بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>حالىقارالىق حابارلار

2015 – جىلعى كوكتەم مەرەكەسىندەگى حالىقارالىق ءىرى ىستەرگە شولۋ

2015.02.26 13:47    

  حالىقارالىق لاڭكەستىككە قارسى تۇرۋ ءماجىلىسى اشىلدى

  اقپاننىڭ 17 – كۇنىنەن 19 – كۇنىنە دەيىن ا ق ش – تىڭ زۇڭتۇڭى وبامانىڭ ۇسىنىسىمەن حالىقارالىق لاڭكەستىككە قارسى تۇرۋ كەڭەسى ۆاشينگتوندا اشىلدى. بۇل جولعى كەڭەستىڭ تاقىرىبى «زورلىقتى كۇش، ۇشقارىلىقتى تەجەۋ» دەپ اتالدى، كەڭەستە لاڭكەستىككە بۇكىل دۇنيە ءجۇزى كولەمىندە سەلبەسە سوققى بەرۋ ماسەلەلەرى ءتۇيىندى تۇردە تالقىلاندى. كەڭەسكە 60 ەلدەن جانە حالىقارالىق ۇيىمداردان ۋاكىلدەر قاتىناستى. كەڭەستە ناقتى باعىتتامالى شەشۋ جوباسى ورتاعا قويىلمادى.

  ەۆروپا وداعىنىڭ قورعانىس مينيسترلەرى ەۆروپانىڭ ستراتەگيالىق جوسپارىن وزگەرتۋگە قوسىلدى

  اقپاننىڭ 18 – كۇنىنەن 19 – كۇنىنە دەيىن ەۆروپا وداعىنىڭ قورعانىس مينيسترلەرىنىڭ بەيرەسمي ءماجىلىسى لاتۆيانىڭ استاناسى ريگادا وتكىزىلدى. ەۆروپا وداعىنا مۇشە 28 ەلدىڭ قورعانىس مينيسترلەرى، سونداي – اق ەۆروپا وداعىنىڭ ديپلوماتيا جانە حاۋىپسىزدىك ساياساتى جونىندەگى جوعارى دارەجەلى ۋاكىلى موگاليني قاتارلىلار ماجىلىسكە قاتىناستى. ماجىلىسكە قاتىناسقاندار كەزەكتەگى حاۋىپ – قاتەر مەن ناقتى جاعدايلارعا توتەپ بەرۋ ءۇشىن 2003 – جىلى ماقۇلدانعان ەۆروپانىڭ حاۋىپسىزدىك ستراتەگياسىنا وزگەرىس ەنگىزۋگە كەلىستى.

  ينلاكقا رەسمي قىلمىستى ىستەر شاعىمى ايتىلدى

  اقپاننىڭ 19 – كۇنى تايلاندتىڭ باس پروكۋرورى كەڭسەسى بۇرىنعى زۇڭلي ينلاكتىڭ ۇستىنەن ەڭ جوعارى حالىق سوتى مەكەمەسىنە رەسمي قىلمىستى ىستەر شاعىمىن ءتۇسىردى. ەگەر ارىز – شاعىمداعى قىلمىستارى تۇراقتانسا، ينلاك ەڭ جوعارى بولعاندا 10 جىلعا باس بوستاندىعىنان ايرىلۋى مۇمكىن.

  تۇركيا مەن ا ق ش سيريا قارسى توبىنىڭ جاساقتارىن جاتتىقتىرۋ جونىندە كەلىسىم جاساستى

  اقپاننىڭ 19 – كۇنى تۇركيا مەن ا ق ش تۇركيا استاناسى انكارادا سيريانىڭ ۇكىمەتكە قارسى توبىنىڭ جاساقتارىن جاتتىقتىرۋ جانە جاراقتاندىرۋ جونىندە كەلىسىمگە قول قويىستى.

  تۇركيا جاق بىلاي دەدى: سيريانىڭ ۇكىمەتكە قارسى توبىنىڭ جاساقتارىن جاتتىقتىرۋ مەن جاراقتاندىرۋداعى ماقسات - «ءسىلام مەملەكەتى» ۇشقارى ۇيىمىنا سوققى بەرۋمەن بىرگە، سيريانىڭ ۇكىمەت ارمياسىنا دا سوققى بەرۋ.

