىلدەگىدەن 18 پايىز ارتتى. بيىل 6 - ايدىڭ وزىندە وڭتۇستىك اۆياتسياسىنىڭ دۋشانبەدەن، بىشكەكتەن، تاشكەنتتەن ۇرىمجىگە تىكە تاسىمالداعان شيەسى 101 تونناعا جەتتى، مۇندا دۋشانبەنىڭ، تاشكەنتتىڭ شيە مولشەرى سايكەس مەزگىلدەگىدەن تۇگەلدەي ءبىر ەسەدەن استام ارتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
