بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتى بەسىنشى جالپى ءماجىلىسىنىڭ مازمۇنداماسى

(2021 - جىلى 1 - ايدىڭ 24 - كۇنى جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ماجىلىسىندە ماقۇلداندى)

2021.01.25 15:58     كەلۋ قاينارى : حالىق تورابى

  جۇڭگو كوممۋنيستىك پارتياسى 19 - كەزەكتى ورتالىق ءتارتىپ تەكسەرۋ كوميتەتىنىڭ بەسىنشى جالپى ءماجىلىسى 2021 – جىلى 1 - ايدىڭ 22 - كۇنىنەن 24 - كۇنىنە دەيىن بەيجيڭدە وتكىزىلدى. وسى رەتكى جالپى ماجىلىسكە ورتالىق ءتارتىپ تەكسەرۋ كوميتەتىنىڭ 133 مۇشەسى قاتىناستى، 253 ادام سىرتتاي قاتىناستى.

  ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جالپى ماجىلىسكە قاتىناستى ءارى ماڭىزدى ءسوز سويلەدى. پارتيا مەن مەملەكەت باسشىلارىنان لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ ماجىلىسكە قاتىناستى.

  جالپى ءماجىلىستى ورتالىق ءتارتىپ تەكسەرۋ كوميتەتىنىڭ تۇراقتى كوميتەتى باسقاردى. جالپى ءماجىلىس شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، 2020 - جىلعى ءتارتىپ تەكسەرۋ، باقىلاۋ - تەكسەرۋ قىزمەتىن قورىتىندىلاپ، 2021 - جىلعى مىندەتتەردى ورنالاستىردى، جاۋ لىجي جولداستىڭ ورتالىق ءتارتىپ تەكسەرۋ كوميتەتىنىڭ تۇراقتى كوميتەتى اتىنان جاساعان «جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىنىڭ ساپالى دامۋىن ىلگەرىلەتىپ، جۇڭگو كوممۋنيستىك پارتياسى قۇرىلعانىنىڭ 100 جىلدىعىن تاماشا ناتيجەمەن قۇتتىقتايمىز» دەگەن قىزمەت بايانداماسىن قاراپ ماقۇلدادى.

  جالپى ءماجىلىس باس شۋجي شي جينپيڭنىڭ ماڭىزدى ءسوزىن مۇقيات ۇيرەندى، تەرەڭ ءتۇسىندى. ءبىر اۋىزدان بىلاي دەپ قارادى: ءسوز وتكەن ءبىر جىلداعى پارتيانى جاپپاي قاتاڭ جونگە سالۋدا قول جەتكەن تىڭ دا كەلەلى تابىستاردى تولىق تۇراقتاندىرىپ، پارتيانى جاپپاي قاتاڭ جونگە سالۋدىڭ جاڭا جاعدايىن، جاڭا مىندەتتەرىن تەرەڭدەي بايانداپ، پارتيانى جاپپاي قاتاڭ جونگە سالۋدا ەڭ الدىمەن ساياسي جاقتان قاراۋدى، ساياسي تۇجىرىم جاساۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋدى، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ءبىر ءسات تە توقتاتپاي ىلگەرىلەتىپ، پارتيانى جاپپاي قاتاڭ جونگە سالۋدىڭ جەتەكشىلىك ەتۋ، قامتاماسىزداندىرۋ رولىن تولىق ساۋلەلەندىرىپ، پارمەندى ساياسي باقىلاۋ ارقىلى «14 – بەسجىلدىق» مەزگىلىندەگى نىسانا - مىندەتتەردىڭ ناقتى تياناقتانۋىنا كەپىلدىك ەتۋدى دارىپتەدى. ءسوزدىڭ تۇرعىسى بيىك، يدەياسى تەرەڭ، مازمۇنى باي، بۇل شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ بيىكتە تۇرىپ الىستى بولجاعان ستراتەگيالىق كورەگەندىگىن، باستان - اياق ءبىر قالىپتان جازبايتىن تاريحي جاۋاپكەرلىگىن، حالىق ءۇشىن قىزمەت ىستەيتىن وسكەلەڭ دەڭگەيىن، پارتيانى گۇلدەندىرىپ، مەملەكەتتى قۇدىرەتتەندىرۋدەگى بورىش سۇيىسپەنشىلىگىن تولىق ايگىلەدى، ول اسا كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە، پارتيانى جاپپاي قاتاڭ جونگە سالۋدىڭ ىشكەرىلەي دامۋىن ىلگەرىلەتۋدەگى ماڭىزدى تياناق، جاڭا داۋىردەگى ءتارتىپ تەكسەرۋ، باقىلاۋ - تەكسەرۋ قىزمەتىنىڭ ساپالى دامۋىنىڭ ارەكەت باعدارناماسى. باس شۋجي شي جينپيڭ ءتارتىپ تەكسەرۋ، باقىلاۋ - تەكسەرۋ كادرلارى قوسىنىنا شىنايى ءۇمىت ارتىپ، ايقىن تالاپتار قويدى. باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، يدەيا مەن ارەكەتتى پارتيا ورتالىق كوميتەتىنىڭ شەشىم، ورنالاستىرۋلارىمەن سانالى تۇردە بىرلىككە كەلتىرىپ، ايقىن تۋ ۇستاي وتىرىپ ساياسيدى دارىپتەپ، جاۋاپكەرلىكتى كوكەيگە قوندىرىپ، جاۋاپكەرلىكتى ۇستىگە الىپ، جاۋاپكەرلىكتى اتقارىپ، جالپى ءماجىلىس ورنالاستىرعان ءتۇرلى مىندەتتەردى باتىل تياناقتاندىرۋ كەرەك.

