13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى بەيجيڭدە جابىلدى
2021.03.12 16:12 كەلۋ قاينارى : حالىق تورابى
ۇكىمەت قىزمەتىنەن بايانداما، «14 - بەسجىلدىق» جوبا جانە 2035 - جىلعا دەيىنگى بولاشاقتىق نىسانا باعدارلاماسى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى سياقتىلاردى بەكىتتى
مەملەكەتتىك حالىق قۇرىلتايىنىڭ ۇيىمدىق زاڭىنا وزگەرىس ەنگىزۋ جونىندەگى قاراردى، مەملەكەتتىك حالىق قۇرىلتايىنىڭ ءىس قاراۋ ەرەجەسىنە وزگەرىس ەنگىزۋ جونىندەگى قاراردى ماقۇلدادى، شي جينپيڭ ءتوراعا بۇيرىعىنا قول قويىپ جاريالادى
مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارارىن ماقۇلدادى
شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار ءتوراعالار مىنبەسىنەن ورىن الدى، لي جانشۋ ءماجىلىستى باسقاردى ءارى ءسوز سويلەدى
شينحۋا اگەنتتىگى، 3 - ايدىڭ 11 - كۇنى، بەيجيڭ. 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى ءتۇرلى كەڭەستىك تارتىپتەرىن تابىسپەن ورىنداعاننان كەيىن، 3 - ايدىڭ 11 - كۇنى تۇستەن كەيىن حالىق سارايىندا جابىلدى. ءماجىلىس ۇكىمەت قىزمەتىنەن بايانداما، «14 - بەسجىلدىق» جوبا جانە 2035 - جىلعا دەيىنگى بولاشاقتىق نىسانا باعدارلاماسى، مەملەكەتتىك حالىق قۇرىلتايى تۇراقتى كوميتەتىنىڭ قىزمەت بايانداماسى سياقتىلاردى بەكىتتى. ءماجىلىس مەملەكەتتىك حالىق قۇرىلتايىنىڭ ۇيىمدىق زاڭىنا وزگەرىس ەنگىزۋ جونىندەگى قاراردى، مەملەكەتتىك حالىق قۇرىلتايىنىڭ ءىس قاراۋ ەرەجەسىنە وزگەرىس ەنگىزۋ جونىندەگى قاراردى ماقۇلدادى، مەملەكەت ءتوراعاسى شي جينپيڭ 73 -، 74 - ءنومىرلى ءتوراعا بۇيرىقتارىنا قول قويىپ جاريالادى. ءماجىلىس مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارارىن ماقۇلدادى.
جابىلۋ جيىنىن ءماجىلىس ءتوراعالار القاسىنىڭ تۇراقتى ءتوراعاسى، اتقارۋشى ءتوراعاسى لي جانشۋ باسقاردى. ءماجىلىس ءتوراعالار القاسىنىڭ تۇراقتى ءتوراعالارى، اتقارۋشى ءتوراعالارى ۋاڭ چىن، ساۋ جيانميڭ، جاڭ چۇنشيان، شىن يۋەيۋە، جي بيڭشۋان، ەركىن يمىرباقى، ۋان ىشياڭ، چىن جۋ، ۋاڭ دۇڭميڭ، بايماچىلين، ديڭ جۇڭلي، حاۋ ميڭجين، ساي دافىڭ، ۋ ۋەيحۋا، ياڭ جىن - ۋ ءتوراعالار مىنبەسىنىڭ اتقارۋشى ءتوراعالار ورنىنا جايعاستى.
شي جينپيڭ، لي كىچياڭ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان جانە ءماجىلىس ءتوراعالار القاسىنىڭ قۇرامىنداعىلار ءتوراعالار مىنبەسىنەن ورىن الدى.
ماجىلىسكە قاتىناسۋعا ءتيىستى ۋاكىل 2 مىڭ 953 ادام، قاتىناسقانى 2 مىڭ 896 ادام، قاتىناسا الماعانى 57 ادام، قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.
