بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ارناۋلى تاقىرىپ>>2015 - جىلعى ەكى ءماجىلىس>>جاڭالىقتار

مەملەكەتتىك 12 - كەزەكتى حالىق قۇرىلتايىنىڭ 3 - ءماجىلىسى بەيجيڭدە اشىلدى

شي جينپيڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي ءتوراعالار مىنبەسىنەن ورىن الدى، لي كىچياڭ مەملەكەتتىك كەڭەس اتىنان ۇكىمەت قىزمەتىنەن بايانداما جاسادى، ءماجىلىستى جاڭ دىجياڭ باسقاردى 

2015.03.06 13:41     كەلۋ قاينارى : ءتاڭىرتاۋ تورابى

مەملەكەتتىك 12 - كەزەكتى حالىق قۇرىلتايىنىڭ 3 - ءماجىلىسى 5 - ناۋرىزدا بەيجيڭدەگى حالىق سارايىندا اشىلدى. پارتيا مەن مەملەكەت باسشىلارىنان شي جينپيڭ، لي كىچياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي قاتارلىلار ماجىلىسكە قاتىناستى

  شينحۋا اگەنتتىگىنىڭ 5 - ناۋرىزدا بەيجيڭنەن بەرگەن حابارى. مەملەكەتتىك 12 - كەزەكتى حالىق قۇرىلتايىنىڭ 3 - ءماجىلىسى 5 - ناۋرىز كۇنى تۇستەن بۇرىن بەيجيڭدەگى حالىق سارايىندا اشىلدى. مەملەكەتتىك كەڭەستىڭ زۇڭليى لي كىچياڭ ماجىلىسكە ۇكىمەت قىزمەتىنەن بايانداما جاساعاندا بىلاي دەپ اتاپ كورسەتتى: ءداۋىر جۇڭگونى دامۋدىڭ، كوركەيۋدىڭ تاريحي ورايىنا يە ەتتى. ءبىز شي جينپيڭ جولداس باس شۋجي بولعان پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، زەيىن - زەردەنى، كۇش - قۋاتتى شوعىرلاندىرىپ، ءورىس اشا العا ۇمتىلىپ، بيىلعى ەكونوميكالىق، قوعامدىق دامۋدىڭ نىسانالى مىندەتتەرىن قۇلشىنا ورىنداپ، «قوس 100 جىلدىق» كۇرەس نىساناسىن ىسكە اسىرۋعا، قۇدىرەتتى، دەموكراتيالى، وركەنيەتتى، جاراسىمدى سوتسياليستىك وسىزاماندانعان ەل قۇرۋعا، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن ىسكە اسىرۋعا ءتىپتى زور تىڭ ۇلەستەر قوسۋىمىز كەرەك. كوكتەم لەبى تىرشىلىكتى جاڭاشا تىنىسقا بولەدى. حالىقتىڭ كەلەلى تاپسىرماسىن ارقالاعان مەملەكەتتىك حالىق قۇرىلتايىنىڭ 3000عا تارتا ۋاكىلى ماجىلىسكە قاتىناسىپ، نەگىزگى زاڭ مەن زاڭداردا بەرىلگەن قاسيەتتى قىزمەت جاۋاپكەرلىكتەرىن ارقالاپ، سالتاناتتى ماجىلىسكە قاتىناستى.

  حالىق سارايىنىڭ 10 مىڭ ادامدىق ۇلكەن زالى جالىندى بەينەگە شومدى. ءتوراعالار مىنبەسىنىڭ تورىنە مەملەكەت گەربى ءىلىندى.

  ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى جاڭ دىجياڭ ءماجىلىستى باسقاردى.

  ءماجىلىس ءتورعالار القاسىنىڭ تۇراقتى ءتوراعالارى، اتقارۋشى ءتوراعالارى لي جيانگو، ۋاڭ شىڭجۇن، چىن چاڭجى، يان جۇنچي، ۋاڭ چىن، شىن يۋەيۋە، جي بيڭشۋان، جاڭ پيڭ، شياڭباپيڭسو، ەركىن يمىرباقى، ۋان ى - شياڭ، جاڭ باۋۋىن، چىن جۋ ءتوراعالار مىنبەسىندەگى اتقارۋشى ءتوراعالار ورنىنا وتىردى. شي جينپيڭ، لي كىچياڭ، يۇي جىڭشىڭ، ليۋ يۇنشان، ۋاڭ چيشان، جاڭ گاۋلي جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.