  جالپى ءماجىلىس مىنالاردى اتاپ كورسەتتى: 2020 – جىلى كۇردەلى حالىقارالىق جاعداي، جاپالى دا اۋىر رەفورما، دامۋ، ورنىقتىلىق مىندەتى، اسىرەسە، توسىن كەلگەن جاڭا تيپتى ايدارشا ۆيرۋس وكپە قابىنۋ ىندەتى الدىندا شي جينپيڭ جولداستى ۇيىتقى ەتكەن پارتيا ورتالىق كوميتەتى جۇڭحۋا ۇلتىنىڭ ۇلى گۇلدەنۋى ستراتەگياسىنىڭ جالپى جاعدايى مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، بۇكىل پارتيانى، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، «بەستى ءبىر تۇلعالاندىرۋ» جالپى تۇلعالىق ورنالاستىرۋىن ءبىر تۇتاس ىلگەرىلەتىپ، «ءتورتتى جاپپاي ورىنداۋ» ستراتەگيالىق ورنالاستىرۋىن سايكەستى ىلگەرىلەتىپ، قيىندىقتاردى جەڭىپ، حاۋىپ - قاتەردى ورايعا اينالدىرىپ، ۇدەرە العا تارتىپ، ءورىس اشا جاڭالىق اشىپ، قايتپاس قايسارلىق كورسەتىپ، پارتيا مەن مەملەكەتتىڭ ءتۇرلى ىستەرىندە تىڭ دا كەلەلى تابىستارعا قول جەتكىزۋدى ىلگەرىلەتىپ، پارتيانىڭ باسشىلىعى مەن جۇڭگوشا سوتسياليستىك ءتۇزىمنىڭ كورنەكتى ابزالدىعىن تولىق ايگىلەدى. پارتيا ورتالىق كوميتەتىنىڭ پارمەندى باسشىلىعىندا، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ - تەكسەرۋ كوميتەتى جانە جەرگىلىكتى ءار دارەجەلى ءتارتىپ تەكسەرۋ كوميتەتتەرى، باقىلاۋ - تەكسەرۋ كوميتەتتەرى شي جينپيڭ جاڭا ءداۋىر جۇڭگوشا سوتسياليزم يدەياسىن تاباندىلىقپەن ۇيرەنىپ، جەتە ءتۇسىنىپ، شىنايى تياناقتاندىرىپ، «ەكىنى قورعاۋ» ماڭىزدى جاۋاپكەرلىگىن وسكەلەڭ ساياسي سانالىلىقپەن ارقالاپ، قاتاڭ نەگىزگى اۋەننەن جازباي، ورنىقتىلىق بارىسىندا ىلگەرىلەپ، تاباندى دا ورنىقتى بولىپ، ىندەتتەن ساقتانۋ - تىزگىندەۋ كۇرەسى، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، كەدەيلىكتەن ارىلتۋدان قامال الۋ شەشۋشى شايقاسى سياقتى ۇلكەن سىناقتاردا مىندەتىن ادالدىقپەن وتەپ، جاۋاپكەرلىگىن ادا ەتىپ، ءتارتىپ تەكسەرۋ، باقىلاۋ - تەكسەرۋ قىزمەتىنىڭ ساپالى دامۋىن ىشكەرىلەي ىلگەرىلەتتى. پارتيا ورتالىق كوميتەتىنىڭ كەلەلى شەشىم، ورنالاستىرۋلارىن دايەكتىلەندىرۋ، تياناقتاندىرۋ جاعدايىن مىقتاپ ارقاۋ ەتىپ، ساياسي باقىلاۋدى كۇشەيتىپ، ورتالىقتىڭ «8 ءتۇرلى بەلگىلەمەسىنىڭ» جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن تاباندىلىقپەن تياناقتاندىرىپ، فورماشىلدىقتى، تورەشىلدىكتى ۇزدىكسىز تۇزەتىپ، راقاتقۇمارلىقتىڭ، استا - توك ىسىراپشىلدىقتىڭ قايتا باس كوتەرۋىنەن ساقتاندى. ساياسي شارلاۋدىڭ ورنىن تۇراقتاندىرۋدان جازباي، شارلاۋداعى رەتتەۋ - تۇزەتۋدى جانە تابىستان پايدالانۋدى مىقتى يگەرىپ، شارلاۋدىڭ، شارلاپ تەكسەرۋدىڭ جوعارى - تومەن بىرلەسىپ قيمىلداۋ قىزمەت مەحانيزمىن كەمەلدەندىردى. ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن تەرەڭدەتىپ، ارناۋلى جاۋاپتى بولۋ، باقىلاۋ رولىن ساۋلەلەندىرىپ، پارتيا ىشىندەگى باقىلاۋدىڭ باسقا باقىلاۋلارمەن تۇتاسۋىن، سايكەسۋىن جەبەپ، «ءبىرىنشى باسشىنى» باقىلاۋ مەن دارەجەلەس باقىلاۋدىڭ قيىن ماسەلەلەرىن كۇش سالا شەشتى. شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋدە تاباندى بولىپ، ساياسي ماسەلەلەر مەن ەكونوميكالىق ماسەلەلەر توعىسقان ءىرىپ - ءشىرۋ دەلولارىن باتىل تەكسەرىپ ءبىر جاقتى ەتىپ، فينانس، مەملەكەت مەنشىگىندەگى كاسىپورىندار، ساياسي - زاڭ سياقتى سالالارداعى شىرىكتەسۋگە قارسى تۇرۋ قىزمەتىن تەرەڭدەتىپ، بۇقارانىڭ ماڭايىنداعى ءىرىپ - ءشىرۋ جانە ستيل ماسەلەلەرىن كۇش سالا وڭاپ، «ءتورت ءتۇرلى فورمادان» دالمە - ءدال پايدالانىپ، دەلو ارقىلى رەفورمانى جەبەۋدى تىڭعىلىقتى ىستەدى. ءتارتىپ تەكسەرۋ، باقىلاۋ - تەكسەرۋ ورگاندارىنىڭ وزىندىك قۇرىلىسىن كۇشەيتىپ، ءوزىن - ءوزى تەجەۋدى كۇشەيتىپ، باقىلاۋدى سانالىلىقپەن قابىلداپ، «شامنىڭ ءتۇبى قاراڭعى بولۋدان» باتىل ساقتاندى. جالپى ءماجىلىس وتكەن ءبىر جىلداعى اماليات بارىسىندا قالىپتاسقان تانىمدى قورىتىندىلاپ، تابىستاردى تۇراقتاندىرۋمەن بىرگە، ءتارتىپ تەكسەرۋ، باقىلاۋ قىزمەتى مەن كادرلار قوسىنى قۇرىلىسىندا ورىن تەۋىپ وتىرعان باستى ماسەلەلەرگە شىندىقتى ءىس جۇزىنەن ىزدەي وتىرىپ تالداۋ جاساپ، ايرىقشا ءمان بەرىپ، شىنايى شەشۋدى تالاپ ەتتى.