تۇستەن كەيىن ساعات 3 تە لي جانشۋ جيىننىڭ باستالعانىن جاريالادى.
جيىن داۋىسقا سالۋ ارقىلى 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ ۇكىمەت قىزمەتىنەن بايانداما جونىندەگى قاۋلىسىن ماقۇلدادى. قاۋلىدا مىنالار اتاپ كورسەتىلدى: ءماجىلىس مەملەكەتتىك كەڭەستىڭ وتكەن ءبىر جىلداعى قىزمەتىن تولىق تۇراقتاندىرىپ، باياندامادا ورتاعا قويىلعان «14 - بەسجىلدىق» مەزگىلىندەگى باستى نىسانا - مىندەتتەردى جانە 2021 - جىلعى ەكونوميكالىق، قوعامدىق دامۋدىڭ جالپى تالابىن، باستى نىساناسىن جانە قىزمەت ورنالاستىرۋىن قۇپتاپ، وسى باياندامانى بەكىتۋدى ۇيعاردى.
جيىن داۋىسقا سالۋ ارقىلى حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسى مەن 2035 - جىلعا دەيىنگى بولاشاقتىق نىسانا باعدارلاماسى جونىندەگى قاۋلىنى ماقۇلدادى. قاۋلىدا مىنالار اتاپ كورسەتىلدى: ءماجىلىس مەملەكەتتىك حالىق قۇرىلتايى قازىنا - ەكونوميكا كوميتەتىنىڭ تەكسەرۋ ناتيجەسى بايانداماسىنا قوسىلىپ، وسى جوبا باعدارلاماسىن بەكىتۋدى ۇيعاردى. جيىن مىنانى تالاپ ەتتى: «14 - بەسجىلدىق» كەزىندە ەكونوميكالىق قۇرىلىستىڭ، ساياسي قۇرىلىستىڭ، مادەنيەت قۇرىلىسىنىڭ، قوعامدىق قۇرىلىستىڭ ، ەكولوگيالىق وركەنيەت قۇرىلىسىنىڭ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋ، رەفورمانى جاپپاي تەرەڭدەتۋ، مەملەكەتتى جاپپاي زاڭمەن جونگە سالۋ، پارتيانى جاپپاي قاتاڭ جونگە سالۋ ستراتەگيالىق ورنالاستىرۋىن سايكەستى ىلگەرىلەتىپ، ورنىقتىلىق بارىسىندا ىلگەرىلەۋ سىندى قىزمەتتىڭ نەگىزگى اۋەنىنەن جازباي، جاڭا دامۋ ساتىسىن ءداپ باسىپ يگەرىپ، جاڭا دامۋ ۇستانىمىن ىشكەرىلەي دايەكتىلەندىرىپ، جاڭا دامۋ جۇيەسىن قۇرۋدى تەزدەتىپ، ساپالى دامۋدى ىلگەرىلەتىپ، دامۋ مەن حاۋىپسىزدىكتى ءبىر تۇتاس جوسپارلاپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، ەكونوميكانىڭ ورنىقتى، باياندى، قوعامنىڭ تىنىش، جاراسىمدى بولۋىن جۇزەگە اسىرىپ، جاپپاي سوتسياليستىك وسىزاماندانعان مەملەكەت قۇرۋ ءۇشىن جاقسى باستاما باستاۋ، جاقسى قادام تاستاۋ كەرەك.
