شينجياڭ ۇيعۇر اۆتونوميالى رايوندىق ساياسي كەڭەس ايلىق كەڭەس اڭگىمە ءماجىلىسىن وتكىزدى
«شينجياڭداعى دۇنيە جۇزىلىك مادەنيمۇرا ورىندارىن قورعاۋ جانە پايدالانۋ» جونىندە اقىلداسىپ، ۇكىمەت ىستەرىنە كەڭەس بەردى
2019.10.10 14:55 كەلۋ قاينارى : حالىق تورابى
حالىق تورابى، 10 – ايدىڭ 10 – كۇنى، بەيجيڭ. شينجياڭ گازەتى ءتىلشىسىنىڭ 10 – ايدىڭ 8 – كۇنى ۇرىمجىدەن بەرگەن حابارى، 10 - ايدىڭ 8 - كۇنى تۇستەن بۇرىن شينجياڭ ۇيعۇر اۆتونوميالى رايوندىق ساياسي كەڭەس ايلىق كەڭەس اڭگىمە ءماجىلىسىن وتكىزىپ، «شينجياڭداعى دۇنيە جۇزىلىك مادەني مۇرا ورىندارىن قورعاۋ جانە پايدالانۋ» جونىندە اقىلداسىپ، ۇكىمەت ىستەرىنە كەڭەس بەردى. شينجياڭ ۇيعۇر اۆتونوميالى رايوندىق ساياسي كەڭەستىڭ ءتوراعاسى نۇرلان ءابىلماجىن ءماجىلىستى باسقاردى ءارى ءسوز سويلەدى.
ءماجىلىس الىس ارالىقتى كەڭەسۋ ءتاسىلى ارقىلى شينجياڭ ۇيعۇر اۆتونوميالى رايوندىق ساياسي كەڭەس ورگانىنىڭ نەگىزگى ءماجىلىس ورنىن جانە 14 ايماق، وبلىس، قالالىق ساياسي كەڭەستىڭ بولىمشە ءماجىلىس ورنىن قۇرىپ، ماجىلىسكە قاتىناسۋشىلارمەن بەينەەكران ارقىلى اڭگىمەلەستى. ماجىلىسكە قاتىناسۋشى 11 ۋاكىل نەگىزگى تاقىرىپتى ارقاۋ ەتىپ، ءىس جۇزىندىكپەن بىرلەستىرە وتىرىپ، سۇيەمەلدەۋ تەبىنىن كۇشەيتۋ، مادەني ەسكەرتكىشتەردىڭ «مادەني ەسكەرتكىش ارقىلى تاريحتى دالەلدەۋ» رولىن ساۋلەلەندىرۋ، مادەنيەت پەن ساياحاتتى توعىستىرۋدى جەبەۋ، جالپىلىق اقپارات قۇرالدارىنان پايدالانۋ ادىسىنەن پايدالانىپ ۇگىتتى كۇشەيتۋ، مادەني مۇرالاردى قورعاۋدى جانە زەرتتەۋدى كۇشەيتۋ سياقتى جاقتاردان ۇسىنىس - پىكىر بەردى. كوپشىلىك بىلاي دەپ قارادى: سوڭعى جىلدارى، شينجياڭ ۇيعۇر اۆتونوميالى رايوندىق پارتكوم مەن ۇكىمەت مادەني مۇرالاردى قورعاۋ جانە پايدالانۋ قىزمەتىنە باسا ءمان بەرىپ، شينجياڭداعى مادەني مۇرالاردى زەرتتەۋ، قورعاۋ جانە پايدالانۋ تەبىنىن بارىنشا ارتتىرىپ، كورىنەرلىك تابىسقا قول جەتكىزدى. ءىشىنارا مۇشەلەر مىناداي ۇسىنىس بەردى: ساياسي دەڭگەيدى جوعارىلاتىپ، مادەني مۇرالاردى قورعاۋ، پايدالانۋ قىزمەتىن ويداعىداي ىستەۋدە جاۋاپكەرشىلىك سەزىمدى، كوكەي كەستىلىك سەزىمدى كۇشەيتۋ؛ تۇتاس تۇلعالىق جوسپارلاۋدى كۇشەيتىپ، ءتۇيىن مەن جالپى جاقتى بىرلەستىرىپ، بۇكىل شينجياڭدى قامتىعان مادەني مۇرالاردى قورعاۋ جوسپارى جۇيەسىن قالىپتاستىرۋ؛ زەرتتەۋ تەبىنىن ارتتىرىپ، قورعاۋ شارالارىن تياناقتاندىرىپ، مادەني مۇرالاردىڭ شىن فاكت، تاريحي دالەلدىك رولىن تولىق ساۋلەلەندىرۋ؛ باسقارۋ قابىلەتىن ءوسىرىپ، كاسىپتىك دارىندىلار قوسىنىن قۇرۋ، كۇشەيتۋ؛ ءتۇزىم قۇرىلىسىن نىعايتىپ، ۇگىت قىزمەتىن كۇشەيتىپ، دۇنيە جۇزىلىك مادەني مۇرالاردى جاندى پايدالانۋ كەرەك.
