قارىشتاپ دامىعان گۋاڭشي (شۇعىلالى 60 جىل، ايباتتى، كورىكتى، جاڭا گۋاڭشي)
− گۋاڭشي جۋاڭزۋ اۆتونوميالى رايونى قۇرىلعانىنىڭ 60 جىلدىعى قارساڭىندا
«حالىق گازەتىنىڭ» تىلشىلەرى ليۋ حۋشين، يۇي ۋەيلياڭ، يان كى، پاڭ گىپيڭ
2018.11.12 16:59 كەلۋ قاينارى : حالىق تورابى
پيڭشياڭ قالاسى بۇل كۇندە جۇڭگونىڭ شىعىس وڭتۇستىك ازيا وداعىنداعى 10 ەلمەن بايلانىس جاساۋىنداعى ماڭىزدى وتكەلگە اينالدى.
بەيبۋ شىعاناعىندا ءبىر مينۋتتا 326 توننا زات قابىلدانىپ، جونەلتىلەدى؛ ءبىر مينۋتتا شىعىس وڭتۇستىك ازيا وداعىمەن ارادا 344 مىڭ يۋاندىق تاۋار يمپورت – ەكسپورت ەتىلەدى...
60 جىلدىق دامۋ ارقىلى گۋاڭشيدە شىت جاڭا بەينە جارىققا شىقتى: ۇلتتار قاتىناسى تاريحتاعى ەڭ تاماشا كەزەڭدە تۇر، ەكونوميكانىڭ، قوعامنىڭ دامۋى دا تاريحتاعى ەڭ تاماشا كەزەڭدە تۇر، 2017 – جىلى تۇتاس رايوننىڭ ەكونوميكا جالپى مولشەرى 1958 – جىلعىنىڭ 832 ەسەسىندەي بولدى.
شىعىس وڭتۇستىك ازيا وداعىنا بەت العان حالىقارالىق ۇلكەن جولدى اشتى، باتىس وڭتۇستىكتەگى، ورتا وڭتۇستىكتەگى ەسىك اشا دامۋدىڭ جاڭا ستراتەگيالىق تىرەۋ نۇكتەسىن قالىپتاستىردى، 21 – عاسىرداعى تەڭىزدەگى جىبەك جولى مەن جىبەك جولى ەكونوميكالىق بەلدەۋى ورگانيكالى ۇشتاسقان ماڭىزدى تەكشەگە اينالدى.
گۋاڭشيدەگى 56 ميلليون حالىق پارتيا ورتالىق كوميتەتى گۋاڭشيگە بەلگىلەپ بەرگەن يقۋاتتىق ورىندى، جاڭا بورىشتى ارقالاپ، جاڭا تاريحي باستاماعا قادام تاستادى.
«ەكى مورجادان» «ەكىنشى رەتكى يگىلىك جاراتۋعا» دەيىن، قارقىندى تەزدەتىپ ساپالى دامۋعا بۇرىلىس جاسادى.
بۇل وزگەشە مانگە يە ءداستۇر سانالاتىن: شاڭحاي ۋ-ليڭ اۆتوموبيل سەرىكتەستىگى قاي جەردەن كاسىپورىن قۇرسا دا، جاڭا بازادا ليۋجوۋداعى باس ءبولىمنىڭ اكىمشىلىك كەڭسە عيماراتىنىڭ ۇقساتىلمالى كىشكەنە نۇسقاسىن سالۋشى ەدى.
سەرىكتەستىكتىڭ ورىنباسار باس ديرەكتورى شىن يۇنشياۋ بىلاي دەدى: «بۇل ەرەكشە سيمۆول، ويتكەنى باس ءبولىمنىڭ اكىمشىلىك كەڭسە عيماراتى 1958 – جىلى قۇرىلعان، بۇل ءدال ورتالىقتىڭ گۋاڭشيدىڭ ونەركاسىبىنىڭ قاۋىرت دامۋىن قولداي باستاعان كەزىنە تۋرا كەلەدى».
60 جىلدىڭ الدىندا گۋاڭشيدە ونەركاسىپتەن اۋىز اشۋ قيىن بولاتىن. 1958 – جىلى 1 – ايدا ورتالىق ناننيڭدە جيىن اشتى، ءتوراعا ماۋ زىدۇڭ الىستاعى ەكى مورجانى نۇسقاي تۇرىپ سول كەزدەگى ولكە باستىعى ۋەي گوچيڭنەن: اناۋ قانداي جەر؟ دەپ سۇرادى. ولكە باستىعى: كەرپىش زاۆودى، − دەپ جاۋاپ قايتاردى. ءتوراعا كۇلىمسىرەپ: گۋاڭشيدەن اقىرى ونەركاسىپتىڭ ءيىسىن سەزىندىك، − دەدى.
ءتوراعا ماۋ زىدۇڭ: گۋاڭشيدە ونەركاسىپتىڭ دامۋى باياۋ بولىپ وتىر، قادامدى تەزدەتۋ كەرەك! – دەدى.
گۋاڭشيگە كومەك بەرۋ ۇندەۋىنە ءۇن قوسىپ، شاڭحايدان كەلگەن ينجەنەريا تەحنيكتەرى ليۋجوۋدا موتورلى ماشينا زاۆودىن قۇردى، وسىلايشا ءبىرىنشى عيمارات ەڭسە كوتەردى. كوپ ۇزاماي گۋاڭشي تراكتور جانە شاعىن تۇرپاتتى جۇك اۆتوموبيلىن شىعارا باستادى.
1985 – جىلى ليۋجوۋ موتورلى ماشينا زاۆودىنىڭ ورنىنان پايدا بولعان ليۋجوۋ شاعىن تۇرپاتتى اۆتوموبيل زاۆدى شاعىن تۇرپاتتى اۆتوموبيلدى توبىمەن شىعارا باستادى. وسى عاسىردىڭ باس شەنىندە دامۋعا تۇساۋ بولعان ماسەلەنى شەشۋ ءۇشىن، گۋاڭشيدىڭ شەشىم جاساۋ جىگىندەگىلەر كاسىپورىننىڭ %75 جارنا ۇقىعىن شاڭحاي اۆتوموبيل توبىنا اقىسىز وتكىزىپ بەرىپ، شاڭحاي اۆتوموبيل توبىمەن، ا ق ش اۆتوموبيل (جۇڭگو) سەرىكتەستىگىمەن سەلبەستىك ورناتتى. گۋاڭشيلىكتەر «مەنشىكتى قايىرىپ قويىپ، كادەگە جاراتۋعا ۇمتىلدى» دەپ سيپاتتاعان وسى باتىل شەشىم كەيىنگى «ۋ-ليڭ كەرەمەتىن» جارىققا شىعاردى: 2015 – جىلى شاڭحاي ۋ-ليڭ توبى ەل ىشىندەگى جىلدىق ساتۋ مولشەرىن 2 ميلليون اۆتوموبيلدەن اسىرعان تۇڭعىش اۆتوموبيل كاسىپورنىنا اينالدى. بىرەۋلەر ەسەپتەپ كورگەندە، ۋ-ليڭ توبى ساتقان اۆتوموبيلدەردى ءبىرىنىڭ سوڭىنان ءبىرىن تىزبەكتەپ جالعاسا، جەر شارىن ەكى ورايدى ەكەن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
