الدىڭعى جارتى جىلدا بۇكىل ەلدىڭ قالا – قالاشىعىندا جالپى 7 ميلليون 520 مىڭ ادام تىڭنان كاسىپتەندى، بۇل وتكەن جىلدىڭ ۇقساس مەزگىلىندەگىدەن 170 مىڭ ادام كوپ
ورنىقتى كاسىپتەندىرۋگە سەنىمىمىز، قۋاتىمىز، شارت – جاعدايىمىز بار
«حالىق گازەتىنىڭ» ءتىلشىسى لۋ يانان
2018.08.03 14:14 كەلۋ قاينارى : حالىق تورابى
بيىل العاشقى جارتى جىلدا ەلىمىزدىڭ كاسىپتەندىرۋ جاعدايى ورنىقتىلىق بارىسىنا جاقسارىپ، ەكونوميكانىڭ ورنىقتى اينالىس جاساۋىنا جانە قوعامدىق جالپى جاعدايدىڭ ورنىقتى بولۋىنا بەلسەندى ۇلەس قوستى. قازىر ەكونوميكالىق اينالىستا ورنىقتىلىق بارىسىندا وزگەرىس تۋىلۋدا، سىرتقى ورتادا كورنەكتى وزگەرىس تۋىلدى. 31 – شىلدەدە اشىلعان ج ك پ ورتالىق كوميتەتى ساياسي بيۋروسىنىڭ ماجىلىسىندە ورنىقتى كاسىپتەندىرۋدى ءتىپتى دە كورنەكتى ورىنعا قويۋ ورتاعا قويىلدى. جاڭا ماسەلە، تىڭ سايىس الدىندا ورنىقتى كاسىپتەندىرۋدىڭ كومەسكى كۇشىن قالاي اشۋىمىز كەرەك؟
ەكونوميكانىڭ ورنىقتى اينالىس جاساۋى، جاڭا قوزعاۋشى كۇشتىڭ جەدەل دامۋى بەرىك نەگىز قالادى، الدىڭعى جارتى جىلدا كاسىپتەندىرۋ ورنىقتى جاقساردى
الدىڭعى جارتى جىلدا ەلىمىزدىڭ كاسىپتەندىرۋ جاعدايى ورنىقتىلىق بارىسىندا جاقساردى، بۇل 5 ۇلكەن ەرەكشەلىكتەن كورنەكتى بەينەلەندى.
كاسىپتەندىرۋ كولەمى ءۇرتىس كەڭەيدى. الدىڭعى جارتى جىلدا بۇكىل ەلدىڭ قالا – قالاشىعىندا جالپى 7 ميلليون 520 مىڭ ادام تىڭنان كاسىپتەندى، بۇل وتكەن جىلدىڭ ۇقساس مەزگىلىندەگىدەن 170 مىڭ ادام كوپ. ماۋسىمنىڭ سوڭىنا دەيىن ەلىمىزدىڭ قالا – قالاشىعىنداعى كاسىپتەنگەندەردىڭ جالپى مولشەرى 430 ميلليون ادامنان اسىپ، وتكەن جىلدىڭ سوڭىنداعىدان 5 ميلليوننان استام ادام كوبەيدى. مەملەكەتتىك دامۋ جانە رەفورما كوميتەتىنىڭ اقپارات مالىمدەمەشىسى مىڭ ۋەي بىلاي دەدى: «ۇكىمەت قۇرىلىمدارىن ىقشامداۋ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، ساپالى قىزمەت وتەۋ رەفورماسىنىڭ جانە يگىلىك، جاڭالىق جاراتۋ ساياساتىنىڭ جەبەۋىندە حالىقتىق شارۋاشىلىق جەدەل ارتىپ، جاڭا كاسىپ، جاڭا كاسىپ كۇيى ۇزدىكسىز نىعايىپ، كاسىپتەندىرۋگە دەم بەرەتىن ماڭىزدى كۇشكە اينالدى».
كاسىپتەندىرۋ قۇرىلىمى ۇزدىكسىز ساپالىلاندى. قىزمەت وتەۋ كاسىبىنىڭ كاسىپتەندىرۋگە دەم بەرۋ قۋاتى اناعۇرلىم نىعايدى. الدىڭعى جارتى جىلدا كولەم قالىپتاستىرعاننان جوعارعى قىزمەت وتەۋ كاسىپورىندارىندا كاسىپپەن شۇعىلدانۋشىلاردىڭ سانى وتكەن جىلدىڭ ۇقساس مەزگىلىندەگىدەن %5.2 ارتتى. ماۋسىمنىڭ سوڭىنا دەيىن ءۇشىنشى كاسىپتە كاسىپتەنگەندەردىڭ سالىستىرماسى وتكەن جىلدىڭ ۇقساس مەزگىلىندەگىدەن 1.4 پايىز جوعارىلادى.
ءتۇيىندى توپتاعىلاردىڭ كاسىپتنەۋى نەگىزىنەن ورنىقتى بولدى. جوعارى مەكتەپ بىتىرگەن وقۋشىلاردىڭ كاسىپتەنۋى ورنىقتىلىق نەگىزىندە جوعارىلادى، 1 – ماۋسىمعا دەيىن 2018 – جىلى وقۋ بىتىرەتىن جوعارى مەكتەپ وقۋشىلارىنىڭ كاسىپتەنۋ توقتامىنا قول قويۋ شاماسى وتكەن جىلدىڭ ۇقساس مەزگىلىندەگىدەن 0.9 پايىز جوعارىلادى. الدىڭعى جارتى جىلدا كاسىپتەنۋدە قيىنشىلىعى بارلاردان 910 مىڭ ادام كاسىپتەنىپ، وتكەن جىلدىڭ ۇقساس مەزگىلىندەگىدەن 20 مىڭ ادام كوبەيدى. قوسىننان شەگىنگەن اسكەريلەردىڭ كاسىپتەنۋى بەلسەندىلىكپەن ىلگەرىلەتىلدى، بولات – تەمىر، كومىر كاسىبىندە ءوندىرىس قۋاتى اسىپ قالۋ سەبەبىنەن جۇمىس ورنىنان بوساعان جۇمىسشى – قىزمەتشىلەر باسقا كاسىپكە ورنىقتى، ءتارتىپتى ورنالاستىرىلدى.
كاسىپتەنۋ ساپاسى اناعۇرلى جوعارىلادى. ەڭبەكاقى دەڭگەيى ءۇرتىس ارتتى، الدىڭعى جارتى جىلدا كولەم قالىپتاستىرعاننان جوعارعى كاسىپورىنداردا كاسىپپەن شۇعىلدانۋشىلاردىڭ ورتاشا ەڭبەكاقىسى وتكەن جىلدىڭ ۇقساس مەزگىلىندەگىدەن %10.1 ارتتى. مەملەكەت مەنشىگىندەگى كاسىپورىنداردىڭ جانە مەملەكەت مەنشىگىندەگى جارناسى مەڭگەرىلمەلى كاسىپورىنداردىڭ، شەتەل ساۋداگەرلەرىنىڭ جانە شياڭگاڭ، اۋمىن، تايۋاننان كەلگەن قارجىلاندىرۋشى كاسىپورىنداردىڭ توقتامعا قول قويىسۋ شاماسى وتكەن جىلدىڭ ۇقساس مەزگىلىندەگىمەن نەگىزىنەن قارايلاس بولدى، جەكە كاسىپورىنداردىڭ توقتامعا قول قويىسۋ شاماسى وتكەن جىلدىڭ ۇقساس مەزگىلىندەگىدەن شامامەن ءبىر پايىز جوعارىلادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
