مەملەكەتتىك جىلدام سىرعاناۋ چەمپيوناتى اياقتادى، نيڭ جۇڭيان ەرلەردىڭ 1000 مەترگە سىرعاناۋ تۇرىنەن التىن مەدال الدى
2021.03.31 13:31 كەلۋ قاينارى : حالىق تورابى
سۋرەتتە: سول كۇنى وتكىزىلگەن ەرلەردىڭ 1000 مەترگە سىرعاناۋ جارىسىنان كورىنىس. حەيلۇڭجياڭ ولكەلىك دەنە تاربيە مەكەمەسى بەرگەن سۋرەت
جۇڭگو اقپارات تورابىنىڭ ءتىلشىسى ۋاڭ نينا 3 – ايدىڭ 29 – كۇنى حاربيننەن حابارلايدى. 2020 — 2021 جارىس ماۋسىمىنداعى مەملەكەتتىك جىلدام سىرعاناۋ چەمپيوناتى 3 – ايدىڭ 27 – كۇنىنەن 3 – ايدىڭ 30 – كۇنىنە دەيىن حەيلۇڭجياڭ ولكەلىك جىلدام سىرعاناۋ سپورتى سارايىندا وتكىزىلدى، 3 – ايدىڭ 29 – كۇنى وتكىزىلگەن ەرلەردىڭ 1000 مەترگە سىرعاناۋ جارىسىندا حەيلۇڭجياڭدىق سپورتشى نيڭ جۇڭيان التىن مەدالعا يە بولدى.
بۇل رەتكى چەمپيوناتقا جيىنى 36 كومانداداعى 112 سپورتشى قاتىناسىپ، ەرلەر جانە ايەلدەر گرۋپپاسى بويىنشا جەكە - جەكە 500 مەترگە، 1000 مەترگە، 1500 مەترگە، 5000 مەترگە سىرعاناۋ، توپتىق اتتاناتىن جارىس ءتۇرى، توپتىق قۋالامالى جارىس ءتۇرى، ايەلدەردىڭ 3000 مەترلىك جارىس ءتۇرى جانە ەرلەردىڭ 10000 مەترلىك باسەكەسى قاتارلى جارىس تۇرلەرىنە قاتىناستى. 3 – ايدىڭ 29 – كۇنى ءۇشىنشى جارىس كۇنى بولىپ، ەرلەر مەن ايەلدەردىڭ 1000 مەترلىك جارىس ءتۇرى، ايەلدەردىڭ 5000 مەترلىك جارىس ءتۇرى جانە ەرلەردىڭ 10000 مەترلىك جارىس ءتۇرى قاتارلى جارىستار وتكىزىلدى، حەيلۇڭجياڭ كومانداسى ءبىر التىن، 2 قولا مەدال الدى. ەرلەردىڭ 1000 مەترلىك جارىس تۇرىندە نيڭ جۇڭيان التىن مەدال الدى، چىن ىنشۋە قولا مەدال الدى، كۇمىس مەدالعا بەيجيڭدىك ليان زىۋىن يە بولدى؛ جيليندىك لي چيشى مەن جاۋ شين ايەلدەردىڭ 1000 مەترلىك جارىسىندا ءبىرىنشى، ەكىنشى ورىنعا يە بولدى، ءۇشىنشى ورىندى حەيلۇڭجياڭدىق يىن چي يەلەندى؛ ەرلەردىڭ 10000 مەترلىك جارىسىندا التىن، كۇمىس، قولا مەدالداردى جەكە – جەكە جيليندىك شىن حانياڭ، شينجياڭدىق باۋىرجان راحات ۇلى جانە جيليندىك ۋاڭ حۇڭلي الدى؛ ايەلدەردىڭ 5000 مەترلىك جارىسىندا ىشكى موڭعۇلدىق حان مەي چەمپيون بولدى، كۇمىس مەدال مەن قولا مەدالعا جەكە – جەكە تيانجيندىك اقنار ارداق قىزى مەن حىبەيلىك جوۋ جيارۇڭ يە بولدى.
بيىل 22 جاستاعى نيڭ جۇڭيان حەيلۇڭجياڭ ولكەسى مۋدانجياڭ قالاسىنىڭ تۇلەگى، جۋىرداعى بىرنەشە جىلدان بەرى، ەل ءىشى – سىرتىنداعى جارىستاردا كوزگە ءتۇسىپ كەلەدى. 2018 — 2019 جارىس ماۋسىمىنداعى الەم چەمپيوناتىنىڭ شەشۋشى جارىسىندا نيڭ جۇڭيان توپتىق اتتانۋ جارىس تۇرىندە 8 – ورىنعا يە بولدى. وسىنىڭ الدىندا «جۇڭگوعا ءتان ورىن» دەپ اتالىپ كەتكەن ەل ىشىندەگى توتە جارىس تۇرىندە نيڭ جۇڭيان ەرلەردىڭ 1000 مەترلىك جارىس ءتۇرى مەن 1500 مەترلىك جارىس ءتۇرىنىڭ اعا جۇلدەگەرى بولعان. 20219 — 2020 جارىس ماۋسىمىنداعى جىلدام سىرعاناۋدان الەم چەمپيوناتىنىڭ بەلورۋسسيا بەكەتىندە ەرلەردىڭ 1000 مەترلىك جارىس تۇرىندە نيڭ جۇڭيان 1:09.220 ناتيجەمەن تاعى دا كۇمىس مەدالعا يە بولعان، بۇل ناتيجە ەلىمىزدىڭ ەر سپورتشىسىنىڭ نەشە ون جىلدان بەرى اتالعان جارىس تۇرىندە تاريحي ناتيجەگە قول جەتكىزۋى.
بۇل رەتكى قيمىلدى مەملەكەتتىك دەنە تاربيە باس مەكەمەسى قىسقى سپورت تۇرلەرىن باسقارۋ ورتالىعى مەن جۇڭگو كونكي سپورتى بىرلەستىگى ۇيىمداستىرعان، حەيلۇڭجياڭ ولكەلىك دەنە تاربيە مەكەمەسى مىندەتىنە الىپ وتكىزگەن.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
