9 ميلليون 750 مىڭ وقۋشى جوعارى مەكتەپ ەمتيحانىنا قاتىناسادى، بيىلعى جوعارى مەكتەپ ەمتيحانى ساياساتىندا قانداي جاڭا ەرەكشەلىكتەر بار؟
2018.06.04 14:07 كەلۋ قاينارى : حالىق تورابى
جوعارى مەكتەپ ەمتيحانى تاياۋدا باستالادى. 2018 – جىلى تۇتاس مەملەكەت بويىنشا جوعارى مەكتەپ ەمتيحانىنا تىزىمدەلگەن وقۋشى 9 ميلليون 750 مىڭعا جەتكەن، بۇل 2017 – جىلعىدان 350 مىڭ ادام ارتىپ، سوڭعى 8 جىلدان بەرگى جوعارى مەكتەپ ەمتيحانىنا قاتىناساتىن وقۋشى سانى ەڭ كوپ ءبىر جىل بولعان. بيىلعى جوعارى مەكتەپ ەمتيحانى ساياساتىندا قانداي جاڭا ەرەكشەلىكتەر بار؟ جوعارى مەكتەپتەر جۇرت كوڭىلىن اۋداراتىن قانداي جاڭا كاسىپتەردى كوبەيتتى؟
■ جوعارى مەكتەپ ەمتيحانىنىڭ ادىلدىگى كورنەكتىلەنەدى
«ءتۇرلى ۇيلەسىمسىز <ءنومىر قوسىپ بەرۋ> تۇرلەرى كۇشىنەن قالدىرىلادى، اۋىل – قىستاقتارداعى ۇزدىك وقۋشىلار جونىنەن العاندا، جوعارى مەكتەپكە قابىلدانۋ ورايى كوبىرەك بولادى، جوعارى مەكتەپ ەمتيحانىنىڭ ادىلدىگى كورنەكتىلەنەدى»- دەدى حۇاجۇڭ پەداگوگيكالىق ۋنيۆەرسيتەتى وقۋ – اعارتۋ ينيستيتۋتىنىڭ پروفەسسورى فان شيانزۋ.
سوڭعى جىلداردان بەرى، جوعارى مەكتەپ ەمتيحانىنا ءنومىر قوسۋ قوعام نازارىن اۋدارعان قوزدامالى ءتۇيىن بولاتىن. بيىلعى جوعارى مەكتەپ ەمتيحانىندا، ءنومىر قوسىپ بەرۋ نىسانى اناعۇرلىم كەمەيتىلەدى جانە ارناعا تۇسىرىلەدى.
بيىل ناۋرىزدا وقۋ – اعارتۋ مينيسترلىگى 2018 – جىلعى ادەتتەگى جوعارى مەكتەپتەرگە وقۋشى قابىلداۋ قىزمەتىنە ورنالاستىرۋ جاساعاندا: وقۋشىلاردىڭ دەنە تاربيە ارتىقشىلىعى، ورتا مەكتەپ وقۋشىلارىنىڭ عىلىمدىق وليمپيا زەيىن سىناۋ جارىسى، عىلىم – تەحنيكا تۇرىندەگى جارىس، ولكە دارەجەلى ۇزدىك وقۋشى، يدەيا – ساياسي - مۇرال جاعىندا كورنەكتى ىزگى ىستەرى سىندى ەرەكشەلىكتەرىنە جوعارى مەكتەپ ەمتيحانى نومىرىنە مەملەكەت سيپاتتى ءنومىر قوسىپ بەرۋدى بۇكىلدەي كۇشىنەن قالدىرۋدى باسا دارىپتەدى.