  يراننىڭ يادرو ماسەلەسى جونىندەگى كەلىسسوز جەنەۆادا وتكىزىلدى

  اقپاننىڭ 20 – كۇنى يران مەن ا ق ش جەنەۆادا يراننىڭ يادرو ماسەلەسى جونىندەگى جاڭا كەزەكتى ەكى جاقتى كەلىسسوز وتكىزدى. ەكى جاقتىڭ كەلىسسوز ۇيىرمەسى الدىمەن كەلىسسوز وتكىزۋ نەگىزىندە يراننىڭ سىرتقى ىستەر مينيسترى زاريف جانە ا ق ش – تىڭ مەملەكەت ىستەر حاتشىسى كەرري اقپاننىڭ 22 – كۇنى جەنەۆاعا بارىپ كەلىسسوزگە قاتىناستى. سول كۇنى يراننىڭ يادرو ماسەلەسى جونىندەگى 6 ەل (ا ق ش، انگليا، فرانسيا، رەسەي، جۇڭگو جانە گەرمانيا)، سونداي – اق ەۆروپا وداعى دا جەبەۆادا يرانمەن جاڭا كەزەكتى كوپ جاقتى كەلىسسوز وتكىزدى.

  جاپونيا حاۋىپسىزدىكتى قامتاماسىزداندىرۋ زاڭ جوباسىن ورتاعا قويدى

  اقپاننىڭ 20 – كۇنى جاپونيا ۇكىمەتى ءوزىن قورعاۋ قوسىنىنىڭ شەتەلدەگى اسكەري قيمىلدارىن كەڭەيتۋ جونىندەگى حاۋىپسىزدىكتى قامتاماسىزداندىرۋ زاڭ جوباسىن ورتاعا قويدى. زاڭ جوباسى ەركىن دەموكراتتار پارتياسى مەن ادىلەت پارتياسىنىڭ بىرلەسىپ قاراپ ماقۇلداۋىنان كەيىن پارلامەنتتىڭ تالقىلاۋىنا جولدانادى. بۇل جوبا زاڭدىق كۇشىنە ەنسە ۋاقىت، كەڭىستىك، مىندەت سيپاتى سياقتى جاقتاردا جاپونيانىڭ شەتەلگە اسكەري قوسىن اتتاندىرۋ مۇمكىندىگىن بارىنشا كەڭەيتەدى.

  ۋكراينا ۇكىمەتى مەن حالىقتىق قارۋلىلارى تۇتقىنداردى اۋىستىردى

  اقپاننىڭ 21 – كۇنى ۋكراينا ۇكىمەت مەن حالىقتىق قارۋلىلارى تۇتقىنداردى اۋىستىردى، 139 ۋكراينالىق اسكەر، حالىقتىق قارۋلى قوسىننىڭ 59 مۇشەسى بوساتىلدى. ۋكراينانىڭ شىعىس بولەگىندە سوعىس توقتاتۋ كەلىسىمى اقپاننىڭ 12 – كۇنى جاسالعاننان بەرى اتالعان رايوندا قارۋلى قاقتىعىس نەگىزىنەن توقتادى.

  بانگلادەشتە كەمە اپاتقا ۇشىرادى

  اقپاننىڭ 22 – كۇنى بانگلادەشتىڭ ءبىر جولاۋشىلار كەڭەسى پادما وزەنىندە جۇك كەمەسىمەن سوعىلىپ سۋعا باتىپ كەتكەن، كەمەدە 150 جولاۋشى بولعان، كەمىندە 65 جولاۋشى قايتىس بولعان.

  حاۋىپسىزدىك القالار كەڭەسى اشىق كەڭەس وتكىزدى

  اقپاننىڭ 23 – كۇنى اقپانداعى كەزەكتى ءتوراعا ەل جۇڭگونىڭ باستاماسىمەن ب م ۇ – نىڭ حاۋىپسىزدىك القالار كەڭەسى «حالىقارالىق بەيبىتشىلىك پەن حاۋىپسىزدىكتى قورعاۋ: تاريحتى اينا ەتىپ، ‹ ب م ۇ ۋستاۆىنىڭ › ماقساتى مەن پرينسيبىندەگى مىزعىماس ۋادەلەردى قايتالاي دارىپتەۋ» دەگەن تاقىرىپتا اشىق كەڭەس وتكىزدى. جۇڭگونىڭ سىرتقى ىستەر مينيسترى ۋاڭ ي حاۋىپسىزدىك القالار كەڭەسىنىڭ ءتوراعاسى سالاۋاتىمەن كەڭەستى باسقاردى. سول كۇنى جالپى 80 نەن ارتىق مەملەكەتتىڭ ۋاكىلى ءسوز سويلەۋ ۇسىنىسىن جاسادى. كوپتەگەن ەلدىڭ ۋاكىلدەرى ب م ۇ – نىڭ تاريحىنا شولۋ جاساپ، «ب م ۇ ۋستاۆىنىڭ» ماقساتى مەن پرينسيبىنە بارىنشا قۇرمەت ەتەتىندىكتەرى جونىندە ۋادە بەردى ءارى كوزقاراستارىن جان - جاقتى باياندادى. (شينحۋا اگەنتتىگى)

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.