قوعام حاۋىپسىزدىگى مينيسترلىگىنىڭ 8 ءتۇرلى قولايلى شارانى اتقارعانىنا ەكى اي بولدى
ۇيدە وتىرىپ – اق شەكارادان كىرىپ – شىعۋ كۋالىگىن بىتىرۋگە بولاتىن بولدى (ساياساتتىق تۇسىنىك، نازاردى شوعىرلاندىرۋ)
«حالىق گازەتىنىڭ» ءتىلشىسى شاۋ يۇيزى
2018.04.02 16:20 كەلۋ قاينارى : حالىق تورابى
تورتكىل الەمدى ارالاۋ ءاربىر ادامنىڭ ارمانى. سوڭعى جىلداردان بەرى، كۇن سايىن ارتقان شەكارادان كىرىپ – شىعۋ سۇرانىسىنا وراي، پاسپورت جاساۋ، كەدەننەن ءوتۋدىڭ قولايلىلىق ولشەمى اناعۇرلىم جوعارىلاتىلىپ، شەكارادان كىرىپ – شىعۋعا قىزمەت وتەۋدىڭ ءبىر قىدىرۋ ساياساتى ىركەس – تىركەس جاسالدى. ۇيدە وتىرىپ – اق پاسپورت جاساتۋدىڭ سەنىمدىلىك دارەجەسى بارعان سايىن جوعارىلادى؛ شەتەلدىك دارىندىلاردىڭ قىزمەتتە، تۇرمىستا قاتىناپ تۇرۋى ءتىپتى دە وڭتايلاندى. ساناققا قاراعاندا، 2017 – جىلى ەلىمىزدە رەت سانى بويىنشا 598 ميلليون ادام شەكارادان كىرىپ – شىعىپ، ۇقساس مەزگىلدەگىدەن ٪4.76 ارتقان؛ بۇنىڭ ىشىندە، ىشكى ولكەنىڭ رەت سانى بويىنشا 292 ميلليون تۇرعىنى شەكارادان كىرىپ – شىققان.
1 – اقپاندا قوعام حاۋىپسىزدىگى مينيسترلىگى شەكارادان كىرىپ – شىعۋدى وڭتايلاۋدىڭ 8 ءتۇرلى شاراسىن جاپپاي اتقاردى، بۇلار جاقىن ارادان پاسپورت ءبىتىرۋ، پاسپورت سۋرەتىنە تەگىن ءتۇسۋ، اۆتوماتيك ۆيزا الۋ سياقتىلاردى قامتىپ، وسىنىڭ الدىنداعى شارالارعا سالىستىرعاندا، راسميات وتەۋ جولدارى قاراپايىمدانىپ، ءتىپتى دە كوپ ادام يگىلىكتەنىپ، قولايلىلىق دارەجەسى اناعۇرلىم جوعارىلاعان.
ءوز ولكەسىنىڭ تۇرعىندارى جاقىن ماڭنان پاسپورت بىتىرسە، باسقا ولكەدەن كەلگەن تۇرعىنداردان قونىستانۋ كۋالىگىن كورسەتۋى تالاپ ەتىلدى
قوعام حاۋىپسىزدىگى مينيسترلىگى وسى رەت شىعارعان جاقىن ماڭنان پاسپورت ءبىتىرۋ شاراسىنا وسى قالا ناپوسىنداعى تۇرعىنداردىڭ باسقا ولكە ناپوسىنداعى جۇبايى، پەرزەنتى، اكە – شەشەلەرى ناپوسى قاراستى قالالاردا جاقىن ماڭنان پاسپورت ءبىتىرۋ ءوتىنىشىن بەرۋ سياقتىلاردى قامتىدى. فۋجيان ولكەسى 2016 – جىلى جەلتوقساندا تۇرعىنداردىڭ شەكارادان كىرىپ – شىعۋ كۋالىگىن بىتىرۋىندە، باسقا ولكەلەردىڭ تۇرعىندارى ازاماتتىق كۋالىگى جانە قونىستانۋ كۋالىگىمەن جاقىن ماڭنان پاسپورت ءبىتىرۋ راسمياتىن اتقارعان بولاتىن.
كارتالى اۆتوماتتى ۆيزانى بىردەمدە الۋعا بولادى، ۆيزا الۋعا اقشا تولەۋ فورماسىن وزگەرتۋ كەرەك بولىپ تۇر
قالا تۇرعىندارىنا قىزمەت وتەۋ ورتالىعىنىڭ باتىسىنداعى تاۋلىك بويى اۆتوماتتى قىزمەت وتەۋ رايونىنا ورناتىلعان شەكارادان كىرىپ – شىعۋ كۋالىگىنە اۆتوماتتى ۆيزا الاتىن ەكى تەكشەدە ادامدار تارتىپپەن رەتتە تۇر. گۋلۋ رايونىنىڭ تۇرعىنى ۋ مىرزا شەشەسىنە پاسپورت بىتىرمەك بولىپ، اۆتوماتتى ۆيزا الۋعا بولاتىندىعىن ەستىگەن سوڭ، ءوز كوزىمەن كورمەك بولعان ەدى. ول شياڭگاڭ – اۋمىنعا نەمەسە تايۋانعا بارىپ – كەلەتىن كارتالى كۋالىكتى اۆتوماتتى قۇرىلعىعا سۇعىپ، ۆيزانىڭ كۇشكە يە ۋاقىتى مەن رەت سانىن تاڭداعان سوڭ، قاجەتتى اقىسىن تولەسە، جۇيە راسمياتتىڭ بارلىعىن اۆتوماتتى وتەپ، ءبىر مينۋتقا جەتپەگەن ۋاقىتتا، جاڭا ۆيزانىڭ ينفورماتسياسى كارتا بەتىندە كورىنىپ، اۆتوماتتى ۆيزا الۋدىڭ تامامدالاتىندىعىن كوردى.
