بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

حالىق تورابى>>ارناۋلى تاقىرىپ>>2015 - جىلعى ەكى ءماجىلىس>>جاڭالىقتار

شينجياڭ ۋاكىلدەر ۇيىرمەسى جالپى جيىن جانە گرۋپپالار جيىنىن اشىپ، باياندامانى قارادى

«ءبىر بەلدەۋ، ءبىر جول» ستراتەگياسىن اتقارۋدا شينجياڭنىڭ رولى زور، جالپى جيىن ەل ءىشى - سىرتىنداعى اقپارات قۇرالدارىنا اشىق ۇستالدى

2015.03.11 14:12     كەلۋ قاينارى : ءتاڭىرتاۋ تورابى

  مەملەكەتتىك 12 - كەزەكتى حالىق قۇرىلتايىنىڭ 3 - ماجىلىسىنە قاتىناسقان شينجياڭ ۋاكىلدەر ۇيىرمەسى 10 - ناۋرىز تۇستەن بۇرىن جانە تۇستەن كەيىن جەكە - جەكە جالپى جيىن جانە گرۋپپالار جيىنىن اشىپ، ۇكىمەت قىزمەتىنەن باياندامانى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قارادى. ج ك پ ورتالىق كوميتەتى ساياسي بيۋروسىنىڭ مۇشەسى، اۆتونوميالى رايوندىق پارتكومنىڭ شۋجيى جاڭ چۇنشيان جيىندى باسقاردى.

  زور جيىننىڭ ورنالاستىرۋى بويىنشا، جالپى جيىن تۇستەن بۇرىن حالىق سارايىنىڭ شىعىس زالىندا وتكىزىلدى، سونداي - اق ەل ءىشى - سىرتىنداعى اقپارات قۇرالدارىنا اشىق ۇستالدى.

  اقپارات قۇرالدارىنىڭ تىلشىلەرى باياندامانى قاراۋدان بۇرىن كەلىپ بولدى. حالىق گازەتى، شينحۋا اگەنتتىگى، ورتالىق تەلەۆيزياسى، رەيتەر اگەنتتىگى، فرانسيا اقپارات اگەنتتىگى، ا ق ش بىرىككەن اگەنتتىگى، CNN، NHK سياقتى ەل ءىشى - سىرتىنداعى 140 نەشە اقپارات قۇرالىنان كەلگەن 230 نەشە ءتىلشى ەرتە كەلىپ جايعاسىپ، جابدىقتارىن ساقاداي سايلاپ، اپپارات كوزدەرىن جاپپاي شينجياڭعا تۋرالادى.

  ساعات 9 دا باياندامانى قاراۋ باستالدى، ۋاكىل شوكىرات زاكىر، ليۋ شينچي، ابدىراحىپ امۋنياز، جاۋ چيڭ، ماينۇر نياز قاتارلىلار ارت - ارتىنان لەبىز ءبىلدىرىپ، ۇكىمەت قىزمەتى بايانداماسى مەن مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسىن قارادى.

  جالپى جيىن اياقتاعان سوڭ، ۋاكىلدەر ەل ءىشى - سىرتىنداعى اقپارات قۇرالدارىنىڭ تىلشىلىگىن قابىلدادى.

  كاسىپورىن − نەگىزگى تۇلعا، سەلبەسىپ يگىلىككە بىرگە كەنەلۋدەشينجياڭنىڭ رولى زور

  «ءبىر بەلدەۋ، ءبىر جول» ەكى ءماجىلىس كەزىندەگى قىزعىندى تاقىرىپقا اينالدى، اشىق ۇستالعان جيىندا تىلشىلەردىڭ ەڭ كوپ قويعان سۇراۋى دا جىبەك جولى ەكونوميكالىق بەلدەۋى توڭىرەگىندە بولدى.

  شينحۋا اگەنتتىگىنىڭ ءتىلشىسى جاڭ چۇنشيانعا «ورتالىق <ءبىر بەلدەۋ، ءبىر جول> ماڭىزدى ستراتەگيالىق ورنالاستىرۋىن جاسادى، شينجياڭ جىبەك جولى ەكونوميكالىق بەلدەۋىندەگى وزەكتى رايون قۇرىلىسىندا قانداي ىلگەرىلەۋشىلىكتەرگە قول جەتكىزدى؟» دەگەن سۇراۋ قويدى.

