شينجياڭنىڭ وقۋ - اعارتۋدى وسىزامانداندىرۋدى ىلگەرىلەتۋ ينجەنەرياسى ورتالىقتىڭ مەجە ەسەبى ىشىندە 986 ميلليون يۋان قارجىلاي قولداۋعا يە بولدى
2020.04.10 17:22 كەلۋ قاينارى : شينجياڭ گازەتى
گازەتىمىزدىڭ جالپىلىق اقپارات قۇرالدارى ءتىلشىسى شى شين 4 - ايدىڭ 8 - كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋعا قاراعاندا، تاياۋدا مەملەكەتتىك دامۋ جانە رەفورما كوميتەتى اۆتونوميالى رايونىمىزدىڭ وقۋ - اعارتۋدى وسىزامانداندىرۋدى ىلگەرىلەتۋ ينجەنەرياسىنىڭ 2020 - جىلعى 1 - توپتاعى ورتالىقتىڭ مەجە ەسەبى ىشىندەگى قارجى قوسۋ جوسپارىن ءتۇسىرىپ، رايونىمىزداعى مىندەتتى وقۋ - اعارتۋ مەكتەپتەرى، وقىتۋ نەگىزى ءالسىز اۋداندارداعى ادەتتەگى ورتا مەكتەپتەر، ورتا دارەجەلى كاسىپتىك مەكتەپتەر، مەملەكەتتىك ءوندىرىس پەن وقىتۋدى ۇشتاستىرۋ قۇرىلىسى سىناق ءتۇيىنى قالالارى، ورتا، باتىس بولىكتەگى جوعارى مەكتەپتەردىڭ نەگىزدىك قابىلەت قۇرىلىسى، قولدانىلمالى تولىق كۋرس جوعارى مەكتەپتەرى سىندى 6 ارناۋلى ءتۇر بويىنشا جيىنى 98 نىسانعا ورتالىق مەجە ەسەبى ىشىندە 986 ميلليون يۋان قارجى ورنالاستىردى.
مەملەكەت تۇسىرگەن قارجى قوسۋ جوسپارىندا، مىندەتتى وقۋ - اعارتۋ مەكتەپتەرىنىڭ قۇرىلىس نىسانى 82، بۇعان ورتالىقتىڭ مەجە ەسەبى ىشىندە 574 ميلليون يۋان قارجى ورنالاستىرىلدى؛ وقىتۋ نەگىزى ءالسىز اۋداندارداعى ادەتتەگى ورتا مەكتەپتەردىڭ قۇرىلىس نىسانى 3، بۇعان ورتالىقتىڭ مەجە ەسەبى ىشىندە 48 ميلليون يۋان قارجى ورنالاستىرىلدى؛ ورتا دارەجەلى كاسىپتىك مەكتەپتەردىڭ ءوندىرىس - وقىتۋدى ۇشتاستىرۋ قۇرىلىس نىسانى 8، بۇعان ورتالىقتىڭ مەجە ەسەبى ىشىندە 160 ميلليون يۋان قارجى ورنالاستىرىلدى؛ مەملەكەتتىك ءوندىرىس پەن وقىتۋدى ۇشتاستىرۋ قۇرىلىسى سىناق ءتۇيىنى قالالارىنىڭ قۇرىلىس نىسانى ءبىر، بۇعان ورتالىقتىڭ مەجە ەسەبى ىشىندە 50 ميلليون يۋان قارجى ورنالاستىرىلدى؛ ورتا، باتىس بولىكتەگى جوعارى مەكتەپتەردىڭ نەگىزدىك قۋاتى قۇرىلىس نىسانى ءبىر، بۇعان ورتالىقتىڭ مەجە ەسەبى ىشىندە 54 ميلليون يۋان قارجى ورنالاستىرىلدى؛ قولدانىلمالى تولىق كۋرس جوعارى مەكتەپتەردىڭ قۇرىلىس نىسانى 3، بۇعان ورتالىقتىڭ مەجە ەسەبى ىشىندە 100 ميلليون يۋان قارجى ورنالاستىرىلدى.
وسى رەتكى قارجى قوسۋ جوسپارى نىسانىنىڭ ورنالاستىرۋىندا ”ولقىلىقتاردى تولىقتاۋ، ءالسىز تۇستاردى نىعايتۋ، جوعارىلاتۋدى جەبەۋ“ ەرەكشەلىگى ونان ارى كورنەكتىلەندىرىلىپ، كەدەيلىكتەن ارىلتۋدان قامال الۋداعى ءتۇيىندى وڭىرلەردەگى ءالسىز مەكتەپتەرگە، جاتاقتى مەكتەپتەرگە، سونداي - اق ءوندىرىس پەن وقىتۋدى ۇشتاستىرعان سىناق تۇيىندەرىنە، ت. ب بەيىمدەلدى. نىساننىڭ اتقارىلۋى رايونىمىزداعى ءتۇرلى مەكتەپتەردىڭ وقىتۋ جۇرگىزۋ نەگىزگى شارت - جاعدايىن ونان ارى جاقسارتىپ، وڭىرلەر اراسىنداعى، قالا مەن اۋىل اراسىنداعى وقىتۋ بايلىعى قاينارىنىڭ تەپە - تەڭ دامۋىن جەبەپ، وقىتۋ - وقۋ ساپاسىن جوعارىلاتۋعا، وقۋ - اعارتۋدىڭ ادىلدىگىن جەبەۋگە شارت - جاعداي ازىرلەيدى.
كەلەسى قادامدا، اۆتونوميالى رايوندىق دامۋ جانە رەفورما كوميتەتى قاتىستى تاراۋلارمەن بىرگە نىسانداردى كۇندەلىكتى باقىلاپ - باسقارۋدى، ورنالاستىرۋدى كۇشەيتىپ، نىسانداردىڭ ەرتەرەك قۇرىلىس باستاۋىنا قۋزاۋشىلىق ەتىپ، ەرتەرەك سالۋعا، قۇرىلىستى ەرتە بىتىرۋگە، ورتالىقتىڭ مەجە ەسەبى ىشىندە قوسىلعان قارجىسىنىڭ ونىمدىلىگىن ەرتە ساۋلەلەندىرۋگە كۇش سالادى.
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
