بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>حالىقارالىق حابارلار

ا ق ش: يراننىڭ وق جولىندىق باسقارىلمالى بومبانى اتۋ سىناعىن جۇرگىزۋى يران يادرو كەلىسىمىنە قايشى ەمەس

2016.03.09 15:02     كەلۋ قاينارى : حالىق تورابى

  حالىق تورابى، 9 – ناۋرىز، بەيجيڭ. ا ق ش اق سارايى مەن مەملەكەتتىك كەڭەسى 8 – ناۋرىز: يراننىڭ وق جولىندىق باسقارىلمالى بومبانى اتۋ سىناعىن جۇرگىزۋى يران يادرو كەلىسىمىنە قايشى ەمەس ەكەنىن، ءبىراق ا ق ش بۇل ىسكە ساراپتاۋ جۇرگىزگەننەن كەيىن لايىقتى تۇردە جاۋاپ قايتاراتىنىن ءبىلدىردى.

  اق سارايدىڭ مالىمدەمەشىسى ەرنەست سول كۇنگى تىلشىلەر جينالىسىندا بىلاي دەدى: بۇل جاعداي يران يادرو كەلىسىمىنە قايشى ەمەس، قاتىستى تەكسەرۋلەر جالعاستى جۇرگىزىلۋدە، بۇل ىسكە ساراپتاۋ جۇرگىزىلگەننەن كەيىن، ا ق ش جاق بۇل ءىستى بىرىككەن مەملەكەتتەر ۇيىمى حاۋىپسىزدىك القالار كەڭەسىنە مالىمدەۋ كەرەك پە، ەمەس پە دەگەنگە شەشىم جاسايدى.

  يران اگەنتتىگىنىڭ 8 – ناۋرىزدا حابارلاۋىنشا، يران سول كۇنگى اسكەري جاتتىعۋدا وق جولىندىق باسقارىلمالى بومبانى سىناق رەتىندە اتقان. حابارعا قاراعاندا، يران مەملەكەتتىڭ يەلىك ۇقىعى مەن تەرريتوريا تۇتاستىعىنا حاۋىپ تونگەن كەزدە، وعان توتەپ بەرۋ قۋاتىن ارتتىرۋ ماقساتىمەن يران شەكاراسىنداعى كوپ رايونداردا ۇقساس ۋاقىتتا بۇل جاتتىعۋدى جاساعان. يران ءىسلام توڭكەرىسىن قورعاۋ اترەتىنىڭ جوعارى دارەجەلى باسشىلارى بۇل رەتكى جاتتىعۋدى كوزدەن كەشىرگەن.

  ەرنەست: ەگەردە يراننىڭ وق جولىندىق باسقارىلمالى بومبانى اتۋ سىناعىن جۇرگىزۋى بىرىككەن مەملەكەتتەر ۇيىمى حاۋىپسىزدىك القالار كەڭەسى ۇيعارىمىنا قايشى بولسا، يران «بارلىق زارداپقا» ءوزى جاۋاپتى بولادى،-دەدى. سول كۇنى ا ق ش مەملەكەتتىك كەڭەستىڭ مالىمدەمەشىسى كيربي دە: ەگەر يراننىڭ وق جولىندىق باسقارىلمالى بومبانى اتۋ سىناعىن جۇرگىزگەنى راس بولسا، وندا دا يران يادرو كەلىسىمىنە قايشىلىق جاساعان بولمايدى. ءبىراق، ول يرانعا ەسكەرتۋ جاساپ، ا ق ش – تىڭ بۇل ىسكە «كورسە دە كورمەسكە سالىپ وتىرا المايتىنىن» ءبىلدىردى.

  ۇزاققا سوزىلعان مارافونشا كەڭەستەن كەيىن، يران جانە يران يادرو ماسەلەسى جونىندە 6 مەملەكەت (ا ق ش، انگليا، فرانسيا، رەسەي، جۇڭگو جانە گەرمانيا) بىلتىر 14 – شىلدە دە يران يادرو ماسەلەسىندە ورتاق كەلىسىمگە كەلگەن بولاتىن. كەلىسىم بويىنشا، يران يادرولىق جوسپارلارىن توقتاتقان؛ مۇنىڭ بوداۋى رەتىندە، ا ق ش يرانعا جۇرگىزگەن جازالاۋ شارالارىن كۇشىنەن قالدىرعان بولاتىن. بىلتىر قازان ايىندا، يران ورتا ارالىقتى وق جولىندىق ءبىر باسقارىلمالى بومبانى اتۋدىڭ سىناعىن ءساتتى جۇرگىزگەنىن جاريالاعان بولاتىن. بۇعان قاراتا بىرىككەن مەملەكەتتەر ۇيىمى حاۋىپسىزدىك القالار كەڭەسىنىڭ يراننىڭ «وق جولىندىق باسقارىلمالى بومبا تەحنيكاسىن قولدانىپ بومبا اتۋ سىناعىن جاساۋدى قامتىعان يادرولىق قارۋ – جاراققا قاتىستى وق جولىندىق باسقارىلمالى بومبا جاساۋداي ءارقانداي ارەكەتپەن شۇعىلدانۋىنا» تيىم سالۋ جونىندەگى 1929 -ءنومىرلى قاۋلىسىنا قايشىلىق جاسادى دەپ يراندى جازعىرعان بولاتىن. ءبىراق يران بۇعان تويتارىس بەرىپ، وق جولىندىق باسقارىلمالى بومبانى اتۋ سىناعىنىڭ ياردولىق قارۋمەن ەشقانداي قاتىسى جوق ەكەنىن ايتقان.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.