سالدەن سوڭ – اق الۋىڭىزعا بولادى، 24 ساعاتتىڭ بارىندە كۋالىك بىتىرە الاسىز. «ەسەپتەپ كورسەم اۆتوماتتى قۇرىلعى ەكى مينۋتتا راسمياتتىڭ بارلىعىن وتەپ بولدى» - دەدى ۋ مىرزا، بۇرىن ۆيزا الۋدا قىزمەت وتەۋ تەكشەسىنە بارىپ ءوتىنىش بەرۋگە تۋرا كەلەتىن، 5 – 6 كۇندىك راسميات وتەۋدەن كەيىن ۆيزا پوچتامەن جولداناتىن. ال قازىر تاۋلىك بويى اۆتوماتتى ۆيزا الۋ تەكشەسى تەك ءوز ولكەسىنىڭ تۇرعىندارىنا باعىتتالعان، باسقا ولكەلەردىڭ تۇرعىندارى ءالى دە كۇشكە يە كۋالىگىمەن قىزمەت وتەۋ تەكشەسىنە بارىپ كۋالىك ءبىتىرۋ ءوتىنىشىن بەرەدى.
تۇراقتاپ تۇرۋ رۋحسات شەگى 5 جىلعا ۇزارتىلدى، دەنساۋلىق اقاۋسىزدىعى كۋالىگى دە ەندى كەرەك ەمەس
تاياۋ كۇندەرى تۇراقتاپ تۇرۋ رۋحسات كۋالىگىنىڭ ۋاقىتى تولاتىن چىن مىرزا دەنساۋلىق اقاۋسىزدىعى كۋالىگى مەن قاتىستى ماتەريالدارىن الىپ كۋالىك الۋعا قامداندى. «ۋاقىتى ۇزارىپ كەتتى، قاجەتتى ماتەريالى دا كوپ – اق». بۇگىنگى كۇنى قوعام حاۋىپسىزدىگى مينيسترلىگى شەكارادان كىرىپ – شىعۋدى قولايلاستىرۋ شاراسىن جاپپاي اتقاردى، 6 – ءتۇرلى شارادا شەتەل قاراستىلىعىنداعى جۇڭگولىقتاردىڭ تۇراقتاپ تۇرۋ رۋحسات ۋاقىت شەگى 5 جىلعا ۇزارتىلعان. بۇرىندارى ءار جولى راسميات وتەگەندە، چىن مىرزا ەرتە باستان دەنساۋلىق اقاۋسىزدىعى كۋالىگىن الاتىن ەدى، «قازىر ونىڭ كەرەگى قالمادى»، - دەدى چىن مىرزا كۇلىپ. بۇرىن راسميات وتەۋدىڭ الدىندا دەنساۋلىق اقاۋسىزدىعى كۋالىگىن ارناۋلى بىتىرەتىن، قازىر بۇنىڭ كەرەگى دە قالمادى. جۇڭگو مۇھاجىرلارى ەڭ كوپ تۇراتىن ولكە بولۋ تۇرعىسىمەن، ەڭ ۇزاق بولعاندا 3 جىل تۇراقتاپ تۇرۋدى 5 جىلعا ۇزارتىپ، ەلدەرىنە قايتىپ تۋىسشىلاۋعا، تۇراقتاپ تۇراتىن شەتەل قاراستىلىعىنداعى جۇڭگولىقتارعا قولايلىق جاراتىلدى.
شەكارادان كىرىپ – شىعۋدىڭ 8 ءتۇرلى قولايلى شاراسى مىنالار:
1. ءوز ولكەسىنىڭ تۇرعىندارى شەكارادان كىرىپ – شىعۋ كۋالىگىن تۇتاس ولكە كولەمىندە بىتىرە الادى.
2. ءوز ولكەسىنىڭ تۇرعىندارى شياڭگاڭ – اۋمىن – تايۋانعا ساياحاتتاي باراتىن ۆيزانى تۇتاس ولكە كولەمىندە اۆتوماتتى بىتىرە الادى.
3. شارتقا ۇيلەسەتىن باسقا ولكەنىڭ تۇرعىندارى جاقىن ماڭنان شەكارادان كىرىپ – شىعۋ كۋالىگىن بىتىرە الادى.
4. شياڭگاڭ – اۋمىن – تايۋانعا باراتىن ۆيزانىڭ اسقان رەت سانىن اۆتوماتتى تەكسەرە الادى.
5. شەكارادان كىرىپ – شىعۋ كۋالىگىنىڭ سۋرەتى تەگىن تارتىلادى.
6. شەتەل قاراستىلىعىنداعى جۇڭگولىقتار ۆيزا، تۇراقتاپ تۇرۋ قولايلىعىنان يگىلىكتەنە الادى.
7. كەدەننەن ءوتۋ اۆتوماتتى قىزمەت وتەۋى زور كۇشپەن ىلگەرىلەتىلەدى.
8. كەدەننەن اۆتوماتتى وتەتىن ساياحاتشىلار شەكارادان كىرىپ – شىعۋ ەستەلىگىن اۆتوماتتى كوبەيتۋ قىزمەت وتەۋىمەن قامدالادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
