- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
رەسەيدىڭ شىعىس وڭتۇستىك ازيا ەلدەرى وداعىمەن قول ۇستاسۋىنىڭ ءۇش ۇلكەن ماقساتى
2016.05.24 12:42
رەسەي مەن شىعىس وڭتۇستىك ازيا ەلدەرى وداعىنىڭ پىكىرلەسۋ سەلبەستىك قاتىناس ورناتقاندىعىنىڭ 20 جىلدىعىن اتاپ ءوتۋ جونىندەگى باسشىلار ءماجىلىسى مامىردىڭ 19 – كۇنى رەسەيدىڭ باتىس وڭتۇستىك تەڭىز جاعالاۋىنداعى قالا سوچيدە وتكىزىلدى، ۆيەتنام، كامبودجا، بيرما، سينگاپۋر سياقتى شىعىس وڭتۇستىك ازيا ەلدەرى وداعىنىڭ ۇكىمەت قايراتكەرلەرى ۇسىنىس بويىنشا قاتىناستى.
رەسەي ءوز تاريحىندا شىعىس پەن باتىسقا قۇلاشىن كەڭ جايعان «ەكى باستى سۇڭقار» بەينەسىن شەبەر سومداي بىلگەن، باتىسپەن ديپلوماتيالىق بايلانىسى كۇردەلىلەسكەن جاعدايدا، نازارىن شىعىس وڭتۇستىك ازيا ەلدەرىنە اۋدارىپ، ديپلوماتيالىق بايلىقتاردى شوعىرلاندىرۋ ارقىلى ۋكراينا سياقتى ماسەلەلەرگە بايلانىستى باتىس ەلدەرىمەن مۇيىزدەسۋدەن تۋىنداعان زياننىڭ ورنىن تولتىرۋدى كوزدەدى. تالداۋ جاساۋشى قايراتكەرلەر رەسەيدىڭ شىعىس وڭتۇستىك ازيا ەلدەرىمەن قول ۇستاسۋىندا ءۇش ۇلكەن ماقسات بار دەپ قارادى.
ەكونوميكالىق قوزعاۋشى كۇش قاراستىردى
بىرىنشىدەن، رەسەي ءوز ەلى ءۇشىن ەكونوميكانىڭ «قاينار كوزىن» اشۋدى ماقسات ەتتى. مۇناي باعاسىنىڭ تومەندەۋى مەن باتىس ەلدەرىنىڭ جازالاۋىنىڭ ىقپالىندا، رەسەي ەكونوميكاسى ىشكى قوزعاۋشى كۇشىنەن ايىرىلدى، ال شىعىس وڭتۇستىك ازيا ەلدەرى وداعىنىڭ دامۋ كومەسكى قۋاتى زورايىپ، تۇلعالىق ەكونوميكالىق كولەمى كۇن سايىن جوعارىلاعاندىقتان، شىعىس وڭتۇستىك ازيا ەلدەرى وداعىمەن ىنتىماقتاستىقتى تەرەڭدەتۋ رەسەيدىڭ ۇيلەسىمدى تالعامىنا اينالدى. رەسەيدىڭ سىرتقى ىستەر مينيسترى رافلوۆ ءساۋىردىڭ سوڭىندا بەيجيڭدە ازياداعى سەلبەستىك جانە سەنىم شارالارى كەڭەسىنىڭ سىرتقى ىستەر مينيسترلەرى ماجىلىسىنە قاتىناسقاندا: وسى رەتكى باسشىلار ءماجىلىسىنىڭ وزەكتى تاقىرىپتارىنىڭ ءبىرى رەسەي مەن شىعىس وڭتۇستىك ازيا ەلدەرى وداعى اراسىندا «ءبىر تۇتاس ەكونوميكالىق كەڭىستىك قۇرۋ» -، دەدى.
