ەمدەۋ ارقىلى حالىققا تيىمدىلىك جاساۋ: ىجداعاتتىلىقپەن قىزمەت وتەپ، يگى ءىستى ويداعىداي ىستەدى
2019.08.07 15:21 كەلۋ قاينارى : شينجياڭ گازەتى
”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، اۆتونوميالى رايوندىق دەنساۋلىق ساقتاۋ، سالاماتتىق كوميتەتى پىشاقتىڭ ءدۇزىن ىشكە قاراتاتىن وزىنە توڭكەرىس جاساۋ رۋحىمەن، ماسەلەلەردى ءدال تاۋىپ، ”ناۋقاس كورسەتۋدىڭ قيىن بولۋى، ناۋقاس كورسەتۋدىڭ قىمبات بولۋى، ناۋقاس كورسەتۋدە ارالىقتىڭ الىس بولۋى“ سياقتى ماسەلەلەردى شەشۋدىڭ ناقتى شارالارىن، قاتاڭ شارالارىن الىپ شىعىپ، جالپى حالىقتىڭ دەنساۋلىعىن تەكسەرۋ، دارەجەگە ءبولىپ دياگنوز قويۋ - ەمدەۋ، دەنساۋلىق ارقىلى كەدەيلەردى سۇيەمەلدەۋ سياقتى ءبىرسىپىرا حالىققا ءتيىمدى شارالاردىڭ اناعۇرلىم ناقتى ونىمگە يە بولۋىنا مۇمكىندىك جاساپ، بۇكىل رايونىمىزداعى ءار ۇلت بۇقاراسىنا شىنايى قولايلىلىق جانە ناقتى تيىمدىلىك اكەلدى.■ جالپى حالىقتىڭ دەنساۋلىعىن تەكسەرۋدىڭ ونىمدىلىگى جوعارى، حالىققا ءتيىمدى بولدى
شينجياڭنىڭ ەمدەۋ ارقىلى حالىققا تيىمدىلىك جاساۋداعى ماڭىزدى شاراسى بولعان جالپى حالىقتىڭ دەنساۋلىعىن تەكسەرۋ − ”ەمدەۋ ارقىلى حالىققا تيىمدىلىك جاساۋ“ ينجەنەرياسىنىڭ جانە ”سالاماتتى شينجياڭ“ قۇرىلىسىنىڭ تانىمال تانىسقىسىنا اينالدى. ابزال ساياساتتى قايتكەندە اناعۇرلىم كوڭىلگە قونىمدى ەتۋگە، اناعۇرلىم حالىققا ءتيىمدى ەتۋگە بولادى؟ ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسى ورىستەتىلگەننەن بەرى، اۆتونوميالى رايوندىق دەنساۋلىق ساقتاۋ، سالاماتتىق كوميتەتى ماسەلەنى باعدار ەتۋدەن جازباي، ءبىر جاعىنان، ۇيرەنىپ، ءبىر جاعىنان، تەكسەرۋ - زەرتتەۋ جۇرگىزىپ، ءبىر جاعىنان، ماسەلەلەردى قاداعالاپ، ءبىر جاعىنان، رەتتەۋ - تۇزەتۋدى تياناقتاندىرىپ، فورماشىلدىقتى، تورەشىلدىكتى تەجەۋگە كۇش شىعارىپ، حالىقتىڭ دەنساۋلىق ۇقىق - مۇددەسىن قورعاۋدى ناقتى، ويداعىداي تياناقتاندىردى.