جيىن داۋىسقا سالۋ ارقىلى مەملەكەتتىك حالىق قۇرىلتايىنىڭ ۇيىمدىق زاڭىنا وزگەرىس ەنگىزۋ جونىندەگى قاراردى، مەملەكەتتىك حالىق قۇرىلتايىنىڭ ءىس قاراۋ ەرەجەسىنە وزگەرىس ەنگىزۋ جونىندەگى قاراردى ماقۇلدادى. بۇل ەكى قارار 2021 - جىلى 3 - ايدىڭ 12 - كۇنىنەن باستاپ اتقارىلادى. «جۇڭحۋا حالىق رەسپۋبليكاسى مەملەكەتتىك حالىق قۇرىلتايىنىڭ ۇيىمدىق زاڭى»، «جۇڭحۋا حالىق رەسپۋبليكاسى مەملەكەتتىك حالىق قۇرىلتايىنىڭ ءىس قاراۋ ەرەجەسى» جەكە - جەكە وسى ەكى قارارعا ساي سايكەستى وزگەرىستەر ەنگىزىلىپ، قايتادان جاريالانادى.
جيىن داۋىسقا سالۋ ارقىلى مەملەكەتتىك حالىق قۇرىلتايىنىڭ شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندەگى قارارىن ماقۇلدادى. قارار جاريالانعان كۇننەن باستاپ اتقارىلادى.
جيىن داۋىسقا سالۋ ارقىلى 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ 2020- جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2021 - جىلعى حالىق شارۋاشىلىعى مەن قوعامدىق دامۋ جوسپارى جونىندەگى قاۋلىسىن ماقۇلدادى، 2020 - جىلعى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ جاعدايى جانە 2021 - جىلعى حالىق شارۋاشىلىعى مەن قوعامدىق دامۋ جوسپار جوباسى جونىندەگى باياندامانى بەكىتۋدى، 2021 - جىلعى حالىق شارۋاشىلىعى مەن قوعامدىق دامۋ جوسپارىن بەكىتۋدى ۇيعاردى؛ 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ 2020 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ جاعدايى جانە 2021 - جىلعى ورتالىق پەن جەرگىلىكتى ورىنداردىڭ مەجە ەسەبى جونىندەگى قاۋلىنى داۋىسقا سالىپ ماقۇلدادى، 2020 - جىلعى ورتالىق پەن جەرگىلىكتى ورىنداردىڭ مەجە ەسەبىنىڭ اتقارىلۋ جاعدايى جانە 2021 - جىلعى ورتالىق پەن جەرگىلىكتى ورىنداردىڭ مەجە ەسەپ جوباسى جونىندەگى باياندامانى بەكىتۋدى، 2021 - جىلعى ورتالىقتىڭ مەجە ەسەبىن بەكىتۋدى ۇيعاردى.
جيىن 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ مەملەكەتتىك حالىق قۇرىلتايى تۇراقتى كوميتەتىنىڭ قىزمەتىنەن بايانداما جونىندەگى قاۋلىسىن داۋىسقا سالىپ ماقۇلدادى. قاۋلىدا مىنالار اتاپ كورسەتىلدى: ءماجىلىس 13 - كەزەكتى مەملەكەتتىك حالىق قۇرىلتايى 3 - ماجىلىسىنەن بەرگى تۇراقتى كوميتەتتىڭ قىزمەتىن تولىق تۇراقتاندىرىپ، باياندامادا ورتاعا قويىلعان الداعى ءبىر جىلداعى باستى مىندەتتەردى قۇپتاپ، وسى باياندامانى بەكىتۋدى ۇيعاردى.
جيىن داۋىسقا سالۋ ارقىلى 13 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ ەڭ جوعارى حالىق سوتى مەكەمەسىنىڭ قىزمەتىنەن بايانداما جونىندەگى قاۋلىسىن، ەڭ جوعارى حالىق پروكۋراتۋراسىنىڭ قىزمەتىنەن بايانداما جونىندەگى قاۋلىسىن ماقۇلداپ، وسى ەكى باياندامانى بەكىتۋدى ۇيعاردى.
