ەلىمىزدىڭ ينتەرنەتتىك دىبىس - كەسكىن تۇتىنۋشىلارى 900 ميلليوننان استى
2020.10.13 16:05 كەلۋ قاينارى : حالىق تورابى
«حالىق گازەتى»، 10 - ايدىڭ 12 - كۇنى، چىڭدۋ (ءتىلشى ليۋ ياڭ). جۇڭگو ينتەرنەتتىك كورۋ - تىڭداۋ باعدارلامالارى بويىنشا قىزمەت وتەۋ قوعامى 10 - ايدىڭ 12 - كۇنى چىڭدۋدا «2020 – جىلعى جۇڭگو ينتەرنەتتىك كورۋ – تىڭداۋ ىستەرىنىڭ دامۋى جونىندەگى زەرتتەۋ بايانداماسىن» جاريالادى. «باياندامادا» كورسەتىلۋىنشە، 2020 - جىلى 6 - ايعا دەيىن ەلىمىزدەگى ينتەرنەتتىك دىبىس - كەسكىن تۇتىنۋشىلارى 901 ميلليونعا جەتكەن، 2019 - جىلعى ينتەرنەتتىك دىبىس - كەسكىن كاسىبىنىڭ كولەمى 454 ميلليارد 130 ميلليون يۋانعا جەتكەن.
ءارقايسى جىكتەلگەن سالادا قىسقا كەسكىندى پايدالانۋشىلاردىڭ پايدالانۋ شاماسى ەڭ جوعارى بولىپ، %87.0 كە جەتكەن، پايدالانۋشىلاردىڭ سانى 818 ميلليون بولعان؛ امبەباپ كەسكىندى پايدالانۋشىلاردىڭ پايدالانۋ شاماسى %77.1 كە جەتكەن، پايدالانۋشىلاردىڭ سانى 724 ميلليون بولعان. بۇدان سىرت، ينتەرنەتتەگى دىبىس - كەسكىن قولدانىسى جاڭا توردوستاردى باۋرايتىن نەگىزگى كۇشكە اينالعان. 2020 - جىلى 3 – ايدان 6 - ايعا دەيىن جاڭادان قوسىلعان 36 ميلليون 250 مىڭ توراپكەردىڭ ىشىندە %23.9 ى ينتەرنەتتىك كورۋ، تىڭداۋ قولدانىسىن پايدالانۋ بارىسىندا ينتەرنەتپەن توعىسقان.
«باياندامادا» كورسەتىلۋىنشە، قىسقا كەسكىن قولدانىسىنداعى كىسى باسىنا ورتا ەسەپپەن تۋرا كەلەتىن ءبىر كۇندەگى پايدالانۋ ۋاقىتى كورنەكتى ارتقان. 2018 - جىلدىڭ سوڭعى جارىمىندا قىسقا كەسكىن قولدانىسىنداعى كىسى باسىنا ورتا ەسەپپەن تۋرا كەلەتىن ءبىر كۇندەگى پايدالانۋ ۋاقىتى امبەباپ كەسكىن قولدانىسىنان اسىپ، ينتەرنەتتىك دىبىس - كەسكىن سالاسىنداعى ماڭداي الدى ورىنعا وتكەن؛ 2020 - جىلى 6 - ايعا دەيىن قىسقا كەسكىن قولدانىسىنداعى كىسى باسىنا ورتا ەسەپپەن تۋرا كەلەتىن ءبىر كۇندەگى پايدالانۋ ۋاقىتى 110 مينۋت بولىپ، كۇندەلىكتى حابارلاسۋ كاسىبىنەن اسىپ كەتكەن. ينتەرنەتتەگى دىبىس - كەسكىن كاسىبىندە قىسقا كەسكىننىڭ بازار كولەمى ەڭ جوعارى بولىپ، 130 ميلليارد 240 ميلليون يۋانعا جەتىپ، سايكەس مەزگىلدەگىدەن %178.8 ارتقان. قىسقا كەسكىن ەلەكتروندى ساۋدا، تىكە تاراتۋ، وقۋ - اعارتۋ سياقتى كوپ نەگىزدى سالالارعا ۇزدىكسىز ءسىڭىپ، ىقپال كۇشى ۇزدىكسىز تەرەڭدەپ، ينتەرنەتتەگى دىبىس - كەسكىن كاسىپ جۇيەسىنىڭ وزگەرىسىن ىلگەرىلەتۋدە.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