  جالپى ءماجىلىس مىنالاردى العا قويدى: 2021 - جىل − «14 – بەسجىلدىق» جوسپاردى اتقارۋدىڭ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋدىڭ ءبىرىنشى جىلى، سونداي - اق پارتيامىز قۇرىلعانىنىڭ 100 جىلدىعى. ءتارتىپ تەكسەرۋ، باقىلاۋ قىزمەتىن جاقسى ىستەۋدە شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە پارتيا 19 - كەزەكتى ورتالىق كوميتەتىنىڭ ەكىنشى، ءۇشىنشى، ءتورتىنشى، بەسىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنىنەن جازباي، جاڭا دامۋ ساتىسىن تياناق ەتىپ، جاڭا دامۋ ۇستانىمىن دايەكتىلەندىرىپ، جاڭا دامۋ جۇيەسىن قۇرىپ، ساپالى دامۋدى ىلگەرىلەتۋدى نەگىزگى تاقىرىپ ەتىپ، پارتيانى جاپپاي قاتاڭ جونگە سالۋدان اۋىتقىماي، پارتيا مەن مەملەكەتتىڭ باقىلاۋ جۇيەسىندە تاباندى بولىپ جانە ونى كەمەلدەندىرىپ، پارتيا ۋستاۆى مەن نەگىزگى زاڭدا جۇكتەلگەن مىندەتىن ادالدىقپەن اتقارىپ، پارتيا ورتالىق كوميتەتىنىڭ شەشىم، ورنالاستىرۋلارىنىڭ ءونىمدى تياناقتانۋىن پارمەندى ىلگەرىلەتىپ، وسىزامانداندىرۋ قۇرىلىسىنىڭ جالپى جاعدايىن ارقاۋ ەتىپ، باقىلاۋ، قامتاماسىز ەتۋ، اتقارۋ، كەمەلدەندىرۋ، دامىتۋ رولىن ساۋلەلەندىرىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتىپ، ءتارتىپ تەكسەرۋ، باقىلاۋ ءتۇزىلىسى رەفورماسىن تەرەڭدەتىپ، ارناعا ءتۇسىرۋ، زاڭمەن باسقارۋ قۇرىلىسىن تىڭعىلىقتى ىلگەرىلەتىپ، كادرلار قوسىنى قۇرىلىسىن شىنايى كۇشەيتىپ، «14 - بەسجىلدىقتىڭ» جاقسى باستالۋىن پارمەندى كەپىلمەن قامداپ، پارتيا قۇرىلعانىنىڭ 100 جىلدىعىن تاماشا ناتيجەمەن قۇتتىقتاۋ كەرەك.