  جاڭ چۇنشيان: جىبەك جولى ەكونوميكالىق بەلدەۋىن قۇرۋ − ورتالىقتىڭ جاساعان كەلەلى ستراتەگيالىق شەشىمى، ول بايىرعى جىبەك جولى رۋحىنىڭ جالعاسۋى جانە ساۋلەلەنۋى بولىپ تابىلادى، جىبەك جولى بويىنداعى ەلدەردىڭ ەكونوميكاسىنىڭ دامۋىن جەبەيتىن، جىبەك جولى بويىنداعى ەلدەردىڭ جۇڭگو ەكونوميكاسىنىڭ قارىشتاپ دامۋىنا ىلەسۋ ارمانىن ىسكە اسىراتىن، جىبەك جولى بويىنداعى ەلدەرگە قۇت اكەلەتىن ۇلاعاتتى ءىس، - دەدى.

  جاڭ چۇنشيان بىلاي دەدى: شينجياڭ ازيا - ەۆروپا قۇرلىعىنىڭ وزەگىنە ورنالاسقان، باتىسقا ەسىك اشۋداعى قامال، جىبەك جولى ەكونوميكالىق بەلدەۋىندەگى ماڭىزدى ءتۇيىن، وزەكتى رايون. شينجياڭ توڭىرەكتە 8 ەلمەن شەكارالاسادى، قازىر مەملەكەتتىك 1 - تۇردەگى شەكارا وتكەلدەرىنەن 17سى جانە قاشقار، قورعاس سىندى مەملەكەت دارەجەلى ەكونوميكالىق، تەحنيكالىق اشۋ رايونى بار. شينجياڭنىڭ توڭىرەكتەگى ەلدەرمەن ەكونوميكاسى توعىسقان، مادەنيەتى جاقىن، باتىسقا ەسىك اشۋدا ەرەكشە ابزالدىلىققا يە، توڭىرەكتەگى ەلدەر ءۇشىن دە، جىبەك جولى ەكونوميكالىق بەلدەۋىندەگى ولكەلەر، اۆتونوميالى رايوندار، قالالار ءۇشىن دە قىزمەت وتەي الادى. ول جىبەك جولى ەكونوميكالىق بەلدەۋىندەگى وزەكتى رايوندىق ەرەكشە رولىن اتقاردى.

  جاڭ چۇنشيان بىلاي دەدى: باس شۋجي شي جينپيڭ جىبەك جولى ەكونوميكالىق بەلدەۋىن قۇرۋ كەلەلى ستراتەگياسىن العا قويعاننان كەيىن، شينجياڭ قاتىستى زەرتتەۋ جۇمىستارىن ءبىرشاما ەرتە باستاپ، جوبا جاساپ، قاتىناس تورابى ورتالىعى، ساۋدا، زات اينالىمى ورتالىعى، مادەنيەت، عىلىم - تەحنيكا، وقۋ - اعارتۋ ورتالىعى، وڭىرلىك فينانس ورتالىعى جانە دەنساۋلىق ساقتاۋ، ەمدەۋگە قىزمەت كورسەتۋ ورتالىعى سىندى 5 ۇلكەن ورتالىق قۇرۋدى العا قويدى ءارى قۇرۋ جۇمىستارىن جەدەل ىستەۋدە. بىلتىر ۇرىمجىدەن ورتا ازيا، ەۆروپا قالالارىنا باراتىن جۇك تاسىمال پويەزدەرىن ىسكە قوسىپ، ىشكى ولكەلەردەن كەلگەن زاتتار شينجياڭ وتكەلى ارقىلى ەۆروپاعا نە بارى 16 كۇندە جەتەتىن بولدى، بۇل تەڭىز تاسىمالىنا قاجەتتى ۋاقىتتىڭ تەڭ جارىمىنا دا جەتپەيدى. بيىل ءۇرىمجى كانتەنەر ورتالىعى رەتتەۋ پۋنكتى قۇرىلىسىن باستادى، جىبەك جولى ەكونوميكالىق بەلدەۋىنىڭ بويىنداعى ورتا ازيا، ەۆروپا ەلدەرى مەن ىشكى ولكە، رايون، قالالاردىڭ جۇكتەرىنىڭ بارلىعى وسى ارادا قايتا رەتتەلىپ، زات اينالىمىنىڭ وزىندىك قۇنى بارىنشا ارزانداتىلىپ، جۇمىستار اناعۇرلىم عىلميلاستىرىلادى.