نۇرلان ءابىلماجىن سوزىندە مىنانى اتاپ كورسەتتى: شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن جاپپاي دايەكتىلەندىرىپ، تياناقتاندىرىپ، شينجياڭداعى دۇنيە جۇزىلىك مادەني مۇرالاردى قورعاۋ قىزمەتىن ويداعىداي ىستەۋدىڭ ماڭىزدى ءمانىن تولىق تانىپ، مادەني مۇرا ورىندارىن قورعاۋدى جانە پايدالانۋدى شىنايى كۇشەيتىپ، جۇڭحۋانىڭ تاڭداۋلى، ءداستۇرلى مادەنيەتىنىڭ جاندانۋىن، جالعاسۋىن، سىرتقا شىعارىلۋىن ىلگەرىلەتىپ، مادەني مۇرالاردى سويلەتىپ، تاريحتى سويلەتىپ، شينجياڭداعى ءار ۇلت حالقىن دۇرىس مەملەكەت كوزقاراسىن، تاريح كوزقاراسىن، ۇلت كوزقاراسىن، مادەنيەت كوزقاراسىن، ءدىن كوزقاراسىن ىشكەرىلەي ورناتۋعا، «ءۇشتىڭ ءبىر - بىرىنەن ايرىلا الماۋى» يدەياسىن بەرىك ورناتىپ، «بەستى شىنايى مويىنداۋدى» كۇشەيتىپ، جۇڭحۋا ۇلتى ورتاق تۇلعا تانىمىن بەرىك ورناتۋعا باستاۋ كەرەك.
نۇرلان ءابىلماجىن مىنانى اتاپ كورسەتتى: وسى رەتكى ءماجىلىستى ويداعىداي اشۋ ءۇشىن، مۇشەلەر مەن قاتىستى مامان - وقىمىستىلار مۇقيات ۇيرەنۋ، ىشكەرىلەي تەكسەرىپ - زەرتتەۋ جۇرگىزۋ نەگىزىندە، شينجياڭداعى دۇنيە جۇزىلىك مادەني مۇرا ورىندارىنىڭ ماڭىزدى ورنى مەن ەرەكشە ءمانى جونىندەگى تۇسىنىك، تانىمدارىن تەرەڭدەتىپ، قۇندى، ورەلى ۇسىنىس - پىكىرلەردى ورتاعا سالىپ، يدەيالىق اۋىس - كۇيىس جاساۋ، تانىمدى تەرەڭدەتۋ، ماسەلەلەردى زەرتتەۋ، قىزمەتتى ىلگەرىلەتۋ ماقساتىنا جەتتى. ماجىلىستە قالىپتاسقان ورتاق تانىم مەن ۇسىنىس - پىكىرلەردى جيناقتاپ، رەتتەپ دەر كەزىندە جوعارىعا مالىمدەۋ، كەڭەسۋدىڭ ناتيجەسىن بارىنشا كادەگە جاراتۋ كەرەك.
شينجياڭ ۇيعۇر اۆتونوميالى رايوندىق ساياسي كەڭەس ءتوراعاسىنىڭ ورىنباسارلارى چىڭ جىنشان، ءجۇرات يمىن، ماعاۋ سەيىتقامىزا، ءمۇتاللىپ وبۇل، يىلھام سابىر ماجىلىسكە قاتىناستى. شينجياڭ ۇيعۇر اۆتونوميالى رايوندىق ساياسي كەڭەس ءتوراعاسىنىڭ ورىنباسارى، قوسىمشا باس حاتشى جاڭ بو نەگىزگى تاقىرىپتا ءسوز سويلەدى. شينجياڭ ۇيعۇر اۆتونوميالى رايوندىق مادەنيەت جانە ساياحات مەڭگەرمەسىنىڭ قاتىستى جاۋاپتىلارى قاتىستى جاعدايلاردى تانىستىردى، شينجياڭ ۇيعۇر اۆتونوميالى رايوندىق حالىق ۇكىمەتىنىڭ قاتىستى جاۋاپتىلارى ماجىلىسكە قاتىناسۋشىلاردىڭ ۇسىنىس - پىكىرلەرىنە جاۋاپ قايتاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