وسىدان كەيىن لي جانشۋ ءسوز سويلەدى (ءسوزدىڭ تولىق مازمۇنى بولەك جاريالاندى). ول بىلاي دەدى: 13 - كەزەكتى مەملەكەتتىك حالىق قۇرىلتايىنىڭ 4 - ءماجىلىسى جالپى ۋاكىلدەردىڭ ورتاق قۇلشىنۋىندا ءتۇرلى كەڭەستىك تارتىپتەرىن تابىسپەن ورىندادى.
لي جانشۋ بىلاي دەپ اتاپ كورسەتتى: ءماجىلىس پارتيا مەن مەملەكەت ىستەرىندە قول جەتكەن تىڭ دا كەلەلى تابىستاردى جوعارى باعالاپ، حالىقتىڭ باس شۋجي شي جينپيڭ مەن شي جينپيڭ جولداستى ۇيىتقى ەتكەن پارتيا ورتالىق كوميتەتىن شىن جۇرەكتەن قولدايتىنىن ءبىلدىردى. ءماجىلىس ۇكىمەت قىزمەتىنەن باياندامانى جانە باسقا دا باياندامالاردى قاراپ بەكىتتى، حالىق شارۋاشىلىعى مەن قوعامدىق دامۋدىڭ 14 - بەسجىلدىق جوباسى مەن 2035 - جىلعا دەيىنگى بولاشاقتىق نىسانا باعدارلاماسىن تەكسەرىپ بەكىتتى.
لي جانشۋ بىلاي دەدى: ءماجىلىس مەملەكەتتىك حالىق قۇرىلتايىنىڭ ۇيىمدىق زاڭىنا وزگەرىس ەنگىزۋ جونىندەگى قاۋلىنى جانە مەملەكەتتىك حالىق قۇرىلتايىنىڭ ءىس قاراۋ ەرەجەسىنە وزگەرىس ەنگىزۋ جونىندەگى قاۋلىنى قاراپ ماقۇلدادى. ءماجىلىس شياڭگاڭ ەرەكشە اكىمشىلىك رايونىنىڭ سايلاۋ ءتۇزىمىن كەمەلدەندىرۋ جونىندە قارار شىعاردى، مۇنى بارلىق ۋاكىل ايرىقشا قۇپتاپ، شياڭگاڭدىق باۋىرلاستاردى قامتىعان بۇكىل ەلدەگى ءار ۇلت حالقىنىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋداعى، شياڭگاڭنىڭ نەگىزگى زاڭدىق ءتۇزىم ءتارتىبىن قورعاۋداعى بەرىك بەكىمىن ءبىلدىردى.
لي جانشۋ بىلاي دەپ اتاپ كورسەتتى: جاپپاي سوتسياليستىك وسىزاماندانعان مەملەكەت قۇرۋدىڭ جاڭا جورىعىندا حالىق قۇرىلتايى قىزمەتى فۋنكتسيالىق رولىن اناعۇرلىم جاقسى ساۋلەلەندىرەدى، وسى بارىستا يدەيادا، ساياسيدا، ارەكەتتە ءتىپتى دە سانالىلىقپەن تۋدى ايقىن ۇستاي وتىرىپ شي جينپيڭ جاڭا ءداۋىر جۇڭگوشا سوتسياليزم يدەياسىمەن حالىق قۇرىلتايى قىزمەتىن ءبىر تۇتاس مەڭگەرەدى، شي جينپيڭ جاڭا ءداۋىر جۇڭگوشا سوتسياليزم يدەياسىندا ۇزاق ۋاقىت تاباندى بولىپ، حالىق قۇرىلتايى قىزمەتىنىڭ دۇرىس بەتالىسپەن ۇزدىكسىز العا دامۋىنا كەپىلدىك ەتەدى؛ تۋدى ايقىن ۇستاي وتىرىپ پارتيانىڭ حالىق قۇرىلتايى قىزمەتىنە جالپى بەتتىك باسشىلىق ەتۋىندە تاباندى بولىپ، پارتيانىڭ باسشىلىعىن حالىق قۇرىلتايى قىزمەتىنىڭ تۇتاس بارىسىمەن، ءار جاعىمەن ساباقتاستىرىپ، پارتيانىڭ قۋاتتاماسىن زاڭدىق ءتارتىپ ارقىلى