- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
«ءۇش كۋالىكتى بىرىكتىرۋ» رەفورماسىن اتقارىپ، يگىلىك جاراتۋ، جاڭالىق اشۋ قارقىنىن تەزدەتەيىك
2015.06.23 13:25
ماۋسىمنىڭ 17 - كۇنى اشىلعان مەملەكەتتىك كەڭەستىڭ ۇنەمىلىك ىستەر ماجىلىسىندە ساۋدا ىستەرىن تىزىمگە الۋ ءتۇزىمىن ىلگەرىلەتۋدەگى ماڭىزدى رەفورما «ءۇش كۋالىكتى بىرىكتىرۋ» رەفورماسىن اتقارۋ ورتاعا قويىلدى، بيىل جىل سوڭىنان بۇرىن «ءۇش كۋالىكتى بىرىكتىرۋ»، «ءبىر كۋالىكتە ءبىر شارتتى ءنومىر بولۋ» سىندى تىزىمگە الۋ فورماسى بۇكىل ەل كولەمىندە جالپىلاستىرىلاتىن بولدى.
«ءۇش كۋالىكتى بىرىكتىرۋ» ءتۇزىمىن اتقارۋدا، كاسىپورىندار تىزىمگە الىنۋدى ءوتىنىش ەتكەن كەزىندە ساۋدا - ونەركاسىپ، ساپا تەكسەرۋ، باجى سياقتى تاراۋلار جەكە - جەكە ساراپتاپ كۋالىك بەرۋدى ساۋدا - ونەركاسىپ تاراۋى ءبىر جولاتا تەكسەرىپ - ساراپتاۋ ارقىلى تيجارات رۇقسات كۋالىگىن بەرۋگە وزگەرتىلدى. ماجىلىستە ءتارتىپتى قاراپايىمداستىرىپ، «ءبىر رەت ءوتىنىش ەتۋ، ءبىر رەتتە قابىلداۋ، ءبىر تۇتاس ماتەريال ازىرلەۋ، ءبىر كەستەمەن بارلىعىن تىزىمگە الۋ» بارىسىن ىسكە اسىرىپ، كەستە تولتىرۋ، ماتەريال تاپسىرۋ سياقتى جۇمىستاردى قايتالاماۋ باسا دارىپتەلدى.
ءتىلشىنىڭ ساۋدا - ونەركاسىپ باس مەكەمەسىنەن ۇعىسۋىنشا، ءساۋىر ايىنىڭ سوڭىنا دەيىن مەملەكەت بويىنشا 29 ولكە (اۆتونوميالى رايون، توتە قاراستى قالالاردا) «ءۇش كۋالىكتى بىرىكتىرىپ» تىزىمگە الۋ رەفورماسى سىناق ءتۇيىنى قۇرۋ قىزمەتى ورىستەتىلگەن. جياڭسۋ ولكەسىنىڭ سۋچيان قالاسى، فۋجيان ولكەسىنىڭ ەركىن ساۋدا رايونى «ءبىر كۋالىكتە ءبىر شارتتى ءنومىر» بولۋ رەفورماسىن الدەقاشان اتقارعان.
جياڭسۋ ولكەسىنىڭ سۋچيان قالاسى بيىل ءساۋىر ايىنىڭ 15-كۇنىنەن باستاپ «ءبىر كۋالىكتە ءبىر شارتتى ءنومىر بولۋ» رەفورماسى سىناق ءتۇيىنى قىزمەتىن رەسمي ورىستەتكەن. سۋچيان قالالىق ۋيحۇڭ زەردە عىلىم-تەحنيكا شەكتى سەرىكتىگى اتالعان رەفورمادان يگىلىكتەنۋشىنىڭ ءبىرى ەسەپتەلەدى. سەرىكتىكتىڭ جاۋاپتىسى ۋاڭ چاڭۋي تىلشىگە بىلاي دەدى: «رەفورما اتقارىلۋدان بۇرىن كاسىپورىندار تىزىمگە الىناتىن كەزدە 4 تاراۋعا بارىپ، 200 ءتۇرلى كەستە تولتىراتىن، بۇعان جارىم اي ۋاقىت كەتەتىن، قازىر، ءبىر تەكشە ارقىلى 20 ءتۇرلى كەستە تولتىرىپ، تيجارات رۇقسات كۋالىگىن 3 كۇندە الاتىن بولدىق».
وسىلايشا، ۋاڭ چاڭۋي سياقتى كوپتەگەن كاسىپورىن يەگەرلەرى رەفورما اكەلگەن قولايىلىقتاردان يگىلىكتەنۋمەن بىرگە، باس قاتىراتىن ىستەرگە دە دۋشار بولدى، ياعني سەرىكتىك سۋچيان قالاسىندا تىزىمگە الىنعانىمەن، بۇكىل ەل كولەمىندە تيجارات كولەمىن كەڭەيتپەكشى بولعاندا، باسقا رايوندار ولاردىڭ ءۇش ءتۇرلى كۋالىگىن مويىندامايتىندىعىن ايتقان، بۇل كاسىپورىنداردىڭ تيجارات كولەمىن كەڭەيتۋىنە اۋىر تۇساۋ بولىپ وتىر.
