بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

قورعانىس مينيسترلىگى:

وتان ءۇشىن قۇربان بولعان جانە جارالانعان قاھارماندار مەن قۇربانداردى وتان مەن حالىق ماڭگى ۇمىتپايدى

2021.02.20 15:58     كەلۋ قاينارى : حالىق تورابى

  حالىق گازەتىنىڭ ءتىلشىسى ليۋ بوتۇڭ 2 – ايدىڭ 19 – كۇنى بەيجيڭنەن حابارلايدى. « وتان مەن حالىق وتان ءۇشىن قۇربان بولعان جانە جارالانعان قاھارماندار مەن قۇربانداردى وتان ماڭگى ۇمىتپايدى، حالىق ماڭگى ۇمىتپايدى». اقپارات قۇرالدارى جاريالاعان شەكارا قورعانىسى كۇرەسىنىڭ ءبىرىنشى شەبىندەگى كوماندير – جاۋىنگەرلەردىڭ ىزگى ىستەرى، قاھارماندار مەن قۇرباندارعا قامقورلىق جاساۋ، سوڭعى ىستەرىن ءبىرجاقتى ەتۋ قاتارلى جاعدايلار جونىندە قورعانىس مينيسترلىگىنىڭ اقپارات مالىمدەمەشىسى رىن گوچياڭ 2 – ايدىڭ 19 – كۇنى تىلشىلەردىڭ سۇراۋىنا جاۋاپ بەرگەندە جوعارىداعىداي پوزيتسيا ءبىلدىردى.

  ءتىلشى بىلاي دەپ سۇرادى: ازاتتىق ارميا گازەتى جۋىردا جۇڭگو - ءۇندىستان شەكاراداسىندا مىندەت وتەپ جاتقان كوماندير – جاۋىنگەرلەرىنىڭ وتاندى قورعاپ، شەكارانى كۇزەتكەن ىزگى ىستەرىن ايگىلەيتىن ەگجەي – تەگجەيلى حاباردى جاريالادى، جۇڭگو جاقتىڭ بۇلاي ىستەۋدەگى ماقساتى نە؟

  رىن گوچياڭ بىلاي دەدى: جۋىرداعى ءبىر مەزگىلدە جۇڭگونىڭ مەملەكەت تەرريتورياسىنىڭ يەلىك ۇقىعىن جانە جۇڭگو – ءۇندىستان شەكارا ءوڭىرىنىڭ بەيبىتشىلىگىن، تىنىشتىعىن قورعاۋ كۇرەسى بارىسىندا، جۇڭگونىڭ شەكارا قورعانىس قوسىندارىندا ءبىر توپ بەيبىتشىلىكتى قىزۋ سۇيەتىن، بورىشىنا ادال، ادىلدىكتى قورعايتىن قاھارمان كوماندير – جاۋىنگەرلەر جارىققا شىقتى.

  رىن گوچياڭ بىلاي دەپ اتاپ كورسەتتى: 2020 – جىلى 6 – ايدا ءۇندىستان اسكەرلەرى شەكارادان زاڭسىز ءوتىپ، الدىمەن سوقتىعىپ، ولاردىڭ الدىنان شىعىپ تىلدەسپەك بولعان جۇڭگو جاقتىڭ ادامدارىنا زورلىقتى كۇشپەن شابۋىلداپ، جيالى – ۋان اڭعارى وڭىرىندەگى قاقتىعىستى قاساقانا تۋدىرىپ، ەكى جاقتان ءولىم – ءجىتىم جاعدايى تۋىلدى، مۇنداعى جاۋاپكەرشىلىك تۇگەلدەي ءۇندىستان جاقتا. قاقتىعىس تۋىلعاننان كەيىن، جۇڭگو جاق ەكى ەلدىڭ، ەكى ەل ارمياسىنىڭ قارىم – قاتىناسى سىندى زور جاعدايدى قورعاۋ، جاعدايدىڭ باسەڭدەۋىن، ساباسىنا ءتۇسۋىن ىلگەرىلەتۋ ءۇشىن بارىنشا تەجەمدىلىك ساقتاپ، جۇڭگونىڭ جاۋاپكەرشىلىك ارقالاي الاتىن ءىرى ەلدىك پەيىلى مەن جىگەرىن ايگىلەدى. الايدا، ءۇندىستان جاق بۇل ىسكە قاتىستى ءولىم – ءجىتىم جاعديىن تالاي رەت دابىرا قىلىپ، شىندىقتى بۇرمالاپ، حالىقارالىق اڭىس ورتاسىن الجاستىرىپ، جۇڭگو شەكارا قورعانىس قوسىنىنداعى كومايدىر – جاۋىنگەرلەردى قارالادى.

  «تاريحتى وزگەرتۋگە كەلمەيدى، قاھارمانداردى ۇمىتۋعا بولمايدى، جۇڭگونىڭ اقپارات قۇرالدارىنىڭ قاھارمانداردىڭ ىزگى ىستەرىن اشىق حابارلاۋى ءىس جۇزىندىك جاعدايدى وبيەكتيۆ تۇردە حابارلايتىن اقپارات قۇرالدارىنىڭ جاۋاپكەرشىلىگى، بۇل ءىستىڭ انىق – قانىعىن ايقىنداپ، ناقتى جاعدايدى دۇرىس كورسەتىپ، دۇنيە ءجۇزىنىڭ بۇل ىستەگى اق پەن قارانى، دۇرىس پەن بۇرىستى ايقىن تانۋىنا پايداسىن تيگىزەدى.

