لي جانشۋ ماروككو قاۋىم پالاتاسىنىڭ باستىعى مالكيمەن كەڭەس وتكىزدى
2021.04.08 14:11 كەلۋ قاينارى : حالىق تورابى
شينحۋا اگەنتتىگى، 4 - ايدىڭ 7 - كۇنى، بەيجيڭ. مەملەكەتتىك حالىق قۇرىلتايى تۇراقتى كوميتەتىنىڭ باستىعى لي جانشۋ 4 - ايدىڭ 7 - كۇنى بيجيڭدەگى حالىق سارايىندا ماروككو قاۋىم پالاتاسىنىڭ باستىعى مالكيمەن بەينە ەكران ارقىلى كەڭەس وتكىزدى.
لي جانشۋ بىلاي دەدى: جۇڭگو مەن ماروككو قاتىناسىنىڭ تاريحى ۇزاق. 2016 - جىلى جۇڭگو مەن ماروككو ستراتەگيالىق سەرىكتەستىك قاتىناس ورناتقاننان بەرى ءتوراعا شي جينپيڭ مەن ماروككو باسشىلارىنىڭ ورتاق جەتەكشىلىگىندە، ەكى ەلدىڭ جوعارى جىكتەگىلەرىنىڭ بارىس - كەلىسى جيىلەپ، ساياسي سەنىمدىلىگى ۇزدىكسىز تەرەڭدەپ، «ءبىر بەلدەۋ، ءبىر جولدى» بىرگە قۇرۋ، سونداي - اق جۇڭگو - افريكا سەلبەستىك تالقى مىنبەرى، جۇڭگو - اراب ەلدەرى سەلبەستىك تالقى مىنبەرى جۇلگەسىندەگى ءتۇرلى سەلبەستىكتە سۇبەلى تابىستارعا قول جەتكىزدى. 2020 - جىلى 8 - ايدا ءتوراعا شي جينپيڭ مۇحاممەد VI پاتشامەن تەلەفوندا سويلەسىپ، ەكى جاقتى قاتىناستىڭ ونان ارى دامۋىنا ايقىن باعدار كورسەتتى. جاڭا تيپتى ايدارشا ۆيرۋس وكپە قابىنۋ ىندەتىنىڭ سايىسى الدىندا، جۇڭگو مەن ماروككو ءبىر جاعادان باس، ءبىر جەڭنەن قول شىعارىپ، ءبىر - بىرىنە قارايلاستى، ەكى ەلدىڭ ناقتى سەلبەستىگىنىڭ تابىسى مول بولدى. جۇڭگو مەن ماروككو جوعارى جىكتەگىلەردىڭ بارىس - كەلىس جاعدايىن ۇزدىكسىز جالعاستىرىپ، ءداستۇرلى دوستىقتى تەرەڭدەتىپ، ناقتى سەلبەستىكتى كەڭ كولەمدە ىشكەرىلەي ورىستەتىپ، گۋمانيتارلىق سالاداعى اۋىس - كۇيىستى كەڭەيتىپ، حالىقارالىق ىستەردەگى تىلدەسۋدى، سايكەسۋدى كۇشەيتىپ، كوپ جاقتىلىقتى باتىل قولداپ، بىرلەسكەن مەملەكەتتەر ۇيىمىن ۇيىتقى ەتكەن حالىقارالىق جۇيە مەن حالىقارالىق زاڭدى نەگىز ەتكەن حالىقارالىق ءتارتىپتى باتىل قورعاۋى كەرەك.
لي جانشۋ بىلاي دەپ اتاپ كورسەتتى: ماروككو − جۇڭگو - افريكا، جۇڭگو - اراب ەلدەرى سەلبەستىك مەحانيزمىنىڭ ماڭىزدى مۇشەسى، جۇڭگو ماروككونى قامتىعان افريكا ەلدەرىمەن، اراب ەلدەرىمەن بىرگە ءبىر - ءبىرىنىڭ وزەكتى مۇددەسىنە جانە ءجىتى قاداعالاپ وتىرعان كەلەلى ىستەرىنە ساياتىن ماسەلەلەردە ءبىرىن - ءبىرى قولداپ، «ءبىر بەلدەۋ، ءبىر جولدى» بىرگە قۇرۋ، ىندەتكە قارسى اتتانۋدى كۇشەيتۋ سياقتى جاقتاردا تىزە قوسا سەلبەسىپ، ءىس جۇزىندىك ارەكەتتەرى ارقىلى جاڭا داۋىردەگى جۇڭگو - افريكا، جۇڭگو - اراب ەلدەرى تاعدىرلاس ورتاق تۇلعاسىن بىرگە قۇرۋدى قالايدى.