جۇڭگو حالىق ۋنيۆەرسيتەتىنىڭ ساۋدا ىستەرى زاڭىن زەرتتەۋ ورنىنىڭ باستىعى ليۋ جۇنحاي بىلاي دەدى: «ءۇش كۋالىكتى بىرىكتىرۋ» رەفورماسى - ساۋدا ىستەرى ءتۇزىلىس رەفورماسىنداعى ماڭىزدى شارا بولىپ، كاسىپورىنداردىڭ تىزىمگە الىنۋداعى وزىندىك قۇندى تومەندەتۋ، قارجى قوسىپ، كاسىپتى گۇلدەندىرۋگە زور شابىت سيلاۋ، ساۋدا حاۋىپسىزدىگىن قورعاۋ سياقتى رول اتقارعانىمەن، ءبىراق جەر-جەردەگى رەفورما سىناق ءتۇيىنى شاراسىنىڭ اتقارىلۋى ءبىركەلكى بولماعاندىقتان، قارىم - قاتىناستى ىركىلىسسىزدەندىرۋ قيىنعا سوعادى، سوندىقتان جەر-جەردەگى تاراۋلاردى رەفورما سىناق ءتۇيىنى قىزمەتىن ويداعىداي جۇرگىزۋىنە قۋزاۋ سالۋ كەرەك.
مەملەكەتتىك ساۋدا - ونەركاسىپ باس مەكەمەسىنىڭ باستىعى ۋاڭ يۇيتيڭ بىلاي دەدى:«ءبىر كۋالىكتە ءبىر شارتتى ءنومىر بولۋ» دەگەن ءسوز «ءۇش كۋالىكتى بىرىكتىرۋدىڭ» ناقتى بەينەسى. «كۋالىك» - تيجارات كۋالىگىن، «ءنومىر»- ءبىر تۇتاس بەرىلەتىن قوعامدىق سەنىمدىلىك ءنومىرى دەگەندى بىلدىرەدى. «ءبىر كۋالىكتە ءبىر شارتتى ءنومىر بولۋ» - كاسىپورىنداردىڭ قۇرىلۋىنا قولايلىق جاراتىپ قانا قالماستان، باقىلاۋ - باسقارۋ بۋىندارىن دا قاراپايىمداستىرۋعا دا زور سەپتىگىن تيگىزەدى.
«ءبىر كۋالىكتە ءبىر شارتتى ءنومىر بولۋ» بۇكىل ەل كولەمىندە قاشان جۇزەگە اسىرىلادى؟ بۇل كوپتەگەن كاسىپورىندار ورتاق كوڭىل ءبولىپ وتىرعان ماسەلە ەسەپتەلەدى. بۇل رەتكى مەملەكەتتىك كەڭەستىڭ ۇنەمىلىك ىستەر ماجىلىسىندە جىل سوڭىنان بۇرىن بۇكىل ەل كولەمىندە «ءۇش كۋالىكتى بىرىكتىرۋ»، «ءبىر كۋالىكتە ءبىر شارتتى ءنومىر بولۋ» بويىنشا تىزىمگە الۋ فورماسىن جۇزەگە اسىرۋ ايقىن ورتاعا قويىلدى.
سونىمەن بىرگە، «زاڭدىق ۋاكىل مەن باسقا دا ۇيىمدارعا ءبىر تۇتاس قوعامدىق سەنىمدىلىك شارتتى ءنومىرىن بەرۋ ءتۇزىمى قۇرىلىسىنىڭ تۇلعالىق جوباسى» ماۋسىمنىڭ 17-كۇنىنەن باستاپ رەسمي اشىق جاريالاندى. بۇل جوبا قوعامدىق سەنىمدىلىك جۇيەسى قۇرىلىسىن ىلگەرىلەتۋدەگى ماڭىزدى رەفورما شاراسى ءارى ساۋدا ىستەرى تۇزىمىنە اناعۇرلىم رەفورما ەنگىزىپ، «ءۇش كۋالىكتى بىرىكتىرۋ»، «ءبىر كۋالىكتە ءبىر شارتتى ءنومىر بولۋ» بويىنشا تىزىمگە الۋ فورماسىن جۇزەگە اسىرۋدىڭ نەگىزى جانە العى شارتى ەسەپتەلەدى.
ەلىمىزدىڭ زاڭدىق ۋاكىل مەن باسقا دا ۇيىمدارىندا «الۋان ءتۇرلى ءنومىر بولۋداي» قۇبىلىستار ساقتالىپ، كوپتەگەن ماسەلەلەردى تۋدىنداتۋدا. ءبىر تۇتاس قوعامدىق سەنىمدىلىك شارتتى ءنومىرىن بەرۋ ءتۇزىمىن اتقارۋ - زاڭدىق ۋاكىل مەن باسقا دا ۇيىمدارعا ءبىر تۇتاس مەملەكەت مويىندايتىن «كۋالىك» بەرىپ، يگىلىك جاراتىپ، جاڭالىق اشۋعا كەڭ ءورىس اشىپ، تاراۋلار اراسىنداعى ينفورماتسيادان ورتاق يگىلىكتەنۋ مەن ورتاق باقىلاپ -باسقارۋدى جەبەپ، اكىمشىلىك يقۋاتتى جوعارىلاتادى. (شينحۋا اگەنتتىگى)
كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