  رىن گوچياڭ بىلاي دەدى: جۇڭگو جاقتىڭ جۇڭگو – ءۇندىستان شەكارا ماسەلەسىن شەشىم ەتۋدەگى مايدانى ايقىن، دايەكتى، شىنايى، باستان – اياق تىلدەسۋ، كەلىسسوز وتكىزۋ ارقىلى تالاس – تارتىستى شەشىم ەتۋگە كۇش سالىپ كەلەدى، باستان – اياق جۇڭگو – ءۇندىستان ەكى ەلدىڭ، ەكى ەل ارمياسىنىڭ قارىم – قاتىناسى سىندى زور جاعدايدى قورعاۋعا كۇش سالىپ كەلەدى، باستان –اياق جاعدايدىڭ تەز ارادا باسەڭدەۋىنە، ساباسىنا تۇسۋىنە، جۇڭگو – ءۇندىستان شەكارا وڭىرىندەگى بەيبىتشىلىك پەن تىنىشتىقتىڭ تەز ارادا قالپىنا كەلۋىنە كۇش سالىپ كەلەدى.

  ءتىلشى بىلاي دەپ سۇرادى: اشىق اقپاراتتارعا قاراعاندا، ورتالىق اسكەري ىستەر كوميتەتى قۇربان بولعان جانە جارالانعان كوماندير – جاۋىنگەرلەردى جاڭا داۋىردەگى وتاندى قورعاپ، شەكارانى كۇزەتكەن قاھارمان كوماندير – جاۋىنگەرلەر دەپ اتايدى ءارى ولاردىڭ ىشىندەگى ەكى كوماندير – جاۋىنگەرگە جەكە – جەكە «وتاندى قورعاپ، شەكارانى كۇزەتكەن قاھارمان تۋانجاڭ» جانە «وتاندى قورعاپ، شەكارانى كۇزەتكەن قاھارمان» داڭقتى اتاعىن بەرەدى ەكەن، مۇنىڭ قانداي ءمانى مەن ماعىناسى بار؟ قاتىستى قامقورلىق كورسەتۋ، جەڭىلدىك جاساۋ جاعدايلارى قالاي؟

  رىن گوچياڭ بىلاي دەدى: داڭقتى اتاق — جۇڭگو ارمياسىنىڭ شايقاس، جاتتىعۋ جانە باسقا قىزمەت بارىسىندا كورنەكتى ەڭبەك ەتكەن، ەرەكشە ۇلەس قوسقان، بۇكىل ەلىمىز بويىنشا، بۇكىل ارميا بويىنشا زور ىقپال جاساعان جانە ىلگەرىلەتۋ رولىن اتقارعان، ۇلگى بولۋعا لايىق ورىندار مەن جەكەلەرگە بەرىلەتىن زور سيلىق. بۇل جولى اشىق اقپاراتتارعا شىعارىلعان كوماندير – جاۋىنگەرلەر شي جينپيڭ جاڭا ءداۋىر جۇڭگوشا سوتسياليزم يدەياسى مەن شي جينپيڭ قۋاتتى ارميا يدەياسى تاربيەلەپ جەتىلدىرگەن قۇرىش جاۋىنگەرلەر، «ۇجداندى، قابىلەتتى، جىگەرلى، ءمورالدى بولۋدى» ورىنداعان جاڭا داۋىردەگى توڭكەرىستىك ارميانىڭ ۇزدىك ۋاكىلدەرى، پارتياعا شارتسىز ادال، ارميانى قۇدىرەتتەندىرىپ، وتانعا ۇلەس قوسۋدى ماقسات تۇتقان ءداۋىر اۆانگارتتارى.

  رىن گوچياڭ بىلاي دەدى: پارتيا، مەملەكەت جانە ارميا اسكەرلەرگە قامقورلىق جاساۋعا وسكەلەڭ ءمان بەرەدى، «اسكەرلەرگە قامقورلىق جاساۋ ەرەجەسىندەگى» قاتىستى بەلگىلەمەلەرگە ساي، قاھارماندار مەن قۇرباندارعا قامقورلىق جاساۋ، سوڭعى ىستەرىن ءبىرجاقتى ەتۋ قىزمەتى ويداعىداي ىستەلەدى. جۇڭگو حالقىنىڭ وتانشىلدىق پەن توڭكەرىستىك قاھارماندىق رۋحتى قاستەرلەۋ جانە ساۋلەلەندىرۋ سىندى تاماشا ءداستۇرى بار، بۇكىل قوعامداعىلار ەجەلدەن قاھارماندارعا قۇرمەت ەتىپ، قاھارمانداردان ۇيرەنىپ، قاھارمانداردى قورعاپ، قاھارمانداردى قاستەرلەيدى.

  «وتان ءۇشىن قۇربان بولعان جانە جارالانعان قاھارماندار مەن قۇربانداردى مەملەكەت ماڭگى ۇمىتپايدى، حالىق ماڭگى ۇمىتپايدى. قاھارماندار مەن قۇربانداردىڭ وتباسىنداعىلار ۇيلەسىمدى ورنالاستىرىلادى ءارى قامقورلىققا يە بولادى»، — دەدى رىن گوچياڭ.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار