ا ق ش پرەزيدەنتى ترامپ ليۋ حىمەن كەزدەستى

2019.10.12 13:20   كەلۋ قاينارى : حالىق تورابى

　　شينحۋا اگەنتتىگى، 10 – ايدىڭ 11 – كۇنى، ۆاشينگتون (ءتىلشى: جوۋ شياۋجىڭ، گاۋ پان) جەرگىلىكتى ۋاقىت بويىنشا 10 – ايدىڭ 11 – كۇنى ا ق ش پرەزيدەنتى ترامپ اق سارايداعى ەلليپس فورمالى كەڭسەدە ۆاشينگتوندا جاڭا كەزەكتى جۇڭگو – ا ق ش ەكونوميكا – ساۋدا جوعارى دارەجەلى كەڭەسىن وتكىزىپ جاتقان ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى، جۇڭگو – ا ق ش جالپى بەتتىك ەكونوميكالىق تىلدەسۋىنىڭ جۇڭگو جاقتاعى جەتەكشىسى ليۋ حىمەن كەزدەستى.

　　ليۋ حى الدىمەن باس شۋجي شي جينپيڭنىڭ پرەزيدەنت ترامپقا جولداعان سالەمىن جەتكىزدى. شي جينپيڭ سالەمىندە بىلاي دەپ اتاپ كورسەتكەن: جۋىردان بەرى، جۇڭگو – ا ق ش ەكونوميكا – ساۋدا كەڭەسى ۇيىرمەلەرى تىلدەسۋدى ۇزبەي، ءوزارا ىزگى نيەت تانىتىپ، ەكى ەل حالقى مەن حالىقارالىق قوعامنىڭ قولداۋىنا يە بولدى. ەكى ەلدىڭ ەكونوميكا – ساۋدا ۇيىرمەلەرى ءىشىنارا كەلىسىمدەر جونىندەگى كەڭەستە ىلگەرىلەۋشىلىككە قول جەتكىزدى، ەكى جاق ءوزارا كوڭىل ءبولىپ وتىرعان ماسەلەلەردى ويداعىداي شەشىم ەتۋى، باسقا سالالارداعى ماسەلەلەردە بەلسەندى ىلگەرىلەۋشىلىككە قول جەتكىزۋگە قۇلشىنۋى كەرەك. جۇڭگو مەن ا ق ش قارىم قاتىناسىنىڭ اقاۋسىز، ورنىقتى دامۋىن ساقتاپ وتىرۋ − ەكى ەلگە دە، دۇنيە جۇزىنە دە پايدالى. ەكى جاق سايكەسۋ، سەلبەسۋ، ورنىقتىلىق سىندى نەگىزگى اۋەنگە تاباندى بولىپ، ءوزارا قۇرمەت ەتۋ نەگىزىندە الاۋىزدىقتاردى مەڭگەرۋى، ءوزارا تيىمدىلىك جەتكىزۋ نەگىزىندە سەلبەستىك ءورىسىن كەڭەيتۋى، ەكى ەل قارىم – قاتىناسىنىڭ دۇرىس جولمەن العا قاراي دامۋىن ىلگەرىلەتۋى قاجەت.

　　ليۋ حى مىنانى ءبىلدىردى: ەكى جاق وسى جولعى كەڭەستە ورتاق كوڭىل ءبولىپ وتىرعان ەكونوميكا – ساۋدا ماسەلەلەرى جونىندە بۇكپەسىز، جوعارى ءونىمدى، ناتيجەلى تالقى وتكىزدى، اۋىل شارۋاشىلىعى، زياتكەرلىك ۇقىقتى قورعاۋ، اقشا باعامى، فينانستىق قىزمەت وتەۋ، ساۋداداعى سەلبەستىك ءورىسىن كەڭەيتۋ، تەحنيكانى وتكەرمەلەۋ، داۋ – شاردى شەشۋ قاتارلى جاقتاردا ناقتى ىلگەرىلەۋشىلىكتەرگە قول جەتكىزىپ، الداعى جەردەگى كەڭەسكە ورنالاستىرۋ جاساۋدى تالقىلادى. جۇڭگو مەن ا ق ش اراسىنداعى ەكونوميكا – ساۋدا قارىم – قاتىناسىن ويداعىداي ءبىرجاقتى ەتۋ − جۇڭگوعا دا، ا ق ش – نا دا، دۇنيە ءجۇزىنىڭ بەيبىتشىلىكپەن كوركەيىپ – گۇلدەنۋىنە دە پايدالى. ەكى جاقتىڭ ءبىر باعىتقا قاراي قادام تاستاپ، ەكى ەل باسشىلارى تۇراقتاندىرعان پرينسيپ پەن باعدار بويىنشا، تەپە – تەڭدىك جانە ءوزارا قۇرمەت ەتۋ نەگىزىندە ءوزارا كوڭىل ءبولىپ وتىرعان ماسەلەلەردى ۇيلەسىمدى شەشىم ەتىپ، ەكى ەلدىڭ ەكونوميكا – ساۋدا قارىم – قاتىناسىنىڭ اقاۋسىز، ورنىقتى تۇردە العا قاراي دامۋىن ىلگەرىلەتۋىن ءۇمىت ەتەمىز.

　　ترامپ ءتوراعا شي جينپيڭنىڭ جولداعان سالەمىنە راحىمەت ايتىپ، جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قايتالاي قۇتتىقتادى ءارى ليۋ حىدان ءوزىنىڭ ءتوراعا شي جينپيڭگە جولداعان ىقىلاستى سالەمىن جەتكىزۋدى ءوتىندى. ترامپ مىنانى ءبىلدىردى: ا ق ش پەن جۇڭگو قارىم – قاتىناسى ارىندى دامۋدا. مەن جۇڭگونى توتەنشە قۇرمەتتەيمىن، ءتوراعا شي جينپيڭدى توتەنشە قۇرمەتتەيمىن، ول − ۇلى باسشى. مەن ا ق ش – جۇڭگو ەكونوميكا – ساۋدا كەڭەسىنىڭ ءبىرىنشى كەزەڭدەگى ناقتى تابىستارعا قول جەتكىزگەنىن كورىپ قاتتى قۋاندىم، بۇل ا ق ش پەن جۇڭگو سىندى ەكى ەل ءۇشىن، دۇنيە ءجۇزى ءۇشىن كەلەلى جەتىستىك ەسەپتەلەدى. ەكى جاقتىڭ ۇيىرمەلەرىنىڭ قۇلشىنا قىزمەت ىستەپ، ءبىرىنشى كەزەڭدەگى كەلىسىمنىڭ قۇجاتىن دەر كەزىندە دايىنداۋىن ءارى كەلەسى قادامداعى كەڭەستى ۇزدىكسىز ىلگەرىلەتۋىن ءۇمىت ەتەمىن. جۇڭگولىق ستۋدەنتتەردىڭ ا ق ش – نا كەلىپ وقۋىن قارسى الامىز.

　　كەلۋ قاينارى: حالىق تورابى