  مەملەكەتتىك 12 - كەزەكتى حالىق قۇرىلتايىنىڭ 3 - ماجىلىسىنە قاتىناسۋعا ءتيىستى ۋاكىل 2964. بۇگىنگى ماجىلىسكە 2907 ۋاكىل قاتىناستى، 57 ۋاكىل قاتىناسا المادى، قاتىناسقاندار سانى زاڭدا بەلگىلەنگەن ۋاكىل سانىنا ۇيلەسەدى. تۇستەن بۇرىن ساعات 9 دا جاڭ دىجياڭ جۇڭحۋا حالىق رەسپۋبليكاسى مەملەكەتتىك 12 - كەزەكتى حالىق قۇرىلتايى 3 - ءماجىلىسىنىڭ اشىلعانىن جاريالادى. زالداعىلار تۇگەل ورىندارىنان تۇرىپ، گيمىندى اسقاقتاتا شىرقادى.

  ءماجىلىستىڭ كەڭەستىك تارتىبىنە ساي، مەملەكەتتىك كەڭەستىڭ زۇڭليى لي كىچياڭ مەملەكەتتىك كەڭەس اتىنان ماجىلىسكە ۇكىمەت قىزمەتىنەن بايانداما جاسادى. ۇكىمەت قىزمەتىنەن بايانداما مىناداي 6 بولەككە ءبولىندى: ءبىرىنشى، 2014 - جىلعى قىزمەتتەرگە شولۋ؛ ەكىنشى، 2015 - جىلعى قىزمەت جونىندەگى ورنالاستىرۋلار؛ ءۇشىنشى، رەفورما جاساۋ، ەسىك اشۋدى تەرەڭدەتۋ؛ ءتورتىنشى، ەكونوميكانىڭ ورنىقتى ارتۋى مەن قۇرىلىمىن ساپالىلاندىرۋدى سايكەستى تۇردە ىلگەرىلەتۋ؛ بەسىنشى، حالىق تۇرمىسىن جاقسارتۋ مەن قوعامدىق قۇرىلىستى ۇزبەي ىلگەرىلەتۋ؛ التىنشى، ۇكىمەتتىڭ وزىندىك قۇرىلىسىن شىنايى جاقسارتۋ.

  لي كىچياڭ بىلاي دەدى: وتكەن ءبىر جىلدا شي جينپيڭ جولداس باس شۋجي بولعان پارتيا ورتالىق كوميتەتىنىڭ پارمەندى باسشىلىعىندا، ەلىمىزدەگى ءار ۇلت حالقى ءبىر جاعادان باس، ءبىر جەڭنەن قول شىعارىپ، قيىنشىلىقتاردان قامال الىپ، تۇتاس جىلداعى ەكونوميكالىق، قوعامدىق دامۋدىڭ باستى نىسانالى مىندەتتەرىن ورىنداپ، رەفورمانى جاپپاي تەرەڭدەتۋ جۇمىستارىن جاقسى باستاپ، مەملەكەتتى جاپپاي زاڭمەن جونگە سالۋدىڭ تىڭ جورىعىنا شەرۋ تارتىپ، پارتيانى جاپپاي قاتاڭ باسقارۋدا تىڭ جەتىستىكتەرگە قول جەتكىزىپ، جاپپاي دوڭگەلەك داۋلەتتى قوعام قۇرۋدا نىق قادام باستىق.

  لي كىچياڭ ماكرولىق رەتتەۋ وي جەلىسى مەن ءتاسىلىن ۇزبەي جاڭالاپ، وڭىرلىك رەتتەۋ نەگىزىندە باعىتتامالى رەتتەۋ جۇرگىزىپ، ەكونوميكانىڭ ورنىقتى ارتۋىن ساقتاۋ؛ رەفورما جاساۋ، ەسىك اشۋدى تەرەڭدەتىپ، ەكونوميكانىڭ، قوعامنىڭ دامۋ ومىرشەڭدىگىن جالىنداتۋ؛ قۇرىلىمدى رەتتەۋ سەرپىنىن ارتتىرىپ، دامۋ تەبىنىن كۇشەيتۋ؛ حالىق تۇرمىسىن قامتاماسىز ەتۋدى اناعۇرلىم كۇشەيتىپ، حالىقتى اناعۇرلىم باقىتقا كەنەلتۋ؛ قوعامدىق جونگە سالۋعا جاڭالىق ەنگىزۋ، جاراسىمدىلىقتى، ورنىقتىلىقتى جەبەۋ جاقتارىنداعى وتكەن ءبىر جىلداعى قىزمەتتەردى ەسكە ءتۇسىردى.

