بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ەل ءىشى حابارلارى

مىڭ ىردۇڭنىڭ شۇعىلالى ءومىرى

شينحۋا اگەنتتىگىنىڭ ءتىلشىسى ۋەي مىڭجيا

2016.06.28 16:32     كەلۋ قاينارى : حالىق تورابى

  شينجياڭ شىحىزى ۋنيۆەرسيتەتىنىڭ اۋلاسىنداعى كوگالدا ءبىر ءمۇسىن ەڭسە كوتەرىپ تۇر. بۇل ــ مەملەكەتتىك ۇزدىك كوممۋنيست، بەيجيڭ ۋنيۆەرسيتەتىنىڭ شينجياڭعا كومەك بەرۋشى ۇزدىك وقىتۋشىسى مىڭ ىردۇڭ پروفەسسوردىڭ ءمۇسىنى. مىڭ ىردۇڭ كەزىندە وسى اراعا باۋىر باسقان بولاتىن، ونىڭ ومىردەن وتكەنىنە دە 10 جىل بولدى.بۇل كۇندە شەكارا وڭىردەگى وسى ۋنيۆەرسيتەتتىڭ وقىتۋشى، وقۋشىلارى قاراپايىم دا ارداقتى مىڭ ىردۇڭ ۇستازدى ساعىنىشپەن ەسكە الادى. مىڭ ىردۇڭنىڭ وقۋشىسى، وسى ۋنيۆەرسيتەتتىڭ ادەبيەت فاكۋلتەتىنىڭ وقىتۋشىسى بولىپ ورنالاسقان ۋ شينفىڭ اياۋلى ۇستازىنا بىلاي دەپ باعا بەردى: «مىڭ ىردۇڭ ۇستاز ناعىز ۇستازداردىڭ كەلبەتىن كورسەتتى، ول كىسىدەن العان ونەگەمىز ءبىزدى قاي – قاشان دا جەبەپ وتىرادى».مىڭ ىردۇڭ 1957 – جىلى انحۇي ولكەسىنىڭ باڭبۋ دەگەن جەرىندە تۋىلعان، 1991 – جىلى بەيجيڭ ۋنيۆەرسيتەتىنە دوكتورلىق وقۋعا تۇسكەن، وقۋدى بىتىرگەن سوڭ وسى مەكتەپتىڭ ادەبيەت فاكۋلتەتىنە وقىتۋشى بولىپ ورنالاسقان.

  ول وسىدان كەيىنگى 10 نەشە جىلدا بايىرعى شىعارمالاردى باس الماي وقىپ، جالىقپاي ىزدەنىپ، دەن قويا زەرتتەۋمەن شۇعىلانادى. «جۇڭگونىڭ ولەڭ تانۋى جونىندەگى جالپىلىق بايىمداۋ»، «تاڭ پاتشالىعى داۋىرىندەگى ولەڭ جاسامپازدىعىنىڭ باستاماسى جانە جاڭالىقتارى» سياقتى كوپتەگەن شىعارما جازعان. اسىرەسە، ونىڭ 7 جىل جاپا – ماشاقات كورىپ زەرتتەۋ ناتيجەسىندە تامامداعان ماڭىزدى تاريحي قۇنى بار «‹كىجۇي ەمتيحانى› جونىندەگى تولىقتاۋ – تۇزەتۋلەر» ادەبيەت سالاسىنداعىلار مەن تاريح سالاسىنداعىلاردىڭ جوعارى باعاسىن العان.

  2004 – جىلى ناۋرىزدا شينجياڭنىڭ جوعارى وقۋ - اعارتۋ ىستەرىن قولداۋ ءۇشىن، مىڭ ىردۇڭ شينجياڭنىڭ شىحىزۋى ۋنيۆەرسيتەتىنە كومەككە بارۋدى ىرىقتىلىقپەن تالاپ ەتەدى.دەسە دە، كوپ وتپەي مىڭ ىردۇڭ سالماقتى داۋىس قارلىعۋ ناۋقاسىنا شالدىعادى. شيپاگەرلەر «جاق كىرىسىن اشپاۋ» جونىندە كەڭەس بەرگەننەن كەيىن ول كىسىنى تاڭ قالدىرارلىق رۋحپەن اۋىر ازاپتى جەڭە وتىرىپ وقىتۋشى، وقۋشىلارعا ساباق بەرەدى.

  كەيىن مىڭ ىردۇڭنىڭ اۋرۋى ءتىپتى دە اسقىنىپ، كومەكى تىنستاندىرۋدىڭ ارقاسىندا عانا ساباعىن جالعاستىرادى، كوپشىلىك شىداي الماي ونىڭ دەمالۋىن، ەمدەلۋىن وتىنەدى. مىڭ ىردۇڭ سوندا دا اۋرۋدى ەلەمەي، ساباق وتە الاتىنىن ايتادى.

  ۋ شينفىڭ وسى جاعداي جونىندە: «اۋرۋى اسقىنعان كەزدە قان شىعا جوتەلسە دە، ساباعىن جالعاستىردى، سوزگە شاماسى كەلمەسە دوسكاعا جازىپ وتىردى، كوپتەگەن ساباقتى كوزىمىزگە جاس الا وتىرىپ وقىپ بىتىردىك».

  شيپاگەرلەر مىڭ ىردۇڭ وڭەش قاتەرلى وسپەسىنە شالدىققان دەپ دياگنوز قويادى. وسى كەزدە عانا كوپشىلىك ونىڭ تاماعىندا تاق – تۇق دوپتىڭ ۇلكەندىگىندەي وسپە بارىن بىلەدى، ونىڭ تىنىس جولىنىڭ بەستەن ءتورت بولەگى بىتەلىپ قالىپتى، تىنىسى تارىلىپ كوز جۇمۋ قاتەرى كۇشەيگەن ەكەن.

  وسىلاي بولسا دا مىڭ ىردۇڭ وقۋشىلارىن قيا المايدى. 2004 – جىلى 26 – ساۋىردە جۇدەۋ تارتقان ول وزگەلەردىڭ قولتىعىنان دەمەۋىمەن وقۋشىلارعا ەڭ سوڭعى ءبىر ساعاتتىق ساباعىن ءوتىپ بەرەدى.

  كەلۋ قاينارى: حالىق تورابى
جاۋاپتى رەداكتورى : مۇحيت امانتاي ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.