  جالپى ءماجىلىس مىنالاردى تالاپ ەتتى: ءار دارەجەلى ءتارتىپ تەكسەرۋ، باقىلاۋ ورگاندارى پارتيا 19 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنۋى، دايەكتىلەندىرۋى، باس شۋجي شي جينپيڭنىڭ پارتيا ورتالىق كوميتەتىنىڭ ۇيىتقىسى، بۇكىل پارتيانىڭ ۇيىتقىسى بولۋ ورنىن باتىل قورعاپ، پارتيا ورتالىق كوميتەتىنىڭ بەدەلى مەن ورتالىقتانعان ءبىر تۇتاس باسشىلىعىن باتىل قورعاپ، ساياسي باقىلاۋدى اناعۇرلىم كورنەكتىلەندىرىپ، ساپالى دامۋ تاقىرىبىن اناعۇرلىم كورنەكتىلەندىرىپ، بۇقارانىڭ ماڭايىنداعى شىرىكتەسۋ جانە ستيل ماسەلەسىن جونگە سالۋدى اناعۇرلىم كورنەكتىلەندىرىپ، باقىلاۋ، جونگە سالۋ ونىمدىلىگىن اناعۇرلىم كورنەكتىلەندىرىپ، قاتاڭ باسقارۋ مەن مەيىر باعىشتاۋدى ۇشتاستىرۋدى، شابىتتاندىرۋ مەن تەجەۋگە تەڭ ءمان بەرۋدى اناعۇرلىم كورنەكتىلەندىرىپ، ستيلدى دۇرىستاپ، ءتارتىپتى قاتايتىپ، شىرىكتەسۋگە قارسى تۇرۋدى وسىزامانداندىرۋ قۇرىلىسىنىڭ قاجەتىمەن اناعۇرلىم ويداعىداي ۇيلەستىرىپ، باقىلاۋ جۇيەسىن مەملەكەتتى جونگە سالۋ جۇيەسىمەن اناعۇرلىم ويداعىداي توعىستىرىپ، اناعۇرلىم زور جونگە سالۋ ونىمدىلىگىن قالىپتاستىرىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىن باستاۋدا ماڭىزدى رول اتقارۋى كەرەك.

  ءبىرىنشى، «ەكىنى قورعاۋدى» سانالى تۇردە امالياتتا ايگىلەپ، «14 – بەسجىلدىق» جوسپاردىڭ ءساتتى اتقارىلۋىن پارمەندى ساياسي باقىلاۋ ارقىلى قامتاماسىز ەتۋ كەرەك. شي جينپيڭ جاڭا ءداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، ءىس جۇزىندىك ماسەلەلەرگە ماركسيزمدىك تۇرعىدان، كوزقاراستان، ادىستەن پايدالانىپ تالداۋ جاساۋ، شەشۋ قابىلەتىن جوعارىلاتۋ كەرەك. جاڭا دامۋ ۇستانىمىن دايەكتىلەندىرۋ، جاڭا دامۋ جاعدايىن ورناتۋ، ساپالى دامۋدى ىلگەرىلەتۋ، قامداۋ جاعىنداعى قۇرىلىمدىق رەفورمانى تەرەڭدەتۋ، حالىقتىڭ تۇرمىس ساپاسىن جوعارىلاتۋ، حاۋىپسىز دامۋدىڭ تومەنگى شەگىن ساقتاۋ سياقتى كەلەلى شەشىمدەردى ارقاۋ ەتىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدىڭ تابىستارىن بەكەمدەۋ، كەڭەيتۋ، مەملەكەتتىڭ ستراتەگيالىق عىلىم - تەحنيكالىق قۋاتىن كۇشەيتۋ، كاسىپ تىزبەگى مەن قامداۋ تىزبەگىنىڭ دەربەس، مەڭگەرۋگە بولاتىن قۋاتىن كۇشەيتۋ، ىشكى سۇرانىمدى ۇلعايتۋ ستراتەگيالىق نەگىزگى تۇيىنىندە تاباندى بولۋ سياقتى ءتۇيىندى مىندەتتەردى ارقاۋ ەتىپ، اۋىل شارۋاشىلىعى، اۋىل - قىستاق، شارۋالار ماسەلەسىن ويداعىداي شەشۋ، اۋىل شارۋاشىلىعىن، اۋىل - قىستاقتى وسىزامانداندىرۋدى جەدەلدەتۋ سياقتى ورنالاستىرۋ تالاپتارىن ارقاۋ ەتىپ، باقىلاۋ – تەكسەرۋدى كۇشەيتىپ، باقىلاۋ - تەكسەرۋدىڭ تياناقتانۋىنا قۋزاۋشىلىق ەتۋ كەرەك. ءتارتىپ تەكسەرۋ، باقىلاۋ - تەكسەرۋ قىزمەتى ۇستانىمىندا، وي جەلىسىندە، تۇزىمىندە، مەحانيزمىندە جاڭالىق اشۋدى ىلگەرىلەتىپ، وسىزامانداندىرۋ قۇرىلىسىنا قىزمەت وتەۋدىڭ جانە ونى قامتاماسىز ەتۋدىڭ ءونىمدى شارالارى جونىندە ىشكەرىلەي ىزدەنىس جاساپ، پاكتىك قۇرىلىسىن بار كۇشپەن ىلگەرىلەتىپ، ستيلى پاك، سالتى دۇرىس ساياسي ەكولوگيا مەن تاماشا دامۋ ورتاسىن قالىپتاستىرۋ كەرەك.

  ەكىنشى، شىرىكتەسۋگە قارسى تۇرۋ كۇرەسىن تاباندىلىقپەن تەرەڭدەتىپ، شىرىكتەسۋگە باتىلدىق ەتپەۋدى، شىرىكتەسۋگە مۇمكىندىك بولماۋدى، شىرىكتەسۋدى ويىنا الماۋدى ءبىر تۇلعادا ىلگەرىلەتۋ كەرەك. ساياسي ماسەلەلەر مەن ەكونوميكالىق ماسەلەلەر توعىسقان شىرىكتەسۋ دەلولارىن ءتۇيىندى تۇردە تەكسەرىپ ءبىر جاقتى ەتىپ، ساياساتتىق قولداۋ تەبىنى زور، قارجى قوسۋى تىعىز، بايلىق شوعىرلانعان سالالار مەن بۋىندارعا نازار اۋدارىپ، نەگىزدىك قۇرىلعىلار قۇرىلىسى، نىسانداردى تەكسەرىپ بەكىتۋ، مەملەكەت مەنشىگىندەگى كاسىپورىندار رەفورماسى، الەۋمەتتىك بايلىق ساۋداسى، عىلمي زەرتتەۋدى باسقارۋ سياقتى جاقتارداعى شىرىكتەسۋ ماسەلەلەرىن باتىل تەكسەرىپ ءبىر جاقتى ەتۋ كەرەك. فينانس سالاسىنداعى شىرىكتەسۋگە قارسى تۇرۋ قىزمەتىن تەرەڭدەتىپ، مەملەكەت مەنشىگىندەگى كاسىپورىنداردىڭ شىرىكتەسۋ ماسەلەسىن ۇزدىكسىز جازالاپ، ساياسي - زاڭ جۇيەسىندەگى شىرىكتەسۋدى جازالاۋ تەبىنىن ارتتىرىپ، شىرىكتەسۋگە قارسى تۇرۋداعى حالىقارالىق سەلبەستىك پەن حالىقارالىق قاشقىنداردى قۋعىنداۋ، ارام ولجانى قايتارىپ الۋدى ىشكەرىلەي ىلگەرىلەتۋ كەرەك. ۇستىنەن وڭاۋ مەن تۇبىرىنەن وڭاۋدى ۇشتاستىرۋدى تەرەڭدەتىپ، دەلو ارقىلى رەفورمانى، دەلو ارقىلى جونگە سالۋدى جەبەۋ كەرەك.