  لي كىچياڭ بىلاي دەدى: 2015 - جىلعى ەكونوميكالىق، قوعامدىق دامۋ باستى نىساناسى − ەل ءىشى ءوندىرىسىنىڭ جالپى ءونىم قۇنىن %7 مولشەرىندە ارتتىرۋ، تۇرعىنداردىڭ تۇتىنۋ باعاسىنىڭ ءوسۋ مولشەرىن %3 مولشەرىندە ۇستاۋ، قالا - قالاشىقتاردا 10 ميلليوننان استام ادامدى تىڭنان كاسىپتەندىرۋ، قالا - قالاشىقتارداعى تىزىمگە الدىرعان جۇمىسسىزدىق مولشەرىن %5.4 كولەمىندە مەڭگەرۋ، يمپورت - ەكسپورتتى %6 مولشەرىندە ارتتىرۋ، حالىقارالىق كىرىس - شىعىستى نەگىزىنەن تەڭگەرۋ، تۇرعىندار كىرىسىنىڭ ارتۋىن ەكونوميكالىق دامۋمەن بىردەي جەبەۋ. ەنەرگيانىڭ سارىپ ەتىلۋ مولشەرىنىڭ كۇشەمەلىلىگىن %1.3تەن استام تومەندەتىپ، باستى لاستاۋشى زاتتاردى ىعىستىرىپ شىعارۋدى ۇزدىكسىز ازايتۋ.

  لي كىچياڭ 2015 - جىلعى ۇكىمەت قىزمەتىن تىڭعىلىقتى جاقسى ىستەۋدە مىقتى يگەرۋگە ءتيىستى مىناداي 3 ءتۇيىندى العا قويدى: ءبىرىنشى، ماكرولىق ەكونوميكالىق ساياساتتى ورنىقتىرۋ جانە كەمەلدەندىرۋ؛ ەكىنشى، ورنىقتى ارتتىرۋ مەن قۇرىلىمدى رەتتەۋدىڭ تەڭدىگىن ساقتاۋ؛ ءۇشىنشى، ەكونوميكالىق، قوعامدىق دامۋدىڭ تىڭ قوزعاۋشى كۇشىن جەتىلدىرۋ جانە دامىتۋ.

  لي كىچياڭ بىلاي دەدى: رەفورما جاساۋ، ەسىك اشۋ − دامۋدى العا ىلگەرىلەتۋدەگى اسىلىمىز. ءسوز جوق، ەكونوميكالىق ءتۇزىلىس رەفورماسىن ءتۇيىن ەتە وتىرىپ رەفورمانى جاپپاي تەرەڭدەتۋ، ءبىر تۇتاس ورنالاستىرىپ، جاپپاي جوسپارلاپ، مىقتى يگەرىپ، ناقتى ىستەپ، جالپى جاعدايعا ساياتىن رەفورمادا تىڭ ىلگەرىلەۋشىلىككە قول جەتكىزىپ، دامۋدىڭ تىڭ قوزعاۋشى كۇشىن نىعايتۋ كەرەك. ءسوز جوق، شىت جاڭا، جوعارى دەڭگەيدە سىرتقا ەسىك اشىپ، اشىق ەكونوميكانىڭ تىڭ ءتۇزىلىسىن جەدەل ورناتىپ، ەسىك اشۋدىڭ ىرىقتىلىعى ارقىلى دامۋدىڭ ىرىقتىلىعىنا، حالىقارالىق باسەكەنىڭ ىرىقتىلىعىنا قول جەتكىزۋ كەرەك.

  لي كىچياڭ بىلاي دەدى: ورنىقتى ارتتىرۋ مەن قۇرىلىمدى رەتتەۋ ءبىر - بىرىمەن قابىسقان، بىرىنەن - ءبىرىن بولە قاراۋعا كەلمەيدى. ءبىز ەكونوميكانىڭ لايىقتى كولەمدە اينالىم جاساۋىن بار كۇشپەن ساقتاۋمەن بىرگە، ەكونوميكانىڭ دەڭگەيىن ءوسىرۋدى، جاڭارۋدى بەلسەنە جەبەپ، ۇزاق بولاشاققا نىق قادام تاستاۋىمىز ءتيىس. حالىقتىڭ باقىتتى تۇرمىسىن جەبەۋدى ماقسات ەتىپ، قوعامدىق ىستەردى جەدەل دامىتىپ، كىرىس ءبولىسى ءتۇزىمىن رەفورمالاپ، كەمەلدەندىرىپ، تۇرعىنداردىڭ كىرىسىن مۇمكىندىكتىڭ بارىنشا ارتتىرىپ، قوعامنىڭ ادىلدىگىن، ادىلەتتىلىگىن، جاراسىمدىلىعىن، العا باسۋىن جەبەۋىمىز ءتيىس. مەملەكەتتى زاڭمەن جونگە سالۋدى جاپپاي ىلگەرىلەتىپ، زاڭمەن جونگە سالاتىن، جاسامپاز، پاك، كىرشىكسىز، قىزمەت وتەۋگە قۇلىقتى ۇكىمەتتى جەدەل قۇرىپ، ۇكىمەتتىڭ اتقارۋ قابىلەتى مەن الەۋمەتتىك بەدەلىن نىعايتىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جەبەۋىمىز كەرەك.

