بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>حالىقارالىق حابارلار

ساۋد ارابياسى حاشوگگيدىڭ ءولىمى دەلوسىنىڭ جاي – جاپسارىن جاريالادى

2018.11.16 15:41     كەلۋ قاينارى : حالىق تورابى

  شينحۋا اگەنتتىگى، 11 – ايدىڭ 15 – كۇنى، ءال – رياد (ءتىلشى: تۋ يفان) ساۋد ارابياسى مەملەكەتتىك اقپارات اگەنتتىگىنىڭ 11 – ايدىڭ 15 – كۇنى حابارلاۋىنشا، ساۋد ارابياسى پروكۋراتۋرا تاراۋلارى سول كۇنى اقپار جاريالاۋ جيىنىن وتكىزىپ، ساۋد ارابياسىنىڭ ءتىلشىسى حاشوگگيدىڭ ءولىمى دەلوسىنا قاتىستى ەڭ جاڭا تەكسەرۋ ناتيجەسىن جاريالاپ، حاشوگگي قاستاندىقپەن ولتىرىلگەن دەگەن قورىتىندى شىعاردى.


  تەكسەرۋ ناتيجەسىندە مىنالار ايتىلعان: ساۋد ارابياسىنىڭ قۇپيا اقپار باس مەكەمەسى باستىعىنىڭ بۇرىنعى ورىنباسارىنىڭ بۇيرىعىمەن، ءبىر توپ ادام تۇركياعا بارىپ، حاشوگگيگە ساۋد ارابياسىنا قايتۋعا ءناسيحات جۇرگىزگەن، ەگەر ءناسيحاتتاۋ ءونىم بەرمەسە، ونى قارۋلى كۇشپەن ەلگە الىپ قايتۋعا رۇحسات بەرگەن. 15 ادامنان قۇرالعان بۇل گرۋپپا كەلىسسوزشىلەر، قۇپيا اقپار قىزمەتكەرلەرى جانە ارتقى شەپتەگى قامداۋ قىزمەتكەرلەرىنەن قۇرام تاپقان، ولاردىڭ اراسىىنداعى حاشوگگيدىڭ بۇرىنعى قىزمەتتەسى كەلىسسوز قىزمەتىنە جاۋاپتى بولعان. ساۋد ارابياسىنىڭ بۇرىنعى ءمانساپتىسىنىڭ بۇل گرۋپپاعا ايتۋىنشا، حاشوگگي جاۋ كۇشتەرىمەن استاسىپ، شەتەلدە ساۋد ارابياسىنىڭ مەملەكەت حاۋىپسىزدىگىنە حاۋىپ توندىرگەن، سوندىقتان ونى ەلگە قايتۋعا ءناسيحاتتاۋ جونىندە ۇسىنىس تۇسكەن.


  تەكسەرۋ ناتيجەسىندە مىنالار ايتىلعان: اتالعان گرۋپپانىڭ قىزمەتكەرلەرى مەن حاشوگگي ورتاسىندا قاقتىعىس تۋىلعاننان كەيىن، ولار حاشوگگيگە كوپ مولشەردە ۋكىل ۇرعاندىقتان، ونىڭ ولىمىنە اپارىپ سوققان. حاشوگگي كوز جۇمعاننان كەيىن ولار ءمايىتتى پارشالاپ، 5 ادام ءمايىتتى كونسۋلحانادان تاسىپ اكەتكەن.


  ساۋد ارابياسى پروكۋراتۋرا ورگاندارى دەلو تۋىلعاننان كەيىن حاشوگگيدىڭ كيىمىن كيىپ كونسۋلحانادان شىعىپ كەتكەن ادامنىڭ كىم ەكەنىن جانە كونسۋلحانانىڭ كامەراسىنىڭ ىسكە جاراماي قالۋىنا قاتىستى جاۋاپتى ادامدى تۇراقتاندىرعان.


  حاشوگگي كوزى تىرىسىندە «ۋاشينگتون پوچتا گازەتى» قاتارلى كوپتەگەن اقپارات قۇرالدارىنا ماقالا جازعان، ول 10 – ايدىڭ 2 – كۇنى ساۋد ارابياسىنىڭ ىستامبولداعى كونسۋلحاناسىنا ۇيلەنۋگە قاتىستى رەسميەتتەردى وتەۋگە بارعان سوڭ، كونسۋلحانادان قايتا شىقپاعان. 10 – ايدىڭ 20 – كۇنى ساۋد ارابياسى پروكۋراتۋرا ورگاندارى العاشقى تەكسەرۋ ناتيجەسىن جاريالاپ، حاشوگگيدىڭ كونسۋلحانادا وزگەلەرمەن قاقتىعىسىپ قالۋ سەبەبىنەن قازا تاپقانىن مالىمدەگەن؛ دەلوعا قاتىستى ساۋد ارابيالىق 18 قىزمەتكەر قولعا الىنعان. 10 – ايدىڭ 25 – كۇنى ساۋد ارابياسى باس پروكۋراتۋراسىنىڭ باستىعى ساۋد تۇركيا جاق بەرگەن ينفورماتسيالارعا نەگىزدەلە وتىرىپ، حاشوگگي «قاستاندىقپەن ولتىرىلگەن» دەگەن قورىتىندى شىعارىلعانىن ايتقان.


  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار