موزامبيك ەلى ىستىق بەلدەۋلىك كۇشتى اۋا ءيىرىمىنىڭ ىقپالىنا ۇشىراپ، 84 ادام قازا بولدى
2019.03.19 16:31 كەلۋ قاينارى : حالىق تورابى
شينحۋا اگەنتتىگى، 3 – ايدىڭ 18 – كۇنى، ماپۋتو (ءتىلشى: نيە زۋگو) موزامبيكتىڭ مەملەكەتتىك اپاتقا قاتىستى جاعدايلاردى باسقارۋ قۇرىلىمىنىڭ 3 – ايدىڭ 18 – كۇنگى حابارىنا قاراعاندا، ىستىق بەلدەۋلىك كۇشتى اۋا ءيىرىمى «يداي» 3 – ايدىڭ 14 – كۇنى كەشتەن باستاپ اتالعان ەلدىڭ تەڭىز جاعالاۋىنداعى وڭىرلەرىنە جەتىپ، كەمىندە 84 ادام قازا بولىپ، شامامەن 1500 ادام جارالانعان، مۇنان سىرت، كوپ ادام دەرەكسىز كەتكەن.
«يداي» قۇرلىققا ىلىنگەن سوفالا ولكەسىندەگى بەلا جانە دوندو سىندى ەكى جەردىڭ اپاتقا ۇشىراۋ جاعدايى اۋىر بولعان، جولدارعا تاسقىن سۋى قاپتاپ، ەلەكتر قۋاتى، حابارلاسۋ جەلىلەرى ۇزىلگەن. دوندو وڭىرىندەگى جۇڭگو قارجىلاندىرعان سەرىكتەستىكتىڭ قىزمەتكەرىنىڭ جەرگىلىكتى جۇڭگولىقتاردىڭ اقپارات قۇرالدارىنا ايتۋىنشا، سول ماڭداعى جۇڭگو قارجىلاندىرعان كاسىپورىنداردىڭ زاۆود ۇيلەرىنىڭ بولات قۇرىلىمدى توبەلەرىن داۋىل ۇشىرىپ اكەتكەن، ماڭايداعى كوپتەگەن تۇرعىن ۇيلەر قۇلاعان، كوشەنىڭ ويران – اسىرى شىققان.
حالىقارالىق قۇتقارۋشى ۇيىمداردىڭ جاريالاعان مالىمەتىنە قاراعاندا، «يداي» قۇرلىققا ىلىنگەن جەردىڭ ماڭىنداعى بەلا قالاسىنىڭ «%90ى ويراندالعان». حابارعا قاراعاندا، سولافا ولكەسى مەن وسى ولكەگە ىرگەلەس مانيكا ولكەسىندە كەمىندە 5 اكىمشىلىك ءوڭىر تاسقىن سۋى باسىپ، قاتىناس بۇكىلدەي توقتاعان.
جەرگىلىكتى اقپارات قۇرالدارىنىڭ حابارلاۋىنشا، «يدايدان» تۋىنداعان دۇلەي بوران مەن نوسەر قازىر ازداپ باسەڭدەگەن، الايدا، الداعى بىرنەشە كۇن ىشىندە ءالى دە جاڭبىر جاۋادى دەپ مەجەلەنگەن. موزامبيك ارميا جاعى قازىر قۇتقارۋ جۇمىسىنا قاتىناسۋعا اسكەر جىبەرۋدە. ۇكىمەت قۇرعان ۋاقىتتىق ورنالاستىرۋ ورنى مەن ازىق – تۇلىك تاراتۋ ورتالىعى جۇمىس ىستەي باستاعان.
موزامبيىك پرەزيدەنتى نيۋسي 3 – ايدىڭ 18 – كۇنى اپاتقا ۇشىراعان جەرلەردى تەكسەرۋگە بارعان سوڭ ءسوز سويلەپ، اپات جاعدايىنىڭ توتەنشە اۋىر ەكەنىن، قازا بولعانداردىڭ سانىنىڭ مىڭ ادامنان اسىپ كەتۋى مۇمكىن ەكەنىن، 100 مىڭنان استام ادامنىڭ ءومىرىنىڭ حاۋىپ – قاتەرگە ءدوپ كەلىپ وتىرعانىن، قازىرگى ەڭ شۇعىل مىندەت ءارقانداي بوداۋ بەرۋگە قاراماي، جۇرتشىلىقتىڭ ءومىرىن قۇتقارۋ ەكەنىن ايتقان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