  ءۇشىنشى، فورماشىلدىقتىڭ، تورەشىلدىكتىڭ ەسكىلىكتى دەرتتەرىن ىشكەرىلەي جونگە سالىپ، شىندىققا جۇگىنىپ، ناقتى ءىس تىندىراتىن، پاك، كىرشىكسىز جاڭا سالت، دۇرىس سالتتىڭ ۇزدىكسىز تولىسۋىنا مۇمكىندىك جاساۋ كەرەك. ورتالىقتىڭ «8 ءتۇرلى بەلگىلەمەسىنىڭ» جانە ونى اتقارۋدىڭ ەگجەي - تەگجەيلى ەرەجەسىنىڭ رۋحىن تاباندىلىقپەن تياناقتاندىرىپ، پارتيا ورتالىق كوميتەتىنىڭ شەشىم، ورنالاستىرۋلارىن دايەكتىلەندىرۋدە تالعام جاساۋ، وزگەرىس ەنگىزۋ، بۇرمالاۋ سياقتى فورماشىلدىق، تورەشىلدىك كورنەكتى ماسەلەلەرىن دالمە - ءدال جونگە سالىپ، راقاتقۇمارلىق، استا - توك ىسىراپشىلدىق ستيلىن قاتاڭ تەكسەرۋ كەرەك. باسشى كادرلاردىڭ جۇبايلارىنىڭ، پەرزەنتتەرىنىڭ جانە ولاردىڭ جۇبايلارىنىڭ ساۋدامەن شۇعىلدانۋ، كاسىپورىن قۇرۋ ارەكەتىن ارناعا ءتۇسىرۋ جونىندەگى بەلگىلەمەلەردى تياناقتاندىرۋعا قۋزاۋشىلىق ەتىپ، جوعارى ارقىلى تومەنگە جەتەكشىلىك ەتۋدى، قاتاڭ اتقارۋدى ىلگەرىلەتۋ كەرەك. پارتيالى باسشى كادرلاردى ەرەكشە ۇقىق يدەياسى مەن ەرەكشە ۇقىق ارەكەتىنە باتىل قارسى تۇرۋعا تاربيەلەپ جانە جەتەكتەپ، وتباسىنداعىلاردىڭ پەرزەنتتەرىن قاتاڭ باسقارىپ، وتباسى ستيلىن، وتباسى تاربيەسىن قاتايتۋ كەرەك.

  ءتورتىنشى، بۇقارانىڭ ماڭايىنداعى شىرىكتەسۋ مەن بۇرىس ستيلدەردى ۇزدىكسىز وڭاپ، قوعامدىق ادىلدىك پەن ادىلەتتىلىكتى جەبەپ، بۇقارانىڭ زاڭدى ۇقىق - مۇددەسىن قامتاماسىز ەتۋ كەرەك. حالىققا تيىمدىلىك جاساپ، حالىقتى اۋقاتتاندىرۋ، بىرگە اۋقاتتانۋدى جەبەۋ ساياساتتىق شارالارىنىڭ تياناقتانۋ جاعدايىن باقىلاۋ - تەكسەرۋدى كۇشەيتىپ، «ءتورتتى توقتاتپاۋ» ساياساتىنىڭ تابىستارىن بەكەمدەۋدى باقىلاۋدى كۇشەيتىپ، اۋىل - قىستاقتى گۇلدەندىرۋمەن ءونىمدى ۇشتاسۋدى قامتاماسىز ەتىپ، وقۋ - اعارتۋ، ەمدەۋ، زەينەتكەرلىك، قوعامدىق قامتاماسىزداندىرۋ، ەكولوگيالىق ورتانى قورعاۋ، ءوندىرىس حاۋىپسىزدىگى، ازىق - تۇلىك، ءدارى - دارمەك حاۋىپسىزدىگى، زاڭ اتقارۋ، ءادىليا سياقتى سالالارداعى شىرىكتەسۋ جانە ستيل ماسەلەلەرىن ۇزدىكسىز تۇزەتىپ، جونگە سالىپ، قارا، سۇرقيا كۇشتەرگە ساياتىن «باسقالقالاردى» باتىل جازالاپ، حالىق تۇرمىسى سالاسىنداعى بۇقارانىڭ مۇددەسىنە زيان جەتكىزەتىن ماسەلەلەردى جونگە سالۋ مەحانيزمىن كەمەلدەندىرۋ كەرەك.