ساۋىردە بەيجيڭ قالاسى جوعارى مەكتەپ ەمتيحانىنا ءنومىر قوساتىن 5 نىساندى كۇشىنەن قالدىردى، بۇل: ولكە دارەجەلى ۇزدىك وقۋشى، جوعارى مەكتەپكە ەمتيحان بەرەتىن، مەملەكەتتىك 2 – دارەجەلىدەن جوعارى سپورتشى اتاعىن ەنشىلەگەن وقۋشىلار، ورتا مەكتەپ وقۋشىلارىنىڭ عىلىمدىق وليمپيا جارىسىنا قاتىناسىپ مەملەكەتتىك شەشۋشى جارىستا 1 -، 2 -، 3 – دارەجەلى سيلىق ەنشىلەگەندەردى قامتيدى. مامىردا گانسۋ ولكەسى بارلىق شابىتتاندىرۋ تۇرىندەگى ءنومىر قوسىپ بەرۋدى كۇشىنەن قالدىردى. بۇل: سپورت ەرەكشەلىگى، وليمپيادالىق جارىس، عىلىم – تەحنيكالىق جاسامپازدىق جارىستارى، ولكە دارەجەلى ۇزدىك وقۋشى، اسەمونەر ەرەكشەلىگى سياقتىلارعا ساياتىن ءنومىر قوسىپ بەرۋدى قامتيدى.
■ جوعارى مەكتەپتەردە جاڭادان ارتتىرىلعان كاسىپتەر
جوعارى مەكتەپ ەمتيحانىنىڭ تاياۋىنا وراي، تۇتاس مەملەكەتتەگى ءارقايسى جوعارى مەكتەپتەردىڭ جوعارى مەكتەپتەرگە وقۋشى قابىلداۋ ساياساتى دا ارت – ارتىنان جاريالاندى. كوپ ساندى جوعارى مەكتەپتەر ءوز ەرەكشەلىكتەرىمەن مەملەكەتتىڭ دامۋ سۇرانىسىن بىرلەستىرىپ، كوپتەگەن جاڭا كاسىپ، جاڭا نىسانداردى اشتى.
تيانجين ۋنيۆەرسيتەتى يقۋاتتى مەديتسينا ينجەنەرياسى، كورىنىستىك باۋ – باقشا، تەڭىز – مۇحيت عىلىمى سىندى 3 تولىق كۋرس كاسىبىن جاڭادان كوبەيتتى. بۇندا يقۋاتتى مەديتسينا ينجەنەرياسى تۇتاس مەملەكەت بويىنشا تۇڭعىش يقۋاتتى مەديتسينا تۇرىندەگى تولىق كۋرس كاسىبى بولىپ، «سالامات جۇڭگو 2030» مەملەكەتتىك ستراتەگياسىنا باعىتتالعان، قوسىمشا دارىگەرلىك نەگىزدىك ءبىلىمى مەن ينجەنەريالىق امالياتتىق قۋاتى بار جوعارى ساپالى دارىندىلاردى ءتۇيىندى تاربيەلەيدى.
بەيجيڭ ونەركاسىپ ۋنيۆەرسيتەتى نانومەتر ماتەريالى جانە تەحنيكاسى، قۇلتەمىر ينجەنەرياسى سىندى ەكى كاسىپتى جاڭادان كوبەيتتى. «جاڭا قوسىلعان بۇل ەكى كاسىپ ونەركاسىپتىك كاسىپتەر ءارى قازىرگى قوعامدىق ەكونوميكالىق شۇعىل سۇرانىسقا كەرەكتى كاسىپتەر» - دەدى وسى مەكتەپتىڭ وقۋشى قابىلداۋ كەڭسەسىنىڭ مەڭگەرۋشىسى ۋاڭ دان.
جۇڭگونىڭ سىرتقا ەسىك اشۋ سالماعىنىڭ ءۇرتىس كەڭەيۋىنە وراي، جوعارى مەكتەپتەر شاعىن ءتىل تۇرىندەگى كاسىپتەردى دە بەلسەنە كوبەيتتى. بەيجيڭ شەتەل تىلدەرى ۋنيۆەرسيتەتى 14 شەتەل ءتىلى كاسىبىن تەكسەرىپ – بەكىتىپ جاڭادان ارتتىردى. بۇل كاسىپتەر ىلگەرى جوق فيجي ءتىلى، ليۋكسەمبۇرگ ءتىلى جانە سانگو ءتىلى سىندى شاعىن ءتىل تۇرىندەگى كاسىپتەردى قامتيدى.
