بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى>>ەل ءىشى حابارلارى

9 ـ ايدان باستاپ مىناداي 8 ءتۇرلى ءدارى ـ دارمەك نەگىزدىك ەمدەۋ قامسىزداندىرۋىنا ەنگىزىلمەيدى

2020.08.07 16:48     كەلۋ قاينارى : حالىق تورابى

  شينحۋا اگەنتتىگى، 8 - ايدىڭ 4 - كۇنى، بەيجيڭ (ءتىلشى چۇي تيڭ). مەملەكەتتىك ەمدەۋ قامسىزداندىرۋ مەكەمەسى بىرنەشە كۇننىڭ الدىندا «نەگىزدىك ەمدەۋ قامسىزداندىرۋىندا دارىدەن پايدالانۋدى باسقارۋ ۋاقىتتىق ءادىسىن» جاريالادى، وندا بىلاي دەپ ايقىن بەلگىلەندى: نەگىزىنەن قۋاتتاندىرۋ رولىن اتقاراتىن ءدارى - دارمەك، دەنساۋلىق ساقتاۋ ءدارى - دارمەگى قاتارلى 8 ءتۇرلى ءدارى - دارمەك بۇدان بىلاي «نەگىزگى ەمدەلۋدى قامسىزداندىرۋ ءدارى - دارمەك تىزىمدىگىنە» ەنگىزىلمەيدى. بۇل ءادىس 2020 - جىلى 9 - ايدىڭ 1 - كۇنىنەن باستاپ اتقارىلادى.

  ۋاقىتتىق ادىستە ايقىن بەلگىلەنگەن 8 ءتۇرلى ءدارى - دارمەك مىنالار: نەگىزىنەن قۋاتتاندىرۋ رولىن اتقاراتىن ءدارى - دارمەك؛ قۇرامىندا مەملەكەتتىڭ باعالى، تۇقىمى قۇرىپ - جوعالۋعا اينالعان جابايى حايۋاناتتارى مەن وسىمدىكتەرىنىڭ ءدارى ماتەريالدارى بار دارىلەر؛ دەنساۋلىق ساقتاۋ ءدارى - دارمەگى؛ ساقتىق ۆاكسيناسى جانە جۇكتىلىكتەن ساقتانۋ ءدارى - دارمەگى؛ نەگىزىنەن جىنىستىق قۋاتتى كۇشەيتۋ، شاش ءتۇسۋدى ەمدەۋ، ارىقتاتۋ، اجارلاندىرۋ، تەمەكى قويدىرۋ، اراق قويدىرۋ سياقتى رولدارى بار ءدارى - دارمەك؛ ەمدەۋ نىسانىنا ەنگىزىلگەندىكتەن، دەربەس اقى الۋ مۇمكىن بولماعان ءدارى - دارمەك؛ اراقتان، شايدان جاسالعان دارىلەر، ءتۇرلى جەمىس ءدامدى دارىلەر (ەرەكشە جاعدايدا بالالارعا ىستەتىلەتىن ءدارى - دارمەكتەن تىس)، سورما دارىلەر مەن اۋىزعا جاپسىرىلاتىن دارىلەر (ەرەكشە ولشەم، فورمادا جاسالعاندارىنان تىس)؛ نەگىزگى ەمدەلۋدى قامسىزداندىرۋدا دارىدەن پايدالانۋ جونىندەگى بەلگىلەمەلەرگە ۇيلەسپەيتىن باسقا دا دارىلەر.مەملەكەتتىك ەمدەۋ قامسىزداندىرۋ مەكەمەسىنىڭ «1 ـ ءنومىرلى بۇيرىعى» رەتىندە جاريالانعان «نەگىزدىك ەمدەۋ قامسىزداندىرۋىندا دارىدەن پايدالانۋدى باسقارۋ ۋاقىتتىق ءادىسى» بولاشاقتاعى ەمدەۋ قامسىزداندىرۋ تىزىمدىگىن رەتتەۋدىڭ «قاعيداسى» دەپ قارالادى. ۋاقىتتىق ادىسكە ساي مەملەكەتتىك كەڭەستىڭ ەمدەلۋدى قامسىزداندىرۋ اكىمشىلىك تاراۋى جاعدايعا قاراي رەتتەۋ مەحانيزمىن ورناتىپ جانە كەمەلدەندىرىپ، پرينسيپتىك جاقتان جىلىنا ءبىر رەت رەتتەپ وتىرادى.

  ۋاقىتتىق ادىستە بىلاي دەپ انىق بەلگىلەندى: «نەگىزدىك ەمدەلۋدى قامسىزداندىرۋ ءدارى - دارمەك تىزىمدىگىندەگى» ءدارى - دارمەكتە مىناداي جاعدايلاردىڭ بىرەۋى بايقالسا، ماماندار تەكسەرىپ باعالاعاننان كەيىن، تىزىمدىكتەن تىكەلەي شىعارىپ تاستالادى: ءدارى - دارمەك باقىلاۋ - باسقارۋ تاراۋى ءدارى - دارمەكتى بەكىتۋ كۋالىك قۇجاتىن كۇشىنەن قالدىرعان بولسا؛ قاتىستى تاراۋلار جاعىنان شەكتەلگەن سالالار تىزىمدىگىنە ەنگىزىلگەن بولسا؛ كلينيكالىق قۇنى، كەرى اسەرى، ءدارىنىڭ ەكونوميكالىق سيپاتى سياقتى فاكتورلاردى جان - جاقتىلى ويلاستىرىپ، باعالاۋ ارقىلى حاۋىپ - قاتەرى پايداسىنان جوعارى ەكەن دەپ قارالسا؛ كوز بوياۋشىلىق ىستەۋ سياقتى بەلگىلەمەگە قايشى تاسىلدەرمەن تىزىمدىككە كىرگەن بولسا؛ مەملەكەت بەلگىلەگەن تىزىمدىكتەن تىكەلەي شىعارىپ تاستاۋعا ءتيىستى باسقا دا جايتتەر بولسا.

  مەملەكەتتىك ەمدەۋ قامسىزداندىرۋ مەكەمەسىنىڭ قاتىستى جاۋاپتىسى بىلاي دەدى: وسى ۋاقىتتىق ءادىس نەگىزىنەن قامسىزداندىرۋعا قاتىناسقانداردىڭ نەگىزدىك دارىدەن پايدالانۋ قاجەتىن قامتاماسىزداندىرۋ، نەگىزدىك ەمدەۋ قامسىزداندىرۋىنداعى دارىدەن پايدالانۋدى عىلميلاندىرىپ، اشالاپ باسقارۋ ورەسىن جوعارىلاتۋ، نەگىزگى ەمدەلۋدى قامسىزداندىرۋ قورىنىڭ پايدالانىلۋ ونىمدىلىگى جوعارىلاتۋ ءۇشىن جاسالعان.

  كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار