وزگەلەرمەن قارا تالاستىرۋدىڭ قاقپانىنا تۇسپەيىك (حالىق تالقىسى)
حۋاڭ فۋتى
2018.10.23 13:16 كەلۋ قاينارى : حالىق تورابى
كۇندەلىكتى تۇرمىستا كەيبىرەۋلەر ىشكەن – جەگەنىنەن تارتىپ، تۇرمىستىق تۇتىنۋىنا دەيىن، جيعان بايلىعىنان تارتىپ، وقۋ ماعلۇماتىنا جانە كەشىرمەلەرىنە دەيىن، قىزمەت دارەجەسى مەن قىزمەت ورنىنان تارتىپ، ەڭبەكاقىسىنا دەيىن وزگەلەرمەن ۇنەمى سالىستىرا جۇرگەندى ۇناتادى، دەگەنمەن، وزگەلەرمەن قارا تالاستىرۋدىڭ قۇيىنا باتقان ادام ىشتەي تەڭسىزدىك سەزىنىپ، باعدارىنان وڭاي اداسادى. زاتتىق بايلىق مول، ادامدى ەلىكتىرەتىن ىستەر كوپ بۇگىنگى تاڭدا ناشار ىقپالداردان قالاي ساقتانىپ، وزگەلەرمەن قارا تالاستىرۋ سىندى پيعىلدان قالاي اۋلاق بولۋعا بولادى؟ بايىپتى دا بايسالدى بولىپ، ءوزىن – ءوزى پاك ۇستاۋ كادرلاردىڭ الدىنا قويىلىپ وتىرعان رەال سىناق.
بۇرىنعىلاردان قالعان «قاناعاتسىزدىقتان اسقان پالە جوق، نىساپسىزدىقتان اسقان كۇنا جوق» دەگەن ءسوز بار. ءوزىن باعالاي بىلمەۋ مەن قاناعاتسىزدىقتىڭ سوڭى وزگەلەرمەن قارا تالاستىرۋعا اپارىپ سوعادى. وزگەلەرمەن قارا تالاستىرۋ ستيلىنەن ساقتانۋ ءۇشىن قاناعات ەتەءبىلۋ كەرەك. كەيبىر وماقاسقان ءمانساپتىلارعا نازار سالساق، ولار باستابىندا پاك ستيلدى ساقتايدى، دەگەنمەن، جۇمىس ءبىتىرۋ ءۇشىن الدىنا كەلگەن قوجايىنداردى كورگەن سايىن، بۇلار مەنىڭ شالىمىما كەلمەسە دە، ساۋلەتتى سارايلاردا وتىرىپ، قىمبات كولىكتەرمەن ءجۇر – عوي دەگەن ويعا كەلەدى، ىشتەي سالىستىرا كەلە كوڭىل – كۇيىندە بىرتىندەپ وزگەرىس تۋىلىپ، ءوزىنىڭ قازىرگى تۇرمىسىنا بارعان سايىن قاناعات قىلماي، سوڭىندا نيەتى بۇزىلىپ، ءىسى ناسىرعا شابادى. وزگەلەرمەن قارا تالاستىرۋدىڭ كەسەلىنەن يدەيالىق جاقتا جانە ارەكەت جاعىندا قاتە جولعا ءتۇسىپ، قولىنداعى ۇقىقتى حالىقتىڭ بەرگەنىن ۇمىتىپ، ۇقىقتى وزىنە تاۋەلدى دۇنيەدەي كورىپ، ويىنا كەلگەنىن ىستەيدى.
كادرلەردە اقاۋسىز كوڭىل – كۇي بولعاندا عانا، وزگەلەرمەن قارا تالاستىرمايدى، ءوزىنىڭ قىزمەت ورنى مەن قىزمەت ناتيجەسىنە دۇرىس ماملە جاسايتىن بولادى. پارىق بولعان جەردە سالىستىرۋ بولادى، دۇرىس جاعىنان باسەكەلەسۋ ءۇشىن قاجەتتى كەزدە سالىستىرۋعا تۋرا كەلەدى. دەگەنمەن، قىزمەت ناتيجەسى مەن قىزمەت ورنىن ۇنەمى سالىستىرا بەرۋدىڭ كەسىرىنەن كادرلەردىڭ كوڭىلىنە كولەڭكە تۇسەتىن بولادى، ءتىپتى وي ءورىسى تارايىپ، زور اۋقىممەن ساناسپايتىن بولادى. كەزىندە ءبىر مەزگىل ىشكى ءوندىرىستىڭ جالپى ءونىم قۇنى ءىشىنارا كادىرلەردىڭ نىساناسى بولعان. كەيبىر كادرلەر ءمانسابىن ءوسىرۋ ءۇشىن ءوزارا قارا تالاستىرىپ، ىشكى ءوندىرىستىڭ جالپى ءونىم قۇنىن ارتتىرۋ ءۇشىن ەكولوگيالىق ورتا مەن تابيعي بايلىقتى سارىپ ەتىپ، باجىنى كوپ تاپسىراتىن، ءونىمدى كوپ وندىرەتىن، الايدا، ەنەرگيانى دا كوپ جۇمساپ، قورشاعان ورتانى لاستايتىن كاسىپورىنداردى ەنگىزدى.
دامۋدا مۇنداي كورسوقىرلىققا سالىنۋ قورشاعان ورتا مەن بايلىق قاينارىنا ورنىنا كەلمەيتىن زالال سالىپ، جەرگىلىكتى ورىننىڭ ەكونوميكاسىنىڭ باياندى دامۋىنا تىكەلەي كەسىرى تيەدى. مۇنان سىرت، ءىشىنارا باسشى كادرلەر قىزمەت دارەجەسىنىڭ جوعارىلاۋ قارقىنىن سالىستىرۋعا بار زەيىنىن جۇمسايدى. ءىس جۇزىندە قابىلەتى، كەشىرمەلەرى جانە قىزمەت ورنىنىڭ جاعدايى سىندى فاكتورلاردىڭ ىقپالىنا ۇشىرايتىندىقتان، بارلىق ادامنىڭ قىزمەتىن بىردەي ءوسىرۋ مۇمكىن بولمايدى، جەكە باسىنىڭ العا باسۋىنا ۇمتىلۋ قاتە ەمەس، دەگەنمەن، ءبىر – بىرىمەن قارا تالاستىرۋ ستيلى ايىقپاس پالەگە اپارىپ سوعادى. ۇيىم ءوزىنىڭ ەڭبەگىن باعالامادى دەپ قاراپ، جۇمىسقا ناراۋلىق تانىتادى، تەك قىزمەت دارەجەسىن جوعارىلاتۋ ءۇشىن بار زەيىنىن جۇمساپ، تەز ارادا قىزمەتىن ءوسىرۋ ءۇشىن كوزىنىڭ الدىنداعى مۇددەنى كۇيتتەيدى. كادرلەر وزگەلەرمەن باسەكەلەسۋشىلىكتەن ساقتانىپ، ءوزىنىڭ قىزمەت ورنى مەن قىزمەت ناتيجەسىنە دۇرىس كوزقاراس ورناتىپ، ورايشىلدىق پەن بار زەيىنىن ونبەس ىستەرگە جۇمساعاننان ساق بولعاندا عانا، تاماشا كوڭىل – كۇيمەن، ءوزىنىڭ جۇمىسىن ويداعىداي اتقارا الادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