  جاڭ چۇنشيان بىلاي دەدى: جىبەك جولى ەكونوميكالىق بەلدەۋىن قۇرۋدا كاسىپورىن سۋبيەكت، بازار سۇرانىسى وزەك، تەڭ يگىلىكتەنۋ نىسانا بولادى، شينجياڭ ءبىرشاما جاقسى ىلگەرىلەۋشىلىكتەرگە قول جەتكىزدى. ەرەكشە ترانسفورماتور، گۋاڭحۇي توبى، سان - ي اۋىر ونەركاسىبى، شانشي اۆتوكولىك توبى، دۇڭفىڭ اۆتوكولىگى سياقتى كاسىپورىندار گرۋزيا، قازاقستان، تاجىكستان، ءۇندىستان سياقتى ەلدەردەن ونەركاسىپ باقشاسىن قۇردى. بۇل جىبەك جولى ەكونوميكالىق بەلدەۋىنىڭ وزەكتى رايونىن قۇرۋدا كاسىپورىننىڭ سۋبيەكت، قول ۇستاسۋدىڭ تەڭ يگىلىككە كەنەلۋ ەكەنىن، شينجياڭنىڭ ورنىن وگەيستۋگە بولمايتىنىن تۇسىندىرەدى.

  حالىق تۇرمىسىن ۇزدىكسىز جاقسارتىپ، بۇقارانى شىنايى تيىمدىلىكتەن يگىلىكتەندىرەيىك

  اۆتونوميالى رايون قۇرىلعانىنىڭ 60 جىلدىعىن قۇتتىقتاۋ قيمىلدارىن ويداعىداي ۇيىمداستىرۋ بيىلعى ۇكىمەت قىزمەتىنەن بايانداماعا كىرگىزىلدى، بۇل قيمىل دا ەل ءىشى - سىرتىنداعى اقپارات قۇرالدارىنىڭ كەڭ كولەمدى نازارىن اۋدارىپ وتىر. حالىق گازەتىنىڭ ءتىلشىسى شينجياڭداعى حالىق تۇرمىسىنىڭ ۇزدىكسىز جاقسارۋى جونىندە اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى حۋاڭ ۋيگە سۇراۋ قويدى.

  حۋاڭ ۋي بىلاي دەدى: 2010 - جىلعى ورتالىقتىڭ شينجياڭ قىزمەتى جونىندەگى 1 - رەتكى اڭگىمە ماجىلىسىنەن بەرى، شينجياڭ «حالىق تۇرمىسى قۇرىلىسى جىلى» قيمىلىن ءۇرتىس 6 جىل ورىستەتتى، ءار جىلى الەۋمەتتىك قازىنا قارجىسىنىڭ %70تەن كوبىرەگى حالىق تۇرمىسى قۇرىلىسىنا جۇمسالدى. شينجياڭ ەكونوميكالىق، قوعامدىق دامۋدىڭ جانە حالىق تۇرمىسىن جاقسارتۋدىڭ ەڭ تەز كەزەڭدەرىنىڭ بىرىنە قادام تاستادى. ول مىسال كەلتىرىپ بىلاي دەدى: بەيقۇت ءۇي سالىپ حالىقتى اۋقاتتاندىرۋ، مالشىلاردى وتىرىقتاندىرىپ، مال شارۋاشىلىعىن كوركەيتۋ بويىنشا شينجياڭ ءۇرتىس 4 جىل ەگىنشى - مالشىلار ءۇشىن ءار جىلى 300 مىڭ ءۇي سالدى، 2015 - جىلى تاعى 300 مىڭ ءۇي سالادى، ەگىنشى - مالشىلاردىڭ تۇرمىس، ءوندىرىس شارت - جاعدايى بارىنشا جاقسارتىلادى. سونىمەن قاتار، شينجياڭداعى قالا، قالاشىق تۇرعىندارىنىڭ قولداعى تابىسى، شارۋالاردىڭ تازا كىرىسى سىندى ەكى كورسەتكىشتىڭ ارتۋ قارقىنى ءۇرتىس 4 جىل بويى مەملەكەت بويىنشا الدىڭعى قاتاردا تۇردى. ءار ۇلت جۇرتشىلىعى ورتالىقتىڭ قامقورلىعىن، ۇلى وتان وتباسىنىڭ مەيىرىن شىنايى سەزىنىپ، رەفورما جاساۋ، ەسىك اشۋدىڭ جەتىستىكتەرىنەن سۋسىنداپ، ناقتى تيىمدىلىكتەن يگىلىكتەندى.

