شەكارادان كىرگەن جولاۋشىلارعا تۇگەل نۋكلەين قىشقىلىمەن تەكسەرۋ ءتاسىلى اتقارىلادى
ناۋقاسىن جاسىرعاندار «قارا تىزىمدىككە» ەنگىزىلەدى
2020.04.07 14:08 كەلۋ قاينارى : حالىق تورابى
حالىق گازەتى، 4 – ايدىڭ 6 – كۇنى، بەيجيڭ (ءتىلشى چيۋ چاۋ – ي، شيۇڭ جيان) مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمى 4 – ايدىڭ 6 – كۇنى اقپار جاريالاۋ جيىنىن اشىپ، زاڭ بويىنشا ىندەتتىڭ شەتەلدەن ەنۋىنەن ساقتانۋ – تىزگىندەۋ جونىندەگى جاڭا جاعدايلاردى تانىستىردى.
جۋىردا، كەدەن باس مەكەمەسى قاتارلى بەس ورىن «مەملەكەت شەكاراسىنداعى دەنساۋلىق ساقتاۋ جانە تەكسەرۋ – كارانتيندەۋ قىزمەتىن اناعۇرلىم كۇشەيتىپ، مەملەكەت شەكاراسىنداعى دەنساۋلىق ساقتاۋ جانە تەكسەرۋ – كارانتيندەۋگە زيان جەتكىزگەن زاڭعا قايشى قىلمىستىق ىستەرگە زاڭ بويىنشا سوققى بەرۋ جونىندەگى پىكىردى» باسىپ تاراتتى، كەدەن باس مەكەمەسى دەنساۋلىق ساقتاۋ جانە تەكسەرۋ – كارانتيندەۋ مەڭگەرمەسى باستىعىنىڭ ورىنباسارى سۇڭ يۋەچياننىڭ ايتۋىنشا، شەكارادان كىرگەندەردىڭ كوبى بەلگىلەمەگە بويسۇنىپ، دەنساۋلىق احۋالىن شىنايى جازادى، الايدا، ءالى دە از سانداعى ادامدار دەنساۋلىق جاعدايى كارتۋچكاسىن تولتىرعان كەزدە، ناۋقاس جاعدايىن، ناۋقاس بەلگىلەرىن جاسىرىپ، كەدەننەن الدامكوستىكپەن ءوتىپ كەتۋدى ويلايدى. قاتىستى زاڭ – تۇزىمدەرگە قايشى ارەكەتتەرگە، كەدەن مەكەمەسى زاڭ بويىنشا ەسكەرتۋ بەرەدى نەمەسە اكىمشىلىك جاقتان ەڭ كوپ بولعاندا 30 مىڭ يۋانعا دەيىن اقشالاي ايىپ سالادى، ماسەلەسى اۋىر بولعانداردى ءادىليا ورگاندارىنا تاپسىرىپ بەرىپ، قىلمىستىق ىستەر جاۋاپكەرشىلىگى قۋزاستىرىلادى. سونىمەن بىرگە، كەدەن تاعى سەنىمدىلىگىن جويعاندارعا سوققى بەرۋ تەبىنىن ارتتىرادى، مىسالى، جازالانعان ادامداردى سەنىمدىلىگىن جويعان جولاۋشىلاردىڭ «قارا تىزىمدىگىنە» قوسادى.
الداعى باسقىشتا، كەدەن مەكەمەسى شەكارادان كىرگەندەردىڭ دەنساۋلىعىن تەكسەرۋ مەن كارانتيندەۋدى جاپپاي كۇشەيتەدى. 4 – ايدىڭ 1 – كۇنىنەن باستاپ، كەدەن مەن جەرگىلىكتى ۇكىمەت تىعىز سەلبەسىپ، اۋە جولى، سۋ جولى جانە قۇرلىق جولى وتكەلدەرى ارقىلى شەكارادان كىرەتىن بارلىق جولاۋشىلارعا نۋكلەين قىشقىلىمەن ۇلگى الىپ تەكسەرۋ جۇرگىزەدى ءارى بارلىق ادامنىڭ ينفورماتسياسىن تۇگەل كەدەن مەكەمەسى تۇرعان جەردەگى بىرلەسكەن ساقتانۋ – تىزگىندەۋ مەحانيزمىنە جىبەرىپ، مەديتسينالىق ەمدەۋ مەن ءبىرتۇتاس شوعىرلى اۋاشالاۋ شارالارىن تۇرگە ءبولىپ اتقارادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