  لي كىچياڭ، سونىمەن بىرگە ۇلت، ءدىن جانە مۇھاجىرلار قىزمەتى، مەملەكەت قورعانىسى مەن ارميا قۇرىلىسى، شياڭگاڭ، اۋمىننىڭ دامۋى جانە بۇعازدىڭ ەكى جاعالاۋى قاتىناسى، سونداي - اق ەلىمىزدىڭ سىرتقى ساياساتى جونىندە ەگجەي - تەگجەيلى بايانداۋ جاسادى.

  بايانداما جاساۋ بارىسىندا لي كىچياڭ: بۇگىن يۋانشياۋ مەرەكەسى، ۋاكىلدەر مەن مۇشەلەرگە مەرەكەلىك سالەم جولدايمىن، بۇكىل ەل حالقىنىڭ امان - ەسەن، باقىتتى كۇن كەشە بەرۋىن تىلەيمىن، - دەدى. ءماجىلىستىڭ كەڭەستىك ءتارتىبى بويىنشا، ءماجىلىس مەملەكەتتىك كەڭەستىڭ 2014 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جانە 2015 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى بايانداماسىن جانە 2015 - جىلعى جوسپار جوباسىن، مەملەكەتتىك كەڭەستىڭ 2014 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ احۋالى جانە 2015 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسى جونىندەگى بايانداماسىن جانە 2015 - جىلعى مەملەكەتتىك مەجە ەسەپ جوباسىن قارادى.

  ما كاي، ۋاڭ حۋنيڭ، ليۋ ياندۇڭ، ليۋ چيباۋ، شۇي چيلياڭ، سۇن چۇنلان، سۇن جىڭساي، لي يۋانچاۋ، ۋاڭ ياڭ، جاڭ چۇنشيان، فان چاڭلۇڭ، مىڭ جيانجۋ، جاۋ لىجي، حۋ چۇنحۋا، لي جانشۋ، گو جينلۇڭ، حان جىڭ، دۋ چيڭلين، جاۋ حۇڭجۋ، ياڭ جيڭ، چاڭ ۋانچۋان، ياڭ جيەچى، گو شىڭكۇن، ۋاڭ يۇڭ، جوۋ چياڭ، ساۋ جيانميڭ، حان چيدى، پابالاگىليەلاڭجيە، دۇڭ جيانحۋا، ۋان گاڭ، لين ۋىن - ي، لو فۋحى، حى حوۋحۋا، جاڭ چيڭلي، لي حايفىڭ، چىن يۋان، لۋ جانگۇڭ، جوۋ شياۋچۋان، ۋاڭ جيارۇي، ۋاڭ جىڭۋي، ما بياۋ، چي شۇيچۇن، چىن شياۋگۋاڭ، ما پەيحۋا، ليۋ شياۋفىڭ، ۋاڭ چينمەي، سونداي - اق ورتالىق اسكەري ىستەر كوميتەتىنىڭ مۇشەلەرى فاڭ فىڭحۇي، جاڭ ياڭ، جاۋ كىشى، جاڭ يوۋشيا، ۋ شىڭلي، ما شياۋتيان، ۋي فىڭحىلار دا ءتوراعالار مىنبەسىنەن ورىن الدى.

  شياڭگاڭ ەرەكشە اكىمشىلىك رايونىنىڭ اكىمى لياڭ جىنيىڭ مەن اۋمىن ەرەكشە اكىمشىلىك رايونىنىڭ اكىمى سۇي شى - ان ماجىلىسكە سىرتتاي قاتىناستى ءارى ءتوراعالار مىنبەسىنەن ورىن الدى. «شينجياڭ گازەتى»
مەملەكەتتىك كەڭەستىڭ زۇڭليى لي كىچياڭ ۇكىمەت قىزمەتىنەن بايانداما جاسادى

جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.