اۆتونوميالى رايوندىق دەنساۋلىق ساقتاۋ، سالاماتتىق كوميتەتى ىلگەرىندى - كەيىندى ون نەشە رەت اڭگىمە ءماجىلىسىن اشىپ، نەگىزگى ساتىداعى ەمدەۋ - كۇتۋ قىزمەتكەرلەرمەن اڭگىمەلەسۋ، اۋىل - قالاشىقتارداعى 10 ەمحانادا، قىستاقتارداعى 7 ەمدەۋ ورنىندا ناقتى تەكسەرۋ - زەرتتەۋ جۇرگىزۋ ارقىلى ءىشىنارا ماسەلەلەردى شەشتى ءارى ءىشىنارا ماسەلەلەردى بايقادى، ايتالىق، نەگىزگى ساتىداعى دياگنوز قويۋ - ەمدەۋ قۇرىلىمدارىنىڭ قۇرىلعىلارىنىڭ كەمەلدى بولماۋى، ەمدەۋ قىزمەتكەرلەرىنىڭ ورەسىن جوعارىلاتۋعا تۋرا كەلەتىندىگى، دەنساۋلىق تەكسەرۋ ارقىلى حالىققا تيىمدىلىك جاساۋ شاراسىنىڭ دالمە - دالدىگىنىڭ جەتكىلىكتى بولماۋى، ت. ب لار.
اۆتونوميالى رايوندىق دەنساۋلىق ساقتاۋ، سالاماتتىق كوميتەتى، ءبىر جاعىنان، تەكسەرۋ - زەرتتەۋ جۇرگىزىپ، ءبىر جاعىنان، قاداعالاپ، ءبىر جاعىنان، رەتتەپ - تۇزەتىپ، كەيبىر ەمدەۋ - دەنساۋلىق ساقتاۋ قۇرىلىمدارىنداعى قىزمەتكەرلەردىڭ تەحنيكالىق قىزمەت وتەۋ ورەسى مەن قابىلەتىنىڭ بۇقارانىڭ قاجەتىن قاناعاتتاندىرا الماۋ ماسەلەسىن ارقاۋ ەتە وتىرىپ، دەرەۋ شارا قولدانىپ، رەتتەۋ - تۇزەتۋ جۇرگىزدى، ءبىر جاعىنان قىستاق شيپاگەرلەرىن تاربيەلەۋ تەبىنىن كۇشەيتىپ، 7 - ايدان باستاپ، بۇكىل رايونىمىزداعى 18 مىڭ قىستاق شيپاگەرلەرىن تۇگەلىمەن كەزەكپەن تاربيەلەدى. كەزەكتە قىستاق شيپاگەرلەرىن تاربيەلەۋ قىزمەتى جاپپاي ورىستەتىلۋدە. ياركەن اۋدانىنداعى ءارقايسى اۋىل، قالاشىق، قىستاقتاردىڭ دەنساۋلىق تەكسەرۋ ورتالىقتارىنداعى 328 قىستاق شيپاگەرى دەنساۋلىق تەكسەرۋ تالابىنان، دەنساۋلىق تەكسەرۋ تۇرلەرىنەن، دەنساۋلىق تەكسەرۋ تارتىبىنەن تەحنيكالىق مەڭگەرۋ جۇيەسىنە دەيىن جۇيەلى تاربيە قابىلدادى. ياركەن اۋدانى بەسكەنت قالاشىعى ەمحاناسىنىڭ شيپاگەرى گۇلقىز نۇرمامەت بىلاي دەدى: ”كۋرس ارقىلى مەنىڭ كاسىپتىك قابىلەتىم جوعارىلادى، بۇقاراعا اناعۇرلىم ويداعىداي قىزمەت وتەي الاتىن بولدىم“. ەندى ءبىر جاعىنان، جەر - جەردەگى اۋىل - قالاشىق ەمحانالارىن ولشەمدەندىرۋ قۇرىلىسىنىڭ اياق الىسىن جەدەلدەتىپ، قىزمەت ۋاقىت كەستەسىن تۇراقتاندىرىپ، 2019 - جىلدىڭ سوڭىندا اۆتونوميالى رايوننىڭ اۋىل - قالاشىق ەمحانالارىنىڭ، قىستاق ەمدەۋ ورىندارىنىڭ ولشەمدەندىرىلۋ مولشەرىن ％100كە جەتكىزۋدى جۇزەگە اسىرۋعا كۇش شىعاردى.