  شينجياڭ جاعدايى جالپى جاقتان ورنىقتى، مەڭگەرۋگە بولادى

  شينجياڭنىڭ ورنىقتىلىق جاعدايى − ەلىمىز بەن شەتەل اقپارات قۇرالدارى ەجەلدەن نازار اۋداراتىن ءتۇيىن. شينجياڭ ۋاكىلدەر ۇيىرمەسى بۇگىن اقپارات قۇرالدارىنا اشىق ۇستالدى، تىلشىلەر ورنىقتىلىق جاعدايى، «ۇشقارىلىقتى الاستاۋ»، زاڭ بويىنشا قاتاڭ سوققى بەرۋ جونىندە ۋاكىلدەرگە سۇراۋ قويدى.

  جاڭ چۇنشيان بىلاي دەپ بۇكپەسىز جاۋاپ بەردى: قازىرگى تاڭدا، شينجياڭ قوعامىنىڭ جالپى جاعدايىن مەڭگەرۋگە بولادى، ءبىراق ورنىقتىلىق جاعدايى ءالى دە اۋىر، كۇردەلى. شينجياڭ قازىر زورلىقتى كۇش، لاڭكەستىك ارەكەتتەرىنىڭ ءورشۋ مەزگىلى، بولشەكتەۋشىلىككە قارسى كۇرەستىڭ قيان - كەسكى مەزگىلى جانە ينتەرۆەنتسيالىق ەمدەۋدىڭ تولعاقتى مەزگىلى سىندى «3 مەزگىل قاباتتاسقان» كەزەڭدە تۇر، لاڭكەستىككە قارسى تۇرىپ، ورنىقتىلىقتى قورعاۋ مىندەتى توتەنشە اۋىر. ۇزاق ۋاقىتتان بەرى، شينجياڭداعى ءار دارەجەلى كادر جاۋاپكەرلىكتى جۇرەكتىلىكپەن ۇستىلەرىنە الىپ، جاۋاپكەرلىكتى باتىل ارقالاپ، كۇندى تۇنگە جالعاپ، تالماي - تالىقپاي قىزمەتكە كىرىسىپ، ەكىنىڭ ءبىرىنىڭ قولىنان كەلە بەرمەيتىن كۇش - قۋات، اقىل - پاراسات جۇمسادى، كەيبىرى وسى ءۇشىن، ءتىپتى، قىمباتتى ومىرلەرىن دە قيىپ، بۇكىل ەلىمىزدىڭ ورنىقتىلىعى جالپى جاعدايىنا ۇلەس قوستى.

  وڭتۇستىك شينجياڭ حاۋىپسىز بە؟ دەگەن سۇراققا جاڭ چۇنشيان كەسەتە: حاۋىپسىز! بارۋعا بولادى! - دەپ جاۋاپ بەردى.

  جاڭ چۇنشيان: شينجياڭعا بارعان ادامداردىڭ ءبارى «شينجياڭ تاماشا جەر» ەكەن دەپ تەبىرەنەدى، - دەدى. ول ەلىمىز بەن شەتەل تىلشىلەرىنە: شينجياڭعا ساياحاتتاپ كەلىڭدەر، اسەم شينجياڭمەن تانىسىڭدار، - دەپ ۇسىنىس تاستادى.