لي جانشۋ مىنالاردى دارىپتەدى: جۇڭگو مەملەكەتتىك حالىق قۇرىلتايى ماروككو پارلامەنتىمەن ۇزاق ۋاقىت دوستىق بارىس - كەلىستى جالعاستىردى. ەكى جاقتىڭ زاڭ شىعارۋ قۇرىلىمدارىنىڭ اۋىس - كۇيىسىن، سەلبەستىگىن ۇزدىكسىز كۇشەيتىپ، ەكى ەل باسشىلارى كەلىسكەن ماڭىزدى ورتاق تانىم مەن ەكى جاقتى سەلبەستىك كەلىسىمىنىڭ تياناقتانۋىن ىلگەرىلەتۋدى قالايمىز. ءبىرىنشى، جوعارى جىكتەگىلەردىڭ ءجيى بارىس - كەلىسىن جالعاستىرىپ، ارناۋلى كوميتەتتەر مەن دوستىق گرۋپپالارىنىڭ باعىتتامالى اۋىس - كۇيىسىن جەبەۋ كەرەك. ەكىنشى، ەكى جاقتى قاتىناستىڭ دامۋىنا ءتيىمدى زاڭدىق قۇجاتتاردى دەر كەزىندە بەكىتىپ، وزگەرىس ەنگىزىپ نەمەسە شىعارىپ، «ءبىر بەلدەۋ، ءبىر جولدى» بىرگە قۇرۋدى جانە ءار سالاداعى ناقتى سەلبەستىكتى زاڭدىق كەپىلمەن قامداۋ كەرەك. ءۇشىنشى، مەملەكەتتى زاڭمەن جونگە سالۋ، ەكونوميكانى دامىتۋ، حالىق تۇرمىسىن جاقسارتۋ، ورنىقتىلىقتى قورعاۋ سياقتى جاقتارداعى تاجىريبە اۋىسۋدى كۇشەيتىپ، بىرگە دامۋدى جەبەۋ كەرەك. ءتورتىنشى، كوپ جاقتى ورىندار مەن ىستەردەگى سايكەسۋدى، سەلبەسۋدى جيىلەتىپ، وركەندەپ كەلە جاتقان ەلدەردىڭ ورتاق مۇددەسىن قورعاۋ كەرەك.
مالكي بىلاي دەدى: جۇڭگو كوممۋنيستىك پارتياسى قۇرىلعانىنىڭ 100 جىلدىعىن قۇتتىقتايمىن. ماروككو مەن جۇڭگونىڭ ستراتەگيالىق سەرىكتەستىك قاتىناسى ۇزدىكسىز تەرەڭدەپ، ەكى ەلدىڭ سەلبەستىگى وركەندەپ كەلە جاتقان ەلدەر سەلبەستىگىنىڭ جاڭا ۇلگىسىنە اينالدى. ماروككو «ءبىر جۇڭگو» ساياساتىن باتىل اتقارادى. ەكى ەل حالقى ىنتىماقتاسا وتىرىپ ىندەتكە قارسى اتتانىپ، ەكى ەل قاتىناسىنىڭ جوعارى دەڭگەيىن تاعى ءبىر رەت ايگىلەدى. ماروككو جۇڭگومەن ەكونوميكانى دامىتۋ، «ءبىر بەلدەۋ، ءبىر جولدى» بىرگە قۇرۋ، ىندەتكە قارسى اتتانۋ سياقتى سالالارداعى ناقتى سەلبەستىكتى اناعۇرلىم كۇشەيتۋدى قالايدى. ماروككو پارلامەنتى رولىن بەلسەنە ساۋلەلەندىرىپ، ماروككو - جۇڭگو قاتىناسىنىڭ دامۋىن جەبەۋگە ۇلەس قوسادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
سۋرەتتى حابار
لەبىز جازۋ