تەكسەرۋ - زەرتتەۋ بارىسىندا بايقالعان دەنساۋلىق تەكسەرۋدەن قىزمەت وتەۋدىڭ دالمە - ءدال بولماۋ ماسەلەسىن ارقاۋ ەتە وتىرىپ، اۆتونوميالى رايوندىق دەنساۋلىق ساقتاۋ، سالاماتتىق كوميتەتى رەتتەۋ - تۇزەتۋ شارالارىن تياناقتاندىرىپ، جالپىعا تيىمدىلىك جاساۋ نەگىزىندە دارالىق قىزمەت وتەۋدى ىلگەرىلەتىپ، ءار ۇلت بۇقاراسىنىڭ دەنساۋلىعىن تەكسەرتۋ جونىندەگى رازىلىعى مەن تابىس سەزىمىن ۇزدىكسىز جوعارىلاتتى. ەگىنشى - مالشى بۇقارانىڭ ءىس جۇزىندىك جاعدايىن تولىق ويلاستىرىپ، دەنساۋلىق تەكسەرۋ ۋاقىتىن ۇيلەسىمدى ۇيىمداستىرىپ، ورنالاستىرىپ، ەگىس جۇمىستارى مەن دەنساۋلىق تەكسەرۋدىڭ قاباتتاسىپ قالماۋىن شىنايى ورىندادى؛ قارتتار، مۇگەدەكتەر سياقتى ەرەكشە قاۋىمىعا جىلجىمالى دەنساۋلىق تەكسەرۋ اۆتوكولىگى ارقىلى دەنساۋلىق تەكسەرۋ اسپاپتارىن اپارىپ، وتباسىلارعا بارىپ قىزمەت وتەدى؛ دەنساۋلىق تەكسەرۋ ورىندارىنا كوزگە انىق تۇسەتىن بەلگى ورناتىپ، جول باستاۋشى ورنالاستىرىپ، اش قۇرساق تەكسەرىلەتىن بۇقاراعا قورەكتىك تاعام ازىرلەدى، ت.ب.
اۆتونوميالى رايوندىق دەنساۋلىق ساقتاۋ، سالاماتتىق كوميتەتى نەگىزگى ساتى دەنساۋلىق ساقتاۋ، سالاماتتىق باسقارماسىنىڭ باستىعى گو ۋيجياڭ بىلاي دەپ تانىستىردى: يگى ىستەردى ويداعىداي ىستەپ، قىزمەتتى، ءسوزسىز، اناعۇرلىم تىڭعىلىقتى، اناعۇرلىم ناقتى ىستەۋ كەرەك. كەلەسى قادامدا، ءبىز شارا قولدانىپ، دەنساۋلىق تەكسەرۋدى ”دەنساۋلىقتان اقىل - كەڭەس بەرۋ، دەنساۋلىق تاربيەسى، سالماقتى ناۋقاستاردى تەكسەرۋ“مەن بىرلەستىرىپ، ءار ءتۇرلى شۇعىل ناۋقاستاردى ”ەرتە بايقاۋ، ەرتە دياگنوز قويۋ، ەرتە ەمدەۋ“دى جۇزەگە اسىرامىز.■ ساپالى ەمدەۋ بايلىعىن نەگىزگى ساتىعا ءتۇسىرىپ، ونىمدىلىگىن كورسەتتى
اۆتونوميالى رايوندىق دەنساۋلىق ساقتاۋ، سالاماتتىق كوميتەتى نازاردى نەگىزگى تاقىرىپتىق تاربيەنىڭ نەگىزگى تاقىرىبىنا، نەگىزگى جەلىسىنە شوعىرلاندىرىپ، قىزمەت جاۋاپكەرشىلىگىمەن، مىندەتىمەن بىرلەستىرىپ، ولقىلىقتاردى، تالماۋ جەرلەردى قاداعالاپ، ”ناۋقاس كورسەتۋدىڭ قيىن بولۋ، ناۋقاس كورسەتۋدىڭ قىمبات بولۋ، ناۋقاس كورسەتۋدە ارالىقتىڭ الىس بولۋى“ كورنەكتى ماسەلەلەرىن اقىلداسىپ شەشىپ، اۋەلگى ماقساتپەن، بورىشپەن سالىستىرىپ رەتتەۋ - تۇزەتۋدى تياناقتاندىرۋدى مىقتى يگەردى.