رەسەيدىڭ ۇكىمەت جاعىنىڭ سان – سيفرلارىندا بەينەلەنۋىنشە، 2005 – جىلى جەلتوقساندا رەسەي شىعىس وڭتۇستىك ازيا ەلدەرى وداعىمەن تۇڭعىش رەت باسشىلار ءماجىلىسىن وتكىزگەننەن بەرى، 10 جىلدا رەسەي مەن شىعىس وڭتۇستىك ازيا ەلدەرى وداعىنىڭ ساۋدا جالپى سوماسى 2005 – جىلعى 4 ميلليارد 200 ميلليون امەريكا دوللارىنان 2014 – جىلدىڭ سوڭىنداعى 21 ميلليارد 500 ميلليون يۋانعا جەتىپ، رەسەيدىڭ شىعىس وڭتۇستىك ازيا ەلدەرى وداعى ەكونوميكاسىنداعى بەلسەندىلىگى كورنەكتى كۇشەيدى. الايدا الدىڭعى 5 جىلداعى ساۋدا جالپى مولشەرىنىڭ ارتۋى كەيىنگى 5 جىلدان كورنەكتى جوعارى بولدى. 2010 – جىلدان 2014 – جىلدىڭ سوڭىنا دەيىن، ەكى جاقتىڭ ساۋدا جالپى سوماسى 0.8 ەسە عانا جوعارىلاپ، مەجەدەگى 2.5 ەسەدەن ايتارلىقتاي تومەن بولدى. شىعىس ەلدەرىنە نازار سالۋ ساياساتى ءۇشىن قىزمەت ەتتى
ەكىنشىدەن، رەسەيدىڭ ماقساتى «شىعىس ەلدەرىنە نازار سالۋ» ساياساتىنىڭ بەتالىسىن تەڭگەرۋ. 2014 – جىلى ۋكراينا داعدارىسى تۋىلعاننان كەيىن، رەسەي «شىعىس ەلدەرىنە نازار سالۋ» ساياساتىن كوپ اۋىزعا الاتىن بولدى، مۇنداعى ماقسات جۇڭگو، جاپونيا، ءۇندىستان، تۇركيا، سونداي – اق شىعىس وڭتۇستىك ازيا ەلدەرى وداعى ەلدەرىمەن سەلبەستىك جاساپ، وقشاۋلاۋ ساياساتىن ەڭسەرىپ، ءوز ەلىندەگى سيبيريا مەن قيىر شىعىس رايونىنىڭ دامۋىن جەدەلدەتىپ، ەكونوميكانىڭ تىڭ قوزعاۋشى كۇشىن قاراستىرۋ. الايدا ساياساتتىڭ اتقارىلۋى بارىسىندا ءارقايسى جاققا قاتىستى سەبەپتەرگە بايلانىستى جۇڭگومەن سەلبەستىك جاساۋ سالىستىرمالى تۇردە ءبىرشاما ءساتتى بولدى.
وڭىرلىك ىقپالدى كۇشەيتتى
ۇشىنشىدەن، رەسەي ازيا – تىنىق مۇحيت رايونىنداعى ىقپال كۇشىن كۇشەيتۋدى ماقسات ەتتى. ا ق ش - نىڭ ازيا – تىنىق مۇحيتى رايونىنداعى ىقپال كۇشىن ۇزدىكسىز ارتتىرۋى جاعدايىندا، رەسەي ءوز ەلىنىڭ ازيا – تىنىق مۇحيت رايونىنداعى ورنىن كۇشەيتىپ، ازيا – تىنىق مۇحيت رايونىنىڭ رەسەيمەن قارىم – قاتىناسىن نىعايتىپ، اتالعان رايوندا اناعۇرلىم كوپ ءسوز سويلەۋ ۇقىعىنا قول جەتكىزگەندە عانا، ازيا – تىنىق مۇحيت رايونىن ءوز ەلىن قايتا كوركەيتىپ، باتىس ەلدەرىمەن تەڭگەرىمدى ديپلوماتيالىق قاتىناس ورناتۋ ءۇشىن قىزمەت ەتتىرە الادى.
شىعىس وڭتۇستىك ازيا ەلدەرى وداعى اسىلىندە رەسەيدىڭ ديپلوماتيالىق ماڭىزدى ءتۇيىنى ەمەس، الايدا وسى عاسىردىڭ باس شەنىندە مەملەكەت قۋاتىنىڭ قالىپىنا كەلە باستاۋىنا بايلانىستى، رەسەي شىعىس وڭتۇستىك ازيا ەلدەرى وداعىمەن بايلانىسىن كۇشەيتتى. رەسەي ءداستۇرلى سەرىكتەس ەل ۆيەتناممەن ەكونوميكا، اسكەري ىستەر، ەنەرگيا، حاۋىپسىزدىك سياقتى جاقتارداعى قارىم – قاتىناسىن كۇشەيتىپ، شىعىس وڭتۇستىك ازيا ەلدەرى وداعىنىڭ قاقپاسىن بىرتە – بىرتە اشىپ، يندونەزيا، لاوس، تايلاند، فيلليپپين سياقتى ەلدەرمەن اسكەري ىستەر، حاۋىپسىزدىك، ەنەرگيا، جوعارى عىلىم – تەحنيكا سياقتى جاقتارداعى ىنتىماقتاستىق ورىستەتىپ، «رەسەي فاكتورى» شىعىس وڭتۇستىك ازيا ەلدەرى اراسىندا بارعان سايىن كورنەكتىلەنە ءتۇستى.
كەلۋ قاينارى: ىلە گازەتى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