مەملەكەتتىڭ ەركى مەن حالىقتىڭ ورتاق ارەكەتىنە اينالدىرىپ، پارتيانىڭ لۋشيان، باعىت، ساياساتتارى مەن شەشىم، ورنالاستىرۋلارىنىڭ مەملەكەت قىزمەتىندە جاپپاي دايەكتىلەنۋىنە جانە ءونىمدى اتقارىلۋىنا كەپىلدىك ەتەدى؛ تۋدى ايقىن ۇستاي وتىرىپ جۇڭگوشا سوتسياليستىك ساياسي دامۋ جولىمەن ءجۇرىپ، پارتيا باسشىلىعىنىڭ، حالىقتىڭ وزىنە - ءوزى قوجا بولۋىنىڭ، مەملەكەتتى زاڭمەن جونگە سالۋدىڭ ورگانيكالى بىرلىگىندە ءتىپتى دە سانالىلىقپەن تاباندى بولىپ، ساياسي تۇجىرىم جاساۋ قابىلەتىن، ساياسي سانالىلىقتى، ساياسي اتقارۋ قابىلەتىن شىنايى كۇشەيتىپ، رەفورما جاساپ، ەسىك اشۋ جانە سوتسياليستىك وسىزامانداندىرۋ قۇرىلىسى ءۇشىن ورنىقتى ساياسي ورتا جانە پارمەندى ساياسي كەپىل ازىرلەيدى؛ تۋدى ايقىن ۇستاي وتىرىپ شي جينپيڭ زاڭمەن جونگە سالۋ يدەياسىن جەتەكشى ەتىپ، مەملەكەتتى جاپپاي زاڭمەن جونگە سالۋدا ماڭىزدى رول اتقارىپ، جۇڭگوشا سوتسياليستىك زاڭمەن جونگە سالۋ جولىنان اۋىتقىماي، جۇڭگوشا سوتسياليستىك زاڭمەن جونگە سالۋ جۇيەسىن قۇرۋ، زاڭمەن جونگە سالىناتىن سوتسياليستىك مەملەكەت قۇرۋ سىندى باس نىسانانى تىعىز ارقاۋ ەتىپ، جۇڭگوشا سوتسياليستىك زاڭ جۇيەسىن كەمەلدەندىرۋدى تەزدەتىپ، تاماشا زاڭ ارقىلى مەملەكەتتى جاپپاي زاڭمەن جونگە سالۋ امالياتىن قولدايدى جانە قامتاماسىزداندىرادى؛ تۋدى ايقىن ۇستاي وتىرىپ پارتيا مەن مەملەكەت قىزمەتىنىڭ جالپى جاعدايىن ارقاۋ ەتىپ قىزمەتتى جوسپارلاپ جانە ورىستەتىپ، زاڭ شىعارۋ ۇقىعىن، باقىلاۋ ۇقىعىن، ۇيعارىم جاساۋ ۇقىعىن، مىندەتكە تاعايىنداۋ، مىندەتىنەن قالدىرۋ ۇقىعىن زاڭ بويىنشا جۇرگىزىپ، حالىق قۇرىلتايىنىڭ فۋنكتسيالىق رولىن دۇرىس، ءونىمدى ساۋلەلەندىرىپ، پارتيا مەن مەملەكەتتىڭ وزەكتى قىزمەتى قايدا بولسا، حالىق قۇرىلتايى قىزمەتىنىڭ سوندا ىلەسىپ بارۋىن، پارتيا مەن مەملەكەتتىڭ جالپى جاعدايى قالاي بولسا، حالىق قۇرىلتايى قىزمەتىنىڭ سولاردى تۇيىندەپ ورنالاستىرۋىن ورىندايدى؛ تۋدى ايقىن ۇستاي وتىرىپ حالىقتى وزەك ەتۋدە تاباندى بولىپ، ۋاكىلدەردىڭ تۇلعالىق رولىن ساۋلەلەندىرىپ، ۋاكىلدەردى قۇرمەتتەپ، ۋاكىلدەرگە سۇيەنىپ، ۋاكىلدەرگە قىزمەت وتەپ، حالىق قۇرىلتايى ۋاكىلدەرىنىڭ رولىن تولىق ساۋلەلەندىرىپ، حالىقتىڭ ءوز ىسىنە ءوزى قوجا بولۋىن مەملەكەتتىڭ ساياسي ءومىرى مەن قوعامدىق ومىرىندە اناعۇرلىم ءونىمدى تۇردە تياناقتاندىرادى.