اۆتونوميالى رايوندىق دەنساۋلىق ساقتاۋ، سالاماتتىق كوميتەتى مەديتسينا اكىمشىلىگى، مەديتسينالىق باسقارۋ باسقارماسىنىڭ ورىنباسار باستىعى جاڭ شياۋميڭ تانىستىرىپ بىلاي دەدى: قاداعالاۋ ارقىلى، رايون اتتاعان ارناۋلى بولىمدەر بىرلەستىگى 2017 - جىلى قۇرىلعانىمەن، ءبىراق، تۇزىمدەندىرۋ، جۇيەلىلەندىرۋ قۇرىلىسى جاعىندا ولقىلىقتار بار ەكەندىگىن بايقادىق. مىسالى، ساپالى بايلىق نەگىزگى ساتىعا ويىستىرىلعاننان كەيىن، نەگىزگى ساتىعا كومەكتەسىپ جانە جەتەكتەپ قىزمەت وتەۋ قۋاتى ءالى دە جەتكىلىكسىز؛ رايونىمىز رايون − ايماق − اۋداندا الىس ارالىقتى ەمدەۋمەن بۇكىلدەي قامتۋدى العاشقى قادامدا جۇزەگە اسىرىپ، 2 ۇلكەن الىس ارالىقتى ەمدەۋ بولىمشە ورتالىعىن قۇرىپ، ءاربىر بولىمشە ورتالىق تۇگەلدەي 100دەن استام ەمدەۋ قۇرىلىمدارىمەن بايلانىس ورناتتى، ءبىراق وسى ەكى بولىمشە ورتالىق ءوزارا بايلانىس جاساسپاعان، بايلىقتى بىرىكتىرىپ پايدالانۋى ويداعىداي ەمەس.
اۋرۋ ءتۇيىنىن ءدال تاۋىپ، اۋرۋىنا قاراي ءدارى بەرۋ. اۆتونوميالى رايوندىق دەنساۋلىق ساقتاۋ، سالاماتتىق كوميتەتى «ارناۋلى بولىمدەر بىرلەستىگىنىڭ قىزمەتىنە جەتەكشىلىك ەتۋ جانە باقىلاۋ - باسقارۋ قىزمەتىن اناعۇرلىم كۇشەيتۋ جونىندەگى ۇقتىرۋ»دى جاساپ شىعارىپ، ارناۋلى بولىمدەر بىرلەستىگى قۇرىلىسىنىڭ جۇيەلى بولۋىنا، ۇيىمدى قۇرىلىمدىق تۇلعاسىنا، ەرەجەسىنە جانە سايكەستى قىزمەت جاۋاپكەرشىلىگى مەن مىندەتىنە بەلگىلەمە شىعاردى جانە ولاردى كەمەلدەندىردى. بايلىقتى بىرىكتىرۋ، بايلىقتان تەڭ يگىلىكتەنۋ سىندى قيىن ماسەلەنى قايتىپ شەشۋدى ارقاۋ ەتىپ، ناقتى شارالاردى بەكىتتى. الىس ارالىقتى ەمدەۋ ساياساتى سىناق ءتۇيىنى نىسانى ارقىلى الىس ارالىقتى ەمدەۋدە ءبىر ءتۇيىندى كوپ تۇيىنمەن، كوپ ءتۇيىندى كوپ تۇيىنمەن بارىنشا قوسىپ، بارىنشا توعىستىرىپ، ەڭ اقىرىندا ساپالى ەمدەۋدىڭ جالپىلاسۋىن جۇزەگە اسىردى؛ بايلىقتى نەگىزگى ساتىعا ءتۇسىرىپ، تەحنيكالىق جاقتان كومەكتەسۋ، جەتەكتەۋ ارقىلى نەگىزگى ساتىنىڭ قىزمەت وتەۋ قابىلەتىن تۇتاس تۇلعالىق جاقتان جوعارىلاتىپ، بۇقارانى ءۇيىنىڭ ىرگەسىنەن - اق جوعارى دارەجەلى ەمدەۋ قۇرىلىمدارىنىڭ ساپالى بايلىعىنان يگىلىكتەندىردى.
