تاسقىندى مەزگىلگە قادام تاستاعاننان بەرى 377 وزەندە ساقتىق سىزىعىنان اسقان تاسقىن تۋىلدى
2019.07.15 13:15 كەلۋ قاينارى : حالىق تورابى
7 – ايدىڭ 14 – كۇنى كۇندىز گۋاڭشيدىڭ ورتا بولەگى مەن شىعىس وڭتۇستىك بولەگى، حۋناننىڭ باتىس وڭتۇستىك بولەگى، جياڭشيدىڭ شىعىس بولەگى، فۋجياننىڭ باتىس سولتۇستىك بولەگى، جىجياڭنىڭ ورتا بولەگى قاتارلى جەرلەرىڭ ءىشىنارا وڭىرلەرىندە قالىڭ جاڭبىردان نوسەرگە دەيىن جاۋدى.
ورتالىق اۋا رايى ستانسياسى 7 – ايدىڭ 14 – كۇنى ساعات 18دە نوسەردىڭ كوك ءتۇستى ساقتىق سەگنالىن جاريالادى. مەجەمەن 7 – ايدىڭ 14 – كۇنى ساعات 20دان 15 – كۇنى ساعات 20عا دەيىن، جىجياڭ ولكەسىنىڭ باتىس وڭتۇستىك بولەگى، فۋجيان ولكەسىنىڭ باتىس سولتۇستىك بولەگى، جياڭشي ولكەسىنىڭ شىعىس سولتۇستىك بولەگى قاتارلى جەرلەردىڭ ءىشىنارا وڭىرلەرىندە زور دارەجەدەن نوسەرگە دەيىن جاڭبىر جاۋادى. ءتىلشىنىڭ سۋ يگىلىگى مينيسترلىگىنەن ۇعىسۋىنشا، جاڭبىردىڭ ىقپالىنا ۇشىراعاندىقتان، قازىر چاڭجياڭنىڭ ورتا – تومەنگى اعارىنداعى نەگىزگى اعار مەن ەكى كولدە، حۋاڭحىنىڭ جوعارعى – ورتا اعارى، تايحۋ كولى مەن شيجياڭ وزەنىندە سۋ دەڭگەيى بۇرىنعى جىلدارداعىمەن سالىستىرعاندا جوعارىلاۋ بولعان. مۇنىڭ ىشىندە، چاڭجياڭنىڭ نەگىزگى اعارى مەن جيۋجياڭ وزەنى بولەگىندە، پانياڭ كولىنىڭ كول قاينارىندا سۋ دەڭگەيى ساقتىق سىزىعىنان 0.32 – 0.52 مەتر اسىپ كەتكەن، وزگە جەرلەردە سۋ دەڭگەيى ساقتىق سىزىعىنان 0.14 – 1.44 مەتر تومەن بولعان.
ساناققا قاراعاندا، تاسقىن مەزگىلىنە قادام تاستاعاننان بەرى، بۇكىل ەلىمىز بويىنشا 23 رەت نوسەر جاۋعان، 18 ولكەدەگى (اۆتونوميالى رايون، توتە قاراستى قالا) 377 وزەندە سۋ دەڭگەيى ساقتىق سىزىعىنان اسقان تاسقىن تۋىلىپ، 1998 – جىلدان بەرگى وسى مەزگىلدەگى ساقتىق سىزىعىنان اسقان وزەندەردىڭ سانىمەن سالىستىرعاندا 80 پايىزدان استام جوعارى بولعان. گۋاڭشي گۇيجياڭ وزەنى، حۋنان شياڭجياڭ وزەنىنىڭ تارماعى سانالاتىن زىشۇي وزەنى، فۋجيان جيانشي وزەنىنىڭ تارماعى سانالاتىن فۋتۇن وزەنى قاتارلى 46 وزەندە ساقتىق سىزىعىنان اسقان تاسقىن تۋىلعان، ورتاشا – شاعىن 15 وزەندە تاريحتاعى دەڭگەيىنەن اسقان تاسقىن تۋىلعان. حۋاڭحىنىڭ جوعارعى اعارىندا 2 رەت نومىرلەنگەن تاسقىن تۋىلعان، جۋجياڭ اعىس الابىنداعى شيجياڭ وزەنىندە ءبىر رەت نومىرلەنگەن تاسقىن تۋىلعان، چاڭجياڭنىڭ ورتا – تومەنگى اعارىندا ءبىر رەت نومىرلەنگەن تاسقىن تۋىلعان، حانجياڭ وزەنىندە ەكى رەت نومىرلەنگەن تاسقىن تۋىلعان.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
