الدىڭعى 2 ايداعى نەگىزگى كورسەتكىشتەردىڭ ارتۋ جاعدايى ورنىقتى بولدى، ماكرولىق كورسەتكىشتەر ۇيلەسىمدى ارالىقتا تۇردى
جۇڭگو ەكونوميكاسى ءۇرتىس ورنىقتى قالپىنا كەلدى (جاڭا ساندى مالىمەت، جاڭا بايقاۋ)
«14 - بەسجىلدىقتىڭ» باستاما جىلىندا جۇڭگو ەكونوميكاسىنىڭ باستاماسى قانداي بولدى؟
2021.03.17 15:58 كەلۋ قاينارى : حالىق تورابى
جاڭا تۇتىنۋ جاعدايى جاقسى بولدى، 2 - ايدا جۇڭگونىڭ كينو بەلەتى كىرىسى 12 ميلليارد 265 ميلليون يۋانعا جەتىپ، دۇنيە ءجۇزى بويىنشا جالاڭ ايداعى جالاڭ بازارداعى بەلەت كىرىسى رەكوردىن جاراتتى؛
جاڭا كاسىپ كۇيىندەگى ساۋدا كۇسەت بولىپ، تۇڭعىش رەتكى «مەملەكەتتىك ينتەرنەتتەگى مەرەكەلىك بۇيىمدار مەرەكەسىندە» ينتەرنەتتەگى بولشەك ساتۋ سوماسى 900 ميلليارد يۋاننان اسىپ، ينتەرنەتتەن مەرەكەلىك زات ساتىپ الۋ، سيفرلى قىزىل تۇيىنشەك سياقتىلار كوكتەم مەرەكەسى كەزىندەگى تۇتىنۋدىڭ جاڭا اعىمىنا اينالدى؛
جاڭا ونىمدەر قاۋىرت ءوندىرىلدى، جاڭا ەنەرگيالى اۆتوموبيل، ونەركاسىپ قۇلتەمىرى، ميكرو كومپيۋتەر جابدىقتارىنىڭ ءونىم مولشەرىنىڭ ارتۋى سايكەس مەزگىلدەگىدەن تۇگەلىمەن %100 تەن استام بولدى، بىلتىرعى نەگىزگى ساننىڭ ءبىرشاما تومەن بولۋىنىڭ بىلتىرعى سايكەس مەزگىلدەگىدەن ارتۋ قارقىنىنا جاسايتىن ىقپالىن الاستاۋ ءۇشىن، 2019 - جىلعى سايكەس مەزگىلدەگىمەن ەسەپتەلگەن 2 جىلداعى ورتاشا ارتۋ جىلدامدىعى تۇگەلدەي %10 تەن استى ...
مەملەكەتتىك ساناق مەكەمەسىنىڭ اقپارات مالىمدەمەشىسى ليۋ ايحۋا بىلاي دەدى: «1 – ايدان 2 - ايعا دەيىن شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا جەر - جەردىڭ، تاراۋلاردىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ ونىمدىلىگى ۇزدىكسىز كورنەكتىلەندى، ونەركاسىپ پەن ەكسپورت ءبىرشاما تەز ارتتى، قارجى قوسۋ مەن تۇتىنۋ ورنىقتى قالپىنا كەلدى، جۇمىستانۋ مەن زات باعاسى جالپى جاقتان ورنىقتى بولدى، نەگىزگى حالىق تۇرمىسىن قامتاماسىز ەتۋ پارمەندى بولدى، حالىق شارۋاشىلىعى ءۇرتىس ورنىقتى قالپىنا كەلدى».
مەملەكەتتىك ساناق مەكەمەسى 3 - ايدىڭ 15 - كۇنى جاريالاعان ساندى مالىمەتتە كورسەتىلۋىنشە، وتكەن جىلعى نەگىزدىك ساننىڭ ىقپالىن شىعارىپ تاستاعاندا، 2021 – جىلى 1 – ايدان 2 - ايعا دەيىنگى باستى كورسەتكىشتەردىڭ ارتۋ جاعدايى ورنىقتى بولىپ، ماكرولىق كورسەتكىش ۇيلەسىمدى ارالىقتا تۇرعان.
قامداۋ ءبىرشاما تەز ارتقان. 1 – ايدان 2 - ايعا دەيىن بۇكىل ەل بويىنشا كولەم قالىپتاستىرعاننان جوعارعى ونەركاسىپتىڭ ارتقان قۇنى سايكەس مەزگىلدەگىدەن %35.1 ارتىپ، 2019 – جىلى 1 – ايدان 2 - ايعا دەيىن %16.9 ارتىپ، 2 جىلدا ورتا ەسەپپەن %8.1 ارتىپ، تاياۋ جىلداردان بەرگى سايكەس مەزگىلدەگىمەن سالىستىرعاندا ءبىرشاما جوعارى ورە جاراتىلعان. قىزمەت وتەۋ كاسىبى دە ءبىرشاما تەز ارتۋدى ساقتاعان، 1 – ايدان 2 - ايعا دەيىن بۇكىل ەل بويىنشا قىزمەت وتەۋ كاسىبىنىڭ ءوندىرىس كورسەتكىشى سايكەس مەزگىلدەگىدەن %31.1 ارتىپ، 2019 - جىلى 1 – ايدان 2 - ايعا دەيىن %14.1، 2 جىلدا ورتا ەسەپپەن %6.8 ارتقان.
