رەسەيدىڭ اسكەري تىك ۇشاعى سيريادا اتىپ ءتۇسىرىلدى

2016.08.02 16:23   كەلۋ قاينارى : حالىق تورابى

　　حالىق تورابى، 2 – تامىز، بەيجيڭ. رەسەيدىڭ اسكەري تاسىمال تىك ۇشاعى 1 – تامىز كۇنى سيريانىڭ يدليب ولكەسىندە اتىپ تۇسىرىلگەن، ۇشاقتاعى 5 ادام تۇگەل قازا بولعان.

　　رەسەي قورعانىس مينيسترلىگىنىڭ حابارلاۋىنشا، رەسەي اۋە ارمياسىنىڭ اسكەري تاسىمال تىك ۇشاعى سول كۇنى سيريانىڭ الەپپو قالاسىنا ادامگەرشىلىك تۇرعىسىنان كومەككە بەرىلگەن بۇيىمداردى تاسىپ جەتكىزۋ مىندەتىن وتەپ، قايتادان بازاعا ۇشىپ كەلە جاتقان جولىندا يدليب ولكەسىندە اتىپ تۇسىرىلگەن، ۇشاقتاعى 3 ۇشاق قىزمەتكەرى مەن رەسەي ارمياسىنىڭ سيريادا تۇراتىن 2 جاراستىرۋ قىزمەتكەرى تۇگەل قازا بولعان.

　　رەسەي پرەزيدەنتى اقپارات حاتشىسى پەسكوۆدىڭ مالىمدەۋىنشە، كرەمل سارايى رەسەي اۋە ارمياسى اسكەري تاسىمال تىك ۇشاعىنىڭ سيريادا اتىپ ءتۇسىرىلۋ ۋاقيعاسىندا قازا بولعان رەسەي اسكەري قىزمەتكەرلەرىنىڭ وتباسىنداعىلاردان شىنايى حال سۇراعان.

　　كەلۋ قاينارى: حالىق تورابى