شياڭگاڭ ساقشى جاعى ۇشقارى ەرەۋىلشىلەردەن تاعى 149 ادامدى تۇتقىندادى
2019.08.13 13:25 كەلۋ قاينارى : حالىق تورابى
حالىق گازەتى، 8 – ايدىڭ 12 – كۇنى، شياڭگاڭ (ءتىلشى: چىن ران) شياڭگاڭ ساقشى جاعىنىڭ 8 – ايدىڭ 12 – كۇنى ايتۋىنشا، وتكەن بىرنەشە كۇن ىشىندە ۇشقارىلاردىڭ ەرەۋىلى بارىسىندا تاعى 149 ادام تۇتقىندالعان، ولار زاڭسىز جينالۋ، ساقشىعا شابۋىلداۋ، شابۋىلداۋ سيپاتىندىق قارۋ جاسىرۋ قاتارلى قىلمىس كۇمانىن وتكىزگەن.
شياڭگاڭ ەرەكشە اكىمشىلىك رايونى ساقشى ىستەرى باسقارماسى باستىعىنىڭ ورىنباسارى دىڭ بيڭچياڭنىڭ 8 – ايدىڭ 12 – كۇنى تىلشىلەردى قابىلداۋ جيىنىندا ايتۋىنشا، جۋىردان بەرى تۋىلعان ەرەۋىل ارەكەتتەرى بارىسىندا، ۇشقارى ەرەۋىلشىلەر ويىنا كەلگەنىن ىستەپ، زورلىقتى كۇش دەڭگەيىن ۇزدىكسىز جوعارىلاتقان ءارى زورلىقتى كۇش ارەكەتىن بۇكىل شياڭگاڭ كولەمىنە كەڭەيتىپ، قالىڭ قالا تۇرعىندارىنىڭ تۇرمىسىنا اۋىر كەدەرگىلىك جاساپ، قالا تۇرعىندارىنىڭ باس اماندىعىنا قاتەر توندىرگەن.
8 – ايدىڭ 9 – كۇنىنەن 12 – كۇنىنە دەيىن، ساقشى جاق 149 ادامدى تۇتقىنداعان، تۇتقىندالعانداردىڭ 111ى ەر، 38ى ايەل، 15 جاستان 53 جاسقا دەيىنگى ارالىقتاعىلار بولىپ، ولار زاڭسىز جيىلۋ، ساقشىعا شابۋىلداۋ، ساقشىلاردىڭ مىندەت وتەۋىنە كەدەرگىلىك جاساۋ، شابۋىلداۋ سيپاتىندىق قارۋ جاسىرۋ، حاۋىپتى زاتتاردى جاسىرۋ قاتارلى قىلمىس كۇماندارىن وتكىزگەن.
ديڭ بيڭچياڭ مىنانى ءبىلدىردى: 8 – ايدىڭ 11 – كۇنى شىنشۇيبۋ مەن تۇڭلوۋاندا ەرەۋىلشىلەر ساقشى جاقتىڭ قارسى تۇرۋىنا قاراماستان، رۇقساتسىز جيىلىس پەن ەرەۋىل وتكىزدى، سوڭىنان ءىشىنارا ەرەۋىلشىلەر بۇكىل شياڭگاڭنىڭ ءارقايسى رايوندارىنا ءبولىنىپ، نەگىزگى جولداردى بوگەپ، ساقشى باسقارماسىن قورشاۋعا الىپ، ساقشى ماشيناسىن ءبۇلدىردى. جيانشازۇيدە ءبىر بۇلىكشى ساقشى باسقارماسىنا بەنزين وق اتىپ، ءبىر ساقشىنىڭ ەكى اياعى كۇيىپ جارالاندى.
مۇنان سىرت، ساقشى جاق ەرەۋىلشىلەردىڭ ىشىندە ءبىر توپ ادامنىڭ ۇشقارى زورلىقتى كۇش ارەكەتىن ىستەگەنىن بايقاعان، سوندىقتان اقپارعا نەگىزدەلە وتىرىپ، سودىرلاردىڭ ۇيىقتى مۇشەلەرىنە قىلمىستىق ىستەر بويىنشا جان – جاقتى تەكسەرۋ جۇرگىزگەن. تۇڭلوۋاندا ساقشى جاق سودىرلاردىڭ ۇيىتقى مۇشەلەرىنەن 15 ادامدى تۇتقىنداعان.
دىڭ بيڭچياڭ مىنانى باسا دارىپتەدى: بىرەۋ زاڭعا قايشىلىق جاسايدى ەكەن، ساقشى، ءسوزسىز، زاڭدى اتقارۋى كەرەك، ول ەرەۋىلشىلەردى زورلىقتى كۇش ارەكەتى ارقىلى شياڭگاڭ قوعامىنىڭ ءتارتىبىن بۇلدىرمەۋگە ۇندەدى ءارى قوعامنىڭ تەز ارادا قالپىنا كەلىپ، تىنىشتالۋىن ءۇمىت ەتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
