بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>حالىقارالىق حابارلار

دۇنيە بانكەسى مەن جۇڭگونىڭ افريكاعا قارجى قوسۋ اقىل - پاراسات قامباسى وداعى رەسمي قۇرىلدى

2016.09.09 15:11    

  جۇڭگو مەملەكەتتىك اشۋ بانكەسى مەن دۇنيە بانكەسى ورتاق قۋاتتاعان افريكاعا قارجى قوسۋ اقىل - پاراسات قامباسى وداعى قىركۇيەكتىڭ 7-كۇنى گۋاڭجوۋدا وتكىزىلگەن افريكاعا قارجى قوسۋ تالقى مىنبەسىندە ماڭدايشالىق اسىپ قۇرىلدى. جينالىسقا قاتىناسقان دۇنيە بانكەسىنىڭ باستىعى كيم يوڭجيم بىلاي دەدى: اقىل - پاراسات قامباسى وداعى سىندى وسى ءبىر تەكشە ارقىلى دۇنيە بانكەسى مەن جۇڭگو مەملەكەتتىك اشۋ بانكەسىنىڭ قاتىستى ىستەستىگى افريكا قۇرىلىعى ەكونوميكاسىنىڭ دامۋى مەن قارجى قوسۋ ىستەستىگىن بەلسەندى جەبەپ، افريكاعا كوپتەگەن كاسىپتەنۋ ورايىن جاراتۋعا بولادى.

  جينالىسقا قاتىناسقان جۇڭگو قازىنا مينيسترلىگىنىڭ ورىنباسار مينيسترى شى ياۋبين بىلاي دەدى: جۇڭگو مەن دۇنيە بانكەسى سياقتى حالىقارالىق فينانس ۇيىمدارىنىڭ ىستەستىك ىستەرىن باسقارۋعا جاۋاپتى تاراۋ تۇرعىسىنان قازىنا مينيسترلىگى مەملەكەتتىك اشۋ بانكەسى سياقتى ورىندار مەن دۇنيە بانكەسى، افريكا ەلدەرىنىڭ ءۇش جاقتى ىستەستىك جاساسۋدىڭ جاڭا جولىن، جاڭا فورماسىن قاراستىرۋىنا بارىنشا قولداۋ كورسەتىپ، افريكاعا قارجى قوسۋ تالقى مىنبەسى، افريكاعا قارجى قوسۋ وداعى سياقتى ءۇش جاقتى ىستەستىك جۇلگەسىن، وڭتۇستىك پەن وڭتۇستىكتىڭ سەلبەستىك جاڭا تەكشەسىن قۇردى. ءبىر جىلدىق قۇلشىنىس جاساۋ ارقىلى كەزەكتە جۇڭگو، دۇنيە بانكەسى جانە افريكا ەلدەرىنىڭ ءۇش جاقتى ىستەستىگى باستاپقى ونىمدىلىگىن كورسەتە باستادى.

  شى ياۋبين بىلاي دەدى: جۇڭگو مەن افريكانىڭ ەكونوميكا جاعىنداعى ءبىرىن-ءبىرى تولىقتاۋ قۋاتى كۇشتى، دۇنيە بانكەسىمەن ءۇش جاقتى ىستەستىك ورىستەتۋىنىڭ كومەسكى كۇشى زور. كەزەكتەگى دۇنيە ەكونوميكاسى تەبىندى بولماۋ، حالىقارانىڭ دامۋ قاينارى كوپتەگەن سايىستارعا ءدوپ كەلۋ سياقتى جاعدايلاردا افريكاعا قارجى قوسۋ وداعىنىڭ قۇرىلۋى جۇڭگو، افريكا جانە دۇنيە بانكەسى سىندى ءۇش جاقتىڭ ابزالدىقتى ءوزارا تولىقتاۋىن، كوپتەگەن جەتىستىكتەرگە قول جەتكىزۋىن جەبەپ، افريكا ەلدەرىنىڭ كاسىپ دارەجەسىن تەز قارقىنمەن جوعارىلاتۋىنا جانە ەكونوميكادا بۇرىلىس جاساۋىنا سەپتىگىن تيگىزىپ، جەرشارىندىق كاسىپ شوعىرى مەن قۇن شوعىرىنىڭ قالىپتاسۋىن جەدەلدەتەدى.

  شى ياۋبين مىناداي ۇسىنىسىن ورتاعا قويدى: ءۇش جاقتىڭ ىستەستىگىندە الداعى جەردە جۇڭگونىڭ ءبىرشاما ابزالدىعى مەن افريكا ەلدەرىنىڭ وبيەكتيۆ سۇرانىسىن ءوزارا بىرلەستىرۋدى، حالىقارانىڭ تاجىريبەسى مەن افريكا ەلدەرىنىڭ وبيەكتيۆ سۇرانىسىن ءوزارا بىرلەستىرۋدى، بازار مەحانيزمى مەن ۇكىمەتتىڭ رولىن ءوزارا بىرلەستىرۋدى ۇزدىكسىز ىلگەرىلەتىپ، ناقتى قارجى قوسۋ مەن تاجىريبەلەردەن ورتاق پايدالانۋدى بىرلەستىرۋدە، جاپپاي ىلگەرىلەتۋ مەن ءتۇيىندى كورنەكتىلەندىرۋدى بىرلەستىرۋدە تاباندى بولىپ، ەنەرگيا بايلىعى سياقتى كاسىپتەردى ءۇش جاقتى ىستەستىكتىڭ جەتەكشىسى ەتۋدى ويلاستىرۋمەن بىرگە، مەملەكەتتەر ارا ءۇش جاقتى ىستەستىك جاساسۋدىڭ جولىن بەلسەنە قاراستىرۋ كەرەك.

  دۇنيە بانكەسى افريكا رايونىنىڭ سىرتقى بايلانىسقا جاۋاپتى ادامى حالاي بۋرىندي سول كۇنگى جينالىستا بىلاي دەدى: دۇنيە بانكەسى جاڭا ەنەرگيا بايلىعى سالاسى مەن جۇڭگو مەملەكەتتىك ەنەرگيا بايلىعى مەكەمەسى، قازىنا مينيسترلىگى سياقتى تاراۋلارمەن افريكاعا قاراتقان ەنەرگيا بايلىعى ستراتەگيالىق ىستەستىگىنىڭ ەسكەرتپە حاتىنا قول قويىسىپ، افريكانىڭ ەنەرگيا بايلىعى، اسىرەسە، باياندى ەنەرگيا بايلىعى كاسىبىن دامىتۋىنا ورتاق قارجىلاي كومەك بەرۋ جولىن قاراستىرىپ، اناعۇرلىم تاماشا دامۋ كەڭىستىگىنە قول جەتكىزۋگە قۇلشىنباقشى. (شينحۋا اگەنتتىگى)

  كەلۋ قاينارى: «ىلە گازەتى» - ىلە اقپارات تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.