2019 – جىلعى جۇڭگو ينتەرنەتتىك مەديا فورۋمى تيانجين قالاسىندا وتكىزىلدى
2019.07.30 14:53 كەلۋ قاينارى : حالىق تورابى
حالىق گازەتى، 7 – ايدىڭ 29 – كۇنى، تيانجين (ءتىلشى: ۋەي حى) 2019 – جىلعى جۇڭگو ينتەرنەتتىك مەديا فورۋمى 7 – ايدىڭ 29 – كۇنى تيانجيندە وتكىزىلدى، فورۋمعا ورتالىق كوميتەت ينتەرنەت ينفورماتسياسى كەڭسەسى جەتەكشىلىگىندە جۇڭگو تىلشىلەر قوعامى، جۇڭگو ينتەرنەتتىك قوعامدىق ۇيىمدار بىرلەستىگى، تيانجين قالالىق پارتكوم ينتەرنەت ينفورماتسياسى كوميتەتى قاتارلى ورىندار بىرگە ۇيىمداستىرعان، حالىق گازەتى جاڭا مەديا ورتالىعى، تيانجين قالالىق پارتكومنىڭ ينتەرنەت ينفورماتسياسى كەڭسەسى، بينحاي جاڭا رايوندىق پارتكوم مەن ۇكىمەت، حىشي رايوندىق پارتكوم مەن ۇكىمەت وتكىزگەن.
بۇل رەتكى فورۋمدا «توعىسۋ مەن وزگەرىس: جۇڭگوداعى ينتەرنەتتىك مەديا دامۋىنىڭ تىڭ سەكىرىسى» باستى تاقىرىپ ەتىلىپ، جاڭا داۋىردەگى ينتەرنەتتىك مەديانىڭ دامۋ بەتالىسى مەن ينتەرنەت مازمۇنىنىڭ قۇرىلىسىن كۇشەيتۋ قاتارلى تاقىرىپتاردا تالقى ورىستەتىلىپ، كاسىپ سالاسىنىڭ دامۋى جونىندەگى تىڭ كوزقاراستار مەن تىڭ وي جەلىسى توعىستىرىلعان.
تيانجين قالالىق پارتكومنىڭ شۋجيى لي حۇڭجۇڭ، ورتالىق كوميتەت ۇگىت ءبولىمى باستىعىنىڭ ورىنباسارى، ورتالىق كوميتەت ينتەرنەت ينفورماتسيالارى كەڭسەسىنىڭ مەڭگەرۋشىسى، مەملەكەتتىك ينتەرنەت ينفورماتسيالارى كەڭسەسىنىڭ مەڭگەرۋشىسى جۋاڭ رۇڭۋىندەر «ءبىر نيەت: سايكەسكەن بەس جىلداعى جاڭا داستان» — بەيجيڭ – تيانجين – حىبەي سايكەستى دامىعان بەس جىل جونىندەگى ينتەرنەتتىك تاقىرىپتىق قيمىلدى بىرگە باستادى.
جۋاڭ رۇڭۋىن اشىلۋ سالتىندا سويلەگەن سوزىندە مىنانى ءبىلدىردى: ينتەرنەتتىك اقپارات قۇرالدارى نەگىزدى بەكەمدەپ، وڭ ەنەرگيانى تاراتۋشىلار بولۋى؛ جۇرەكتىلىكپەن جاڭالىق جاراتىپ، توعىسۋ مەن وزگەرتۋدىڭ باستاماشىلارى بولۋى؛ ەرلىكپەن ايقاسىپ، نەگىزگى اعىمداعى قۇن كوزقاراسىنىڭ قورعاۋشىلارى بولۋى؛ قايراتتانا ىسكەرلىك كورسەتىپ، جاڭا تەحنيكانىڭ جەتەكشىلەرى بولۋى؛ مىندەت پەن جاۋاپكەرشىلىك ارقالاۋعا باتىل بولىپ، پاك كەڭىستىكتىڭ قورعاۋشىلارى بولۋى كەرەك. الەۋمەتتىك اڭىستى جەتەلەۋ، يدەيالىق جاقتا جول باستاۋ، مادەنيەتكە مۇراگەرلىك ەتۋ، حالىققا قىزمەت وتەۋ بارىسىندا، ينفورماتسيا تاراتۋدىڭ بيىك تۇرعىسىن يەلەۋگە قۇلشىنىپ، ينتەرنەت سىندى «ەڭ ۇلكەن اينىمالى شامانى» كاسىپتى دامىتۋداعى «ەڭ ۇلكەن وسىمشەگە» اينالدىرۋعا بىرلىكتە كۇش سالۋى كەرەك.
تيانجين قالالىق پارتكوم شۋجيىنىڭ ورىنباسارى، قالا باستىعى جاڭ گوچيڭ اشىلۋ سالتىندا ءسوز سويلەدى. ورتالىق كوميتەت ينتەرنەت ينفورماتسيالارى كەڭسەسى مەڭگەرۋشىسىنىڭ ورىنباسارى، مەملەكەتتىك ينتەرنەت ينفورماتسيالارى كەڭسەسى مەڭگەرۋشىسىنىڭ ورىنباسارى ياڭ شياۋۋەي بەيجيڭ – تيانجين – حىبەي سايكەستى دامىعان بەس جىل جونىندەگى ينتەرنەتتىك تاقىرىپتىق قيمىلعا قاتىناسقان اقپارات قۇرالدارىنىڭ تىلشىك ىستەۋ ۇيىرمەسىنە تۋ ۇسىندى. تىڭشۇن سەرىكتەستىگى القالار كەڭەسىنىڭ ءتوراعاسى ءارى باس اتقارۋشىسى ما حۋاتىڭ، ۋاڭ ي سەرىكتەستىگىنىڭ قۇرۋشىسى ءارى باس اتقارۋشىسى گۋان ديڭلەي، جۇڭگو ينجەنەريا اكادەمياسىنىڭ اكادەميگى ليۋ يۇنجيە تاقىرىپتىق لەكسيا سويلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