جۋىقتا 31 جاستاعى ءومارجان ىبىرايىم بەلدەۋشە بورتپەگە شالدىعىپ، گۇما اۋداندىق حالىق شيپاحاناسىنا جاتتى، ەمدەلۋ ارقىلى ناۋقاسى جاقساردى. ول قۋانا بىلاي دەدى: ”بۇرىن مەن ناۋقاس كورسەتكەندە ۇنەمى حوتان قالالىق شيپاحاناعا باراتىنمىن، گۇما اۋداندىق شيپاحانادا جاتىپ تا ۇلكەن شيپاحانالاردىڭ دياگنوز قويۋ - ەمدەۋ ورەسىنەن يگىلىكتەنەتىندىگىمدى ويلاماعان ەكەنمىن“.■ بۇقارا ەڭ كوڭىل بولگەن، ەڭ ءۇمىت ەتكەن ماسەلەلەردى شەشتى
جالپى حالىقتىڭ سالاماتتىعى بولمايىنشا، جالپى بەتتىك دوڭگەلەك داۋلەتتىلىك تە بولمايدى.
اۆتونوميالى رايوندىق دەنساۋلىق ساقتاۋ، سالاماتتىق كوميتەتى بۇقارا ەڭ كوڭىل بولگەن، ەڭ ءۇمىت ەتكەن ماسەلەلەردى شەشۋدەن باستاپ كىرىسىپ، ءىس جۇزىندىك ارەكەتى ارقىلى نەگىزگى تاقىرىپتىق تاربيەنىڭ باستى تالابىن دايەكتىلەندىردى، تياناقتاندىردى. تۋبەركۋلەز اۋرۋىنىڭ وڭاي تارالۋىنان جانە جۇعىمدالۋىنان ساقتانۋدى توڭىرەكتەي وتىرىپ، 10نان استام - رەت تەكسەرۋ - زەرتتەۋ جۇرگىزۋ ارقىلى تۋبەركۋلەز اۋرۋىنان ساقتانۋ قىزمەتى ءادىس - شاراسىنىڭ تياناقتانۋىنىڭ جان جاقتى، كەمەلدى بولماۋى، قىزمەت ساپاسىنىڭ ولشەمگە جەتپەۋى سياقتى ماسەلەلەردى تەكسەرىپ انىقتادى، سونداي - اق ونى ماسەلەلەردى اداقتاۋ تىزىمدىگىنە كىرگىزىپ، 12 ءتۇرلى رەتتەۋ - تۇزەتۋ شاراسىن ورتاعا قويدى، ماسەلەن، تۋبەركۋلەز اۋرۋىن سارالاپ تەكسەرۋ، جۇعىمدالۋ سيپاتتى تۋبەركۋلەز اۋرۋىنا شالدىعۋشىلاردى شوعىرلاندىرا اۋاشالاپ ەمدەۋدى كۇشەيتۋ، جۇعىمدالمايتىن مەزگىلدەگى اۋرۋلاردى شوعىرلاندىرىپ قورەكتىك تاڭعى اس بەرۋ، ت.ب. شەشۋ شاراسىن بەلسەنە زەرتتەپ، «اۆتونوميالى رايوننىڭ مەملەكەتتىڭ تۋبەركۋلەز اۋرۋىن تەجەۋ ارەكەت جوسپارىن (2022 - 2019) اتقارۋ جوباسى»ن جاساپ شىعاردى. كەلەسى قادامدا، جالپى حالىقتىڭ دەنساۋلىعىن تەكسەرۋ قىزمەتى مەن سوزىلمالى اۋرۋلارعا ارحيۆ تۇرعىزىپ، كارتچكا بەرۋ، وتباسىلىق شيپاگەرلەرمەن كەلىسىم جاساسۋ، دەنساۋلىق تاربيەسى سياقتى قىزمەتتەردى سايكەستىرە جۇرگىزىپ، دەنساۋلىق تەكسەرۋ ناتيجەسىن الەۋمەتتىك دەنساۋلىق ساقتاۋعا قىزمەت وتەۋدى اناعۇرلىم كۇشەيتۋدىڭ، بۇقارانىڭ سالاماتتىق جاعدايىن جاقسارتۋدىڭ دالەلى ەتەدى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