سۇرانىس ۇزدىكسىز قالپىنا كەلگەن. 1 – ايدان 2 - ايعا دەيىن قوعامدىق تۇتىنۋ بۇيىمدارىنىڭ بولشەك ساتىلۋ جالپى سوماسى 6 تريلليون 973 ميلليارد 700 ميلليون يۋان بولىپ، سايكەس مەزگىلدەگىدەن %33.8 ارتقان، 2019 – جىلى 1 – ايدان 2 - ايعا دەيىن %6.4 ارتقان، 2 جىلدا ورتا ەسەپپەن %3.2 ارتقان، بازارداعى ساتىلىم ءۇرتىس ارتقان. 1 – ايدان 2 - ايعا دەيىن تۇراقتى مۇلىككە قوسىلعان قارجى سايكەس مەزگىلدەگىدەن %35.0 ارتىپ، 2019 – جىلى 1 – ايدان 2 - ايعا دەيىن %3.5 ارتقان، 2 جىلدا ورتا ەسەپپەن %1.7 ارتقان، قارجى قوسۋ ورنىقتى ارتقان.
جۇمىستانۋ، زات باعاسى جالپى جاقتان ورنىقتى بولعان. كوكتەم مەرەكەسى فاكتورىنىڭ ىقپالىنان 2 - ايدا بۇكىل ەلدىڭ قالا – قالاشىقتارىندا تەكسەرىلگەن كاسىپسىزدىك شاماسى %5.5 بولىپ، وتكەن ايداعىدان 0.1 پايىز جوعارىلاعانىمەن، سايكەس مەزگىلدەگىدەن 0.7 پايىز تومەندەگەن. تۇرعىنداردىڭ تۇتىنۋ باعا كورسەتكىشى (CPI) سايكەس مەزگىلدەگىدەن تارايعان، اقپاندا CPI سايكەس مەزگىلدەگىدەن %0.2 تومەندەگەن، تومەندەۋ مولشەرى وتكەن ايداعىدان 0.1 پايىز تارايعان.
جاڭالىق اشۋدىڭ قوزعاۋشى كۇشى ورنىقتى ارتقان. 1 – ايدان 2 - ايعا دەيىن جوعارى تەحنيكالى جاساۋ كاسىبىنىڭ ارتۋ ءمانى، جابدىق جاساۋ كاسىبىنىڭ ارتۋ ءمانى 2 جىلدا ورتا ەسەپپەن جەكە – جەكە %13، %10.2 بولىپ، كولەم قالىپتاستىرعاننان جوعارعى جالپى ونەركاسىپتىڭ ارتۋ قارقىنىنان كورنەكتى جوعارى بولعان. جاڭا ەنەرگيالى اۆتوموبيل، ونەركاسىپ قۇلتەمىرى سياقتى جاڭا ونىمدەردىڭ ءونىم مولشەرىنىڭ ارتۋ شاماسى 2 جىلدا ورتا ەسەپپەن %30 تەن استامعا جەتىپ، جاڭا ءونىم ۇزدىكسىز جەتىلىپ، ۇلعايعان.
بازاردىڭ ومىرشەڭدىك كۇشى ۇزدىكسىز جوعارىلاعان. 1 – ايدان 2 - ايعا دەيىن تۇتاس قوعامنىڭ جۇك تاسىمال مولشەرى سايكەس مەزگىلدەگىدەن %48.1 ارتىپ، 2 جىلدا ورتا ەسەپپەن %7.5 ارتقان؛ تۇتاس قوعامنىڭ ەلەكتر تۇتىنۋ مولشەرى سايكەس مەزگىلدەگىدەن %22.2 ارتىپ، 2 جىلدا ورتا ەسەپپەن %6.1 ارتىپ، ءوندىرىس فاكتورى جاندانا تۇسكەن. 2 - ايدا جاساۋ كاسىبىنىڭ ساتىپ الۋ ديرەكتورىنىڭ كورسەتكىشى %50.6 كە، جاساۋ كاسىبىنە جاتپايتىن ساۋدا قيمىلىنىڭ كورسەتكىشى %51.4 كە جەتىپ، ءۇرتىس 12 اي كريزيستىك نۇكتەدەن جوعارى بولىپ، كاسىپورىننىڭ جالپى تۇلعالىق مەجەسىنىڭ جاقسارعانىن ايگىلەگەن.
ليۋ ايحۋا بىلاي دەدى: «اۋقىمنان قاراعاندا، بيىل 1 – ايدان 2 - ايعا دەيىنگى باستى كورسەتكىشتەر سايكەس مەزگىلدەگىمەن سالىستىرعاندا بولسىن، الدە 2 جىلدىق ورتاشا ارتۋ قارقىنىمەن سالىستىرعاندا بولسىن، 2020 – جىلدىڭ 2 – توقسانىنان بەرگى ورنىقتىلىق، قالپىنا كەلۋ جاعدايىن جالعاستىردى، مۇنداي اۋقىم جۇڭگو ەكونوميكاسىنىڭ باياندى قالپىنا كەلۋىنە بەرىك نەگىز قالادى».
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