■ حاۋىپسىز جوعارى مەكتەپ ەمتيحانى مايدانى جۇزەگە اسىرىلادى
جوعارى مەكتەپ ەمتيحانى ميلليونداعان وقۋشىنىڭ بولاشاعىنا بايلانىستى بولىپ، حاۋىپسىزدىكتى كەپىلدەندىرۋ قىزمەتى وتە ماڭىزدى. سوڭعى كۇندەردەن بەرى جەر – جەر جوعارى مەكتەپ ەمتيحانىنىڭ حاۋىپسىزدىگىن كەپىلدەندىرەتىن ءتۇرلى شارالاردى بەلسەنە شىعارىپ، «حاۋىپسىز جوعارى مەكتەپ ەمتيحانىن» بار كۇشىمەن جۇزەگە اسىرۋعا قۇلشىنۋدا.
بەيجيڭ قالاسى ەمتيحان قاعازىن باسىپ شىعۋدان باستاپ، تاسىمالداۋ، ساقتاۋ، ەمتيحان الۋ گرۋپپاسى، ەمتيحان قاعازىن تەكسەرۋ سىندى جالپى بارىستى «تاۋلىك بويىنا باقىلاۋ جۇرگىزۋگە» الىپ، جالپى بارىستى قاداعالاپ وتىرۋدى جۇزەگە اسىرماق. ەمتيحان قاعازى قۇپيالىعىن ساقتاۋ كەڭسەسىنىڭ بەينە - كەسكىنى 6 ساعاتتا قايتا قويۋ قۋاتىنا يە، كەسكىندى وقۋ – اعارتۋ ءتارتىپ تەكسەرۋ تاراۋلارى قايتالاي كورۋگە جاۋاپتى بولىپ، جوعارى مەكتەپ ەمتيحانى سۇراۋلارىنىڭ قۇپيالىعىن كەپىلدەندىرەدى.
حۋنان ولكەسىنىڭ ۋحان قالاسىندا، جوعارى مەكتەپ ەمتيحان مايدانى يقۋاتتى كۇشكە يە اۆتوماتتى وزگەرەتىن ەلەكترو ماگنيتتى مەكتەپ ساعاتىنا بۇكىلدەي اۋىستىرىلدى. تۇتاس قالاداعى ءارقايسى ەمتيحان مايدانى ىشىنە مەتال تەكسەرۋ اسپابى، قول تەلەفون دالدالاۋ اسپابىن سەپتەپ، ەمتيحان بەرەتىن وقۋشىنى مايدانعا كىرگەن سوڭ حاۋىپسىزدىك تەكسەرۋىنەن وتكىزەتىن بولدى. ۇقساس ءبىر مايدانداعى ەكى اسسەنت ەمتيحان قاعازىن جيناپ العان سوڭ، ءسوزسىز، كامەرا ورناتىلعان ارناۋلى جولمەن جۇرەدى.
ەمتيحان حاۋىپسىزدىگىنە ساياتىن ماسەلەلەرگە قاتاڭ سوققى بەرۋمەن بىرگە، كەيبىر مەكەمەلەر سايكەستى ىستىق ىقىلاستى ەسكەرتۋلەردى دە شىعاردى. شاندۇڭ ولكەلىك ازىق – تۇلىك، ءدارى – دارمەك باقىلاپ – باسقارۋ مەكەمەسى تاياۋدا جوعارى مەكتەپ ەمتيحانى كەزىندەگى ازىق – تۇلىكتى حاۋىپسىز تۇتىنۋ ەسكەرتۋىن جاريالادى، بۇندا ەمتيحان بەرەتىن وقۋشىنىڭ امال بار مەكتەپ اسحاناسىنان تاماقتانۋىن، ۇيلەرىنەن تاماقتانۋدا ساتىپ العان كوگونىس، ازىق – تۇلىكتەردىڭ ساپا ولشەمىنە تولۋىن ەسكەرتتى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
