الدىڭعى جارتى جىلدا شينجياڭ تەمىر جولىنىڭ جۇك تاسىمال مولشەرى سايكەس مەزگىلدەگىدەن ％19.3 ارتتى
2020.07.13 16:31 كەلۋ قاينارى : حالىق تورابى
شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ 7 - ايدىڭ 11 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىنشا، بيىل جىل باسىنان بەرى، شينجياڭ تەمىر جولى قىزمەت وتەۋ شارالارىن كەمەلدەندىرىپ، تاسىمال ونىمدىلىگىن جوعارىلاتىپ، كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن قامتاماسىز ەتكەن، سونىمەن الدىڭعى جارتى جىلدا جۇك جونەلتۋ مولشەرى 83 ميلليون 443 مىڭ 100 تونناعا جەتىپ، بىلتىرعى سايكەس مەزگىلدەگىمەن سالىستىرعاندا ％19.3 ارتقان.
«ءبىر كاسىپورىنعا ءبىر كەستە» ۇلگىسى بويىنشا، شينجياڭ تەمىر جول تاراۋى جوعارعى، تومەنگى جەلىدەگى كاسىپورىنداردى ساتۋ اياسىنا ەنگىزىپ، قاريدار «دوستار شەڭبەرىن» ۇزدىكسىز كەڭەيتتى. كاسىپورىنداردىڭ جۇمىستى، ءوندىرىستى قالپىنا كەلتىرۋ اياق الىسىنا نەگىزدەلىپ، جوعارعى، تومەنگى جەلىدەگى قاريدارلاردىڭ جاعدايىن بەلسەندىلىكپەن ۇعىسىپ، كاسىپورىنداردىڭ ءوندىرىس قۋاتى جاعدايىن جانە ساتۋ، ساتىپ الۋ قاجەتىن يەلەپ، كاسىپورىندار ءۇشىن دانەكەر بولىپ، ونىمدەرىنە ساتۋ جولىن قاراستىرۋىنا كومەكتەستى. قاريدارلاردىڭ تاسىمال قاجەتىنە قاراتا، شينجياڭ تەمىر جولىنىڭ تاسىمال، ىڭعايلاستىرۋ، جۇك تاسىمالى سياقتى تاراۋلارى تىعىز سايكەسىپ، جۇك ءتۇسىرۋدى ۇيىمداستىرۋدى ۇزدىكسىز كۇشەيتىپ، كاسىپورىنداردىڭ ءوندىرىس قۋاتىن دالمە - ءدال يگەرىپ، جول جەلىسىن پايدالانۋ، جۇك ءتۇسىرۋدى ۇيىمداستىرۋ، كەزەكشى پويەزداردى جىكتەۋ سياقتى بۋىندارداعى ماسەلەلەردى اۋقىمعا قاراي رەتتەپ جانە دەر كەزىندە شەشىپ، پويەز اينالىمىن تەزدەتتى.
شينجياڭ تەمىر جول تاراۋى تاسىمالدى بازاردى توڭىرەكتەي وتىرىپ اينالىس جاساتۋعا تاباندى بولىپ، ستراتەگيالىق قاريدارلارمەن جانە ءتۇيىندى قاريدارلارمەن سەلبەستىكتى كۇشەيتىپ، 53 كاسىپورىندا قاريدار ۋاكىلىن تۇرعىزىپ، تۇيىندە تۇرىپ قىزمەت وتەپ، زاتتاردىڭ بەكەتتەن كىرىپ - شىعۋى، قىسقا تاسىمال ورنالاستىرۋ، تەمىر جول تاسىمالى سياقتى ىستەردى سايكەستىرىپ جاقسى ىستەپ، جۇك تيەۋدىڭ ىركىلىسسىزدىگىنە كەپىلدىك ەتتى. ىلگەرىندى - كەيىندى قاشقار، كۇيتۇن قاتارلى كوپ بەكەت تۇيىندەرىندە ماقتا جونەلتۋ جۇمىسىن ورىستەتىپ، ىشكى وڭىرلەردەگى ماقتا توقىماشىلىق كاسىپورىندارىنىڭ جۇمىستى، ءوندىرىستى قالپىنا كەلتىرۋدەگى شيكىزات قامداۋىن قامتاماسىز ەتتى؛ كومىر قاتارلى مول زات تاسىمالىنىڭ ەرەكشەلىگىمەن ۇشتاستىرىپ، اشىق توبەلى ۆاگوندى اينالمالى كەزەكشى پويەزدارىن مولىنان جۇرگىزىپ، پويەز قاينارىمەن قامداۋدى قامتاماسىز ەتىپ، جۇك تيەۋ مەن جۇك ءتۇسىرۋدى ۇلاسپالى ۇيىمداستىرۋدى جاقسى ىستەپ، جۇك تيەۋ- ءتۇسىرۋ ەكى باسىنداعى بەكەتتەردىڭ جۇمىس قىسىمىن جەڭىلدەتىپ، بىركەلكى تاسۋدى جۇزەگە اسىردى؛ كوپ بەكەت تۇيىندەرىن اشۋدىڭ ءتيىمدى ورايىن مىقتاپ يگەرىپ، قاريدارلارمەن بەلسەندىلىكپەن ۇشتاسىپ، پويەزداردى الدىن الا سەپتەپ، كومىر، مەتال، كەن رۋداسى تاسىمال كەزەكشى پويەزدارىن جۇرگىزۋدى ۇيىمداستىرىپ، تاسىمال ارناسىن كەڭەيتتى. الدىڭعى جارتى جىلدا، شينجياڭ تەمىر جولى 41 ميلليون 616 مىڭ 400 توننا كومىر جونەلتىپ، سايكەس مەزگىلدەگىدەن ％24 ارتتى؛ 7 ميلليون 782 مىڭ توننا كەن رۋداسىن جونەلتىپ، سايكەس مەزگىلدەگىدەن ％45 ارتتى؛ 2 ميلليون 437 مىڭ 700 توننا ماقتا جونەلتىپ، سايكەس مەزگىلدەگىدەن ％102 ارتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