  زورلىقتى كۇش، لاڭكەستىك قىلمىستارىنا زاڭ بويىنشا قاتاڭ سوققى بەرۋ

  سامۇرىق سايتىنىڭ ءتىلشىسى شينجياڭنىڭ زورلىقتى كۇش، لاڭكەستىككە سوققى بەرۋ ارناۋلى ارەكەتى جونىندە سۇراۋ قويدى.

  شوكىرات زاكىر بىلاي دەپ جاۋاپ بەردى: زورلىقتى كۇش، لاڭكەستىك قىلمىسى ادامزات قوعامىنىڭ ۋلى وسپەسى، زورلىقتى كۇش لاڭكەستەرى ادامزاتقا، قوعامعا، وركەنيەتكە قارسىلار، ولارعا، ءسوز جوق، زاڭ بويىنشا قاتاڭ سوققى بەرۋ كەرەك. بىلتىردان بەرى، ءبىز زورلىقتى كۇش، لاڭكەستىك قىلمىستارىنا قاتاڭ سوققى بەرۋ ارناۋلى ارەكەتىن ورىستەتىپ، قىلمىسقا سوققى بەرىپ، جاۋدىڭ جۇرەگىن شايلىقتىرىپ، كەزەڭدىك تابىسقا قول جەتكىزدىك، سونىمەن بىرگە بۇقاراعا تاربيە بەرىپ، جۇرت تىلەگىن جۇمىلدىردىق، قوعام ورنىقتىلىعىن قورعادىق.

  ول بىلاي دەدى: قاتاڭ سوققى بەرۋمەن بىرگە، شينجياڭ تاعى «ەكى جاعىن بىردەي يگەرۋگە» ايرىقشا ءمان بەرىپ، زورلىقتى كۇش، لاڭكەستىك قىلمىستارىنا سوققى بەرۋمەن قوسا، ءار ۇلت بۇقاراسىنا تاربيە بەرىپ، ءجون سىلتەۋدى دە قاتاڭ يگەردى. اماليات بارىسىندا، اۆتونوميالى رايوندىق پارتكوم «5 كىلتتەن» پايدالانىپ ماسەلەلەردى شەشۋدەن جازباي، يدەياداعى ماسەلەنى يدەيالىق تاسىلمەن، مادەنيەتكە قاتىستى ماسەلەنى مادەنيەت تاسىلىمەن، ادەت - عۇرىپ ماسەلەسىن قۇرمەتپەن قاراۋ ارقىلى ءبىر جاقتىلى ەتىپ، ءدىن ماسەلەسىنە ءدىن قاعيدالارى بويىنشا قىزمەت ىستەپ، زورلىقتى كۇش ماسەلەسىن زاڭمەن جونگە سالۋ جانە قاتاڭ سوققى بەرۋ ارقىلى شەشتى. مەن ۇستىنەن وڭاۋ مەن تۇبىرىنەن وڭاۋدى قاتار جۇرگىزۋگە، كەشەندى شارالار اتقارۋعا تاباندى بولعاندا زورلىقتى كۇش دەلولارىنىڭ بارعان سايىن ازاياتىنىنا، حالىق بۇقاراسىنىڭ حاۋىپسىزدىك سەزىمى ۇزدىكسىز كۇشەيەتىنىنە كامىل سەنەمىن.

  چى جۇن، لي شۋەجۇن، جاروللا يسامدين ت.ب ۋاكىلدەر «حالىقتىڭ جاعدايىن ۇعىسۋ، حالىق تۇرمىسىنا تيىمدىلىك جاساۋ، حالىقتىڭ تىلەگىن توعىستىرۋ» قيمىلى، نەگىزگى ساتىنىڭ نەگىزىن كۇشەيتۋ، «ۇشقارىلىقتى الاستاۋ» سياقتى ماسەلەلەر جونىندە تىلشىلەردىڭ سۇراۋىنا جاۋاپ بەردى. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.