  بەسىنشى، شارلاۋدىڭ، شارلاپ تەكسەرۋدىڭ جوعارى - تومەن بىرلەسە قيمىلداۋىن ىلگەرىلەتىپ، پارتيا ىشىندەگى باقىلاۋدىڭ وتكىر سەمسەرلىك جانە بۇقارامەن تىعىز بايلانىس جاساۋداعى دانەكەرلىك رولىن تولىق ساۋلەلەندىرۋ كەرەك. ساياسي شارلاۋ تالابىن دالمە - ءدال تياناقتاندىرىپ، شارلاۋ، شارلاپ تەكسەرۋدەگى رەتتەۋ - تۇزەتۋدى جانە تابىستان پايدالانۋدى مىقتى يگەرىپ، رەتتەۋ - تۇزەتۋدى جەبەۋ مەحانيزمىن، باعالاۋ مەحانيزمىن ورناتۋ جونىندە ىزدەنىس جاساۋ كەرەك. ولكە، اۆتونوميالى رايون، توتە قاراستى قالالاردىڭ شارلاۋ قىزمەتىنە جەتەكشىلىك ەتۋدى، قۋزاۋشىلىق ەتۋدى كۇشەيتىپ، قالا، اۋدانداردىڭ شارلاۋ - تەكسەرۋىنىڭ نەگىزگى ساتىعا قاراي كەڭەيۋىن ىلگەرىلەتۋ كەرەك.

  التىنشى، ءتۇرلى باقىلاۋدىڭ ۇلاسۋىن، توعىسۋىن جەبەپ، باقىلاۋ، جونگە سالۋ ونىمدىلىگىن ۇزدىكسىز كۇشەيتۋ كەرەك. پارتيا ۇيىمىنىڭ پارتيانى باسقارۋ، پارتيانى جونگە سالۋ ساياسي جاۋاپكەرلىگى مەن شۋجيدىڭ ءبىرىنشى جاۋاپتى بولۋ جاۋاپكەرلىگىن قاتايتۋ، ناقتىلاندىرۋ كەرەك. كۇندەلىكتى باقىلاۋدى تىڭعىلىقىتى ىستەپ، باقىلاۋدىڭ تومەنگە ءتۇسۋىن، باقىلاۋدىڭ تياناقتانۋىن، باقىلاۋدا ماسەلە تۋىلماۋىن ىلگەرىلەتىپ، «ءبىرىنشى باسشى» مەن باسشىلىق القانى باقىلاۋدى كۇشەيتۋ كەرەك. كەزەك اۋىستىرۋ ءتارتىبىن قاتايتىپ، داۋىس جيۋ، پارا بەرىپ سايلاۋ، ءمانساپ ساتىپ الۋ، ءمانساپ ساتۋ، ءمانساپ سۇراۋ سياقتى ارەكەتتەردى قاتاڭ تەكسەرىپ ءبىر جاقتى ەتۋ كەرەك. وتكەندەگىدەن ساباق الىپ، كەيىنگىگە عيبىرات ەتۋدە، اۋرۋدى ەمدەپ، ادامدى قۇتقارۋدا تاباندى بولىپ، «ءتورت ءتۇرلى فورماتسيادان» پايدالانۋدى تەرەڭدەتىپ، «ءۇشتى پارىقتاۋدى» جۇزەگە اسىرۋ كەرەك. جاۋاپقا تارتۋ قارۋىن دالمە - ءدال ارناعا ءتۇسىرىپ، ويداعىداي پايدالانۋ كەرەك. پارتيا مۇشەلەرىنىڭ ۇقىعىن قامتاماسىزداندىرۋ ەرەجەسىن قاتاڭ اتقارىپ، پارتيالى كادرلاردىڭ ءىس تىندىرىپ، يگىلىك جاراتۋداعى ىشكى قوزعاۋشى كۇشىن قاۋلاتۋ كەرەك.

  جەتىنشى، ءتارتىپ تەكسەرۋ، باقىلاۋ - تەكسەرۋ ءتۇزىلىسى رەفورماسىن ىشكەرىلەي، ناقتى يگەرىپ، پارتيا ىشىندەگى باقىلاۋ مەن مەملەكەتتىڭ باقىلاۋ - تەكسەرۋىنىڭ جاپپاي قامتۋىن ءونىمدى ىلگەرىلەتۋ كەرەك. رەفورمانىڭ جەتەكشىلىك ەتۋ، قامال الۋ، قۇرۋ رولىن ساۋلەلەندىرىپ، پارتيا ورتالىق كوميتەتى بەلگىلەگەن ءتارتىپ تەكسەرۋ، باقىلاۋ - تەكسەرۋ ءتۇزىلىس رەفورماسى مىندەتىن ءبىر تۇتاس ىلگەرىلەتۋ كەرەك. جۇڭگو كوممۋنيستىك پارتياسى ءتارتىپ تەكسەرۋ كوميتەتىنىڭ قىزمەت ەرەجەسىن، پارتيا مۇشەلەرى مەن ۇكىمەت قىزمەتكەرلەرى تارتىپكە، مىندەتكە قايشىلىق جاسادى دەپ كۇدىك تاعىلعان قىزمەتتىك قىلمىس دەلولارىن سەلبەسىپ سايكەستىرۋ ءادىسىن زەرتتەپ جاساپ، ارناعا ءتۇسىرۋ، زاڭمەن جونگە سالۋ قۇرىلىسىن جەبەۋ كەرەك.