لي جانشۋ بىلاي دەدى: جۇڭگو كوممۋنيستىك پارتياسى قۇرىلعانىنىڭ 100 جىلدىعىن قارسى العان جاڭا تاريحي ساتتە ءبىز شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، «ءتورت تانىمدى» كۇشەيتىپ، «ءتورت سەنىمدى» بەكەمدەپ، «ەكىنى قورعاۋدى» ورىنداپ، ءبىر نيەتپەن سەلبەسىپ، جاۋاپكەرلىك ارقالاپ، جاۋاپكەرلىكتى ادا ەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا ەرلىكپەن العا باسۋىمىز كەرەك.
تۇستەن كەيىن ساعات 3 تەن 43 مينۋت وتكەندە لي جانشۋ: جۇڭحۋا حالىق رەسپۋبليكاسى 13 - كەزەكتى مەملەكەتتىك حالىق قۇرىلتايى 4 - ءماجىلىسى جابىلدى، − دەپ جاريالادى. ءماجىلىس ايبىندى مەملەكەت انىمەن اياقتادى.
ديڭ شۋەشياڭ، ليۋ حى، شۇي چيلياڭ، سۇن چۇنلان، لي شي، لي چياڭ، لي حۇڭجۇڭ، ياڭ جيەچى، ياڭ شياۋدۋ، جاڭ يوۋشيا، چىن شي، چىن چۋانگو، چىن مين - ىر، حۋ چۇنحۋا، گو شىڭكۇن، حۋاڭ كۇنميڭ، ساي چي، يوۋ چۋان، ۋەي فىڭحى، ۋاڭ يۇڭ، ۋاڭ ي، شياۋ جيە، جاۋ كىجى، جوۋ چياڭ، جاڭ جۇن، جاڭ چيڭلي، ليۋ چيباۋ، پابالا گىلەلاڭجيە، دۇڭ جيانحۋا، ۋان گاڭ، حى حوۋحۋا، لۋ جانگۇڭ، ما بياۋ، چىن شياۋگۋاڭ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، حى ليفىڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋەي، شاۋ حۇڭ، گاۋ يۇنلۇڭ، سونداي - اق ورتالىق اسكەري ىستەر كوميتەتىنىڭ مۇشەلەرى لي زوچىڭ، مياۋ حۋا، جاڭ شىڭمين قاتارلىلار دا ءتوراعالار مىنبەسىنەن ورىن الدى.
ورتالىق پەن مەملەكەت ورگاندارىنىڭ قاتىستى تاراۋلارىنىڭ، ازاتتىق ارميانىڭ قاتىستى ورىندارىنىڭ، حالىقتىق ۇيىمداردىڭ قاتىستى جاۋاپتىلارى ماجىلىسكە سىرتتاي قاتىناستى نەمەسە سىرتتاي تىڭدادى.
شەتەلدەردىڭ جۇڭگوداعى ەلشىلەرى ءماجىلىستى سىرتتاي تىڭدادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
