الجيريادا اسكەري ۇشاق قۇلاپ قازا بولعانداردىڭ سانى 257گە جەتتى
2018.04.12 14:20 كەلۋ قاينارى : حالىق تورابى
حالىق تورابى، 12 – ءساۋىر، بەيجيڭ. الجيريا مەملەكەت قورعانىس مينيسترلىگى جەرگىلىكتى ۋاقىت 11 – ءساۋىر كۇنى تۇستەن بۇرىن مالىمدەمە جاريالاپ، سول كۇنى ءبىر اسكەري ۇشاقتىڭ قۇلاپ، قازا بولعانداردىڭ سانى 257گە جەتكەنىن جاريالادى.
الجيريا مەملەكەت قورعانىس مينيسترلىگىنىڭ حابارلاۋىنشا، ير ـ 76 اسكەري تاسىمال ۇشاعى سول كۇنى تۇستەن بۇرىن ساعات 7دەن 50 مينۋت وتكەندە، الجيريانىڭ سولتۇستىگىندەگى بليدا ولكەسى بوۋفاريك اسكەري ۇشاقجايىنان ۇشىپ، اسكەري ۇشاق ۇزاق وتپەي جاقىن ماڭداعى اتىزعا قۇلاعان. قازىر اۋە اپاتىندا قازا بولعانداردىڭ سانى 257گە جەتكەن، مۇنىڭ ىشىندە 10 ادام ۇشاق قىزمەتكەرى بولعان. قازا بولعانداردىڭ كوبى اسكەرلەر جانە ولاردىڭ جاقىندارى بولىپ، قازا بولعانداردىڭ سۇيەگى جاقىن ماڭايداعى اسكەري ەمحاناعا جەتكىزىلگەن.
كورگەندەردىڭ ايتۋىنشا، ۇشاق قۇلاعاننان كەيىن ورتەنگەن، الىس ارالىقتان بۋداقتاعان قارا ءتۇتىندى كورگەن. قۇتقارۋ تاراۋلارى جۇزدەن ارتىق ءورت ءوشىرۋ كولىگى مەن قۇتقارۋ كولىگىن شىعارعان، ۇشاق قۇلاعان جەر بۇكىلدەي قۇرساۋلانعان. جەرگىلىكتى تەلەۆيزيا اقپارات قۇرالدارىنىڭ حابارلاۋىنشا، ۇشاققا كەتكەن ءورت سوندىرىلگەن، ۇشاقتىڭ باسى، قۇيرىعى جانە نەگىزگى بولەگى تۇگەلدەي بولىنگەن.
الجيريا اگەنتتىگىنىڭ حابارلاۋىنشا، الجيريا پرەزيدەنتى بوۋتفليكا سول كۇنى قازا بولعانداردىڭ وتباسىنان حال سۇراعان. اسكەري جاق تەكسەرۋ گرۋپپاسىن قۇرىپ، ۇشاقتىڭ قۇلاۋ سەبەبىنە تەكسەرۋ جۇرگىزگەن.
جاقىنعى جىلداردان بەرى، الجيريادا اسكەري ۇشاق اپاتى كوپ تۋىلعان. 2014 – جىلى اقپان ايىندا، الجيريا اۋە ارمياسىنىڭ C – 130 اسكەري تاسىمال ۇشاعى قۇلاپ، 77 ادام قازا بولعان.
كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