  سەگىزىنشى، ءوزىن - ءوزى باقىلاۋدى، تەجەۋدى قاتاڭ، شىنايى كۇشەيتىپ، ساياسي ساپاسى جوعارى، ادال، كىرشىكسىز، جاۋاپكەرلىك ارقالايتىن، كاسىپتىك قابىلەتى كۇشتى، كۇرەس جاساۋعا باتىل، شەبەر ءتارتىپ تەكسەرۋ، باقىلاۋ - تەكسەرۋ قۇرىش قوسىنىن قۇرۋ كەرەك. باستاماشىلدىقپەن تۋدى ايقىن ۇستاي وتىرىپ ساياسيدى دارىپتەپ، ساياسي تۇجىرىم جاساۋ قابىلەتىن، ساياسي اڭعارىمپازدىقتى، ساياسي اتقارۋ قابىلەتىن جوعارىلاتىپ، ءتارتىپ، زاڭ تانىمىن، ءتارتىپ، زاڭ وي جەلىسىن، ءتارتىپ، زاڭ ساپاسىن كۇشەيتىپ، ماماندانۋ دەڭگەيىن جوعارىلاتۋ كەرەك. ەڭ قاتاڭ تەجەۋ مەن باقىلاۋدى سانالىلىقپەن قابىلداپ، ءتارتىپتىڭ اتقارىلۋىن باقىلاۋ قىزمەت ەرەجەسىن، زاڭ اتقارۋدى باقىلاۋ قىزمەتى بەلگىلەمەسىن قاتاڭ اتقارىپ، وتباسىنداعىلاردىڭ، تۋىس - تۋعاندارىنىڭ ءتارتىپ تەكسەرۋ، باقىلاۋ - تەكسەرۋ كادرلارىنىڭ ىقپالىنان پايدالانىپ جەكە پايدا تۇسىرۋىنەن باتىل ساقتانىپ، «شامنىڭ ءتۇبى قاراڭعى بولۋ» ءجايتىن ۇزدىكسىز جونگە سالىپ، تەمىردەي ءتارتىپ، قاتاڭ ستيلمەن ءتارتىپ تەكسەرۋ، باقىلاۋ - تەكسەرۋ قوسىنىن سومداۋ كەرەك.

  جالپى ءماجىلىس پارتيا ۋستاۆىنداعى بەلگىلەمەلەرگە ساي يۇي حۇڭچيۋ، فۋ كۇي جولداستاردى ج ك پ ورتالىق ءتارتىپ تەكسەرۋ كوميتەتى تۇراقتى كوميتەتىنىڭ مۇشەلىگىنە، ورىنباسار شۋجيلىگىنە سايلادى.

  جالپى ءماجىلىس شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ءبىر جاعادان باس، ءبىر جەڭنەن قول شىعارىپ، قايراتتانا العا ۇمتىلىپ، پارتيانى جاپپاي قاتاڭ جونگە سالۋدىڭ، پارتيا ستيلى، پاكتىك قۇرىلىسىنىڭ جانە شىرىكتەسۋگە قارسى تۇرۋ كۇرەسىنىڭ ىشكەرىلەي دامۋىن ىلگەرىلەتىپ، پارتيا قۇرىلعانىنىڭ 100 جىلدىعىن قۇتتىقتاپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋگە، جاپپاي سوتسياليستىك وسىزاماندانعان مەملەكەت قۇرۋدىڭ تىڭ جەڭىسىنە قول جەتكىزۋگە اناعۇرلىم زور ۇلەس قوسۋعا ۇندەدى.

  (شينحۋا اگەنتتىگى، 1 - ايدىڭ 24 – كۇنى، بەيجيڭ)
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار

  1 - ايدىڭ 20 - كۇنى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندەگى اۆتونوميالى رايوندىق ماداقتاۋ - سيلاۋ جينالىسى شينجياڭ حالىق سارايىندا سالتاناتپەن وتكىزىلدى. سۋرەتتە: جينالىس زالى.

□ سۋرەتتى انار بۇلت / شينجياڭ گازەتىنىڭ ءتىلشىسى سۇي جىجيان تۇسىرگەن